رواية تزوجت عاشقة فجعلتني أعشقها الفصل الثالث 3 بقلم عائشة البشير

“”” أحيانا يمر أشخاص في حياتنا قدراً.. فيصبحون.. أغلي الناس على قلوبنا.. وعندها !! نسأل أنفسنا ؟؟

هل نحن نعرفهم…. أم أننا ولدنا عندما عرفناهم…!!!

حينها فقط ندرك…..

إن الأرواح حين تحب لاتملك حق الإختيار… “””❤❤

فتحت باب الحوش وإستغربت من الضيف اللي عندنا، مش وقته بكل الزفت ماصارش من الحضن???? اللي كنت نخططله طول الطريق???? حطيت باقة الورد على المدخل وخشيت: أهلا وسهلا أنستنا 

سالم بإبتسامه: أهلين بيك يابو نسيب، سامحني على الزياره من غير موعد، غير إستاحشت فرح، حتي يوم جيتو في السبوع مالحقتش شفتها، روحت من العمل قالولي روحو

خالد عيوني على فرح???? بإبتسامه: تي عيب ياراجل شن تقول أنت الحوش حوشك تفضل في أي وقت يعجبك، صح روحنا بسرعه انت عارف الطريق طويل وفي الليل مطمنش 

سالم: صح عندك حق، كيف حال العويله؟؟

خالد: الحمدلله بخير ونعمه، نستأذنك شويه إنبدل حوايجي وإنجي

سالم: خود راحتك ولايهمك، وتلفت لفرح نوضي شوفي راجلك بالك يبي حاجه

فرح توترت: هااا باهي، ونضت مانبيش إنخليه إيشك في شي

خالد إنصدمت???? لما إنفتح الباب وخشت فرح وهيا منزله رأسه

فرح بخجل : أسفه بس سالم قالي، وسكتت لما رفعت رأسي ولقيته مش لابس شي من فوق????

خالد ضحكت على الحركه اللي دارتها???? منظرها يجنن????، قربت عليها، وهمست في وذنها: شن قالك سالم ياعيوني❤

فرح وترني قربه حسيت روحي معاش قدرت نتنفس، وكنت ميته من الحشمه: ألبس حوايجك صقع عليك توا تمرض، وطلعت بسرعه، أني الغبيه ليش نخشله أصلا

خالد تصرفاتها تأخذ العقل????، لبست بسرعه وطلعت

فرح قعمزنا نتغذو وخالد يوزع في إبتسامات☺ حشمني، حتي سالم لاحظ عليه وقعد يضحك????

سالم بإبتسامه: الحمدلله دايمه أن شاءالله 

فرح: صحتين على قلبك، بس ماكليت شي خيرك

سالم: لا الحمدلله، طاسه قهوه من إيدياتك العسل توا بالدنيا ومافيها????

فرح: حاضر من عيوني????❤

خالد شن يقولو هاذم وأني خيرني الزفت، لافيه من عيوني???? ولافيه من وذاني???? ????: أحم أحم 

سالم: ههههه بلا جو ماتقوليش تغار أختي راهو????

خالد ????: أختك غادي في حوشكم، أما إهني مرتي ايواه، ملزوم تراعي شعوري????

سالم????: زعمااا، باهي خلاص يابو شعور أنت????

فرح إبتسمت على هبالهم☺ وقمت السفره بس ناض خالد خداها مني، لحقته للمطبخ على أساس بندير القهوه

خالد واقف نغسل في إيديا، لما شفتها خشت للمطبخ قلت إناشبها شوي????: صحتين على قلبك، ومن عيوني، تطلع لناس دون ناس، وأني إنمص الليم???? لين يصيرلي هبوط ونموت????

فرح بخوف: بعيد السوء عليك، شني الكلام هذا،

خالد نشفت إيديا وقربت منها: باهي مادامك خايفه عليا نقصيلي من الليم???? وكتريلي من العسل???? شويه????

فرح تحشمت ونزلت رأسي لوطه: حاضر بس، وسكتت وأني مصدومه????

خالد بصراحه معاش قادر إنشد روحي خدودها الورديات عذاب????، بحركه سريعه خطفت بوسه???? وهربت????

خالد بإبتسامه: نورتنا ياسالم، سامحنا خليناك بروحك شويه????

سالم: لا عادي ولايهمك، مادور شي فاهم الجو????

خالد: هههههه عقبال عندك ان شاءالله، ونفرحو بيك

سالم بحزن: إن شاءالله ????

