رواية جريمة فرح الفصل السادس عشر 16 بقلم مروة فتحي

و قالت لي بصوت كلو كره 

اوعك تفكري انك هتقدري تاخدي مني دي هق*تلك قبل ما حتي تتهني بيه 

و خلاص كانت هتقرب السك*ينة اكتر مني 

بس لقيت في حد مسك ايدها في اقل من ثانيه و قدر يقع الس*كينة منها و يرميها بعيد 

بصيت لقيت الحد دي ادهم 

حمد ربنا و اخدت نفس عميق و لقيت بيقولها بصوت جامد و ثابت 

_ عاوزه حاجه يا ساره 

ردت بغل 

*عاوزه روحها 

رد عليها بنفس الثابت 

_ يبقي نجوم سما اقربك منها 

ضحكت بسخريه 

و قالت بستهزاء 

* نفس هبل ماجد 

و بعد كده مشيت 

و لقيت بص لي و بدأ يتكلم بطريقة اهدي 

_ انتي كويسه!؟ 

– اه الحمدلله… لحقتني في اخر لحظة….. ممكن اروح!؟ 

_ ماشي يلا بينا 

مشيت معاه و ركبت العربية و فضلنا طول الطريق ساكتين و وصلني و طلبت منو يطلع يعتذر لماما ان مش قعد معاه العصر لما ايجي يخدني عشان متزعلش و تشك في حاجه 

و هو وافق طلعنا و ماما فرحت اوي لما شوفتو و قعد معانا و فضلت ماما توريه صور ليا و انا صغيرة و ازاي كنت شقية و اصريت انو يتعشي معانا و بعد ما تعشي و شرب الشاي مشي و انا اخدت دوش عشان اهدي من الصدمة الي حصلت لي و بعد كده اتوضيت و صليت و نمت و صحيت روحت المحكمة اترفعت في قضية نفقة عادية و كسبتها و بعد كده روحت المكتب و لقيت صفاء بتقول لي ان في واحده بره  صحافية اسمها سلمي طالبة تشوفني و ان انا الي اديتها الكارت بتاعي عشان تيجي لي في اقرب وقت 

استغبربت جدا بس خليت صفاء تدخلها و تخلي طنط زينب تعمل لي شاي باللبن بتاعي 

انا عادة مبتعملش مع الصحافين و لا بحب اسرب اسرار شغلي ليهم 

دخلت سلمي و كتشفت ان دي ام البنت الي كنت بزورها امبارح 

و اكتشفت ان الغلط مني عشان مش اتعرفت عليها حتي امبارح 

و اول ما دخلت بدأت ارحب بيها 

– أهلا يا مدام سلمي 

_ اهلا بيكي يا استاذة جنة…. فاضية انهارده عشان هاخد من وقتك كتير 

– طبعا… بس الاول تشربي ايه 

_ قهوة سادة لو سمحتي 

طالبت ليها قهوة 

و بعد رجعت عشان ابدأ معاها كلام 

– ها يا مدام سلمي اتفضلي قولي الي عندك انا كلي اذان صاغية ليكي 

و بعدها طنط زينب استأذن عشان تدخل القهوه و شاي باللبن قدمتهم و شكرتها و مشيت و طلبت منهم محدش يدخلي انهارده خالص 

و هنا رجعت مدام سلمي تتكلم 

_ من غير اي مقدمات الحكاية بدأت من حاولي 22 سنة كنت لسه صحافية تحت التدريب و مخطوبه محمود الجمال كان ظابط صغير لسه متعين بس شاطر في شغلو و كان مستلم جديد في مواني بورسعيد…. و كان بيقعد هناك طول الشهر و ينزل اجازات في قاهرة اخر الشهر و كنا انا و هو منرتب لفرحنا الي كان اخر الشهر بعديه بس ايجي في مرة يشتكي و يقول لي ان هو شاكك ان في حركة غريبه في مينا خصوصا عند مراكب و سفن علية الالفي و قررت اساعدو و ابعدت ابحث شوية عن العيلة دي و اكتشفت ان فعلا انهم شاكين ان ممكن يكونو بيتجروا في سلاح و الشهر الي بعدو اتجوزنا و سفرنا و روحنا بورسعيد علي طول لان معرفش ياخد اجازة اطول من دي و فضل كل يوم يرجع و هو عندو شك اكبر ان ممكن فعلاً بتحصل حاجة غير شرعية في مينا و قرر انو يروح يراقب المكان و فضل علي حال دي سبع شهور لحد متأكد ان صفوان الفي بيهرب سلاح عن طريق السفن بتاعتهم و عشان عندو وسطة محدش يقدر يقولو حاجه محمود اول ما عرف بلغ القائد بتاعو علي كده و قائد بتاعو قالو لو عاوز يعيش و يربو ابنو الي جي من غير مشاكل يكست ولا كأنو عرف حاجه و وقتها كنت حامل في غادة الي شوفتيها في المستشفى في شهر السابع و لما ايجي يقول ليا الي حصل شجعتو ان يبلغ بالي حصل و ميسكتش و فعلاً راح بلغ القوات في القاهره و نقلو القائد بتاعو و عملو خطة هجوم عشان يقدور يمسكو صفوان هو بيهرب الاسلحة متلبس بس اثناء الاشتباك الي حصل محمود اخد رصاصة في قلبو و مات و صفوان اتمسك بس قدر سليم ابوه يطلعو منها زي شعره من العجينة و بعد كده سافر برة البلد و مرجعش غير الايام دي حتي القائد بتاع محمود رجع تاني مكانو لا كأن حاجه حصلت و انا اكتأبت جامد بعدها و دي خلاني اولد غادة بدري و يحصلي مشاكل تمنعني اني اخلف تاني بعدها 

خلصت كلامها و انهارت جامد و كملت و صوت بيقطع من كتر البكي 

_ حاولت اكتر من مليوم مرة اجيب حقي و حق جوزي و معرفتش….. انتي بقا هتقدري تجيبي لي حقي من كلاب دي