اسكريبت أهلا بك في جحيمي الفصل الأول 1 بقلم سولييه نصار

-أنا بحبك يا مراد… بحبك والله

قولتها وأنا ببكي بإنهيار.. نفسي يصدقني  ويعرف إني مكنتش اقصد اوصل المواضيع لكده

-وأنا بكرهك… بكرهك  وهفضل  طول عمري أكرهك

عيوني دمعت وانا بشوف كرهه… هو عنده حق يكرهني بعد اللي عملته…. بس أنا عملت كده عشان بحبه…. بحبه أكتر من حياتي

بصيتله وقولت:

-أنا مراتك دلوقتي وأنت لازم تتقبل ده

-أنا عمري ما هتقبلك  يا اسماء… انتي خدعتيني… اجبرتيني  اتجوزك…. أنا خسرت حب حياتي بسببك عمري ما هسامحك

-أنا بحبك أكتر منها…. مهما حبتك مش هتوصل لنص حبي حتي… مراد هي أول واحدة اتخلت عنك

زقني  وصرخ :

-وانتي مالك… ها مالك أنا بحبها اكتر من حياتي…. مها هي حلم حياتي وانتي ضيعتيها  مني .

مسكني  من أيدي جامد وقال بغل :

-وديني يا اسماء لاعيشك  في جحيم واوريكي النجوم في عز الضهر

زقني  وابتسم

-هخليكي  تندمي  في اليوم اللي حبتيني  فيه حتي…. هخليكي  تتمني الموت ومتلاقهوش…

بعدين كان هيمشي…. مسكت ايديه  وأنا بصرخ:

-أنت رايح فين؟!

زقها  وقال:

-مش طايق  أبص في وشك… فطالع

-أنت اتجننت  الليلة ليلة دخلتنا الناس تقول ايه؟!

ضحك بشر وقال:

-هيقولولي إني مغصوب  عليكي ومش طايق  أبص في وشك حتي

بكيت وقولت :

-مراد ما تعملش  كده ابوس ايديك… أنت  هتدمرني بالشكل ده.. شوف انت عندك حق… أنا عملت خطة حقيرة عليك…. بس بلاش تفضحني  كده…. خليك هنا  وأنا هنام  في الأوضة التانية

زقني  بقرف  وقال:

-أنا حتي بقرف من الهوا اللي بتتنفسيه

بعدين سابني  وطلع

قعدت علي الأرض وأنا بعيط  وبصيت  علي فستاني الأبيض…. أجمل يوم في حياتي أتحول لكابوس…. اليوم اللي خططت وحلمت  عشانه  اتدمر…. قومت  من الأرض وبصيت  علي المرايا وقولت:

-هو ده اللي سعيتي  ليه يا اسماء… هو ده اليوم اللي حلمتي  بيه…. هو ده يوم فرحك العظيم اللي خططتي  ودبرتي  ليه… حب حياتك بقا يكرهك…. بس انتي السبب…. انتي وقعتيه  في الفخ!! مراد عمره  ما  هيسامحني هيفضل طول عمره يكرهني….. بس لو يعرف أنا قد ايه بحبه وعملت كده بس عشان بحبه… ونفسي في يوم يجي يحبني وينسي  مها

مسحت دموعي وروحت الحمام وغيرت هدومي ووقفت قدام المرايا وأنا مقررة إني اخليه يحبني… هعوضه عن اللي عملته فيه… مراد لازم يعرف  إني بحبه… بحبه اووي ومستعدة  اعمل أي حاجة عشان اكسبه  ويحبني

……

كان مراد ماشي  في الشارع….. دموعه علي خده…  حبيبته خلاص  ضاعت منه بسبب أسماء…. بس هو اللي غلطان هو اللي آمن لوحدة زيها…. وصل لحد بيت مها  وطلع موبايله  وبعتلها  رسالة….طلعت مها بخوف وهي بتبصله …. اتصلت بيه فرد

-بتعمل ايه هنا أنت اتجننت

-أنا بحبك

-روح لمراتك  يا مراد وانسي  اللي كان بيننا

-أنتي عارفة أنها وقعتني واجبرتني  اتجوزها

-محدش ضربك علي إيدك…. أنت غلطان برضه… روح لمراتك  أنت راجل متجوز دلوقتي وانا أخلاقي متسمحليش اكلم راجل  متجوز

-هطلقها.

-ايه؟!!

-هطلقها النهاردة  يا مها لو وعديتني انك هترجعيلي!

يتبع …..