خالد: ها شني مني، شن إمداير؟ مالحقتش نتعرف عليك، كلها مره واحده شفتك يوم الحفله

سالم: أي، الحمدلله ماشيه الأمور، أهو نطقطقو مره هكي ومره هكي وماشيه الأمور

خالد: ماعندكش عمل حكومه قصدك؟

سالم: لا والله، ماعنديش شهاده، ماطلعتش فالح في القرايه????

خالد: على أساس اللي يخدمو كلهم عندهم شهادات، البلاد هذي عندك كتوف تمشي أمورك، ماعندكش يوقف حالك

سالم: الله غالب، عندك حق والله، توا قبل لانجي درت دوره على جماعة الجوازات قالولي المنظومه واقفه، وهما يطلعو فيه لأحمد وحميدا????

خالد بإستغراب: بدير جواز؟ طاح جوازك أنت ولا قاعد الأخضر

سالم: لا واللهي ماعنديش جواز بكل

خالد بإستغراب: كيف ماعندكش جواز، مش كنت مسافر أنت، باش سافرت إمالا؟

سالم تنهد بحزن: هجره غير شرعيه، طلعت بجواز مزور

خالد إنصدمت، معقوله !!! كيف فاتت عليا !!! زعما هو نفسه اللي كلمني عليه وليد  كيف ماركزتش على الأسم !!! ياعليك غباء عندي الزفت، فتحت تليفوني وقعدت إندور على الرسالة اللي فيها الإسم

فرح جبت القهوه وقعمزت

سالم بإبتسامه: الله قداش ليا على قهوتك، والله تتحرم تنشرب من غيرك

فرح????: صحتين، وإستغربت في خالد اللي لاهي في التليفون وواضح أنه مزعوج من شي: خالد خود قهوه قبل ماتبرد

خالد ماكنتش مركز معاهم، بس لما لقيت الرساله زادت صدمتي وأني نقرأ في الإسم: سالم علي ……ال……..

سالم بإبتسامه: تراجع في أسمي ولاشني يابو نسيب 

فرح إستغربت في خالد، بس نضت لما سمعت تليفوني يرن، وكانت نعمه

خالد: تعرف وليد ال…… ياسالم

سالم بإستغراب: مش هذا ولد خليفة ال…….

خالد: أي هوا، تعرفه أنت؟؟

سالم: لا والله مانعرفاش شخصيا بس نسمع بيهم عيلة معروفه في طرابلس بوهم كان رأس كبير في الدوله

خالد بإستغراب: كيف ماتعرفاش؟ باهي عندك واحد من صحابك يعرفه ولاشي؟

سالم بإستغراب من أسئلة خالد: حسب علمي لا صحابي كلهم على قد حالهم زينا، شني بيخلطهم على واحد زيه

خالد سكتت بس عقلي مسكتش عن التفكير، كيف مايعرفاش !! باهي إمالا وليد كيف يعرف سالم: باهي قتلك تعرف وسيم ال…….

سالم بإبتسامه: كيف مانعرفاش والله جميله عليا ماننساه طول عمري، وقف معاي وساعدني من غير مانعرفه، وعلى قد ماسألته من وين عرفني، يقولي واحد باعتني ليك بس ماباش يقولي من هو، بس أنت من وين تعرفه وسيم؟؟

خالد: وسيم ال……. ص……وسكتت لما رن تليفوني رقم دولي، فتحت بسرعه توقعته يكون وليد: أيوا، وتفأجات لما سمعت صوت بنت: من معاي، أها أهلا وسهلا هو وينه مختفي؟؟ كيف???? !! أمتي صار هذا???? ؟؟ وعلاش مكلمنيش☹؟؟ لاحول ولاقوة الابالله????، تمام تمام بإذن الله الليله نكون عندكم أو بكرا بالكثير، ياربي شني هالهموم اللي قاعده تتحذف عليا من كل جهة

سالم بإستغراب: إن شاءالله خير، شني فيه ياخالد خيره وجهك تغير هكي بعد المكالمه

خالد بحزن: واللهي واحد صاحبي وغالي عليا هلبا، قالولي أنه مريض، نستأذنك شويه ياسالم 

سالم بحزن: ربي يشفيه ويعافيه ان شاءالله، خود راحتك مادور شي

خالد قعدت إندور على فرح لما مالقيتهاش في الدار، أنتبهت أنها مقعمزه في المطبخ وواضح تتكلم بالتليفون: أنتي إهنايا وأني إندور عليك

فرح تلفتت لما سمعت خالد: باهي تمام نحكو بعدين إمالا، سلميلي على إبراهيم وبوسيلي حموده????

خالد بغضب???? وبصوت عالى نوعا ما: تميتي !! سلميلي على إبراهيم !!????قلتيلها بالمره تبوسلك اللي خاطمين في الشارع وخلاص????

