Uncategorized
رواية بيجان 2 الفصل السادس 6 بقلم نعمة ابراهيم
رواية بيجان 2 الفصل السادس 6 بقلم نعمة ابراهيم
 |
| رواية بيجان 2 الفصل السادس 6 بقلم نعمة ابراهيم |
رواية بيجان 2 الفصل السادس 6 بقلم نعمة ابراهيم
كانت جريئه تساعد بيجان علي ارتداء ملابسه
بعدما انتهت من تحميمه
بعدما انتهت قال بيجان وهي تصفف له شعره الناعم الغزير
بيجان . مامي
أكملت جريئه تصفيف وهي ترد عليه
جريئه . نعم ي قلب مامي
بيجان . أنا كنت عاوز اكل من اللي كنتي بتعمليه لما كانا عند نانا آيه
ابتسمت جريئه وتقول
جريئه . من عيوني ي حبيبي
هنزل اعملك كل الاكل اللي انت عاوزة
انت عاوز اي بقا
بيجان . عاوز المكرونه ب الجبنه المتذريله
ضحكت جريئه وهي تقول
جريئه . قصدك مكرونه بالبشاميل
بيجان . وبسبوسه
ضحكت جريئه بخفه وهي تقول بحب
جريئه . قصدك سمبوسه
بيجان . ايوة
و حمام فريك
وكشري
وفرخه مشوية
ومحشي كتير اللي العنب و التاني اللي بتحشي ي مامي بصباعك كده
ضحكت جريئه بشده
علي تقليده لهي وهي تصنع محشي الباذنجان
ثم قبلته من وجنته وهي تقول بحب
جريئه . من عناية ي روحي
بس كوشري مينفعش خالص معاهم نبقا نعمله يوم تأني
بيجان بسعادة . ماشي…موافق
اخذت جريئه التابلت التعليمي الخاص به
وهي تقول
جريئه . العب عليه شوية ي حبيبي
عبال لما اغير هدومي
ماشي ي حبيبي
اخذ منها بيجان التابلت وهو يقول بطاعة
بيجان . ماشي ي مامي
قبلته جريئه من وجنته بحب
ثم نهضت في اتجاه الحمام لتبدل ملابسها علي الفور ورفضت أخذ ملابس من التي أحضرها ايهم
بعد فترة
وبعد الغداء
لم تصعد جريئه الي الاعلي مثل كل يوم
بل جلست مع رندا والحاجه رابحه تحتسي الشاي
حيث أن ريهام ترفض الاكل معهم بسبب توبيخ والدها الشديد لها هي وابنة عمها
فقررت الاحتجاج عن طريق عدم الاكل معهم والأكل وحدها مع ابنأها لحين عودة زوجها
ثم قالت
للحجه رابحه
قالت جريئه ب ارحاج
جريئه . أنا كنت عاوزة…..اطبخ يعني…. أنا النهارده العشاء
وضعت الحاجه رابحة كوب الشاي من يدها ثم قالت بوجه متهلل
رابحة . طبعا…اطبخي واعملي كل اللي انتي عاوزة البيت بيتك والمطبخ مطبخك
جريئه . العفو….ده انا اللي ضيفة هنا
رابحة بود . لإ ده انتي مرات ابني
يبقا ده بيتك
المهم جولي ليه بتعرفي تطبخي اي
جريئه ب ابتسامة . كل حاجه
جدي الله يرحمه كان لواء وكان بيبقا قاعد لوحدة علي طول ف اتعلم يطبخ
وانا كنت بقعد معاه علي طول أنا وأخوية الله ي رحمه بسبب المدرسة اصلنا كنا في مدراس international
عقدت رابحه حاجبيها بعدم فهم
فقالت جريئه بتوضيح
جريئه . مدارس دولية بتاعت اللغات
يعني كل حاجه بناخده ب الإنجليزي
رابحة . واخوكي مات ازاي
جريئه بحزن . الله يرحمه هو والدي
في حادثه عربية
كان ساعتها عنده 19سنه
رابحة بتأثر . ربنا يرحمهم
