Uncategorized

رواية تزوجت عاشقة فجعلتني أعشقها الفصل الأول 1 بقلم عائشة البشير

 رواية تزوجت عاشقة فجعلتني أعشقها الفصل الأول 1 بقلم عائشة البشير
رواية تزوجت عاشقة فجعلتني أعشقها الفصل الأول 1 بقلم عائشة البشير

رواية تزوجت عاشقة فجعلتني أعشقها الفصل الأول 1 بقلم عائشة البشير

المقدمة 

طبعا هالرواية أحداثها واقعيه مع تغيير للأسماء والأماكن فقط، ممزوجه بشوية خيال من عندي????
حاولت مانغيرش هلبا في المواقف، وحتي أسلوب خالد في الكلام حاولت ننقله زي ماهو كان يحكي
نتمني أنها تنال إعجابكم ????????
مقدمه الروايه
أنا الشاب اللي قررت نكمل نص ديني ونتزوج وننسي كل شي صار معاي في الماضي،????
أنا الشاب اللي تلقيت صدمة في ليلة العمر اللي مفروض تكون أحلى ليلة في حياتي????
أنا الشاب اللي حبيت واحده وهي قلبها مع غيري????
أنا الشاب اللي إكتشفت أنه زوجتي اللي عشقتها، هيا نفسها حبيبة أعز صحابي????
حياتي كلها صدمه وراء صدمه????
وبالرغم من كل شي صار معاي نحاول أني نوقف ثابت ومايهزني شي، بس أنا من داخل محطم كليا????
مافيش راجل يقدر يتحمل اللي تحملته
مافيش حد يقدر يصبر ربع الصبر اللي صبرته 
مافيش أي شخص يقدر يدير كل اللي درته
يمكن كل اللي راح يسمع قصتي، راح يقول عني غبي ومن غير كرامه، بس لا أني راجل عاشق، 
وفي عشقي سقطت كل الحواجز اللي يصنعها الزمن
وفي عشقي سقطت الكرامه اللي ممكن تبعدني على روحي
في العشق يلغي المنطق ويترك القلب ينطق❤
في العشق ننسي من نكون ونجهل ذاتنا
تتوقف عقولنا مكبله أمام جنون قلوبنا
في العشق يصبح للبكاء لذة وللأهات فن????
في العشق كل خطيئه تغتفر 
وكل عيب لا نراه…. أ وليس الحب أعمى !!!!
النظره لمن نحب كالجرعه المهدئه عندما نصاب بألم الإشتياق..
هكذا هو الحب❤





أنا خالد صاحب وليد، طبعا اللي قاري الجزء الأول { عذبتني الحياة????????} أكيد يعرفني
راح نحكيلكم البداية بإختصار٠٠٠٠٠٠٠
شفت فرح لما جت للمحل هيا وبناويت خالتها اللي يجهزو لعرسهم، لفتت إنتباهي وعجبتني????، وكلمت خطيب بنت خالتها وقتله يشوفهالي، بصراحه الراجل ماقصرش معاي???? وحددلي موعد ورفعت أهلي وعجبتهم البنت وردو علينا بالموافقه وماردو علينا لين نشفو الريق???? قريب شهر وأحني نستنو في ردهم???? تقول عليا واخذ الأميره ديانا????
المهم ماعلينا توا وافقو ودرنا فضانيه وحددنا العرس بعد 10شهور عندها خوها مسافر حسب مافهمت ويستنو فيه يروح، وأني ملزوم نستني معاهم كيف عاد نسباتي????