فرح نزلت رأسي لوطه من غير مانقول ولاكلمه????

خالد تنهدت بملل، علاش لسانها يختفي لما تكون معاي، مانبيهاش تسكت بكل، كان نلقي الكلام بينا مايتمش، نحب نسمع صوتها ونتأمل في عيونها، قربت منها ورفعتلها رأسها: أفهميني يافرح أني راجل والغيره بتقتلني????، ليش ديمه تحاولي أنك تهبليني بكلامك وبتصرفاتك

فرح بحزن: أسفه مش قصدي، والله مافي نيتي حاجه، طلعت عفويه الكلمه

خالد ركزت على عيونها اااه شني هالسحر اللي فيهم❤❤

“” أعيدي إليّ إتزاني فَ منذُ لَمحتُ

عينيكِ وأنا لا أعي حقيقة مابي. “” ❤

خالد عفست على قلبي وسكتت مانبيش نزعلها مني وأني على باب سفر، قربت وبستها على جبينها: عارف أنك مش قصدك، بس ياريت تراعي شعوري شويه، على الأقل لما إنكون جنبك

فرح بإبتسامه: حاضر

خالد إبتسمت لما شفت إبتسامتها❤: قتلك شن رأيك تمشي مع سالم لحوشكم؟؟

فرح بفرحه: تصدق كانت في بالي الفكره، بس سالم جاي في تاكسي

خالد????: باش تعرفي بس أنه قلبي عندك، ونحس بيك شن تبي????

فرح: والنبي ياحساس أنت????

خالد: ههههههه أسمعيني أني طالع لتونس بعد شويه، عندي واحد من صحابي مريض، وبنمشي نطمن عليه

فرح بإستغراب: تونس وتوا، خيره صاحبك شن عنده؟؟

خالد بحزن: والله ماعارف حاجه، قالولي تاعب وخلاص، لازم نمشيله هو زي واحد من خوتي وأغلي 

فرح بحزن: تمام ربي يشفيه إن شاءالله 

خالد بحزن: ياااارب، خلاص باهي نحطكم على طريقي

فرح: تمام????

خالد: عندي مشوار إنديره، وإنجي نلقاك واتيه باهي، مشيت لواحد صاحبي خديت منه فلوس لأنه اللي عندي في الحوش مرات مايسدونيش ومانعرفش شني يصير معاي غادي، ومريت على أهلي وعطيتهم علم

سالم بإستغراب: كيف بيمشي توا قصدك؟

فرح: أي قال جاه إتصال توا من صاحبه، وبيحطنا على طريقه

سالم كنت متردد نقول أو لا???? : فرح اللي كلمت خالد بنت راهو مش راجل

فرح إنصدمت كيف بنت، بس حاولت نخلى روحي عاديه: مرات أخت صاحبه أو مرته عادي يعني، خلى نمشي نوتي روحي

سالم: خلاص توا نساعدك ونديرلك لفه على الحوش????

فرح وتيت حوايجي، وجهزت حتي لخالد حوايجه وحاجاته، وطلعت لقيت سالم إمهنيني على الحوش، غاسل سفرة القهوة، وإمطلع الكناسه حشاكم، ومطلع الخبزه اللي فاضله، وإمسكر الرواشن كلهم، وفاصل الدفايات والمكيفات والسخانات، راجل حوش ماشاء الله ????????

سالم: تعالي يافرح ماعندك علاش تجري، درت كل شي

فرح باإبتسامه: والله أنت أحلى خو في الدنيا، ومشيت حضنته????

خالد فتحت الباب نرفزني وعصبني???? الموقف اللي شفته، خشيت لداري بدون مانقول ولا كلمه ومعصب وواصل حدي????

سالم بعدت فرح: بري شوفي راجلك شكله معصب، أني تلقوني برا????

فرح خشيت وأني خايفه???? منه شكله معصب هلبا، وبالأخص لما شفته كيف يأخد في الحوايج من الدولاب ويلوح برا ويقربع في الدولاب في ثواني قلب الدار عاليها واطيها، قربت وأني بنموت من الخوف من منظره وهوا معصب: خالد شني إدور، لو تبي حاجه قولي وأني إندورهالك????

خالد تقول تلبسني جن???? والعياذ بالله، أني بروحي معاش عرفت روحي، بعياط????: مانبي منك شيء، أطلعي أقلبي وجهك من قدامي، بري كملي تضبيط يانعن????

