Uncategorized
رواية مالكي الفصل الرابع 4 بقلم منار عصام
رواية مالكي الفصل الرابع 4 بقلم منار عصام
 |
| رواية مالكي الفصل الرابع 4 بقلم منار عصام |
رواية مالكي الفصل الرابع 4 بقلم منار عصام
روان بصوت متحشرج… بااابااا…!
مالك وهو بيلف وبيقول بأبتسامه نعم يا قلب بابا…. بيبص لقي أيمن والد روان في وشه… هو كان شافه مره قبل كده كان رايح لروان الشغل.
مالك بصوت مهزوز… ت تشرب قهوة معانا يا وقبل ما يكلم كان ايمن اندفع بكل قوته ناحية روان وهو بيقول
بقي بتغفليني يا بنت الك*ب يا زبا*ة وانتي مقضياها هنا مع الرجاله ولسه هيضربها بالقلم وهي غمضت عنيها.. أيمن حس بحاجة قويه ماسكة ايده ومنعتها انها تنزل علي وش روان.
مالك بصوت عالي وبكل عصبيه.. انا مسمحلكش انك تمد ايدك عليها ولا انك تغلط فيها وملكش اي حق انك تعمل كده،، انت لو مكونتش والدها انا كنت اتصرفت معاك تصرف تاني خالص.
ايمن وهو بيشد ايده من ايد مالك وبيقول.. الله الله يا ست هانم جايبه راجل غريب عشان يحميكي من ابوكي ويقف قدامه.. اه صحيح منا نسيت انك تربيه امك.
راضيه جايه من بره علي الصوت العالي بعد ما خلصت صلاة وبتقول.. انتو صوتكم عالي كده ليه واتفاجئت بأيمن اللي واقف
بصتله بغضب وقالتله انت ايه اللي جابك هنا يا وش المصايب انت، ودخلت هنا ازااي!؟
ايمن بلهجه ساخره… اهلا اهلا بالست الشريفه اللي بتداري علي حفيدتها وبتجيب رجاله البيت… وقبل ما يكمل..
راضيه بكل قوتها نزلت علي وشه بالقلم…!
أيمن وهو حاطط ايده علي وشه والشرار يتطاير من عنيه ورايح يشد روان من شعرها، مالك وقف قدامه وقاله من بين سنانه.. ايدك دي لو اترفعت عليها تاني انا مش هيهمني انت مين.
ايمن بيزقه بغضب وشد روان وقالها يالا يابنت ال*** انا هعرف ازاي اربيكي يا زبالة.
مكه بعياط ابعد عني بقي… سيبوووني في حالي وبتحاول تفك ايد ايمن من شعرها، وفي اللحظه دي كان مالك شد ايمن ونزل ضرب في وشه وبصوت جهوري قاله.. انت عارف يعني ايه تمد ايدك علي مراتي وانا واقف،، يعني
لو كان حد غيرك كنت دفنته مكانه.
ايمن زقه من عليه وقام عدل هدومه وهو خارج وبعلو صوته وبيقول انا هوريكوا كلكو وهقتلك يا فا**رة وخرج ورزع الباب،، وساب مكه اللي منهاره في العياط، وراضيه اللي بتتحسبن علي ايمن وانه السبب في تدمير نفسيتها ومالك اللي مش عارف يعمل ايه، وانه اتسرع انه قال كده لايمن.
مالك قعد جنبها في الارض وقال بهدوء،، شوفتي ابوكي ضربني ازاي، انا معرفش امك كانت مستحملاه ازاي، اااه ياني يا ضهري اللي اتكسر من الضرب ياني.
روان بأبتسامه بين عياطها ووشها اللي شبه الطماطم بصتله وبتقوله يأخي اتقي الله ده انت كنت هتموته، مكانش ينفع تعمل كده.
بصلها وقالها.. لا عاش ولا كان اللي يمد ايده عليكي او يمسك بكلمه تأذيكي طول منا موجود…. حتي لو كان ابوكي نفسه،، وبعدين قومي نخرج من هنا بدل ما الشيطن يلعب في دماغي وانتي شبه الفراوله وزي القمر كده.
ضحكت بصوت اعلي سمعته راضيه وهي مشغوله في الدعاء علي ايمن واللي عمله،، بصتلهم بتعجب وقالت
اقسم بالله انتو جوز مجانين ما عندكم ريحة الدم، قومي يا جبله منك ليه شوفوا القهوة اللي بهدلت البتوجاز دي،،، وخرجت وهي بتقوول صبرني يااارب، زي ما بلتني تصبرني.
ضحكوا عليها الاتنين ومالك بيمسح بقايا الدموع من علي وشها بحنان وباصص في عنيها وهو بيقول… اياكي يا روان اشوفك بتعيطي او اشوفك ضعيفه قدام حد تاني.. انا متعودتش عليكي كده…. فين روان اللي كانت بتقف بميت راجل قدام الكل.
مسكت ايده وهي بتبصله بتركيز اكتر وبتقول.. بس ده ابويا يا مالك عارف يعني ايه ابويا!!؟ يعني مجرد اي رد فعل مني تجاهه غلط هتحاسب عليه وهيتحسب ذنب عند ربنا،،
رفع ايدها تجاه وشه ووضع قبله عليهم وبصوت مليان حب قالها ربنا يباركلي فيكي ويحفظك ليا يا نور عيني.