بس تلاجي جدك تعب في تربيتك
ايهم كان جالي أن جدك هو اللي رباكي
قالت جريئه بهدوء غريب
جريئه . الله يرحمه تعب قوي في تربيتي وعلمني كتير قوي
يلا أنا هقوم
يلا تعالي معايا ي رندا نعمل مع بعض الاكل
رندا . ماشي
ثم نادت علي ايهم وهي تقول
جريئه . ايهم…..ممكن خمس دقايق
نظر لها ايهم الذي كان يتكلم مع ابن خاله عبدالله و خالة محمد
ثم قال
ايهم . ثواني
ذهبت جريئه الي المطبخ
وقد كانت تسند علي رخامه المطبخ
وتمسك في يدها قلم وتكتب ورقة
كل ما تحتاجه
لكي يحضرة ايهم
فتلك الطلبات غير موجودة في تلك القرية
وحتي النت لا يوجد غير في بعض البيوت فقط
حتي إن ايهم لا يستعمل سوي نت عن طريق القمر الصناعي
وقد عرفت ذلك عن طريق ال Signals النت الموجودة في التابلت التعليمي ل بيجان
انتهت جريئه من كتابت الاشياء
عندما دخل ايهم الي المطبخ يسأله بقلق
ايهم . في اي
مدت جريئه يدها بالورقه وهي تقول ببرود
جريئه . مفيش حاجه خد
الورقة دي
وهات كل اللي فيها
اخذ ايهم منها الورقة ب استغراب
ثم قال بتسأل
ايهم . اي دي
جريئه . دي ورقة فيها شوية طلبات ل الاكل اللي هعمله
قال ايهم لها وهو ينظر إلي الورقة بدهشة
ايهم . ده كله
جريئه . أيوة
مش في حرس برا هياكلوا
ايهم . بس كده هيبقى تعب عليكي ي حبيبتي
انتي ممكن تعملي الاكل ده بس بكميات قليلة وخلي البنات يعملوا
اكل تاني للحرس
جريئه . لإ حرام
لازم ياكلوا من الاكل اللي احنا عاملينوا
مينفعش نبقا احنا عاملين لنفسنا اكل وهما اكل تاني
نظر لها ايهم بحب
ثم قال بغيره و أمر لا يقبل النقاش
ايهم . بس مش انتي اللي هتعملي الاكل بتاعهم
خلي البنات هما اللي يعملوه
عرفيهم يعملوه ازاي وهما يعملوه
نظرت جريئه له ب استغراب
ثم قالت بتسأل
جريئه . ليه
كان الفتيات يقفون خلفهم و يحدقون في ايهم ب استغراب
فتلك هي المرة الأولي التي يأتي بها ويكون هادئ بتلك الطريقة
علي الرغم من أنهم يهابونه
ولكن هذا لا يمنع أنهم يحبون النظر إلي وجهه الوسيم
الذي يجعل الفتيات تقع في غرامه
اقترب ايهم من اذنها وقال بهمس
وبحه رجولية جميله
ايهم . عشان مينفعش حد غيري ياكل من ايدك ي جيرا
اصلي بغير
ابتلعت جريئه ريقه بتوتر
من قرية الزائد
ثم دفعته في صدرة
وهي تقول ببرود
جريئه . بسرعة ي ايهم
نظر لها ايهم
ثم غمز لها وهو يقول بحب
ايهم . من عيوني ي حبيبتي
اتسعت اعين الفتيات من فعلته
فطالما كان معروف عنه
أنه إنسان قاسي القلب لا يعفوا ولا يسامح
ابدا
يخافون منه
فكيف إذا يحب ويهمس في اذن زوجته
أمامهم دون أن يعيرهم اي اهتمام
أو يخاف علي هيبته أمامهم
بعد خروج ايهم من المطبخ
قالت جريئه للفتيات
اي ي بنات يلا ساعدوني وطلعوا الحاجه اللي هنعملها
عبال لما يجيب بقيت المكونات
بعد مرور عدة ساعات
دخل ايهم وجريئة الي الغرفة
حيث أن ايهم كان يحمل بيجان
