Uncategorized

رواية مغرور ولكنني أحببته الفصل السابع 7 بقلم ملك محمود

   رواية مغرور ولكنني أحببته الفصل السابع 7 بقلم ملك محمود

رواية مغرور ولكنني أحببته الفصل السابع 7 بقلم ملك محمود

رواية مغرور ولكنني أحببته الفصل السابع 7 بقلم ملك محمود

عمر:حاجة ايه
تمارا: مستر عمر انا مش هخبي عليك حاجة بس بلييز مش عايزه مشاكل
عمر:بفضول.  ماتقلقيش كنتي فين بس
تمارا: ادته موبايلها وقالت له اتفضل اسمع التسجيل ده وهتعرف كل حاجة
بعد ماسمع التسجيل اتصدم ان اللي كانت خطيبته بتتفق عليه
عمر:  قوليلها تمام وشوفي هتقول لك ايه وقوليلي
تمارا: بصراحه يامستر انا مش عايزه ادخل نفسي في حوارات
عمر: ماهو انتي دلوقتي انا واثق فيكي ف انتي اما تبقي معاها اولي مايكون حد تاني من الشركه
تمارا :حاضر
&_______________&
وأخيراا جه ميعاد المسابقه وتمارا اشتركت وسلمت التصميم 
بعدها بحوالي ساعتين عمر دخل مكتبه وطلب تمارا.
تمارا دخلت وقعدت
قال لها ايه اللي انتي لابساه ده
تمارا:باستغرب لابسه ايه يعني مش فاهمه 
عمر: البنطلون ده ضيق اوي
تمارا: في نفسها اوعي تقول انك بتحبني وغيران عليا زي مابحبك ههه. حضرتك دي حاجه ماتخصكش
عمر: ماعنتيش تلبسيه تاني انا قولتلك اهو
تمارا:بضحكه ودي اسميها حي غيره بقي ولا ايه 
عمر: بنفس الضحكه وانا اغير عليكي انتي!!
تمارا: بص علشان انا دماغي مصدعه من الصبح انا ماناقصه وانجز قول عايز تقول ايه
عمر: هو انتي مش واخده بالك انك بتكلمي مديرك وايه انجز والالفاظ دي 
وعايز اقول لك ان انتي لافته النظر ليكي
تمارا: وانت شاغل بالك بيا وبتبصلي ليه اصلا
عمر: تصدقي ان انا غلطان اني بقول لك كده علشان حـ… ا خايف عليكي
تمارا: انا مايتخافش عليا انا يتخاف مني انا بنت بس ب ميت راجل
عمر: يخربيتك ده انتي اللي يتكلم معاكي يجيله هستيريا بس انا حذرتك اهو ماتلبسيش البنطلون ده تاني
تمارا:توهت وقالت بجديه حضرتك تطلب حاجه قبل ما امشي
عمر: فهم انها بتغير الموضوع وقال لها ماشي اتفضلي
وخرجت
عمر: لا يا عقلي انت بتفكر فيها ليه كده بس معقول انا حبيتها لا لا
عند تمارا: فرحانه اوي هو اكيد حبني وغيران عليا علشان كده مش عايزني البس البنطلون ده تاني بس لا. هو واحد غني وصاحب اكبر شركه في مصر هيحب واحده من مستوي فقير زيي
يارب انا حبيته يارب قدملي اللي فيه الخير. ولو هو شر ليا ابعده عن طريقي
عند حور
العربيه اللي كانت فيها حور عملت حادثه وهي كانت مروحه من الكليه
حد اتصل ب اخر رقم حور مكلماه
الشخص: الووو
تمارا: ايوه يا حور
الشخص: حضرتك صاحبة الموبايل ده عملت حادثه في شارع …..!
تمارا: بصدمه انت بتقول ايه اختي حصل لها حاجه
الشخص: حضرتك تعالي بسرعه ننقلها علي المستشفي لان العربيه كلها تقريبا مصابه
تمارا: قعدت تعيط جامد واول حاجه فكرت فيها انها تدخل ل عمر تطلب منه المساعده وكمان هي ماكانش معاها فلوس 
عند عمر
تمارا دخلت فجأه بدون ماتخبط
عمر: ايه ده في ايه تماره مالك بتعيطي ليه ايه اللي حصل
تمارا: بعياط انا اختي عملت حادثه وهي راجعه من الكليه ممكن تساعدني 
عمر: تعالي يلا بسرعه نروحلها
ومشيو راحوا ل عند حور ودوها المستشفي
في المستشفي
تمارا بصوت عالي: دكتووور بسرعاااه
الممرضين اول ماشافوا عمر وهو شايلها جابو السرير المتحرك ونقلوها للعنايه بسرعه
والدكاتره جات ودخلوا واحد ورا التاني للعنايه
وتماره قاعده جنب غرفه العنايه منهاره من العياط ومش قادره تنطق
وهدوم عمر غرقانه ده 
عمر راح قعد جنبها وبيحاول يهديها لكن هي ولا هنا ومش معاه خالص
تمارا: بتكلم نفسها وهي بتعيط اختي هتبقي كويسه صح اه هتبقي كويسه انا مااقدرش استغني عنها انا هموت لو جرالها حاجه 