فرح???? عجزت نفهم حالاته المتناقضه، كل ساعه بشكل، قلت نسكت ونطلع أفضل مرات مضايق على صاحبه☹

خالد بتقتلني ببرودها ليش ديمه تسكت وتنسحب من قدامي، قدمت بسرعه وشديتها من إيدها قبل ماتطلع، بغضب????: وين ماشيه أني قاعد ماكملتش كلامي 

فرح حسيت بإيدي راح تتكسر من كثر ماكان ضاغط عليها بالقوه، بألم????: خالد إيدي، مش أنت قتلي أطلعي معاش فهمتك شن تبي بصراحه،???? وقعدت نبكي ????

خالد عارفه روحها تغلبني بالدموع، طلقت إيدها اللي كانت حمراء وصوابعي واضحات فيها، وزفرت بغضب????: علاش ديمه مصره تعصبيني، شن قتلك قبل شويه، أني راجل أني نغار، نرجع نلقاك أحضان ومش عارف شني، مادامك في حوشي وعلى ذمتي غصبآ عنك تحترميني فاهمه !!

“”” أنتِ لى أنا فقط وأنتهي الكلام… “””

فرح قعدت مصدومه ????هذا شن قاعد يقول: أنت نسيت ولاشني سالم خوي، أنت ماليكش الحق تقول أي شي ????

خالد زادت نرفزتني:???? أي حق المفروض نسكت ونتفرج اليوم مع خوك، وغدوه الله أعلم مع مني؟؟

** في قانون الغيره لاأعرف أخاك أو غيره… كلهم أعدائي حين يلمسونك ولو بنظره **

فرح لا زاد على ماوصوه، وبعياط???? : أنت شني تقول؟؟ أنت واحد مريض مستحيل تكون طبيعي

تلقا ياخلوده مش تبيها تتكلم، خود الرعاش توا????

خالد كلامها خلاني نفقد السيطره على روحي، وعطيتها كف من قوته لين طاحت لوطه، وياريتها وقفت على هكي وبس????

????‍♂️

????‍♂️

????‍♂️

صح عندك حق لو كنت طبيعي ماكنتش تحملت واحده مضحكه زيك، يابنت ال???? يامتا???? أني ولد ستين كلب اللي خليتك عندي، يانعن????

فرح على قد ماكان الكف قوي ماحسيتاش زي ألم كلامه اللي نزل عليا زي السم???? نضت وطلعت بسرعه، معاش عندي قوة للمواجهه 

خالد ماحدش يسألني بروحي مافهمتش شني اللي جاني، يمكن من تراكم الضغوطات فقدت السيطره على سبب تافه???? والحمدلله اللي خوها كان برا وماسمعش اللي صار????‍♂️

طلعت بسرعه وقلت لسالم يشوفها بس صدمتني لما طلعت وكانت حاطه الخمار على وجهها????

فرح وأني طالعه لفتت نظري باقة الورد اللي على المدخل، غريب هالمخلوق اللي يشوف تصرفاته ويسمع كلامه إمبارح، مستحيل يكون نفسه الشخص اللي كان من شويه معاي????

وعلى قد ماجربت من كريمات ماعرفتش نخفي أثر الكف اللي على خدي، إطريت نلبس خمار، باش سالم مايركزش????

سالم: ههههه أهلا بالشيخه، شن جاك????

فرح بصوت أقرب للهمس: بطل ضحك، خالد هكي يبيني نلبس خمار لما نطلعو

سالم: أها باهي كويس، هيا إمالا، وقام الشناطي وحطهم في السياره

خالد على أساس كانت تحكي بالشويه وماتبينيش نسمعها، بس وين وأني حتي وهيا ساكته نعرف شني بتقول????، بس أمتي أني قتلها تلبس خمار????

طلعنا بعد ماسكر خالد الحوش كويس والبوابه، وكان الصمت سيد الموقف إلا من سالم اللي مره مره يتكلم ويسكت لما ماحدش يرد عليه، بعد وصلنا نص الطريق، وقف خالد فجأة 

خالد عقلي ماكانش معاي عارف روحي غالط وهلبا مش شويه كيف درت هكي بس كيف????، طول الطريق وأني سارح كيف نقدر نسافر ونخليها زعلانه مني، اللي صار خلاني ننسي كل شي، وإذكرت فجأة أني نسيت ماجبتش حوايجي والجواز متاعي????‍♂️، شديت إفرينو بالقوة ودرست على اليمين????: أستغفر الله العظيم، لاحول ولاقوة إلا بالله 

سالم بفزع: خيرك ياخالد إن شاءالله خير، وتلفت لفرح لما سمع الخبطه: فرح أنتي كويسه????

