رواية التوأم الفصل السادس 6 بقلم ايمان

أيه ازاى مش فاهمه يعنى ايه اخوكى ومش اخويا انا لما سألت بابا عندك من مراتك التانية اولاد قالى عندى عمر وضحى

هو بابا بيعتبر عمر ابنه لانه هو فعلا اللى مربيه لكن عمر ابن ماما سعاد من راجل تانى عشان كده هو مش اخوكى فهمتى

ضحى انا عوزة اعرف كل حاجة وبالتفصيل يا كده ياحقوم دلوقتى الم حاجتى  وامشى من البيت اللى كله الغاز ده ومحدش منكم عاوز يقولى اى حاجة تفهمنى اللى بيجرى حوليا

اظاهر انك فعلا لازم تعرفى كل حاجة بصى ياستى زى ما قولتلك كده ماما كانت متجوزة واحد قبل بابا توفيق وكان الراجل ده صاحبه جدا وفاجأة تعب ومات وهو لسه شاب وساب ماما وعمر وشركة كده كان لسه بيبتديها واتفاجأت ماما ان الشركة عليها ديومن كتير وفنفس الوقت كان لجوزها ده فلوس كتير عند ناس من اللى كان شغال معاعم وزى ما انتى شايفة كده ماما ست طيوبة اوى وست بيت وبس ملهاش فى الشغل والحسابات وكان لازم حد يوقف جنبها فى الوقت الصعب ده والا كانت حتوقع فى مشاكل كتيرة فملقتش ادامها غير انها تلجأ لبابا توفيق اللى كان صاحب جوزها وطول عمره كان بيثق فيه فكلمته وهو ماتأخرش وقعد معاها وعرف كل شىء بعد ماما ما ادته كل الاوراق اللى كانت عندها وبدء فعلا فى الاجراءات اللى تخليه يلم فلوس صاحبة من السوق وفنفس الوقت جدول الديون  اللى عليه وقدر يرتب كل شىء وفى اثناء مقابلتهم دى كان بابا توفيق بيجيب معاه سهى عشان ماتفضلش لوحدها وكان فى الوقت اللى ماما وبابا بيرتبوا الشغل كانت سهى وعمر بيقعدوا يلعبوا مع بعض  وانسجموا اوى سوا لدرجة ان بعد ما خلصت مشاكل الشغل وبطلوا يتقابلوا كان عمر يتحايل على ماما انها تخلى بابا توفيق يجى ويحيب سهى معاه عشان يلعب معاها وسهى كمان كانت بتعمل نفس الشىء وقرب عمر لسهى قرب بين ماما سعاد وبابا توفيق فقرروا يكونوا عيلة واحدة وبس ياستى

بس . بس ايه كملى

استنى اخد نفسى بعد ما خلصت الجزء الاول من القصة 

الجزء الاول !!!

طبعا دى قصة ماما وبابا الجزء التانى والاهم طبعا هو اللى حصل بين سهى وعمر

مع انى متأكده أنك خمنتى جزء كبير من قصتهم طبعا

حبها واتجوزها صح

فعلا هو ده اللى حصل بالظبط . بس اللى حصل بعد كده محدش فهمه ولا مستوعبة

اه اللى هو ايه بقه !!!

بعد الفرحة الكبيرة اللى ما كنتش سيعاهم هما الاتنين واللى كانت واضحة للجميع يدوب مر شهرين على الحواز وبدءت الضحكة اللى كانت مش بتفارق وش عمر تختفى وسهى كمان بدءت تتغير واحنا مش فهمين اى حاجة بعدها بشوية بدءت سهى تقضى اغلب لا كل وقتها فى النادى وبدءت المشاكل بينهم بسبب كده لان عمر كان بيغير عليها اوى

طب ومحدش منكم ادخل بينهم عشان يعرف سبب كل اللى بيحصل ده

كلنا طبعا حاولنا لكن الاتنين زى مايكون كانوا متفقين ان محدش فيهم يتكلم المهم بعدها وفى يوم كده خرجت سهى زى العادة على انها رايحة النادى ومرجعتش 

ايه

ايوة زى مابقولك كده وعمر وبابا قلبوا عليها الدنيا يوم واتنين وف التالت لاقينا اتصال منها على تلفون البيت وطلبت تكلم عمر فضل عمر بيسمعها وهو فى ذهول ورد عليها بكلمة وحدة انتى طالق وقفل السكة وسط ذهولنا كلنا من اللى حصل ومحدش طبعا قدر يساله عن حاجة بعد الحالة اللى كان عليها

طب وماعرفتوش هى قالتله ايه يعنى

بعدها بفترة بابا قدر يعرف منه انها لما اتصلت قالتله انها كرهته وكرهت العيشة معاه وانها خلاص لاقت اللى ملا قلبها وحياتها وعوزاه يبعت ورقة طلاقها على وحدة صاخبتها هو كان يعرفها

ايه معقول اللى بتقوليه ده !!!