فوضعه ايهم علي السرير بهدوء
ثم دثرة جيدا ب الغطاء
وقبلة من وجنته
ثم استقام يبحث عن جريئه فوجدها تخرج ملابس من
دولابها
ولاحظ في أحد زوايا الغرفة اكياس الملابس فعرف علي الفور أنهم لها
وأنها رفضت ارتدأهم
فذهب ايهم إليها
وطوقها بذاعيه من الخلف
شهقت جريئه من المفاجأة
ثم وضعت يدها علي قلبه
ضحك ايهم في اذنها
وهو يقول بمرح
ايهم . في اي ي جيرا ده انتي هتصحي الولد من صوت الشاهقة
انتي نسيتي أن جوزك معاكي في نفس الاوضة
جريئه بصرامه . ايهم ابعد
ايهم . تؤ
مش لما اعرف الاول ليه ملبستيش من اللبس اللي جايبه
جريئه . عشان أنا مش مراتك ومش هلبس حاجه
ونزل ايدك
قال ايهم ب استفهام
ايهم . مش انتي ادتيني فرصة
جريئه . أيوة
بس موافقتش انك تبقا جوزي
قال ايهم بضيق من كلامها
ايهم . ماشي
بس هو لو مش عجبك زوقي نرميهم في الزبالة
و خدي الايباد اختاري اللي انتي عاوزة
جريئه . انت اكتر حد مبذر شفته في حياتي
اي ارميهم دي
قال ايهم ب مشاكسه
ايهم . وانتي احلي chief بيعمل اكل في الدنيا كلها
تعرفي أن اكلك فكرني ب اكل
امي الله يرحمها
عمري ما كلت اكل ب الحلاوة دى
بعدها
تسليم ايدك ي حبيبي
جريئه ببرود . بجد….طب كويس
الله يرحمه
ابعد بقا
ايهم . ماشي بس تلبسي من اللبس التاني
عشان هنخرج برا شوية
جريئه . علي فين
وهنسيب بيجان لوحدة؟
ايهم . مكان هتحبية قوي
وكمان رندا هتقعد معاي لحد لما هنيجي
ثم ابتعد عنها وهو يكمل
يلا ادخلي البسي عشان هلبس هنا
عشان منتاخرش
جريئه بتسويف . ربنا يسهل…… ابعد بقا
ابتعد عنها جريئه
ثم أخذت الملابس التي كانت تمسكها بين يديها قبل أن تقع
بسببه
نظر ايهم لها ب استغراب
ثم هز رأسه بعدم حيلة
فهي عنيدة بدرجه كبيرة
ثم شرع في خلع ملابسة ليرتدي اخري غيرها
و قام ب إخذ أحد اكياس الملابس
بعد مرور 40 دقيقه كان ايهم يدخل بسيارته
دون حراسة
من بوابة
ظلت جريئه تنظر حولها
حتي أصتف ايهم بالسيارة
حيث أن المكان كان
ملئ ب الأشجار الفواكه و ارضيتها كلها عشبيه خضراء
و يوجد به أنواع كثيرة من الزهور
وايضا أشجار الزينه
التي تلتف حول السور من الداخل
حيث أن السور كان مرتفع بدرجه كبيرة
يصعب علي اي احد الدخول من فوقة
نزل ايهم من السيارة ثم فتح باب السيارة الجريئة التي ما زالت تتأمل المكان بدهشه من داخل السيارة
ايهم . يلا ي حبيبتي
نزلت جريئه من السيارة
ثم قالت ب استفهام
جريئه . هو اي المكان دة
ايهم . بجد مش عارفة اي ده
جريئه . أيوة
ايهم . دة اكتر حاجه بتحبيها
بتجري في دمك
بسبب اصلك البدوي
وانا متاكد انك بتموتي فيها
زي ما هخليكي تموتي فيه
واخلي حبي يجري في دمك هو التاني
نظرت جريئه له ب استخفاف
ثم قالت بسخرية
جريئه . بجد
كان غيرك اشطر
نفسي اعرف جايب الثقة دي منين
ثم استمعت جريئه الي صوت………..
