Uncategorized
رواية حورية في حضن الجبل الفصل الثالث 3 بقلم صابرين علاء
رواية حورية في حضن الجبل الفصل الثالث 3 بقلم صابرين علاء
 |
| رواية حورية في حضن الجبل الفصل الثالث 3 بقلم صابرين علاء |
رواية حورية في حضن الجبل الفصل الثالث 3 بقلم صابرين علاء
دخل عابد علي غرفته ف الفندق ولقاها شكلها جميل جدا ومزينه بالورود واللي اجمل من كدا انه شاف ندي لابسه فستان وشكلها زي الملايكه قربت منه
وحضنته وعابد بادلها الحضن برقه وحنان
قلبه العشق عمره مايرفض دعوتها
عابد قالها اممممم حاسس اني شايف واحده تانيه غير القطه اللي كانت عاوزه تخربشني امبارح
وبعدين ايه الفستان الحلو دا كأنك جايه
من عالم تاني
ندي قالتله يعني حلو ولا وحش
عابد قرب منها وقالها فضلتي تحلي وتحلي
لحد ما ملكتي قلبي،،،،،،
ندي قالتله يعني انت لسه بتحبني زي زمان
يا عابد
عابد قالها كنت اتمني اكون اول راجل ف حياتك،،،،،، بس مش انا اللي اخد فضلات غيري
ف ثانيه عابد شكله اتغير وكلامه بقي قاسي،،،،،، ف ثانيه بقي كلامه سكاكين بتقطع ف شريانها
كمل كلامه بقسوه اكبر وقالها ايه يا ندي هانم يابنت عيله المنفلوطي شايفك وحده رخيصه مش قادره تعيش من غير راجل
ندي ضربته بالقلم وقالتله اخرس انا اللي غلطانه اني وافقت عليك من البدايه جوازي منك غلطه واكبر من غلطي لما اتجوزت محمد،،،،،،،،
عابد قالها بكل برود ههه طالما انتي غلطانه ليه بتعرضي نفسك عليا دلوقتي
ندي لفت وشها من كتر كسوفها منه و
عابد قرب منها وهمس ف ودنها
لسه بتعشقيني ياملاكي،،،، بس اللي مستغرب منه ازاي صدقتيني،،،،، ازاي حسيتي بكلام تاني غير اللي ف قلبي
انا ياندي عمري ماحبيت غيرك وعمري ماتمنيت ومافيش واحده تانيه هتاخد مكانك لا ف قلبي ولا فحضني
ندي حضنته بعد كلامه دا هي كانت مستغربه قسوته وقلبها فعلا كان حاسي بيه حضنته ونسيت معااه الليل ودخلو مع بعض عالمهم الخاص
وبعد وقت جميل قضوه مع بعض عابد قالها اي دا انت لسه بنت بنوت
♕♕♕♕♕♕♡♡♡♡♡♡♕♕♕♕♕♕
بعد ايام عدت علي حوريه ف بيت المنفلوطي عاشتهم ف ذل واهانه كانت عايشه وسطيهم زيها زي الخدم اللي ف البيت ندهت عليها شريفه وقالتلها
انتي يازفته يا اللي اسمك حوريه قال حوريه قال هم اهلك مكانوش لاقين اسامي
حوريه قالتلها انا بجهزلك الفطار علشان تاخدي دواكي
شريفه قالتلها هو انا لسه هستناكي يارايقه،،،، احنا النهارده في ضيوف جايين عندنا،،،،، لازم تنضفي وبعدين هتطبخي
وبعد كل دا هاتخدمي عليهم يلا بسرعه مافيش وقت
حوريه بلعت ريقها بصعوبه وقالتلها حاضر
حاضر ياماما
شريفه زقتها جامد وقعت علي الارض وقالتلها ماما،،،،،، اي ام دي،،،،،، انا مستحيل اخلف بنت زيك اهلها وعليتها كلهم مجرمين وقتالين قتله،،،،، انا خسرت بسببكم اتنين من عيالي صقر ابني كان طول بعرض البلد كلها بتحسده علي