هو ده اللى عرفته من ماما بعدها بفترة طويلة بعد ما حلفتنى ما تكلمش ولا افتح الموضوع ده نهائى بعد كده . عرفتى بقه الحكاية 

بس برضه ده ما يدهوش الحق انه يعملنى المعاملة دى انا مش سهى

أيه يا سيدى اتأخرت عليا كده ليه ومالك وشك مقلوب كده ليه

اركب بس ياعماد ونروح نقعد فى اى حته عشان نتكلم على راحتنا 

توفيق

ايه ياسعاد مالك فى ايه ؟؟؟

انت لازم تقعد تتكلم مع عمر

اتكلم معاه فى ايه

الولد بيعامل رغد بطريقة وحشه جدا واكتر من مرة يهنها والبنت ياقلبى مش بترد وعاملة خااطر ليا وليك بس انا حسه انه عمال يزودها معاها أوى

الموضوع ده بالذات انا مش حقدر اكلمه فيه ياسعاد أنا موقفى حساس جدا لان رغد بنتى

طب وحنفضل سكتين عليه كده

حنعمل ايه بس انا بحاول اعوض رغد بحبى وحنانى عليها وانتى بقه وضحى عليكم بعمر حاولوا معاه براحة انه يفرق بين رغد وسهى وانها ملهاش ذنب فى اللى عملته أختها فيه 

يلا احكى بقه ياسى عمر

مش عارف ابدء منين

ابدء مكان ما تحب انا سمعك

انت عارف انى طلقت سهى من سنة 

ايوة

بس ما تعرفش تفاصيل الطلاق

فعلا وقتعا كانت حالتك غريبة جدا وحبيت اكلمك واخرجك من اللى انت فيه مقدرتش دا غير انى وقتها كنت مسافر عشان الماجستير

ايوة ووقتها غرقت نفسى انا كمان فى الشغل عشان لا اتكلم مع حد ولا حد يتكلم معايا واحس بالشفقة منكم 

شفقة ليه بتسميها كده احنا كلنا بنحبك ياعمر سواء اهلك فى البيت او احنا اصحابك

وعشان كده مكنتش عاوز احس بالشفقة منكم او انى

صعبان عليكم الراج اللى حب وحدة بكل معانى الحب بكل كيانة بكل ذرة فيه فالاخر هربت مع راجل تانى 

ايه انت بتقول ايه

هو ده اللى حصل يا عماد وهى دى الحقيقة البشعة اللى محدش يعرفها غير بابا توفيق وبس

طب حتى لو كده دا حصل من سنة وانتهى 

ماانتهاش يا عماد مانتهاش

ازاى

الهانم طلع ليها زفت اخت توأم كانت عايشه مع مامتها وامها ماتت وبابا جابها من كام شهر تقعد معانا وانا من وقتها مش طايق نفسى ولا البيت ولا اى حاجة وده كله بالنسبة ليا مش مهم المهم بابا توفيق

مالو عمو توفيق

خايف ان البنت دى تكون السبب ان بابا يكرهنى وانت عارف انا بحبه اد ايه وبعتبره ابويا 

طب وهى البنت دى يعنى بتزعجك بتعمل حاجة تزعلك

لا ابدا بس دايما كده بتحصل مواقف بيينا بتخلينى اتخانق معاها وبطلع كرهى لسهى فيها 

زى ايه يعنى

زى دلوقتى قبل ما اجيلك ………وقص عليه ما حدث بينه وبين رغد قبل خروجهتت

عملتى ايه ياضحى مع رغد

حولت اهديها بس ماهدتش الا لما حكتلها كل حاجة عن عمر وسهى

ليه كده بابا مكنش عوزها تعرف حاجة

مكنش ينفع نخبى عليها اكتر من كده وهى عايشة فى وسطنا

عندك حق

ايه يا دكتور لاقيت حل لحالتى

بتتريق برضو بس انت فعلا محتاج لكام قاعدة معايا عشان تتخلص من موضوع سهى ده خالص

انت حتعمل فيها دكتور بصحيح

صدقنى ياعمر انت صدمتك فى حبك الكبير لسهى هى اللى مخلياك فى الحالة اللى انت فيها دى ومخلياك كاره كل شىء ومش لاقى حد تطلع فيه غضبك غير البنت المسكينة اللى ملهاش ذنب فى حاجة دى

