Uncategorized
رواية لين القاسي 2 الفصل الثالث 3 بقلم أماني المغربي
رواية لين القاسي 2 الفصل الثالث 3 بقلم أماني المغربي
 |
| رواية لين القاسي 2 الفصل الثالث 3 بقلم أماني المغربي |
رواية لين القاسي 2 الفصل الثالث 3 بقلم أماني المغربي
عقد حاجبه عندمت سمع صوت خارج من إلاوضه السريه بتاعته
طلع جري بخوف ليكون محمد هو إلي جوا بس دخل لقا……. إنتي
تاليا…. حلوة الأوضه
كانت تنظر بدهشة لأرجاء الأوضه فكانت جميع الجدران مليئه بصور لين منذ الصغر حتي أصبحت شابه يافعه وتلك الشاشه الضخمه التي تتوسط الجدار كانت تعرض فديوهات لها أيضا في جميع المراحل
بلع ريقه…. إنتي دخلتي هنا إزاي
وهي مازالت تنظر للصور…. عادي كنت باخد جوله في الفيلا فجذب إنتباهي الأوضه المقفوله بقفل فا فضولي خلاني أستكشفاها بس عمري ما اتخيلت إن في حد مجنون بحد للدرجه دي
نظرت لقاسي… في الاول ظنيت إن محمد هو إلي عمل كدا بس افتكرت لما قال ليا إنك إلي علطول بتعيش هنا
قاسي بتوتر… انا انا
تاليا ببسمه وهي بتابع النظر في الصور….. أنت بتحبها عرفت من نظرتك ليها واحنا في المقابر كان باين عليك قوي إنك بتعشقها مش عارفه اعاتبك واقول ليك إزاي تحب حبيبه أخوك بس انا عارفه إن القلوب معلهاش سلطان بتخليني نحب ناس مش لينا
وقف قاسي جنبها وبص علي صور حبيبته….. من وهيا طفله كنت انا اول واحد أشلها بإيدي خطفت قلبي بإبتسامته وبرائتها برغم إن محمد قدها في السن بس انا كنت دايما مش بشيل إلي هيا واحدة واحدة كانت بتكبر قدام عيني وقلبها بيزيد في قلبي لحد ما أبويا أتوفي وبقيت راجل البيت فبداءت أبعد عنها ومع كل خطوة كنت ببعد عنها كانت بتقرب من محمد ودا بحكم إنهم في سن واحد لحد مقرروا يتجوزوا من وقتها وانا قررت أدفن قلبي وأدوس عليه بس بعد ما حصل إلي حصل وبقت مراتي و أنا قلبي رفع رايه العصيان وبداء يحبها أكتر واكتر ومن وقتها مش قادر اتحكم فيه
نظرت له تاليا بحزن… تعرف أنا بحسد لين قوي لأنها عندها بدل الواحد اتنين بيعشقوها
ابتسم لها قاسي… محمد بيحبك
تاليا بصدمه… بيحبني
اتنهد وبص للصور….. انا عمري ما شوفته قبل كدا خايف علي حد قدك وكان هيتجنن لنا عرف إنك أندفنتي
دموعها نزلت وقالت…. بس هو قالي إنه بيحبني ذي أخته
قاسي …. انا أعرف محمد اكتر منة شخصيا ولما أقولك إنة بيحبك يبقا بيحبك
أنا مش رضيت اقوله الكلام دا ليفكرني طمعت في لين ويحصل بينا شرخ وأخسرة
تاليا… ولين علي فكرة بتحبك
بص لها بصدمه
ابتسمت بخبث وقالت …. لو حابب تتأكد أنا في الخدمه
خرجت من الأوضه فلحقها… إزاي
لفت له وابتسمت بمكر.. اقفل الأوضة الاول و تعال ورايا
بعد ساعتين
كانت تاليا بتصرخ بإسم محمد و بتجري في أرجاء الصاله وهي بتضحك
تاليا … ههههه ي مخمدددددد ابعد اخوك المجنون دا عني
قاسي بغيظ وهو بيجري وراها…. والله مسايبك ي تاليا الكل*ب بقا أنا تضحكي عليا بشكل دا
ضحكت تاليا أكتر وهي بتتذكر لما خدته وخلته يأكلها ويشتري لها شبسي وبيبسي شوكولاته وحلويات كتير و لففته أسكندريه كلها عشان يعرف إزاي يتأكد أن لين بتحبه وفي الآخر لما وصلوا للفيلا قالت له إنها كانت بتضحك عليه بس عشان يشتري لها حلويات
وقفت ورا محمد إلي اتجمع هو والكل لما سمعوا صوت تاليا
تاليا بضحك… محمد قول للغورلا دا يبعد عني وإلي هعورة
ابتسم قاسي بشر وهو بيقترب منها… طب ما تيجي تعوريني
صرخت تاليا ودفنت رأسها في ظهر محمد… لا لا والنبي ما تموتنيش أنا ليا صغيرة وعاوزة اتجوز
محمد بحدة و غيرة.. ممكن افهم إي إلي بيحصل هنا ومين إلي بهدل وشك كدا
مسح قاسي وشه المليان بالايس كريم وقال بغيظ… أسأل الهانم