فات الوقت ولهيت نجهز في حوشي???? ومانقصت شي، واستقريت في مصراته ورجعت لعملي ومسكت محل من محلاتنا أهنايا،
كنت نبي نتواصل مع فرح ونحكو ونتعرفو زي أي إثنين مخطوبين بس حسب مافهمت أنها رافضه، ماعنديش إلا الصبر وخلاص، بس كل يوم يفوت حاس روحي نتعلق بيها أكثر ❤وأني مانعرفش عليها شي
فات رمضان???? والعيد???? والعيد الكبير???? وحتي عاشوراء???? وفي كل مناسبه شايل أمي وخواتي ونهز في طولي???? ورافعلها هدايا???? ????ومامنقص شي، على أمل نشوفها ولا تطلعلي ونحكي معاها بس شي مسكره رأسها
قبل العرس بشهرين رفعت أمي???? على أساس بيتفاهمو على حاجات العرس، وشريتلها تليفون???? أخر موديل لما قالولي أنها حتي تليفون ماعندها وخزنتلها فيه رقمي????، وقلت لأمي تكلمها وتقلها تكلمني ضروري،بس لاحياة لمن تنادي،????‍♂️
عارف كلكم مستغربين كيف متمسك بيها وهيا هكي تصرفاتها، مانكذبش عليكم فكرت في هلبا حاجات، بس كل اللي سألتهم يشكرو فيها وفي أخلاقها وأدبها????، وصلت بيا الدرجه مشيت لمدرستها???? اللي كانت تقرأ فيها وسألت أساتذتها وأبلاتها كلهم يقولولي كمل وأنت عيونك مغمضات???? وهالشي اللي مخليني مطمن من ناحيتها
قريت الفاتحه قبل العرس باإسبوع مخصوص باش نشوفها ونحكي معاها، لأنه هكي معاش عندها حجه????
ليلة اللي قرو الفاتحه طبعا أني مامشيتش، قالو خوها روح في نفس الليله، هذيكا الليلة ماجانيش نوم ونفكر كيف بنتصرف معاها وكيف بتكون بعد هالغموض هذا كله، لأني كنت مخطط من الصبح ننزل لطرابلس ولازم نشوفها خلاص ولت مرتي وأني مانعرف عليها شي، وفعلا نزلت لطرابلس ثاني يوم من الصبح ورفعت معاي تعليقة ذهب وبوكس شكلاطه???? وباقة ورد????( كنت بزعاق هلبا بسلامتي???? إنبين في فلاحتي كيف عاد????)
إستقبلني خوها وخشيت للمربوعه ومشي على أساس بينادي بوه، وأني قعدت نفكر ????زعما تطلعلي ولا لا، باهي زعما فيها عيب هذا علاش ماتبينيش نشوفها تي لا لا ماهو شفتها يوم المقابله مافيها شي واضح، باهي إمالا شني السبب اللي يخليها رافضه تكلمني أو حتي تشوفني، كنت زي الأهبل???? نسأل ونجاوب في روحي، طبعا خش بوها وبعد السؤال عن الحال والأحوال????
خالد: واللهي ياعمي نبي نشوف فرح ونحكي معاها،على ماأعتقد توا معاش عندها حجه الفاتحه وقريناها شن مازال ثاني????
علي متحشم من تصرفات فرح: من حقك طبعا،نستأذنك إنادي علاها
خالد زفرت براحه وأخير،دقايق وقمت رأسي لما خشت وقالت
فرح بتوتر: السلام عليكم 
خالد من الفرحه???????? معاش عرفت كيف نتصرف وقفت طول وقدمت على أساس بنسلم عليها،بس تفاجأت لما تجاهلتني ومشت قعمزت بدون حتي ماتسلم عليا????، تنهدت صبرني يارب????، ورجعت قعمزت
خالد:كيف حالك يافرح????
فرح بتوتر: كويسه????
خالد: ممكن ترتاحي شويه ليش كل هالتوتر والخوف مش راح نأكلك راهو، وقيمي رأسك نبي نشوفك كويس????
فرح واضح أنه بارد ومغرور،يحاول يستفزني،مش راح نسكتله،رفعت رأسي وبغضب: خايفه عليك تنجلط من جمالي????،مانبيش نشيل ذنبك في رقبتي????، ونضت طلعت بسرعه
خالد إنصدمت???? من جرأتها شكلها مش هوينه، هيا مش جميله للدرجه هذي بس فيها شي جذاب قدر يسحرني من أول مره ريتها، تفاجأت لما طلعت????
عصبني ????تصرفها وطلعت بسرعه بدون مانستأذن من حد، واضح أنها بتعبني من بدايتها، بس إنتبهت لعيونها الحمر والمنفخات اللي يدلو على أنها باكيه فتره طويله????، زعما ماتكونش مغصوبه على الزواج????، بس لا مني هيا البنت اللي مازال تنغصب على حاجه الوقت هذا????