كانت ملامح جريئه يعتليها الذهول
فقد كان ذلك الصوت هو سهيل الاحصنه
نظرت له ب استغراب
فقال ايهم بتفهم
ايهم . انتي بقالك كتير مخرجتيش
و بيجان قالي انك بتحبي الفروسية
ف قلت اجيبك هنا المزرعه
كانت جريئه تنظر له بهدوء غريب
ثم قالت بعدم اهتمام
وهي تخفي حماسة داخلها
فهي تعشق الفروسية فذلك الحب يجري في دمائها كبدوية
جريئه . تمام
نظر لها ايهم ب استغراب
ثم قال ب استنكار
ايهم . تمام بس
هي الفكرة معجبتكيش ولا اي
جريئه ببرود . عادي ي ايهم
ده اسطبل زي اي الإسطبل اللي بنملكه في البلد
نظر لها ايهم بشك
ثم قال بهدوء
ايهم . تمام
خدي بقا ده
نظرت جريئه الي الكيس الذي مده لها ب استغراب
جريئه . اي ده
ايهم . ده لبس
عشان اللبس اللي لابسة مش هتعرفي تركبية بيه
اخذت جريئه منه الملابس بعدم اهتمام ظاهري
جريئه . ماشي
اغير فين بقا
امسك ايهم يدها وهو يقول
ايهم . تعالي
الاستراحة هناك
نزعت جريئه يدها منها
ثم تقدمت أمامه
وهي تبتسم في وجهه ببرود
ثم أكملت طريقها في اتجاه الاستراحة
ابتسم ايهم علي فعلتها
ثم ذهب خلفها
وقفت جريئه علي باب الاستراحة
ثم التفت له وهي تقول
جريئه . أنا مش هتوه ي ايهم يعني
روح وانا هاجي
قال ايهم ب مشاكسه وهو يغمز لها
ايهم . ماشي بس لو …..
دخلت جريئه الي الاستراحة وأغلقت الباب في وجهه
ضحك ايهم بشدة علي فعلتها
ثم ذهب
وهو ينادي
علي أحد العاملين في الإسطبل
بصوت قوي
ايهم . حسونه
ي حسونه
اتي حسونه مهرولا له حيث كان شابا في بداية الثلاثينات من عمره
حسونه . نعم ي بيه
فقال له ايهم ب امر
ايهم . مش عاوز اشوف واحد من الشغالين هنا موجود
كل يطلع برا ولما اخلص هرن عليك ترجع انت والكل
ترجعوا
ودخل كل الاحصنه في ماكنهم
بس سيب مهرة و هارون
بره
حسونه . حاضر ي بيه
بعد قليل
خرجت جريئه من الاستراحة وهي ترتدي
بنطلون جينزل وتشيرت من اللون الاسود
وفوق جاكت جينز
ابتسم ايهم بحب
عندما رأها
تقدمت جريئه منه وهي تنظر حولها ثم قالت
باستغراب
جريئه . هو الناس اللي كانت هنا راحت فين
ايهم . خرجتهم عشان نبقا براحتنا
طبعا ذلك ليس السبب الرئيسي في ايهم لن يسمح لا أحد أن يرا زوجته
وهي ترتدي جينز ضيق
جريئه . تمام
ظل ايهم ينظر لها بهيام
حتي قالت جريئه ب سماجه
جريئه . لو هتفضل تتنحح كده كتير هسيبك وهمشي
بيجان هيصحي وانت لسة واقف مكانك
ايهم . احممم….سؤال بس
هو انتي مش بتعرفي تبقي بنوته ورقيقة ورومانسية
جريئه باشمئزاز . بنوته ورقيقة رومانسيه