عمر: اهدي والله ماتخافيش هتبقي كويسه 
وفجأه دكتور خارج يجري طلع السلم ونزل معاه دكتور كمان
تمارا حاولت توقفه
الدكتور: معلش ياانسه سيبيني اشوف شغلي لان المريضه عندها شرخ في الجمجمه وفيه خطوره علي حياتها ودخل وقفل الباب
عمر اتصدم وواقف مدمع وخلاص هيعيط بس ماسك نفسه قدام تمارا
وتمارا وقعت مغم عليها
عمر جري عليها ونده علي الممرضه شالها وراح وراها الغرفه وتمارا جالها صدمه عصبيه 
الممرضه ادتها ابره وقالت ل عمر اتفضل انت هي هتفوق بعد ساعه
 وعمر واقف في ذهول مش عارف يعمل ايه ولا ايه راح عند غرفه العنايه علي ما تمارا تفوق لان فيه خطوره علي حياة اختها
الدكتور خرج بعد شويه وقال ل عمر اتفضل هات العلاج اللي في الروشته دي علي ما المريضه تفوق و روح ادفع في الخزنه
عمر: حاضر بس هي عامله ايه دلوقتي
الدكتور: هي تحت الملاحظه والحادث كان صعب سببلها شرخ في الجمجمه وعندها رجل وايد اتكسروا وجروح بسيطه في جسمها وعملنا اللازم والحمد لله فيه امل انها تخف
عمر:طيب يادكتور شكرا ربنا يطمنك
الدكتور: الشكر لله اهم حاجه تاخد بالك منها وتديها العلاج في مواعيده
عمر: حاضر
وراح جاب العلاج والجلوكوز وبعدين راح عند تمارا كانت بتبدأ تفوق لسه 
قعد جنبها بهدوء وبقي يمشي ايده علي شعرها بحزن ويقول لها فوقي علشان خاطري وخاطر اختك 
بتحاول تفتح عينيها بس مش قادره 
عمر نده للممرضه وقال لها ان هي بتفوق راحت تقيس الضغط وبعدها ركبت لها جلوكوز لان عندها هبوط
تمارا: عينيها بتنزل دموع وعينها مغمضه وبتقول حور حور
عمر: تمارا الدكتور قال لي حور هتبقي كويسه وهتفوق بعد شويه
تمارا: فتحت عينها وبصت ل عمر وقالت له بجد قالك كده. طب انا عايزه اروح اشوفها
عمر: طب استني علي ما المحلول يخلص ونروح سوا والله الدكتور طمني عليها
تمارا: بعياط يااااارب انا ماليش غيرها يارب قومهالي بالسلامه واشفيها يارب هي اللي حيلتي يارب 
عمر: صعبان عليه حال تمارا ومستغرب وبيقول في باله اومال فين اهلها وماحدش سأل بس ماحبش يسألها دلوقتي 
وبعد مرور دقائق
المحلول خلص وتمارا وعمر راحوا عند حور
عند حور
تمارا: حور حبيبتي فوقي علشان خاطري
الدكتور: بعد اذنك يا انسه ماتعمليش صوت جنبها وماتزعجيهاش
تمارا: حاضر مش هعمل صوت بس تفوق بس
الكتور خرج
عمر بحزن : تمارا علشان خاطر حور ماتعيطيش قدامها لان هي محتاجاكي تقويها حاولي تمسكي نفسك
حور: بهلوسه.  خلاص والله مش عايزه اموت 
تمارا بخضه: هما مين اللي عايزين يموتوكي ياحور وانا امحيهم من علي وش الدنيا
عمر: ياتمارا بعد اذنك ماتعمليش صوت علشان الدكتور مش يخرجنا هو قال لنا ادخلوا بس مانطلعش صوت هي بتحلم دلوقتي تحت تاثير البنج
بعد مرور 3 ساعات
حور: اااه يادماغي
وبتحاول تحك في دماغها
عمر مسك ايديها.وقال ل تمارا روحي نادي الدكتور بسرعه
الدكتور دخل وقال :هو دلوقتي البنج بيبدأ يروح واداها العلاج وخليك ماسك ايديها يا أستاذ ماتخليهاش تلمس دماغها 
حور:بصوت تعبان تمارا 
تمارا: نعم ياروحي حمدلله علي سلامتك
حور: هو ايه اللي حصل لي
تمارا: انتي بقيتي كويسه يانور عيني وهتبقي احسن ان شاء الله. اهم حاجه بس دلوقتي مش عايزاكي تتكلمي علشان مش تتعبي ياقلبي
عمر جاله خبر ان سواق العربيه اللي عمل الحادثه توفي وبعض الركاب اتوفوا والبعض الاخر مصابين
وفجأه تمارا موبايلها رن وقالت ل عمر رد
عمر: الوو
الشخص: هههههه مين الحلو
وهوب……..!
تخيلوا ايه اللي هيحصل وياتري مين اللي عمر رد عليه وهل سبب في الحادثه ولا لا…
يتبع…..
لقراءة الفصل الثامن : اضغط هنا
لقراءة باقي فصول الرواية : اضغط هنا

اترك رد