إنشغلت في العرس والتحضيرات وماقصرتش معاها في شي، كنت عارف أنه حالتهم على قدهم، وماكنتش نبي تنقصها حاجه،
يوم الحفله نزلنا من الصبح لطرابلس كنت حجز لأهلي إستراحه لأنهم بيحضرو الحفله وبيرجعو ثاني يوم الصبح لمصراته،وحجزت إستراحه ليا ولصحابي، كنت فرحان وعشت يومي بكل تفاصيله ومانقصتش على روحي شي، جي وقت خشتي للصاله، وقفت قدامها وقمتلها رأسها ومسحتلها دمعتها???? ماركزتش هلبا على دموعها قلت أكيده من التوتر والخوف عادي، بست على رأسها بصراحه كنت مصدوم طلعت أجمل من ماكنت شايفها، من قريب ملامحها يقتلو????، بفرحه: مبروك عليا أنتي????
لما مالقيتش منها رد شديت إيدها اللي كانت بارده، وقعمزنا، تكلمت نحاول نخفف شويه من توترها، باإبتسامه:صار خايفه تجلطيني ها????؟ وجمالك هذا شني إندير فيه !! شكلك ناويه ترفعيني للقبر مره واحده الليله ولاكيف????
كنت نحاول نحكي معاها ونخليها ترتاح شويه بس كانت تكتفي بالإبتسامه اللي كانت واضحه أنها مش من قلبها، جت المصوره وخدتلنا لقطات وأني كنت منسجم وعاجبني الجو ????بعكسها هيا اللي كانت معصبه???? ومش عاجبينها الوضعيات اللي تقول عليهم المصوره، كملنا وطلعت وأني ماسكها، طبعا لازم منه جو التسليم والتوديع والدموع وحاله تمزريط تقول باعتينا للصومال???? كملنا من أمها وخواتها وفريق العائلة وماكملو لين قريب طلعولي روحي???? وطلعنا وتلقونا خوتها، ياعليك هم????‍♂️في هالليله اللي معاش بتكمل، تضبيط وحاله تقول معاش بيشوفوها
خالد تي ذوبتوها شني خليتولي أني????بضحكه: ياجماعه مش خاطفها أني، قاعده أختكم راهو????
سالم بترجي: باللهي رد بالك منها، أمانه عندك راهو
خالد: ولايهمك راح نشيلها في عيوني بإذن الله، ركبتها في السياره???? 
وطلعنا في موكب زفاف????????????????????????????✨???????? ولاأروع، صحابي وشباب العيله ماقصروش معاي وقامو القدر وزياده، طبعا مرواحتنا لمصراته في الليل صعبه فلهذا كنت حاجز في فندق في طرابلس????، من لما طلعنا وأني بس اللي نتكلم وهيا ساكته ومره مره تحاول تسحب يدها اللي أني ماسكها بس ماعطيتهاش مجال???? كنت نزيد نضغط عليها أكثر لما نحس أنها تبي تسحبها، وصلنا للفندق وأني حاس روحي بنطير من الفرحه????، حشموني الشباب اللي دارو زحمه قدام الفندق ومابطلوش تلقيح، وأني نازل ونافخ ريشي وحاسب روحي وين???? عاد الليله ليلتي يامعلم،???? وصلتها للجناح وقتلها شويه ونجي، كنت بننزل للشباب اللي عارفهم مستحيل يمشو لين ننزلهم، وبعد توسلات وترجي????‍♂️ مشو وريحوني بعد ماحشموني???? قدام جماعة الفندق، ركبت نجري على الدروج إنشط في دورتي الدمويه عاد????
فتحت باب الجناح وعيوني بيطيرو من الفرحه????
بس إنصدمت صدمة عمري ماتوقعتها لما لقيتها ????
.
.
.
.
.
.
.
.
.
.
.
دخلت وشفت منظر، عمري ماننساه مادامني حي،????