لإ معتقدش ان واحده زي اتربت علي السلاح وركوب الخيل وفنون الدفاع عن النفس ممكن تبقا صفاته الكلام العبيط ده
قال ايهم بضيق
ايهم . تعرفي ي جيرا انك الوحيده اللي علي وجه الكره الارضيه دي بتعرفي تخرجيني من المواد ومعاكي شهادة في الاستفزاز
جريئه ببرود . طب كويس
اصل انا مرارتي مش ناقصة
ثم تقدمت أمامه
في اتجاه الإسطبل
بعد قليل كان ايهم قد فك لجام مهرة ومد يده لها لتمسك اللجام
نظرت جريئه له
نظرة ذات مغزيه ففهما علي الفور ما تعني
ايهم . علي فكره ي جيرا
سيدرا عمرها ما جت هنا وانتي اول واحده تدخل المكان دة
حتي الحاجه رابحة عمرها ما دخلت هنا ولا تعرف المزرعة شكلها عامل ازاي
رفعت جريئه حاجبها الأيمن وهي تشبك يديها حولها
وتقول ب إستفسار
جريئه . وعرفت منين
ابتسم ايهم وهو يقول بحب
ايهم . اللي بيحب بيفهم حبيبه من غير ما يتكلم
جريئه بسخرية . بجد
تصدق اني عاوزة اصدقك بس للاسف اللي زيك ي ايهم
مش بيعرف يحب
أنا مش عيلة عبيطه
هتضحك عليها ب شوية فسح وهدايا وكلام معسول
أنا هفكرك بسني لو شكلي نساك وخلك تفكر اني صغيرة
أنا عمري 29 ي ايهم
يعني مش عيله بريالة
اتعاملت واشتغلت مع رجال أعمال كتير شبهك
واللي شبهك
ميعرفش الحل ي ايهم
خاصتا لو الواحده دي تبقا اللي هربت مراته قبل كده
زي ما بيدعي
ف ازاي عاوزني اصدقك….ها
والدليل انك مش واثق فيه علي الرغم من أني ادتك فرصة تثبت حبك
والحب والثقه حاجه واحده
مش شيئان منفصلين ي ايهم
ايهم . ومحدش قالك اني مش عيل بريالة برضة ي جيرا عشان اديكي مفتاح حريتك
لم تحبيني بجد الاول هيكون ليكي كامل الحرية
واه أنا كنت بدعي انك اللي هربتي الو*** دي
بس مفتاح حريتك قصاد حبك ليه
نظرت جريئه له بسخرية
ثم دفعته في كتفه وهي تمر لتقف أمام المهرة وهي تقول ب استهزاء
جريئه . عشم ابليس في الجنه
تنهد ايهم بضيق ثم قال
ايهم . يلا عشان ارفعك علي الحصان
قفزت علي ظهر الحصان بمهارة
جعلت الدهشه تظهر جلياً فوق ملامحه
جريئه بتفاخر . انا بدوية ي شاطر
يعني الفروسية في دمي
ثم ضربت الحصان برجلها حتي يتحرك بها
يلا
ابتسم ايهم ثم قفز هو الآخر علي حصانه
وقضوا وقتاً ممتعا
حيث كانوا يتسابقون و يمرحون قليلا
وضحكت جريئه كثيرا اليوم واستمتعت به
بعد مرور عدة ساعات نزلت جريئه من علي الحصان
ونزل ايهم بعدها واقترب منها وهو يقول بتساءل
ايهم . نزلتي ليه
جريئه . الساعة كام
نظر ايهم في الساعة الموجودة في معصمه
ثم قال بهدوء
ايهم . 12……ليه
صرخت جريئه فيه بسبب هدوئه