فرح من قوة الفرينو إنضرب رأسي في الروشن اللي كنت حاطه رأسي عليه وسارحه 

خالد نزلت بسرعه وفتحت الباب الخلفي وركبت جنبها: فرح أنتي كويسه، قمت الخمار من على وجهه وإنصدمت كيف خدها معلم من الكف اللي عطيتهولها، وجعني قلبي???? كيف قدرت إندير هكي  بس????

فرح تجاهلته ورجعت الخمار على وجهي وتلفت للكرسي: أني كويسه ياسالم ماتخافش، خبط رأسي في المرش عاديه ماحسيتهاش????

خالد أي ردة فعل منها مجبور نتحملها ونسكت لأني غالط وهلبا عارف روحي???????? قعدت مقعمز في الخلف وشديت رأسي بإيديا الزوز 

سالم: خيرك ياخالد شني اللي خلاك توقف فجأة هكي

خالد: مش عارف كيف إندهبت شيرتي، وإنسيت حوايجي وحتي جوازي ماجبته????‍♂️

سالم: ربي يهديك توا هذي حاجه تنتسي، الحوايج ومقدور عليهم لكن الجواز كيف تنساه باش إمسافر إمالا????

خالد قعدت إنسب ونلعن في خاطري، ماهو كله منك، جيتك اليوم كلها نحس في نحس????: أستغفر الله العظيم وخلاص

سالم: خلاص أرجع خودهم، كل تأخيره وفيها خيره معليشي حصل خير مادامك قاعد ماتبعدتش????

خالد تنهدت وشفت لفرح اللي متلفته للروشن ولاكأنه شي صاير، مش المفروض توقضني علاش واخذ إمراه إمالا أني غير بالإسم هكي: لا لا مادامنا قريب نوصلو حوشكم، توا نحطكم أنتم ونرجع

سالم: عادي ياراجل نرجعو معاك، خير ماتمشي مشوار بروحك، نؤنسوك ☺

فرح من بداية الحديث وأني شاده روحي باش مانضحكش، نسمع فيه كيف معصب ويتنهد بغضب أي أحسن خليه هكي ينقهر شويه، فالح غير يمد في إيده ويطول في لسانه، تكلمت بحده????: لا خلي يحطنا قبل مانبيش نرجع غادي من جديد ماعنديش خلوق???? وقعدت نضحك في خاطري على شكل خالد اللي بيتفجر من العصبيه، ونزل من جنبي وقربع الباب بالقوه قريب جابه في إيده????

خالد صار ماعندكش خلوق باهي ياست فرح ديري وكثري، وولعت السياره وطلعت نجري????

وصلنا ودرست قدام الحوش وأني طول الطريق نفكر شني بيرجعني للحوش وبيردني ثاني قريب مغرب

سالم نزل: بارك الله فيك يابو نسيب، توصل بالسلامة ان شاءالله، طمنا عليك????

خالد: أن شاءالله خير، بإذن الله????

فرح نزلت من غير ولا كلمه ورجعت ركبت في مكان سالم، يعني في الكرسي اللي جنب السواق????

خالد كنت نبي نتأسف منها مانبيش نمشي وهيا زعلانه بس مش عارف شني بنقول أو كيف بنبرر  موقفي????، كنت متمني نأخذها ونرجعو لحوشنا ونراضيها على كيفي????، بس وليد بحاجتي ومانقدرش نتأخر هو مافيش مره قصر معاي، وهالمره إستحقني لازم نوقف جنبه، تنهدت بحسره لما شفتها نزلت????، بس تفاجأت لما ركبت جنبي????

فرح طول الطريق وأني نفكر أنه لازم نحكي معاه قبل مايمشي، مش راح نفوتله اللي داره بالساهل، رفعت الخمار وتنهدت بحزن: أني مش راح إندير زيك وإنسبك ونعلي صوتي ومش راح نلومك ولانحاسبك، وتمشي وترجع بالسلامه ان شاءالله، بس مادامه الثقه منعدمه عندك للدرجه هذي، أعطيني كلمتي توا وكل واحد يمشي على حاله????

خالد قعدت ساكت وفي بالي لو شني ماقالت معاها حق، أني غلطت ولازم نتحمل نتيجة غلطي، بس كلامها الأخير طلعني من عقلي????: أنتي سامعه روحك شني تقولي، فرح عارف أنك زعلانه ومقهوره مني عارف روحي غالط وأني في حقك لين ترضي، بس الكلام هذا معاش تعاوديه مش على أبسط خلاف يصير بينا تقوليلي أعطيني كلمتي، شن تحسابها بالسهوله هذي????، مديت إيدي ومسحتلها دموعها وقعدت نتحسس في مكان الكف اللي كان قاعد أحمر وشكله الأثر مش راح يمشي بسهوله: ياريته إيدي إنقطعت قبل مانرفعها عليك 

فرح قعدت نبكي????: معاش فهمتك ياخالد تصرفاتك خلتني في دوامه، وأني مش ناقصه، إمبارح بشكل واليوم بشكل، معاش عرفت أنت شن تبي بالضبط؟؟????