كانت راكبه على طاولة الصالون ورابطه شرشف السرير في الثريا، وتفاجأت???? لما شافتني ممكن كانت متوقعه أني نتأخر شويه لين تنهي جريمتها في حق نفسها، وفي لحظه دفت الطاوله وقعد جسمها يدرجح في الهواء،جريت بسرعه وأني نحاول نشدها ونقيمها فوق
خالد بعصبيه????: يانعن……. ????يامصيبه شني اللي درتيه، فكي الربطه بسرعه فكي، كان صعب عليا أني نقيمها وفي نفس الوقت نجبد الطاوله، بس لما مابتش تسمع كلامي وتفك ربطة الشرشف من رقبتها، ماكانش قدامي إلا أني نطلقها ونجبد الطاوله بسرعه ونرجع نوقفها عليها، ركبت وفكيتها وأني نسب ونلعن في روحي وفي حظي اللي زي الزفت????، نزلتها ودفيتها بكل قوتي لين طاحت لوطه وقعدت تكح وتأخد في نفس بصعوبه، ماهانتش عليا، سندتها عليا وقربتها من الروشن وفتحته، قعدت دقايق باش إنتظم نفسها، رخيتها وبديت نفقد في أعصابي????
خالد بعياط: يانعن…… ????يابنت ال……???? شني كنتي بديري، جاوبي شني فيك قولي تكلمي، قربت منها وجبدتها من إيدها ووقفتها قدامي وعطيتها كف بقوتي كلها
خالد بغضب: تكلمي ولا واللهي نذبحك إهنايا ومايندري عليك واحد، تفاجأت من برودها اللي تحول في لحظه لضعف وهيا تبكي بحالة هستيريه، 
قعدت تقول في هلبا كلام ماقدرتش نفهمه وهيا في حالتها هذي، بس اللي فهمته أنه “” أحدهم أخذ قلبها وخذلها “”????????????
حسيت الدنيا ظلمت في وجهي علاش أني حظي هكي علاش ياربي، كيف بنتصرف!! حاولت بكل جهدي نمسك أعصابي ومانطلعش غضبي وقهري كله عليها، دخلت للحمام ( أكرمكم الله ) وقلت نأخد دوش نريح أعصابي شوي باش نعرف نفكر في هالمصيبه اللي حلت على رأسي، ماعطلتش هلبا كنت خايف أنها إدير في روحها شي ثاني، طلعت ولفتت نظري كيف راقده على الصالون ومتكمشه في بعضها، توا بس ركزت إنها لابسه بيجامتي، وإنتبهت لحوايجها ملوحات لوطه اللي كانو زي حوايج أي عروس في ليلة دخلتها، بس هيا أكيد مش راح تلبسهم ليا، 
وقعدت نشوف للفيلو اللي مرمي بإهمال، تي كيف حولاته بروحها???? قعدت شهر بحاله وأني نحلم بتحويلة الفيلو???? بس شكله كل أحلامي راح تتبخر واحد وراء الثاني????????
ماقدرتش نرقد طول الليل وأني نفكر شنو اللي كان ممكن يصير لو تأخرت عليها شويه، قعدت نتأمل في ملامحها الهاديه والبريئه اللي ماتوحيش أنها دارت أي شي قبل هكي، قعدت طول الليل وأني فكره ترفعني وفكره تجيبني، فكرت نتصل بصاحبي ونشكيله بالك يخفف عليا شوي، تي هوا بروحه اللي فيه ساده ويبي من يخفف عليه حتي هوا، وبعدين شني بنقول معقوله نشكي من مرتي من أول ليله????
ثاني يوم س 12 إنتبهت إنها ناضت، وقفت قدامها
خالد بنبرة تهديد: حسك عينك اللي صار إمبارح يتكرر أو يسمع بيه أي مخلوق، والله تشوفي مني شيء في حياتك ماتوقعتي تشوفيه، وردي بالك تحسابي إنك لو متِ خلاص بينتهي كل شي لا والله إندوره ونقتله ونلحقه بيك هاللي رخصتي روحك ليه فاهمه؟؟ عندك ربع ساعه تجهزي روحك طالعين لمصراته، أهلي عازمين ناس وإمدايرين محضر كبير حسك عينك نشوف منك أي تصرف هكي ولا هكي، وحسابك معاي في الليل
فرح أني غالطه وعنده ألف حق في أي كلمه قالها، مش عارفه كيف طاوعت الشيطان ودرت هكي كنت راح نعذب روحي في نار جهنم، بس كنت ضعيفه ومكسوره صعب عليا نكون معا غيره في الوقت اللي هو مسيطر على كل كياني حتي وهوا بعيد مانقدرش مانقدرش????
