Uncategorized
رواية صدمة أسد الفصل الرابع 4 بقلم ملك فريد
رواية صدمة أسد الفصل الرابع 4 بقلم ملك فريد
 |
| رواية صدمة أسد الفصل الرابع 4 بقلم ملك فريد |
رواية صدمة أسد الفصل الرابع 4 بقلم ملك فريد
فوقت علي صوت الدكتوره مدام يامدام هتعملي ايه بصتلها باستغراب وطلعت اجري من قدامها وروحت البيت ملقتش ماما اسماء وملقتش سهيله حمدت ربنا ودخلت نمت على طول ولقيتهم جم يصحونى.
سهيله / يلا يا شمس فوقى يلا .
أسماء / يلا يا شمس أصحى احنا حجزنالك عند الدكتوره علشان تتابعى معها وتطمنى على البيبي يلا فوقى بقى .
شمس / اه والله عايزه اطمن على ابنى يلا بينا.
سهيله / اه والله أنا كمان نفسى اشوفه اووى يلا قومى بسرعه
شمس / حاضر هقوم اهو .
قومت لبست وروحت صليت علشان ربنا يرضى عنى
شمس / يلا انا جاهزه
سهيله / يلا بينا أنا متحمسه اووى .
أسماء / يلا بينا علشان منتاخرش
روحنا المستشفى واحنا رايحين اوضه الدكتوره كنت بشوف امهات ماسكه اطفلها وأمهات شايله اطفلها حديث الولاده
قولت الحمدلله انى منزلتش طفلى أكيد كان زمانى ندمانه دلوقت ديه رساله من ربنا علشان افوق
أسماء / يلا وصلنا
سهيله / يلا ندخل بقا عايزه اشوف البيبى واطمن عليه قلب خالتو ده عايزاه يكبر بسرعه
شمس / انا خايفه اووى .
أسماء / متخافيش يا قلبى كل حاجه هتعدى بسرعه يلا بينا
شمس / خبطت على الباب ودخلت .
الدكتور / ازيك يا مدام شمس اخبارك ايه
شمس / الحمد الله انا كنت جايه اطمن على البيبى
الدكتور / ايوه عارفه ومش عايزاكى تقلقى خالص إن شاء الله يكون بخير .
شمس / يارب
دكتوره كشفت عاليا وشفنا الجنين كنت فرحانه موووت إحساس حلو لما تشوف ابنك وقالتلنا انو توأم فرحت اكتر لما أتأكد أنهم توأم وماما وسهيله كانو طيرين من الفرحه من المفاجأة وقالت هنعرف جنس الجنين فى الشهر الخامس وأنى هتابع معها كل أسبوعين هروحلها .
روحنا البيت وكنت مبسوطه اووى أنهم بخير ومحصلهمش حاجه .
سهيله / واخيرا هكون خالتو
أسماء / هتكبرونى يا ولاد
شمس / انتى هتفضلى صغيره وهتكونى احلى تيته فى الدنيا .
أسماء / حبيبتى ربنا ميحرمنيش منكم يارب .
دخلت اوضتى فضلت افكر لو كنت دخلت وقولتله انى حامل فى ابنه اكيد كان مش هيسبنى واكيد مكنش هيرمينى انا وابنه عقلى خلاص ياشمس اتجوز وحده غيرك بتفكرى فى ايه اهتمى بنفسك واهتمى بعيالك هما هيحتجوكى يا شمس .
ايوه انا لازم اعمل كده لازم اعيش حياتى وانزل ادور على شغل واكمل الكليه علشان ابقى مهندسه ديكور وولادى يفتخرو بيا فاضلي سنتين واتخرج ربنا يعنى يارب .
بعد شهر .
أسماء / يلا يا شمس هتاخرى على الشركه انتى دلوقت مساعده المدير لازم تكونى هناك قبله
شمس / حاضر هقوم اهو
أسماء / يلا البسى بقا وانا هحط الفطار على السفره
سهيله / الواحد لو عاليه يدخل ينام تانى
أسماء / يلا ياكسوله روحى على الكليه
شمس / متنسيش هتسجلى المحاضرات علشان نذاكر بليل سوا
سهيله / لا تقلقى يلا بس ناكل بسرعه ونمشى
شمس وسهيله فطرو بسرعه ونزلوا
أسماء / شمس حاولى ترجعى بدرى علشان الدكتوره
شمس / حاضر يا ماما
نزلو هما الاتنين
شمس وصلت الشركه لحسن حظها كان المدير لسه مجاش
شمس / الحمد الله لسه مجاش الحق اظبط الملفات
فضلت شمس تظبط الملفات لحد ماجه المدير
المدير / كويس انك جيتي قبلى كل الملفات دي تيجى على مكتبى فورا
شمس / حاضر يافندم
المدير / ممكن تعمليلى فنجان قهوه علشان مصدع وتعبان
شمس / حاضر يا فندم هخليهم يعملولك
المدير / تمم ياريت لو تشوفو امتى هيكون معاد الاجتماع
شمس / هيكون الساعه اتنين
المدير / ماشاء الله انت عارفه كل حاجه ومركزه
شمس / الصراحه انا بحب شغلى وبحب النظام وبحب اكون عارفه كل حاجه علشان مش يفتنى حاجه
المدير / بجد برافو ده إلى عجبنى فيكى قصدى فى شغلك .