جريئه . بجد…..والنعمه
قال ايهم باستغراب
ايهم . اي المشكله
جريئه . في أن ابني نايم في البيت لوحدة
وممكن دلوقتي يكون صحي وبيعيط
واحنا بنلعب
قال ايهم مهدءً ايها
ايهم . معاه رندا
خايفه من اي
جريئه . ايهم يلا نمشي حالا
ايهم . حاضر روحي غير هدومك
وهنمشي
جريئه . اغير هدومي ليه
هي فيها أي غلط
قال ايهم بغيرة وغضب شديد
ايهم . ليه أنا مش راجل عشان اخلي مراتي
تمشي قدام رجالتي ب بنطلون ضيق
جريئه ببرود . ايهم…أنا ساعات بلبس كده
عادي يعني
ايهم بعند . ده قبل لما تبقي علي اسمي…… مش همشي غير لما تغيري هدومك
كده كده بيجان معاه رندا و الحاجه رابحة
يعني مش هخاف عليه
تاففت جريئه بضيق
ثم اتجهت الي الاستراحه وهي تضرب الأرض بقدمها بضيق
ابتسم ايهم علي فعلتها
بعد قليل
كانت جريئه تدخل الي الغرفة بعد عودتهم
حيث ظل ايهم ف الداخل
لان رندا في الداخل
وجدت جريئه رندا نائمه
علي السرير بجوار ايهم
ف اقتربت منها
وايقظتها وهي تهز كتفها بهدوء وتنادي عليها بهمس
حتي لا يستيقظ بيجان
جريئه بهمس . رندا….رندا…رندا
فتحت رندا عينيها ببطئ
ثم نهضت من علي السرير وهي تتثأب
وسألت جريئه اين هم كانوا ولماذا تأخروا هكذا
جريئه . بكره هقولك على كل حاجه
عشان انتي بتفتحي عينك بالعافية
رندا . تمام
وعلي فكرة هو مصحيش خالص
يلا تصبحي علي خير
جريئه . طب الحمد لله
وانتي من اهله
بعد خروج رندا
من الغرفة
دخل ايهم الي الغرفة
حيث أخذت جريئه ملابس عبارة عن عباءه و حجاب ودخلت الي الحمام لتستحم
وتبدل ملابسها
بعد خروجها من الحمام
وجدت أن بيجان قد استيقظ
وجلس ايهم بجوراة يهداءه
قالت جريئه وهي تتقدم تجاههم
جريئه . هو اي اللي حصل
ايهم . صحي وانتي جوة
اقتربت جريئه من بيجان وجلست علي الطرف الآخر من السرير
وهي تقول بحنان
جريئه . في حاجه ضايقتك ي حبيبي
بيجان . لإ…بس انا عاوز ننام مع بعض
نظرت جريئه له بصدمه
وهي ترمش بعينيه لتحاول استيعاب ما تفوه به بيجان
في حين ابتسم ايهم بسعادة
وقال بخبث
ايهم . طبعا ي حبيبي
قالت جريئه ب اندفاع
جريئه . لإ طبعا
تجهمت ملامح بيجان وهو ينظر لها بحزن
فقالت جريئه بتبرير
جريئه . عشان بابي ممكن يتاخر بكره الصبح علي شغله مع جدو ي حبيبي
استلقي ايهم علي السرير وهو يحتضن بيجان
ثم قال بهدوء
ايهم . لإ منا مش رايح بكره
قالت جريئه باندفاع
جريئه . امال هتقعد في البيت
قال ايهم
ايهم . هي قعدتي مضايقاكي في حاجه
ثم أكمل بمكر
ولا خايفة تضعفي وتحني و……….