كنت مقعمز نشرب في قهوه ونستني فيها تطلع من الحمام، طلعت وكانت لابسه بدله قونه فوق الركبه ومن فوق بلوزه ربع كم، كنت نراقب فيها بعيوني، كانت طالعه تجنن???? وشعرها اللي نازل على ظهرها???? اااااخ لو ماكنش صار اللي صار إمبارح بس
خالد ببرود: هيا خفي روحك، نطلع ونخليك راهو
فرح بخوف: باهي حاضر أهو كملت، بس، نزلت رأسي وسكتت خفت منه
خالد هيا حلوه وزادها الحشم????: بس شني تكلمي شن فيه
فرح وعيوني لوطه: الفيلو لازم نرجعه اليوم
خالد: بس اليوم جمعه
فرح: ماهو قتلي نوصلهولها في الحوش
خالد: باهي باهي غير أطلعي عطلتيني الزفت، خديت شنطتها والفيلو منها وتلفتلها: وأنتي بتطلعي هكي قصدك، حطي حاجه على وجهك
فرح بإستغراب: شني بنحط؟؟ 
خالد: غطي وجهك ولا بري أغسلي الخرا اللي حاطيه
فرح: بس ماعنديش باش ، وسكتت لما فنص فيا ورجعت للحمام وغسلت وجهي من المكياج اللي مادرته إلا بطلوع الروح ماكنتش نعرف كويس وطلعت، خطمنا الفيلو وطلعنا  لمصراته وطول الطريق الصمت سيد الموقف، لين رن تليفونه
خالد: أهلين ياأمي، لاتمام الحمدلله، أي أهو في الطريق قريب نوصلو، والله مانعرف، باهي أن شاء الله
خالد: أسمعيني كويس،خلي روحك عاديه وردي بالك، أي حد يسألك شن صار إمبارح قوليله الأمور تمام فاهمه
فرح هزيت رأسي وأني مش عارفه شن يقصد بالضبط
خالد: كلمي أهلك شوفيهم طلعو ولا لا
فرح كلمت نعمه وقالتلي أنهم كيف طلعو لأنهم كانو بيحضرو المحضر
خالد وصلنا لحوش أهلي وتلقونا العيله كلها وماغابيكم عاد في التضبيط والتسليم???? تقول ليهم عشره سنين ماشافونا وأحني إمبارح بس كنا معاهم????، لاحظت فرح كيف متوتره ومتحشمه، عيلتنا كانت كبيره نوعا ما، وبدو عاد في جو التقصقيص ???? 
خالد وقفت وشديت يد فرح ووقفتها معاي: عن أذنكم شوي، تعالي معاي يافرح
مرت عمي: مسرع ماستاحشتها، تحشم ياولد خلي البنيه تقعمز معانا شوي
خالد بنظرة إستفزاز????: عريس جديد عاد وفرحان بعروستي????، قدروني شويه، وجبدت فرح معاي ودخلتها لدار خواتي 
خالد باأمر: خليك إهني فاهمه ماتخلتطيش بالناس اللي برا باهي، الدوه الزايده والتفتفيت فكينا منه، توا إناديلك خوله تقعد معاك، وركزت على عيونها لأول مره، كانو فيهم كمية حنان وحزن مش معقوله، اااخ ياقلبي مني اللي هان عليه يخلي هالعيون يحزنو، طلقت إيدها اللي كنت شادها وناسي روحي لما طق الباب، خشت خوله وبغمزه: ها ياعرسان عيب عاد مش إهنايا، الجماعه بيموتو من القهر برا
خالد بعدم مبالاه: إن شاءالله يتفجرو، ماتخليهاش تطلع، لين إنجي ونرفعها للصاله باهي
فرح كنت زي المسبوهه مش فاهمه شي، لاحظت نظرات أهله ليا في شي من الحسد والحقد وواضح أنهم فضوليين هلبا من أسئلتهم اللي قعدو يسألو فيها،ماقدرتش نفسر تصرفات خالد، وإنزعاجه من أهله وكيف ينقلب في لحظه، قعدت معا خوله لين جتني المزينه اللي كانوا جايبينها في الحوش، كملتلي ولبستني الجلوه 
المزينه: ماشاءالله عليك قمر، أرقي روحك قبل ماتطلعي، وأني قاعده برا وبنمشي معاك للصاله لو تبي تعدلي شي كلميني
فرح وأني نشوف للمرايه ومصدومه في روحي كيف متغيره هلبا: شكرا بارك الله فيك، خشت خوله وسكرت الباب بالمفتاح بسرعه
خوله داهشه: هبلوني الزفت ماخلونيش حتي نوتي روحي????