خالد بحزن: أني بروحي مش عارف شني نبي بالضبط، بس اللي عارفه أني مستحيل نفرط فيك لو شني ماصار، باللهي عليك يافرح أعطيني شوية وقت، حاس روحي ضايع ومش عارف شني نبي، خليك جنبي باللهي عليك????

فرح تنهدت لما شفت لعيونه اللي يلمعو ومعبيات دموع، واضح أنه ندمان على صار، فجأة كل الكلام اللي كنت نرتب فيه طول الطريق تبخر ومعاش عرفت شن نقول،: خلاص قريب مغرب معاش وقت عليك، توصل بالسلامة ان شاءالله، وتلفتت بنفتح الباب بس رجعت تلفتله ثاني، وتصنعت الإبتسامة غصبآ عني: خالد????

خالد بحب: عيونه❤

فرح: مافيش داعي ترجع لمصراته حوايجك وجوازك كلهم في الشنطه، ونزلت بسرعه

خالد قعدت مصدوم، صح ليها لعبت عليا????

فرح ماقدرتش نرقد نبي نطمن عليه وصل أو لا، بس مش راح نتصل بيه بعد اللي داره، بعتله رساله

خالد س 12 كنت واقف في البوابه وصلني مسج (( وصلت ولا مازال )) كلمتين بس !! اااااااااه قداش بخيله????

خالد: (( أني في البوابه ))

فرح: (( تمام توصل طمنا ))

خالد: (( ان شاءالله ))

خالد س8 وصلت لتونس العاصمه وعلى طول خديت شفره، وبعتت مسج للرقم اللي إتصل بيا أمس(( أني وصلت أنتم قاعدين في نفس الحوش الأول)) كنت عارف الحوش لأنه زرته مره من أول ماطلعو من ليبيا لما رفعتله إفادة التخرج متاعه، دقايق وصلني مسج(( أي قاعدين في نفس الحوش،  باللهي ماتقولش أني كلمتك ))

وصلت قدام الباب وطقيت على الباب: السلام عليكم

ندى: وعليكم السلام، صباح الخير، أهلين تفضل

خالد: صباح النور، كيف حالك؟ وين وليد إمالا

ندى: الحمدلله، وليد الداخل مايقدرش ينوض، تعالا خش

خالد كنت متردد كيف نخش وخواته في الحوش بس لما إذكرت أنه وليد مايقدرش يطلعلي تنهدت وخشيت، وأول ماخشيت للدار إنتبهت لوليد اللي كان راقد على السرير ورجليه الزوز مجبسات، بحزن: وليد الحمدالله على سلامتك يارفيقي كيف صار هكي، وإضبطته ونزلو دموعي????

وليد مانقدرش نوصفلكم فرحتي???? بشوفة خالد، إحساسي بالوحده والعجز كان راح يقتلني، بدموع???? أهلين يارفيقي والله ليك وحشه

خالد ضربته على ضهره????: بطل كذب ونفاق اللي يستاحش يسأل يدور وأنت شي حتي تليفونك مسكر خوفتني عليك☹

وليد بحزن????: شايف حالتي، وحتي التليفون إدقدق معاي

خالد بحزن: كيف صار هكي، كلمتني يوم العرس مافيك شي، شن صار بعدها؟؟

وليد بحزن: والله مش عارف شني اللي صارلي، كنت إمروح من المحل مؤخر قريب س1، مافهمتش شني اللي جاني، حسيت قلبي خلاص راح يطلع من مكانه، وضببت الدنيا في عيوني ومعاش حسيت بشي إلا وأني في المستشفي، اللي سعفوني قالو واحد ضربني بالسياره وهرب، رجليا الزوز تكسرو وركبولي بلاتين، وشوية كدمات وجروح أيام واختفو الحمدلله، وتوا على أساس نهاية الإسبوع هذا بنحول الجبس وإن شاءالله خير 

خالد تنهد بحزن: الحمدلله اللي جت على هكي، بس عيب عليك والله ماعندك حق كيف ماتكلمنيش

وليد: ههههه شني بنكلمك وانت عريس، تبي مرتك تقعد تدعي عليا إمالا????