قاطعته جريئه بتحذير وهي تضغط علي أسنانها بشده
جريئه . ااايهم…..الولد
بيجان بتذمر . ممكن ننام
قبلة ايهم في وجنته ثم قال بحب
طبعا ي حبيبي
يلا تعال في حضني
دخل بيجان في حضنه نظرت جريئه له بغيظ
ثم نهضت من علي السرير في اتجاه الأريكة
نظر لها بيجان
ثم قال بصوت حزين
بيجان . مامي انتي مش هتنامي معايا
رسمت جريئه ابتسامه مصطنعه علي شفتيها
ثم قالت
جريئه . لإ ازاي جايا طبعا ي حبيبي
بس هجيب مخده
كان ايهم ينظر لها ب انتصار وعلي شفتيه ابتسامه ماكره
فقالت جريئه ب الانجليزيه
ل ايهم
ثم أخذت مخده من أحد ادراج الدولاب
لكي تضعها بينها هي وأيهم
وهي تتجه للسرير
حتي لا يفهمهم بيجان
جريئه . لو قربت مني واحد سانتي مش هيحصل لك طيب ي ايهم
قال ايهم ببرود بالانجليزيه
ايهم . أنا مش عارف انتي عامله موضوع ليه من مفيش
انتي مراتي ي حبيبتي
قالت جريئه بغيظ ب العربية
وهي تستلقي علي السرير بعدما وضعت المخده علي السرير
جريئه . Baby في عينك
اتخمد
بيجان . مامي انتي حطه مخده ليه
قالت جريئه ب مكر وهي تتصنع الحزن
جريئه . عشان أحضانها وانا نايمه ي حبيبي
عشان انت هتنام في حضن بابي
ترك بيجان حضن والده وقفز في حضن جريئه التي نظرت ل ايهم ب انتصار
حيث وضعت المخده بينهم وبين ايهم الذي.كان ينظر إلي بيجان بصدمه
فقد باعه في اقل من ثانيه ل جريئه التي لا يعرفها سوي من شهور قليله
أما هو فوالده الذي رباه لمده اربع سنوات ونص السنه
قد تركه هكذا
ثم ضحك ب خفة
وهو يهز دماغه بعدم استيعاب
ثم ظل ينظر لهم بحب وهم يحتضنون بعضهم البعض بحب
…………………..في اليوم التالي
بعد صلاة العصر بساعه
اخذ ايهم بيجان وجريئة الي الأرض
ل يمرحوا قليلا
حيث ظل بيجان وجريئة يلعبون ويمرحون مع بعضهم ويجرون خلف بعضهم
حيث كانوا يجلسون في مكان بعيد خلف بعض الأشجار حيث لا يستطيع أحد رأيتهم
وظلوا يأكلون من الفاكهة التي تثمر في بداية الشتاء
والتي كانت مزروعه أمامهم علي الأشجار
فظلوا يأكلون البرتقال واليوسفي وغيرها من الفاكهه
ولم يرجعوا للبيت سوي ف الليل
بعدما أخذهم ايهم ل نزهه ل أحد المطاعم الموجودة في اسيوط خارج القرية
حيث تعشوا هناك
وكان ايهم يحمل بيجان النائم من التعب بسبب
الجري واللعب والمرح الذي حصل عليهم اليوم
ووضعه علي السرير برفق
فقامت جريئه بتبديل ملابسة وهي تمسح له جسده ب المناديل المبللة
وهي تقول بهمس مرح
جريئه . بودي كده….مش هينفع خالص أننا كل يوم تنام قبل لما تاخد شاور
لازم نظبط الموضوع ده شوية لاحسن انت بتموت في النوم
قال ايهم بمرح
ايهم . طب ادام مضايقة من أن بودي مش بياخد شاور تعالي ساعدي أبوة
ثم غمز في اخر كلمه
تجاهلت جريئه كلماته
فقال ايهم بمرح عندما لم يجد أي رد فعل منه
ايهم . انتي الخسرانه
بعد ذهاب ايهم للحمام
قالت جريئه ب هدوء لنفسها
جريئه . جيرا في اي معلش استحملي لحد لما يديكي الأمان ساعتها انتقمي منه زي ما انتي عاوزة
بس اهدي
…………بعد مرور أربعة أيام آخرين
في المساء
كانت جريئه تجلس مع بيجان تقراء له قصه من قصص الاطفال التي يحبها
و بعدما غفا بيجان بجوارها
استمعت جريئه الي صوت صراخ في الاسفل
مما جعل بيجان يستيقظ مره اخري وهو يبكي بسبب أنه استيقظ فجأة من النوم بسبب الصراخ مما جعل يخاف بشده