فرح بإستغراب: خيرك ياخوله شني فيه
خوله: كلهم يبو يخشو يشوفوك، وزوجك المصون نبه عليا ماحد يشوفك لين يجي هوا????
المزينه قعدت تضحك: هههههه من حقه طبعا، ربي يهنيكم يارب
فرح أكتفيت بالإبتسامه????، وأني حايره في تصرفات خالد، وحاسه روحي دايخه، طلعت خوله هيا والمزينه، قعمزت دقايق وإنفتح الباب وكان خالد
خالد طلعت ومشيت دوشت ولبست زبون في إستراحة واحد من صحابي لأنه الشباب ماخلونيش نمشي لحوشي، وإتصلت بخوله ونبهتها أنها ماتخلي حد يخش لفرح لين إنجي، مكانش عندي ثقه في حد وخصوصا أنه كل العيله ( نقصد بالعيله عماتي وخلاتي وإمساوين خوالي وعمامي)???? مش راضيين أنه نسيب بناويتهم ونأخذ من مدينه ثانيه????، وكانت الفتره هذيكا كاثره قصص السحر وأني مش ناقصني هم???? اللي فيا سادني، جيت لحوش أهلي على أساس بنأخد فرح وبنطلعو للصالة اللي إمدايرين فيها المحضر، وتلقوني بالزغاريط وحاله???? مش عارف قداش مره سلمو عليا خلال هالعرس كرهوني في التسليم???? وماخلصت روحي منهم إلا بستين واسطه
خالد تفاجأت فيها كيف طالعه تجنن وأحلى من إمبارح بهلبا???? ااااه ليش يارب جبتهالي حلوه هكي كيف نقدر نقاومها أني، قربت منها وحطيت إيدي على رأسها وقعدت نرقي فاها????
فرح قعدت نشوف لخالد وهوا واقف ومركز عليا تحشمت وحطيت رأسي لوطه، بس فاجأني قعد يرقى فيا????
خالد طلعنا ومشينا للصاله، بصراحه قررت أنه ننسي اللي صار إمبارح ( رغما أنه الموقف راسخ في دماغي ولحد اليوم هذا مانسيته) ونعطيها ونعطي لروحي فرصه ثانيه، حاولت نستمتع بتفاصيل اليوم وماغابيكم عاد في دوة النسون، خش وأطلع خلوني نبدل ثلاثة مرات كل مره بلبسه، وحتي فرح  تعبوها مسكينه، بس اللي كان إمضايقني أنها كانت بارده معاي لأقصى الحدود، ومش معبرتني حتي بنظره، وأني اللي كنت ميت عليها???? وفي كل لبسه تطلع أحلى من قبل???? اااااخ ليش حظي هكي بس????
فرح روحو أهلي من المغرب لأنه المشوار بعيد، كنا واقفين نصورو الحمدلله قريب يتم المحضر خلاص تعبت، شديت في إيد خالد لما حسيت روحي خلاص راح نفقد توازني: خالد
خالد تلفتت بإبتسامه لم فرح شدت إيدي أول مره نسمع أسمي منها????
** ستري جمال إسمك…حين يناديك من تحب **
، وفي أخر لحظه مسكتها قبل مايخبط رأسها في الدروج اللي كنا واقفين عليهم???? لا يااااااااااربي شكله مكتوبلي كل ليله تنتهي بصدمه أكبر من الليله اللي قبلها
يتبع ……
لقراءة الفصل الثانى : اضغط هنا
لقراءة باقى فصول الرواية : اضغط هنا

تعليق واحد

اترك رد