Uncategorized

رواية مكالمة مجهولة الفصل الثاني 2 بقلم سارة & جنى

 رواية مكالمة مجهولة الفصل الثاني 2 بقلم سارة & جنى

رواية مكالمة مجهولة الفصل الثاني 2 بقلم سارة & جنى

رواية مكالمة مجهولة الفصل الثاني 2 بقلم سارة & جنى

_فتحت الواتساب ونا كلي قلق وعلي اعصابي اتصدمت من اللي شوفتو
* اسكرينه كلام بيني وبينو 
_اي ده جبتي الاسكرينه دي منين
* ده لسه فيه تاني
_  دي صورتو مع بنت ودي دي قرايه فاتحه!!!!
* ها اتاكدتي انو بيتسلي بيكي
_ انتي كدابه الصوره دي مش حقيقيه
* طب خدي ده كمان
بعتتلي مكالمه بينو وبينها وفيها كلامهم وكلمه بحبك ليه طب ليه يعمل فيا كدا لييييه واتصدمت اكتر لما قال
– بقولك ياحببتي فيه بنت كنت بحبها فترا بس والله دي عدت وعرفت اني هخطب ونا اتخنقت منها انا بحبك انتي
* طب ابعتلي رقمها ونا هربيها
– لا انا هتصرف عشان لو لقيتك وكلمتك يبقي متصدقيش عليا حاجه
* طبعا ياحبيبي
ونا بسمع وفي حاله ذهول بقيت في عالم تاني مش قادره اتكلم لساني عجز عن النطق حاسه ان قلبي هيقف من الوجع دموعي بتنزل بهدوء 
* ها عرفتي انو بيتسلي بيكي
– مبقتش عارفه ارد بأيه من الصدمه
* مش راضيه تردي ليه بردو مش مصدقه انا بقي هخليكي تصدقي صح
فجأه دخلتني في جروب انا وهو وهي فيه وعملت اسكرين بكل كلمه قالتهالي وبعتتها في الجروب وبعتت الكلام اللي قالتو ونا كل ده في عالم تاني باصه للكلام وساكته
وهو فتح وشاف كل ده
هو: اي ده!!!!!! 
* اي ياحبيبي مش قلت دي بتضايقكك 
هو: انتي ازاي تعملي كدا ساره دي كدابه انتي هتصدقيها
* تصدق ايييي طب اصبر بس هبعتلك بقيه الصور عشان تصدقي
وفعلا بعتت صور ليهم 
* ها صدقتي 
هو: ساره لا بلاش تصدقي دي بتكدب ساره ردي ساراااااا
خرجت برا كل حاجه ورميت الموبيل حاسه ان عايزا اصرخ لييييه يعمل فيا كدا لييييه دنا قلت مليش غيرك تعمل فيا كدا قلت ان الكل بعد عني ومبقاش ليا غيرك ونت تعمل فيا كدا لييييه عملتلك اي بكيت بحرقه ولقيتو بيرن 
بصيت لرقمو بقيت مش طايقه اسمع صوتو ولا حتي اشوف رقمو عندي قفلت الموبيل وفضلت اعيط لحد ما نمت
المشرفه: ساره ساره انتي يابنتي مالك فيه اي بتعيطي ليه
_ انا كويسه بس تعبانه شويه 
المشرفه طب روحي اقعدي ولو مدرس سألك قولي اني انا اللي قلت انك تقعدي تمام
_ تمام 
روحت بعيد اوووي وقعدت فضلت افتكر كل ده كأنو امبارح وفضلت اعيط على اللي حصلي
رحمه: الحيوان ليه يعمل فيها كدا
ايمان: ده متخلف وبعدين قلتلها بلاش تحب وانو اساسا اول ما شوفت شكلو قلتلها بلاش 
رحمه: اعذريها بردو هي ملقتش حد جمبها غيرو 
ايمان: ويعني اللي حصل ده كويسه
المشرفه: كفايا صوووت يابنات لحد ما يخلص الطابور
خلص الطابور 
كنت شويه اركز وشويه اكون في عالم تاني 
لحد ما اخدت قرار ان اطلعو من دماغي
رحمه: ينفع تركزي شويه 
– طيب 
رن الجرس ووقت البريك
* بطلع موبيلي لقيت رقم غريب بيرن حسيت ان قلبي هيقف 
ايمان: مالك شكلك مخطوف ليه كدا
– فيه رقم غريب بيرن 
ايمان: فكك ممكن حد بيعاكس او حد غلطان في الرقم مش هو صدقيني اقفلي الفون كدا ويلا نجيب حاجه ناكلها
– تمام روحي انتي ونا هاجي وراكي كمان شويه
ايمان: طب يلا متتأخريش 
-تمام مش هتأخر
بصيت شويه في الرقم بس ده مش رقمو ممكن يكون صح حد بيعاكس او حد متصل غلط
كنت لسه همشي لقيت الرقم بعت رساله احساس كبير انو هو جيت افتح الفون 
رحمه: تعالي بقا الفسحه هتخلص 
– طيب اهدي متشديش ياهبله
الفسحه خلصت ورجعت الفصل بصيت علي الرساله كنت لسه هفتحها المدرسه دخلت اي الحظ ده
سبت الفون وقلت اركز في الدرس
خلص اليوم الدراسي علي خير 
ايمان: متيجو نتمشي شويه قبل ما نروح
– لا خليها في وقت تاني تعبانه دلوقتي وعايزا انام
رحمه: ونا كمان بصراحه منمتش من امبارح
بصينا لرحمه بطرف عينا 
رحمه : اي بتبصولي كدا لي!!؟؟ لااااااا اهدو مش اللي في بالكو بس عشان كنت بذاكر
– بتذاكري برضو ????
رحمه: اه عن اذنكو باي
إيمان : البت دي مش طبيعيه انهارده ????
– بكرا هنعرف او هنتجمع في الشات وابقى نقفشها???? يلا باي دلوقتي 
ايمان: باي يختي
روحت ونا بالي مشغوله عايزا افتح الرساله دي بسرعه واعرف مين 
هناء: انتي جيتي بدري يعني 
– عشان خرجونا بدري ياماما وبعدين انهارده الخميس يعني مفيش حصص كتير
هناء: طب ادخلي غيري هدومك ويلا عشان تاكلي وتروحي الدرس 
– تمام روحت اوضتي وافتكرت الرساله 
فتحت الرساله ونا كلي قلق ولقيت اي ده اي الكلام الغريب ده
يتبع…
لقراءة الفصل الثالث : اضغط هنا

اترك رد