فقال عمر وهو شبه شارد : ضحى قالتى نفس الكلام من كام يوم

ضحى اختك دى مخها كبير مش زيك

تصدق انا غلطان انى حكتلك

بالعكس ياريتك حكيت من زمان كان زمانك ارتحت

طبعا ما صدقت تعمل دكتور عليا

طب جربنى ياسيدى المرادى بس وما تخافش مش حاحاسبك ع الفيزيته

ان كان كده ممكن اجربك

فانفجر الاثنان فى الضحك

ألو الحقنى يا عمر ماما جاتلها كومة سكر 

كده طب انا حجيب دكتور واجى بسرعة

الو عماد ماما جتلها كومه سكر وكنت عاوز الدكتور اللى بعتهولى المرة اللى فاتت

للاسف الدكتور دا مسافر . ااقولك حبعتلك دكتور مدحت دا احسن كمان من الدكتور التانى

يعنى اروح انا البيت وانت حتبعته على هناك

ايوة طب يلا سلام

بمجرد ان دلف دكتور مدحت الى حجرة سعاد اصتدمت عيناه برغد الجالسة بجوارها فتسمر فى مكانه فقال عمر : ايه يادكتور فى حاجة

ايه لا ابدا

طب اتفضل شوف ماما

بمجرد ان انهى الكشف ترك الجميع وتوجه بالكلام الى رغد : هى سكرها واطى وانا حعلق لها محلول عشان تفوق بسرعة واول ما تفوق حاولوا تأكلوها حاجة مسكرة شوية ممكن اشوف العلاج اللى بتاخده يا أنسة

فقالت رغد بارتباك : رغد اسمى رغد

فابتسم لها ابتسامة عذبة على اثرها ثار عمر عليه وهو يقول : ايه يادكتور مش حتعلق المحلول ولا ايه

فسترد مدحت انتباهه وقال بارتباك حالا اهو 

ثم توجه مره اخرى لرغد قائلا : بصى يا أنسة رغد

فقال له عمر على الفور بعد ان استشاط غضبا : قولى حضرتك اللى انت عوزة

فأملى مدحت عليه جرعات الدواء على مضض ثم انصرف وقبل ان يغادر اخبرهم بانه سيمر عليها غدا للاطمئنان على استقرار حالتها

وبعد انصراف مدحت قال عمر لرغد بغضب : هو انتى تعرفى مدحت ده قبل كده

فقالت رغد بفزع من حالته : لا ابدا انا اول مرة اشوفه

فقالت ضحى متذكرة : لا يارغد مش اول مرة فكرة لما كنا فى المول بنعمل شوبينج ووحنا خرجين اتخبطى فيه 

اه اه افتكرته صحيح 

فقال عمر بسخرية : اه ما انتى كيفة خبط فى الناس

فنظرت له بغضب وانصرفت

ايه ياعمر مش حتبطل اسلوبك ده معاها

هى ما تستهلش غير كده

حرام عليك

يلا خلينا نطلع نطمن على ماما

دلف الاثنان لحجرة والدهما ليتفاجأو برغد تجلس بجوار سعاد وتقوم بإطعامها 

فقالت رغد لهما عندما رات الدهشه بادية عليهم ايه هى مش مامتى انا كمان

فنظرت لها سعاد بابتسامة نظرة كلها امتنان

فقالت لها رغد بابتسامة عذبة : بصى بقه انا اللى حقعد جنبك واخد بالى منك

طب وانا يا ست رغد كيس جوافة

لا ابدا يا ضحى انتى كيس لب

وانفجروا فى الضحك

فتركهم عمر ونزل سريعا ليجلس فى حجرة المكتب مختليا بأفكاره التى ملئت راسه فقد تذكر عندما كان متزوج من سهى وحدث لوالدتها كما حدث اليوم وكيف انها طلبت ممرضة لتجلس بها واقنعت الجميع بأنها اقدر على مراعتها لخبرتها بهذة الامور وكانت تقوم هى بالاطمئنان عليها من الممرضة فقط ثم تذهب للنادى او تخرج مع اصدقاءها 

وفاجأة وجد باب المكتب يفتح ودخلت رغد فتفاجأت هى الاخرى بوجودة فى المكتب فتصنع هو انه مشغول ببعض الاوراق فدخلت هى الى المكتبة واخذت احد الكتب وخرجت سريعا

فعاد عمر لافكاره وحظيثة مع نفسه ولم يدرى ان الوقت تاخر كثيرا فقرر ان يصعد لينام واثناء مرورة من امام غرفة والدته فتح الباب ليطمئن عليها فوجد ضحى ممده بجوارها ورغد تحتضن الكتاب الذى اخذته وتغط فى سبات عميق وهى جالسه على كرسيها فأخذ ينظر اليها وهى على هذا الوضع وكأنه يراها لاول مرة