راضيه بصوت عالي من بره…… هتباتوا في المطبخ ولا ايه!!؟
روان وهي بتقوم بسرعة.. قوم دي تيتا هتقتلناا،،، اطلع انت وانا هجيب القهوة واجي،،، وهي بتزقه يلاا اطلع.
خرج مالك قعد جنب راضيه…. اتنهد بكل قوته وبص لراضيه وقال… وبعدين يا تيتا هنعمل ايه!؟
والله منا عارفة يابني الامور كل شويه تتعقد، والبت يا قلب امها مش ملاحقه علي الحزن،، الله يسامحه ابوها ومراته العقربه…… وانا عارفه ان ايمن مش هيسكت وخصوصا بعد ما قولتله انها مراتك…. انتو جيل معفرت كلكوا.،،تعملوا المصيبه من غير ما تفكروا في حلها.
بصي يا تيتا انا هروح اتكلم مع بابا علي طول ونيجي نتقدم ونقرأ الفاتحة ونكتب الكتاب بسرعة، ووقتها مش هيقدر يتعرضلها تاني.
ربنا يسهل يابني واللي فيه الخير يقدمة ربنا.، في اللحظه دي جات روان بالقهوة وحطيتها وقعدت.
راضيه بصوت حنون…. متزعليش يابنتي انتي عارفة ابوكي يعني هو طول عمره كده.
روان وهي بتفرك في ايدها… انا مش زعلانه يا تيتا.. انا عارفه ان ده رد فعل طبيعي لاي حد في نفس موقفه…. بس هو لو كان يعرف مالك زي ما انتي تعرفيه،، كان هيبقي متفاهم اكتر من كده.. يلا الحمدلله انها عدت علي خير وربنا يستر من اللي جاي.
مالك بهدوء… انا كنت لسه بقول لتيتا اننا نتخطب ونكتب الكتاب ونصبر علي الفرح مش مشكلة لو انتي مش عايزة دلوقتي، علشان نحل كل العقبات دي.
مكه بضيق…… انت متأكد من قرارك!؟
مالك بصدق… اكيد طبعا ده حلم حيااتي.. يلا انا همشي بقي عشان الحق اكلم الحج،، ومشي.
____________♡♡♡♡________
«في منزل ايمن»
ليلي… يعني ايه اتجوزت من غير ما تعرفك…. ههههههههه البت طلعت قادره وغفلتك واتجوزت وانت اخر من يعلم… يلا اهي غارت في داهيه المهم جبت السلسه الدهب بتاعتها اللي كنت رايح علشانها.. !؟
ايمن رايح جاي في الاوضه بعصبيه ومش بيرد عليها…….
يا سيد الرجال انت سامعني!؟
انتي ايه مبتفهميش.. بقولك لقيت الواد معاهم ومسك فيا ومعرفتش اجيب حاجة.
ليلي بعصبيه مفتعلة… امال هنصرف منين وهناكل منين ده كان الامل قدامنا.
اسكتي بقي صدعتيييني انتي ايه غبيه.. انا ماشي وسيبهالك ونزل ورزع الباب.
~~~~~~~~~~~~~~~~~~♡♡♡♡~~~~~~~~~~~~~~~~~
«عند مالك وشريف»
شريف قاعد بيتفرج علي فيلم ومركز،، دخل مالك قعد وقال… بابا كنت عايز اتكلم معاك شويه لو فاضي.
شريف وهو بيتعدل.. قول يا حبيبي سامعك.
بابا انا عايز اخطب.
شريف بفرحه اخيرا يابني، ومين اللي ربنا بيحبها دي وهتاخد زين الرجال.
مالك بتوتر.. هي الحقيقة العروسه تبقي روان ،، اللي جات لحضرتك هنا.
شريف بأنزعاج.. تاني يا مالك.. تاني يابني عايز ترجع لنقطة الصفر تاني!! انا بس اللي عايز افهمه البت دي عملالك ايه!؟
مالك وهو بيحاوط ايده بأيديه الاتنين وبيقوله.. والله يا بابا انت لو عرفتها هتحبها جداا.. كفايه انها بتحبني،، روان انسانه جميله بكل ما تعني الكلمة من معني وشخص طموح،، هي بس اللي كل الظروف كانت ضدها،، بالله اقف جنبي لان دي اكتر انسانه هتسعدني في الدنيا.
شريف بقلة حيله… خلاص يابني شوف عايز تروح امته ونروح وربنا يقدم اللي فيه الخير ويجمعك بيها لو فيها خير ليك.
مالك بفرح باس علي راسه وقال.. ربنا ميحرمنيش منك ابدا يا غالي، انا بقول نروح بكره وخير البر عاجله.
مفيش مشكله يا حبيبي علي بركة الله.
‘_____________________♡♡♡♡♡♡________♡♡♡♡♡____________
مالك جري علي الفون واتصل علي رقم راضيه، الو ازيك يا تيتا وحشتيني.
راضيه بحب ياض يا بكاش لحقت اوحشك ده انت لسه ماشي مكملتش كام ساعة.
مالك بحب طيب يا دودو يا قمر جهزي نفسك علشان جايين بكره انا وبابا نطلب ايد جوهرتي.
راضيه بفرحة بجد يا مالك علي خير يارب يا حبيبي وزغرطت،، جات روان علي صوتها وقالت…. بتكلمي مين يا تيتا….