ذكاءه وصحته وجه ابن عمك الواطي
قتله بدم بارد
ولا مازن قلب امه كان اطيب واحن قلب
ف الدنيا تصوري هو اللي اقترح جوازه منك
وكان يوم. مهبب كان يوم شؤم علينا واخوكي الكلب قتله وطلع منها زي الشعره من العجين بس هايروح مني فين
لحد امته هايفضل هربان
مسيره يرجع وساعتها هاخد بطاري منه
اسمعي حسك عينك تقوليلي ياماما تاني
فاهمه
جرحتها ووجعت قلبها بكلامها اللي بيقيد جوا قلبها نار
بعد ساعات كانت حوريه خلصت كل اللي امرتها بيه شريفه وكمان جهزت نفسها بأحسن الثياب علشان استقبال الضيوف وتحضير الاكل ليهم
شريفه مثلت انها تعبانه ودايخه
جبل قالها مالك ياامي انتي بخير
شريفه قالتله ماتقلقش ياحبيبي انا كويسه بس يمكن علشان مخدتش الدوا النهارده
جبل قالها ازاي دا حصل انا اكدت علي
حوريه انها تجهزلك الفطار علشان تاخدؤ دواكي
شريفه قالت بتمثيل مش مشكله يا ابني الظاهر انها نسيت او ممكن تكون بتعصي اوامرك
جبل الدم غلي ف عروقه ولسه هايقوم
شريفه مسكت ايده وقالتله لا يابني اتحكم ف اعصابك احنا مش لوحدنا لما الضيوف يمشو يحلها حلال،،،، انت عايز اهل عروستك ياخدو عنك فكرا وحشه
طبعا انا جاي وبقولك اني وافقت من كل قلبي علي جوازك من بنتي دنيا واتمني انها تكون بدايه حلوه وقويه لشغلنا مع بعض
جبل ابتسم وقال دا شئ يسعدي اكيد يا رؤف بيه
مراد اخو دنيا العروسه كان قاعد وعمال يبص جامد علي حوريه وكان لافت نظره جمالها جدا
مراد قال بس انتو الخدم عندكم اتغيرو اوي،،،،، لا واحلو كمان،،،،،، ماتجبلي منها اتنين ياجبل
جبل لسه هيرد عليه بس شاف حوريه
بعد ماجهزت كل شئ فجأه اغم عليها
ووقعت ف الارض
جبل قام من مكانه بخوف عليها وشالها
وبص علي مراد وقاله دي مش خدامه عندنا يامراد دي مراتي
وطلعها فوق علي اوضتها واول ماحطها علي السرير حوريه بدأت تفوق من ريحه
برفان جبل
جبل حس بيها لما فاقت ولسه هايبعد عنها راح شعرها
شبك ف زرا قميصه وبدأو يبصو علي بعض
ونفسهم قريب جدا من بعض
حوريه قفشت ف جبل وقالت جبل متسبنيش انا تعبانه،،،،،، محتجالك جمبي
جبل سابها وفلت ايده من اديها بصعوبه
وخرج ونده علي الشغاله وقالها اسمعي
اللي هاقوله دا وتنفذيه بالحرف الواحد مفهوم حوريه هانم تعمليلها احسن اكل
وتستريح اسبوع كامل مش عايزها تعمل قشايه ف البيت مفهوم،،،،،
وشريفه هانم لو سألت عليها قولولها اي حاجه قوللها بتطبخ وبتنضف مفهوم
الخدامه قالت تحت امرك يا جبل بيه
♡♡♡♡♕♕♕♕♕♕♕♡♡♡♡♡♡♡♡
مالك مسك ايد نسمه ولسه هيطلع بيها برا البيت وفجأه لقي منصور ف وشه
منصور قاله بإستغراب ايه مالك يابني رايح هلي فين كدا وماشي من غير ماتقعد معايا كمان تعال تعال خلينا تشرب الشاي جوا هاتلنا الشاي جوا يا ام عابد