طلعت له لسانها من ورا ظهر محمد… تعيش وتاخد غيرها ي أبو القساقيس هههههه
محمد بغضب .. باااااااس
مسك إيدها وسحبها وراه بعد ما اعتذر من قاسي بسبب تصرفها
ابتسمت الام بخبث وقالت وهي بتبص للين بسخريه وبعدها بصت لقاسي … انا شايفه إن تاليا لحقت تاخد مكانه كبيرة في قلبك ي قاسي لدرجه إنك سمحت لها تهزر معاك
ابتسم قاسي علي تلك المجنونه ومسح وشه… عندك حق ي ماما تاليا دي نوع نادر صعب تلاقي ذيه دلوقتي
جريت لين علي أوضتها ودموعها علي خدها و نار قيدة في قلبها وكره وعداوة عجيبه حسته بأتجاة تاليا
طلع قاسي علي الأوضه وهو بيبتسم كل ما يفتكر إزاي بوظت وشه بالايس كريم
تاليا… قاسي
قاسي .. اممم
تاليا.. قاسي
بص لها …نعم
تاليا… انا كنت يعني
قاسي .. عاوزة تقولي إي خلينا ننزل
حطت الآيس كريم في إيدها من غير ما ياخد باله وحطته في وشه وجريت من العربيه… حبيت اقولك شكرا علي اليوم الجميل ههههههه
صرخ قاسي وجري وراها ….. تااااليااااا
باك
هز رأسه وابتسم … مجنونه
لين بغيرة…..مين المجنونه
استغرب قاسي من نبرة صوتها وشكلها إلي بيوحي أنه بيطلع نار
بص لها ببرود… حاجه متخصكيش
وقفت قصادة وقالت بغيرة وغضب… ما يخصنينش إزاي هو مش انا مراتك وحقتي اعرف طل حاجه عنك
ابتسم بخبث وفهم اخيرا جمله تاليا لما قالت له أول ما ندخل هتعرف لما كان بيسألها علي الطريقه إلي هيعرف فيها إزاي كانت لين بتحبه ولا لأ
هو بالفعل دلوقتي شايف غيرت لين عليه
لين بغضب… أنت بتضحك هو انا قولت حاجه تضحك
قال وهو بيقلع التشيرت…. جدا
صرخت ولفت جسمها الناحيه التانيه… أنت أتجننت إزاي بتقلع قدامي كدا
لفها له وشدها لتنصدم في عضلات صدرة
قرب منها وهمس في ودنها… هو مش إنتي قولتي إنك مراتي
لين وقلبها بيدق جامد….ها
همس مجددا وأصبحت أنفاسه الساخنه تلفح عنقها لتغمض عينيها …. مش إنت لسا قايله إني جوزك
هزت رأسها بالنفي
فمسح خده بخدها…. متأكدة
زادت وتيرة أنفاسها وفتحت عينيها ببطئ شديد
فتلاقت الأعين ليقترب قاسي من شفتيها لتغلق عينيها مجددا
فيبتعد هو بمكر ويتجه إلي الحمام ثم تحدث …. إي هتفضل ومتجمدة في مكانك كدا ومش هتنامي
فتحت عينيها بصدمه ليكتم هو ضحكته ويدخل الحمام
لتعنف هي نفسها…….أي إلي انا بتعمليه دا ي غبيه
عند محمد وتاليا
تاليا بوجع … اه إي إلي انت بتعمله دا ي محمد
زعق محمد… بعمل أي ها ممكن تقدري تفهميني الهانم كانت فين وبتعمل اي مع أخويا برا
تاليا بملل… بعمل اي يعني كنت حاسه بملل فلما لقيت قاسي صحي طلبت منه إنه يفسحبني
محمد بغيرة… ومصحتنيش انا لي
تاليا .. ما كنتش عاوزة أقلقك وبعدين قاسى مش اتأخر عليا والله ما اعرف مين المغفل إلي سماه قاسي دا هو منبع الحنان والإحساس
ربع محمد إيدة علي صدرة وهو بيهز رجله…. الله اللة دا كله عرفتية من خروجه واحدة وياتري عرفتي إي تاني
تاليا بحب إخوي.. إنه جنتل مان قلبه طيب لدرجه إنه مستحيل يكون بشر ذينا حاجه كدا عمرك متلاقي ذيه مهما لفيت العالم
ابتسم إبتسامه٤صفر… طب كويس عشان نجوزوا ليكي
ابتسمت بمكر.. ياريت
شدها له بغضب… هتتجوزيه و إنتي بتحبي أخوة
نظرت له بحب ورفعت إيدها وإتعلقت في رقبته…. طلما هبقا قريبه منك أنا موقفه
بلع ريقه وبعدها عنه وإداها ظهره…. بلاش الحركات إلي بتعمليه دي ي تاليا عشان قاسي مش يتعلق فيكي وتخلي قلبه ينكسر قاسي برغم إنه الكبير بس خبرته في عالم النساء صفر فبلاش تقربي منه لأنه لو حبك هينكسر
وسابها ومشي
بصت للسما ودموعها نزلت…. طلع مش بيحبني طلع مش بيحبني
أما هو دخل أوضه التدريبات وطلع غضبه كله فيها وكل ما يغمض عينه ويتذكر ضحكتها وكلامها مع قاسي بيزيد لكم كيس الملاكمه بعنف اكبر