شمس / بعد ازنك يافندم ورايا شويه أوراق لازم اخلصها
المدير / اتفضلى
خرجت شمس من اوضه المدير وخلصت كل شغلها
وكانت بتلم الحاجه علشان تروح
المدير / انتى خلصتى كل حاجه .
شمس / اه خلصت وكنت راحه اقول لى حضرتك انى مروحه
المدير / ماشى روحى انتى تعبتى معانا انهارده
شمس / ده واجبى
المدير / متشكر ليكى .
شمس / الشكر لله .
روحت البيت وانا فعلا تعبانه كانت الساعه سته بليل خبط على باب لقيت سهيله بتفتح الباب
سهيله / اهلا يا هانم إلى جايه متاخر الساعه كام فى ايديك
شمس / هو فى حاجه
سهيله / مش بقول الساعه كام جاوبي
شمس بصت فى الساعه لقت الساعه سته
شمس / الساعه سته وسعى بقا
سهيله / اممم اتفضلى
شمس / رخمه اووى
سهيله / بس خوفتى انت اتخضيت
شمس / الصراحه لاء
سهيله / لا انت اتخضيت ????
أسماء / بطلى رخامه يرخمه
سهيله / هههههههههههه حاضر
أسماء / يلا روحى غيرى هدومك عقبال مجهز الغدا
شمس / فى ثوانى انا جعانه موووت
سهيله / وانا كمان بس علشان انا اخت طيبه اني استنيتك
شمس / حياتى وقلب اختك انتى خودى بوسه
روحت غيرت هدومى وفضلنا نتكلم ونهزر ونضحك وكنت مبسوطه جدا
سهيله / بما أن انك مبسوطه اووى كده ومنشكحه عندى ليكى خبر
شمس / هه خير اخبارك المنيله
سهيله / فعلا الامتحانات بتاعتنا يوم الأحد الجاى
شمس / ايه بتهزرى صح
سهيله / لاء والله مش بهزر دي حقيقه
شمس / ياربى يلا قومى علشان نلحق نذاكر بس ان شاء الله اكون جاهزه وارفع راسكم
سهيله / يارب انا وانتى يارب
فضلنا انا وسهيله نذاكر لحد الساعه تلاته الفجر
شمس / طب حلو لمينا نص المنهج
سهيله / ايوه بكره بقا نكمل
شمس / ايوه انا مش قادره
سهيله / انا هروح اخد السرير بالحضن
شمس / ياه واحشنى اووى
تانى يوم الصبح
شمس / سهيله قومى يلا وراكى مراجعه فى المحاضره انهارده
سهيله / ايوه فعلا كويس انك صحتينى هتروحي . الشركه انهارده
شمس / اه هروح.
سهيله / ماما مصحتناش ليه
شمس / مش عارفه
تعالى نخرج نشوفها خرجوا يشفوها لقوها فى مطبخ يتحضر الفطار
سهيله / صباح الخير على اجمل ام فى الدنيا
أسماء / صباح خير يا قلبى
شمس / صباح الخير على اكتر حد منورلنا حياتنا
أسماء / صباح الخير يانن عينى
أسماء / شمس ما تخدى اجازه انهارده علشاني واحضرى مع اختك المحاضره
شمس / حاضر هتصل بى المندس احمد اخد منه اجازه
شمس / سلام عليكم
احمد / وعليكم السلام
شمس / انا أعتذر عن حضور انهارده لأن انا امتحناتى قربت ولازم احضر مراجعات المحاضرات انهارده
احمد / تمم مفيش مشكله
شمس / متشكره ليك يا فندم
شمس / سلام
احمد / سلام
اه نسيت اعرفكم بى احمد
احمد مهندس ديكور وشاب طموح جدا وبيحب يلعب رياضه عمل شركه وهو إلى مؤسسها وانا بعمل عنده مساعده بتاعته . يلا نكمل الروايه
سهيله / هتيجى معايا
شمس / اه هاجى معاكى
سهيله /طب يلا. بينا هنتاخر
شمس / يلا سلام يا سمسم
أسماء / سلام ياقلبى ربنا يوفقكو يارب
شمس و سهيله / سلام يا قلبى
أسماء / ربنا يحفظهم يارب
……………………………………………….
فى بيت اسد
اوعو تكونو نسيتوه ده بطل القصه يلا بينا نعرف حكايته ……
اسد/ ياه اخيرا هحققت نجاحى فى شركه وقدرت أنى أكبرها اسد فى نفسه كان نفسى تكونى موجوده معايا انا محتاجلك اووى يا شمس بس للاسف انا إلى ضبعتك من ايدى هتفضلى حبى الاول والاخير .
روح اسد الفيلا
هيام / ازيك يا حبيبى منور البيت
اسد / الحمد الله
رودينا / مسئلتش عنى يعنى
اسد / معلش
رودينا / اهو ايه إلى معلش المفروض تسئل عنى
اسد/ رودينا انا لسه راجعه من الشغل تعبان
رودينا / ماشى انا طالعه يا طنط فوق
هيام / ماشى يا حبيبتى
هيام / ليه يا اسد بتعملها كده اديها فرصه
اسد / ماما مش كل ما اكلمها تطلعينى وحش معها
هيام / مش بطلعك وحش يا اسد بس انت مش عايز تديها فرصه أنها تحبك
اسد / اه ياماما انتى عارفه من الاول أن مستحيل بااااس .