مالك قاله كويس انك جيت يا عم منصور انا عايز اخد نسمه مراتي دلوقتي عايزها تعيش ف بيتي انا مش عايز لا فرح ولا حاجه خالص عايزها كدا بشنطه هدومها
منصور استغرب وقاله ليه بس كدا يابني هو حصل حاجه
مالك بص ل نسمه ولامها صفاء وقال لا محصلش انا عايز مراتي
منصور قال طيب ممكن تخلي نسمه هنا دلوقتي وانا بنفسي هجبهالك النهارده بليل لحد باب بيتك معززه مكرمه
مالك اتنهد وقال خلاص يا عم منصور اللي تشوفه
وخد بعضه ومشي وبعدين بدأ يتكلم مع نسمه قالها ايه الحكايه يا نسمه حصل ايه علشان مالك يقرر ياخدك بيته من غير لافرح ولا طبل ولا زمر
نسمه قالت عايز ياخدني لاني،،،،،،،
لاني عاوزه اطلق يابابا
منصور قالها طلاق،،،،،، طلاق ايه كفانا الشر يابنتي،،،،،،، دا احنا لسه كاتبين الكتاب امبارح تيجي تقوليلي النهاردة عايزه اطلق
نسمه قالت لابوها يابابا دا كان قرار غلط
انا خلاص مش عايزاه ومش طايقاه
صفاء قالتلها يابنتي افهمي طلاق ازاي بس وهو دخل عليكي،،،،،، انتي لازم تعيشي معاه عالاقل شهرين تلاته
عشان الفضايح الناس هاتقول عليكي
ايه بس ف ايه اتجوزت وف ايه الطلقت
مينفعش يابنتي هاتمسكك السير ولسنه الناس مبترحمش
منصور اتصدم قالها ايه دخل عليها ازاي
احنا قولنا هنبعتهاله بعد اسبوع من كتب الكتاب
صفاء قالتله معلش ياخويه اهم متجوزين واحرار مع بعض،،،،،،،، روح وديهاله دلوقتي من اسبوع مش هتفرق
منصور قالها انتي عايزه بعد دا كله وتقوليلي اطلق تطلقي ايه بقا ياروح امك
يلا لمي هدومك ومعايا علي بيت جوزك
وتنسي حكايه الطلاق دي خالص انتي فاهمه
نسمه كانت نفسها تصرخ وتقول لابوها لا
مش عايزه اروحله دي انسان حقير وخاين
كانت نفسها تترمي ف حضنه وتحكيله عاللي شافته منه ليلة امبارح
بس خافت وكشت ابوها راجل صعب ودماغه ناشفه ومحدش عارف لو سمع منها حاجه هايعمل ايه
بقلمي صابرين علاء.
دخلت اوضتها وبعد شويه كان المغرب اذن منصور راح صلي ف الجامع ولما رجع نده علي بنته علشان يعملو اللي اتفقو عليه
نسمه راحت علي اوضتها وخدت الحاجات اللي تلزمها ومشيت معاه في هدؤ ولما وصلو علي بيت مالك نسمه خافت لايكون مالك في واحده معاه فوق ولا حاجه وساعتها الدنيا ممكن تولع
نسمه وقفت وقالت لا بوها،،،،
بقولك ايه يابابا خاليك انت هنا بقي اصل
مالك بيحب ينام زي دلوقتي وممكن ميكونش جاهز لاستقبالنا،،،،، انا هاطلع لوحدي،،،،،،، وممكن بليل تعدي علينا ونتكلم براحتنا قولت ايه
منصور معترضش وشاف ان بنته معاها حق خصوصا ان هم لسه عرسان جداد
قالها خلاص يابنتي انتي تعرفي مالك جوزك اكتر مني دا هو اللي مربيكي،،،،،،،
ربنا يسعدكم ويبعد عنكم اي عين وحشه
وباسهل من جبينها وسابها ومشي
نسمه طلعت وهي جواها مش عايزه تروحله وكل ماتقدم رجل ترجع التانيه لحد ماوصلت عند باب مالك وخبطتت وفجأه
فتح حد مكنتش تتوقع ابدا انه يفتح الباب
نسمه قالت بصدمه خديجه؟؟؟!!!!