خالد إذكرت فرح وبعتلها رسالة(( صباح الورد، أني وصلت)) 

وليد: كيف حالك أنت شن جو الزواج ماشي معاك ولاكيف؟؟

خالد: الحمدلله تمام

وليد: والمدام جبتها معاك ولاكيف؟؟

خالد: لا واللهي قعدت في حوش أهلها، أني بس خفت عليك لما نلقي في تليفونك مقفل قلت إنجي إنشوفك

وليد: والله ماعندك حق كيف تسيب مرتك وأنتم ماسكرتو شهر، المفروض جبتها معاك منه غيرتو جو ومنه تعرفنا علاها

خالد أي مرتك باللهي عليك وأحني كل واحد يرقد في دار، وتنهدت بحسره لما إذكرت اللي صار أمس أني خوها وجن جنوني، تبيني إنجيبهالك أنت????: معليشي مره ثانيه

ندى: وليد الفطور واتي إنجيبلكم إهنايا

خالد وقف: أني نستأذن إمالا

وليد: تي وين والله ماك طالعها، قعمز ياراجل أفطر معاي، بتخليني بروحي

خالد: لا والله مانقدر أني كيف وصلت وجيتك طول بنرتاح شوي وإندوش ونجيك بعدين إن شاءالله 

وليد بعصبية: والله ماك طالع فاهم، لو كأنك على ندى تطلع للكليه، وبعدين للمحل ماتروحش إلا بعد المغرب، خليك معاي تؤنسني 

خالد: وأختك الثانيه

وليد: أختي الثانيه روحت مع راجلها من إسبوعين

خالد: كيف مش طلقها هو

وليد إبتسم لندى اللي حطت سفرة الفطور وطلعت للكليه: قصة طويله، غير تعالا أفطر وبعدين إنهدرزو

خالد: أنت عارف أني مانحبش نفطر قهوه بس، أفطر أنت وأني نبي نخش للحمام قبل، خلي إنجيب حاجاتي من السياره وإنجي، فتحت الشنطه، وتفاجأت أول مره نشوف شنطه مرتبه بالشكل هذا ومش ناسيه شي????????

 (( فعلا المرأه اللي تجدب الراجل هيا اللي تهتم باأبسط التفاصيل ولو كانت أشياء تافهه،  وتكون ليها بصمة خاصه في حياته ))

فرح شفت رسالة خالد الحمدلله أنه وصل بالسلامه، بس مارديتش عليه هكي برود على قولته????

علي: شني شفتي خالد يافرح وصل ولا لا

فرح وأني رأسي لوطه ومتحشمه من وجهي والكف اللي قعد معلم على خدي واللي يحاسبوه حاجه ثانيه????: أي وصل الصبح بعتلي رسالة، ورن تليفوني إن شاءالله غير مش هو مازال مانبيش نكلمه توا، بس لقيتها عمتي ام خالد: أن شاءالله خير 

فرح: صباح الخير، أهلين كيف حالك وكيف حال العويله، قصدك ماكلمكمش حتي أنتم؟؟ وأني كيف كنت بنتصل بيك بنسألك عليه، والله حتي أني قاعده مشغوله، أي أن شاءالله خير، لو كلمكم طمنيني، باهي سلام????

سعده????: علاش تكذبي على عمتك، مش قلتي بعتلك رسالة وقالك وصل، طمنتيها ياناري أكيد بالها مشغول

فرح: مش قصة كذب، لو قتلها أنه بعتلي رسالة راح تحرج وبتحس أنه مفضلني عليهم، وأني والله ماعندي خلوق للمشاكل والنكد، ليش نحط الأم وولدها في مشاكل بسببي، وهو اكيد نسي يكلمهم توا إنكلمه ونقوله يكلمها

علي بإبتسامه????: ربي يكملك بعقلك يافرح، وشاف لسعده????: هذي اللي تقوليلي صغيره وبتحشمنا قدام الناس، طلعت تفهم خير منك ماشاء الله ????

فرح ماكنتش نبي نكلمه توا بس يلا معليشي على خاطر عمتي

خالد كنت مقعمز جنب وليد اللي يهدرز وأني مش معاه بكل عقلي عند فرح زعما ليش ماردتش على رسالتي أكيد قاعده زعلانه، وإتنبهت على وليد اللي يسأل خيرني: لا والله غير تعب من الطريق بس، وإنتبهت للتليفوني اللي يرن وعيوني ????????

وليد: ههههههههه طار التعب توا????