فى اليوم التالى واثناء خروج عمر قالت له ضحى

انت رايح الشركة 

ايوة 

طب دكتور مدحت قالك حيفوت على ماما امتى

اه صحيح انا مش عارف حيجى امتى ده . انا مش مرتاحله الدكتور ده

ليه بس دا شكله كويس ومحترم

طيب ياختى

وعند وصولة للشركة اول شىء فعله اتصل بمدحت ليعرف موعد زيارته لوالدته ليكون فى انتظاره لان والده مسافر 

وبالفعل عند وصول دكتور مدحت كان عمر فى انتظاره 

اهلا دكتور مدحت

اهلا استاذ عمر اخبار الولدة ايه

بخير الحمد لله

طب ممكن اطلع اطمن عليها بنفسى

طبعا اتفضل

وبمجرد ان دخل الغرفة ووجد رغد جالسه بجوار سعاد ابتسم لها ابتسامة عذبة ثم قال لها على الفور : ازيك يا انسة رغد عامله ايه باين عليكى الارهاق انتى ما نمتيش كويس امبارح ولا ايه

فأجابته وهى مرتبكه : اصلى كنت سهرانه جنب ماما فتدخل عمر فى الحديث على الفور : ايه يا دكتور هو انت جاى تطمنا على ماما ولا رغد

فأجابه بارتباك : طبعا جاى عشان الهانم ثم بدء الكشف وطمئنهم على حالتها وأكد على نظام العلاج الجديد وهو يقول لها : الف سلامة عليكى يا هانم

سعاد : الله يسلمك يا دكتور 

وبمحرد ان التفت خلفه فلم يجد رغد ظل يجول بعينيه فى المكان باحثا عنها الى ان غادر الفيلا

وبمجرد ان رحل مدحت قال عمر لضحى : انا خارج رايح لعماد ولوعوزتى اى حاجة اتصلى بيا

طيب

وفى هذة الاثناء كانت رغد خارجة من المطبخ فقاللت لها رغد على الفور : روحتى فين يابنتى بس المتيم الولهان كان ياعينى حيموت ويشوفك قبل ما يمشى

متيم مين وولهان ايه

يسلااااام عليا برضو يعنى مش عرفة مين.

بجد مش عرفة بتتكلمى عن مين ولا ايه

بتكلم عن دكتور مدحت طبعا

ااااه مالو بقه

يابنتى الراجل حيتجنن عليكى 

وانا اعمله ايه يعنى

يعنى انتى بجد مش وخده بالك منه ولا فى حد تانى

لا تانى ولا تالت انا عمرى ما حد لفت نظرى لحد دلوقتى

يسلام وحدة عندها 25سنة وعمر ما راحل خطف قلبها 

تعرفى ياضحى فعلا انا عمر ما فى راجل شغل قلبى يمكن بسبب جوزات ماما الكتيرة واللى كان بيحصل معاها من الرجالة اللى بتتجوزهم بينى كده اتعقدت يا بنتى

.فانفجرت ضحى فى الضحك ثم قالت : تصدقى ممكن

فقالت رغد بخبث: طب بالنسبة للاخت ضحى واللى مش معقدة زى مفيش حد خطف قلبها 

فيه بس للاسف موقعتش غير فى واحد مش دريان بالدنيا ولا اللى فيها

ليه بتحبى واحد مجنون

لا وانتى الصادقة حياته كلها مجانين

ايه !!! يعنى ايه 

حفهمك عمر له واحد صاحبه اسمه عماظ وسيم وشيك وابن ناس ومهذب وحضرته دكتور نفسانى ومقطع نفسه بقه درسات عليا ماجستير ودكتوراه ومش مركز فى اى حاجة غير شغله ودراساته حاجة تغم النفس 

ياعينى يابنتى طب وهو عارف بالحب ده

لا دا حب من طرف واحد بقولك مش مركز غير فى السخام العلم والشغل وبس

طب ما تشوفيلك حد تانى او اقولك ما تخدى مدحت

مش حينفع اصله متيم بغيرى

يابنتى انتى بتتكلمى بجد

ايه مشفتوش فى المول ولا ملاحظة من اول يوم لما جه وشافك هنا ولا انهاردة لما اختفيتى كده فاجأة ياحرام كان عمال يتلفت حواليه يمكن يشوفك

بس بس الحمد لله انه مش جاى تانى

ليه بس كده دى سنة الحياة واى بنت بتحب انها تحب وتتحب كمان وسيبك من حكاية مامتك

اكيد كل بنت بتحب تتحب وتحب كمان بس انا اكيد ماقبلتش اللى يناسبنى اصل الحب مش عاوز استأذان يابنتى دا زى القضى المستعجل كده

ياساتر ع التشبية

المهم قوليلى هو عمر فوق ولا فين

لا عمر خرج راح لعماد

هو ده حبيب القلب

فأجابتها بتنهيدة حارة : أيوة

طب يلا يا ختى نروح نشوف ماما يمكن تكون محتاجة حاجة