♡♡♡♡♡♡♡♡♕♕♕♕♕♕♛♕♕♕♕
عابد كان واقف مصدوم قالها انتي ازاي بنت،،،،،،،، ازاي كنتي متجوزه سنتين ولسه زي ما انتي،،،،،،، وازاي استحملتي كل دا
طب ليه مشتكتيش ولا قولتي اي حاجه عن عذابك اللي كل يوم بتعيشيه
ندي قالت مكنش ينفع افضحه،،،،،،
فضلت كاتمه ف قلبي وساكته،،،،،،
استحملت منه ضرب واهانه كتير،،،،،،،
وكل مايحس بخنقه يفضل يضربني
ولما بيفيض بيه كان يطلقني،،،،،،،،،،،،،،،،،،
وف الاخر يخوني، طب هو ليه عمل كدا
هو يعني فكر اني انا مش ست مثلا علشان كدا قال يشوف غيري
عابد اخدها ف حضنه وقالها انتي علشان كدا كنتي خايفه مني،،،،، كنت خايفه تفضحيه،،،،،،،
طيب كنتي ازاي هاترجعيله بعد كل دا
يعني كنتي مستنيه علاجه مثلا وتعيشو عادي زي اي زوجين عاديين
ندي قالت مش بس كدا،،،،،،،،
انا لما اتجوزته كنت عارفه اني مش هكون ليك،،،،،،، ولما عرفت بظروف محمد فرحت
وقولت ف نفسي لو مكنتش ليك مش هكون لغيرك يامحمد،،،،،،، حرمت نفسي
علي اي راجل غيرك
عابد كان فرحان جدا واخدها ف حضنه وقالها،،،،،،، انتي طلعتي مش بس بتحبيني انتي كمان بتعشقيني،
بقولك ايه ماتيجي ننزل الجاكوزي
ندي صرخت وقالت لاااااااا لا والنبي ياعابد
انت عارف اني بخاف من الميه
عابد ضحك وقالها اممم تبقي افتكرتي اول مره شوفتك هههههههه لما كنتي بتغرقي ف البسين اللي ف الفيلا بتاعتكم
لما كنتي بتجري وخايفه من الكلب
هههههههه
ندي ضحكت وقالت هههههههههه الكلب اللي انتي مهمكش منه ونطيت من سور الفيلا وقعد يجري وراك وف الاخر نزلت جمبي
عابد قالها هههههههه بس لقتك قبل ما تفطسي يامجنونه هههههههههه
ندي قالتله اممم انا مجنونه طب خد بقا
انا هاوريك المجنونه دي هاتعمل فيك ايه
ملحوظه البارت بينزل كل يوم الساعه 7 علي صفحتي الكاتبه صابرين علاء.
وفضلت تتضربه بالمخده واتقطعت منها
وطلعت كل الريش اللي فيها وبقي ينزل عليهم زي التلج ف ليله شتا وعالين يضحكو ومبسوطين من القلب
♡♡♡♡♡♡♡♡♡♡♡♕♕♕♕♕♕♕♕
مر حوالي شهر تقريبا علي حوريه ف بيت
جبل وعايشه نفس الحياه بس كانت مرتاحه لان جبل معاها كان بالنسبالها كفايه انه بينام جمبها كل ليله ومش طالبه اكتر من كدا
صحيت من النوم لقت الشمس لسه بتشأشأ،،،،،،،،، فتحت ازاز البلاكونه وقالت
الله علي نسمه البدريه تغذي الروح وتشفي العليل،،،،،،، ياسلام علي ايام ما كنا نفطر سوا قبل المدرسه انا والبت نسمه والواد عابد،،،، كانت ايام جميله والله
وفجأه شافت الشجره بتتهز جامد افتكرت لما عابد اخوها كان بيعملها كدا لما كان
بينزلها توت،،،،،، فضلت تبص عليها وتبتسم
وفجأه نزل منها عابد
حوريه بحلقت من الصدمه مكنتش مصدقه
ان اخوها جه القصر اللي ممكن يخرج منه
علي قبره
قالت يانهار ابيض انت ايه اللي جابك ياعابد
يالهوي لو جبل صحي دلوقتي اعمل ايه بس ياربي،،،، يارب استرها يااارب