خالد نضت وطلعت بسرعه، ونضحك على وليد اللي قعد يلقح، سبحان الله قبل كنت أني نلقح عليه قبل توا إنقلب الوضع????‍♂️

خالد بفرحه????: صباح الورد ياعيوني❤

فرح ماشاء الله جوه رايق شكله شاف التونسيات عقله تصفي????(( ياعليك تفكير عندنا أحني البنات !!!)) : صباح الخير، الحمدلله على السلامه????

خالد: الله إيسلمك ياقلبي، هذا وين شفتي رسالتي؟؟

فرح بمكر????: لا واللهي شفتها إمبكري بس قلت مافيش داعي نتصل ونقلقك يعني

خالد تنهدت????: معقوله !! مانهمكش للدرجه هذي، ليش هالبرود معاي يافرح????

فرح: لا مش هكي قصدي، أكيد تهمني، بس أني مانسيتش اللي صار أمس، كيف تبيني نكلمك اليوم وكأنه ماصار شي

خالد: ماكنتش نعرف أنه قلبك قاسي للدرجه هذي، مش تأسفتلك خلاص عاد حني عليا شويه????

فرح: عمتي إتصلت تسأل عليك شكلك ماكلمتهاش، أني مابيتش نقوللها أنك بعتلي رسالة، قلت مرات تزعل منك أو شي، فياريت تكلمها

خالد فالحه في التجاهل ولاكأنها سمعتني، بس عجبتني أنه ماتبيش يصير خلاف بيني وبين أمي لأني فكرت نطمنها هيا قبل أمي، والله مانخليك تسكري زعلانه لو شني ماصار: فرح إستاحشتك❤

فرح: أكيد تعبان من الطريق برا إرتاح????

خالد أستغفر الله العظيم: صح تعبان بس مش من الطريق، لأني ماتصبحتش في وجهك العسل اليوم????

فرح ياعليك حاله شكله مشاعره متحركه الراجل شني بيهفته توا????: خالد أمي تنادي????

خالد من غير كذب يافرح ليش تتهربي مني

فرح: لا ليش بنهرب منك، بس حتي الرصيد قريب يتم ????

خالد بحب: باهي ريحيني وقوليلي أنك مش زعلانه ، والله عقلي قعد عندك

فرح????: لا والله ماعندي حاجه، لاعقلك ولاريئتك ايوه ماتتبلاش عليا

خالد: هههههههه والله كلي عندك غير أنتي مش حاسه بيا????

فرح: ماشاءالله جوك رايق اليوم، شن فاطر؟؟

خالد❤: وحياتك صوتك هوا اللي يروقني ويقلب كياني قلب، كان تشوفيني كيف كنت قبل شويه، وكيف ردت فيا الروح لما شفت إتصالك???? مش قلنا نقصيلي من الليم، والله حاس روحي عندي هبوط في الدم????

فرح: خلاص مادامك في تونس دير تحاليل وإطمن بالمره

خالد: آآآآآآه لو كأنك قدامي توا، وريتك على برادتك هذي

فرح: شني مازال بدير أكثر من اللي درته وقلته؟؟ أي صح خدي الثاني قاعد سليم مش متورم????

خالد ياعليك هم قداش ماتحبو أم النكد،???? وشي تنسو حتي ثانيه????: باهي ياروحي ليش قلبك قاسي هكي، والله بس إنروح وخودي حقك مني كيف ماتبي، بس توا مستاحشك???? موت والله❤

فرح: باهي تمام، يلا سلام توا????

خالد شني هالبارده اللي طحت فاها ???? غير شن درت في عمري باش ربي يجازي فيا هكي☹، شن دارت فيا هالفرح هذي،صوتها بس قادر يرجع الضحكه لقلبي???? صح برودها ينرفز بس حلوه في كل حالاتها وعلى قلبي أحلي من العسل????????

“” لاتسألوني لماذا أحببتها…. لاتسألوني متي أو كيف أحببتها…. لاتسألوني عن سبب شوقي لها…. لأني منذ مارأيتها تبعترث كل أوراقي.. أصبحت أراها في واقعي وأحلامي.. وأهديتها حبي وأشواقي..  ووهبتها قلبي وروحي.. وأصبحت العالم باأسره بالنسبة لي “”❤❤

كلمت أمي  وخشيت

وليد: هههههه ماشاء الله، الجو تعدل والحمامه زاهيه????

خالد: بطل براده????

وليد: ههههه والله وجي دوري، توا إنوريك تذكر زمان شن كنت دايرلي ????، توا طحت أنت والكره في ملعبي، قداش كليت طاجين بسبوسه باللهي????????

خالد: هههههه لا أني ماأعتقدش أنها بسبوسه بس شكلها باعتتهولي حتي في الهواء على الحال هذا????????

وإذكرت موضوع سالم زعما نسأله ولا لا????