اتسحبت ونزلت وراحت عنده وقالتله اي دا انت،، انت خلاص مبقاش في عندك ذره عقل،،،،،، ايه االي جابك ياعابد
عابد قالها مقدرتش اعرف انك اتجوزتيه
وماجيش اشوفك واطمن عليكي،،،،،،
ياتري حصل ايه،،،، جبل عامل ايه معاكي
حوريه قالت انت عارف كويس ياعابد جبل يبقي ايه بالنسبالي ولو القصر دا نار جهنم
بالنسبالي جنه الخلد،،،،،،،
انا بحب جبل وعمري ما اتمنيت غيره وانت عارف كدا كويس
عابد ارجوك امشي دلوقتي قبل ماحد يشوفك ومتقلقش عليا انا بخير والله بخير
عابد قالها عالعموم لو فكر انه يإذيكي
او يمس شعره منك بلغيني وانا هاخدلك
بطارك ومن بعيد لبعيد انا معايا سلاح
قوي يخص جبل سلاح مستعد ان يدفع عمره علشانه
حوريه لطمت وقالت يالهوي طار تاني وزفت تاني وبعدين سلاح ايه اللي انت بتتكلم عنه دا،،،،،، انت هتبقي تاجر سلاح زيهم
(بقينا الف لايك ومتابع بجد مش عارفه ااشكركم ازاي ربنا يديمكم نعمه ف حياتي)
جبل صحي وبص حواليه ملقاش حوريه جمبه قام ودور عليها ف الحمام وبردو مش موجوده وبالصدفه لقي باب البلاكونه مفتوح وقرب منه علشان يقفله
وكانت الصدمه شاف حور بتكلم شاب ف الجنينه ومعرفش انه عابد لان ملامحه مكنتش باينه
بسرعه طلع سلاحه ونزل عالجنينه من غير تفكير
عابد لسه هايقول لاخته علي جوازه من ندي اخت جبل بس لفي رصاصه خرجت من
مسدس جبل وجدت تحت رجله بالظبط
جبل فضل يضرب النار عليه بس عابد
كان هرب من القصر ومقدرش يمسكه
ولسه هيكمل جري وراه حوريه مسكته وقالتله لا ياجبل بلاش ارجوك الا اخويه
انا ضحيت بنفسي علشانه وعمري ما هوافق انك تإذيه انت فاهم
البيدج الاصليه الكاتبه صابرين علاء.
جبل كان شايف سواد الدنيا قدام عنيه
مسكها من رقبتها وقالها مين انتي علشان تسمحيلي او متسمحيش ها انتي لو كنتي سلمتلي الكلب دا كان ممكن اسامحك وارجع لحبي ليكي زي زمان بس
الظاهر اني الفتره اللي فاتت اتهاونت
معاكي ف العذاب زياده عن اللزوم
بس من هنا ورايح هاوريكي الجحيم شكله ايه
جبل خدها من اديها وفضل يجرها وراه وكأنها حيوان بدون رحمه ولا شفقه كان الغضب هو اللي مسيطر عليه وعلي افكره
وصل بيها علي بدروم القصر ودخلها اوضه ضلما حتي مفهاش خيط نور واحد كأنه مخصص المكان دا لحبسها وذلها فيه
بقت حوريه تستنجده وتطلب منه الرحمه
بس هو مش سامعها ولا حاسس بيها من اساسه
حوريه بقت تقوله لا ياجبل ارجوك متسبنيش هنا،،،،،،، المكان دا ضلمه اوي
وانا بخاف من الضلمه انت عارف بلاش يا جبل والنبي ارجوك
جبل قالها انا عمري ماهرحمك،،،،،،
لا انتي ولا اخوكي ولا اهلك تستحقو الرحمه
ياتري ايه اللي هايحصل مع حور بطله قصتنا،،،،،، وهل جبل سيعرف الرحمه يوما ما علي يد عشقه حوريه
ازاي هايكون رد فعل نسمه بعد مالقت
خديجه عند جوزها مالك
ياتري عابد وندي الحياه بينهم هتفضل ورديه ام للقدر رأي اخر