Uncategorized
رواية العشق لا يعرف وطن الفصل الرابع 4 بقلم أية إنسان
رواية العشق لا يعرف وطن الفصل الرابع 4 بقلم أية إنسان
 |
| رواية العشق لا يعرف وطن الفصل الرابع 4 بقلم أية إنسان |
رواية العشق لا يعرف وطن الفصل الرابع 4 بقلم أية إنسان
في أحد المطاعم الفاخرة في الزمالك :
_ عمرو : خير مالك يا ساره قالبه وشك ليه على الصبح كده .
_سارة : بصراحة يا عمرو حاسة اني وحشة اوي بسبب اللي عملته في أسر .
_ لا بجد ومن امتى الكلام دة يا ساره .
_ عمرو انا بتكلم جد انا وافقت على الفيلم دة كله علشان خاطرك وعلشان خاطر بحبك بس أسر ميستحقش اننا نعمل فيه كدة .
_ قام عمرو بعصبية ومسكها من ذراعها جامد وقال : أسر يستاهل كل اللي بيحصله واللي لسه هيحصله أسر دة السبب في كل حاجه وحشه حصلت معايا وهوريه العذاب الوان صدقيني إنما شغل ضميرك اللي فاق دة مش عليا تعالي دغري وقولي عاوزه كام يا ساره .
_ عمرو انت بتقول اي أنا عملت كده علشان بحبك مش علشان الفلوس .
_ ملس عمرو على شعرها وقال بسخرية : تؤ تؤ تؤ تصدقي أن انا وحش اوي ازاي مشوفتش حبك وانا بدفعلك كل شيك والتاني قد كده علشان تكسري أسر تصدقي ظلمتك .
_ انا منكرش اني اخدت منك فلوس انا كنت عاوزه اطلع من الفقر اللي عايشه فيه واعيش مستريحة بس دة ميغيرش حقيقة اني بحبك وإلا مكنتش كملت في اللعبة دي لان أسر كان يتمنالي الرضا ارضى وكل طلباتي مجابه ولا اي .
_ هههههه ساره فوقي لنفسك وبلاش الوش دة علشان مش لايق عليكي انتي محبتيش غير نفسك وبس وكلمة كمان في الموضوع دة هندمك اوي فبلاش تختبري زعل عمرو الصاوي وسابها وخرج .
☆ ————— بقلم الكاتبة/ آية إنسان ————– ☆
في فرنسا :
_ الباب بيخبط على وعد .
_ وعد بصوت ناعس : مين يووووو فى حد يصحي حد بدري كده هو مفيش غيرها انا عارفه ولكن الباب عمال يخبط .
_ قامت وعد تفتح وتقول : نعم خير يا هاجر في اي .
_هاجر : اي يا بنتي الكسل دة ما تقومي خلينا ننزل .
_ هاجر يا حبيبتي انتي عارفة الساعة كام دلوقتي .
_ احم الساعة ٥ الصبح .
_ ولما انتي عارفة أنها ٥ الصبح جاية عاوزة اي دلوقتي .
_ خلصي يا وعد انتي نايمة من امبارح انجزي وخلينا ننزل .
_ ننزل فين يا بنت المجانين .
_ اغلطي اغلطي مهو انتي مش متربيه انا عارفه .
_ بره .
_ نعم .
_ بره يا هاجر روحي نامي شويه وننزل بعدين .
_ تمام يا وعد بس مترجعيش تزعلي بقى سلام .
_ ربنا يعينك على حالك يا رب وقفلت الباب في وش هاجر .
_ هاجر بتكلم نفسها: ماشي يا وعد مش عاوزه منك حاجة انا هخرج مع الكاميرا بتاعتي وخرجت هاجر تلف في شوارع باريس وتصور كل حاجة واي حاجة ولكن لفت نظرها عربيه اطفال تقف بجانب الطريق شكلها جميل جدا ولكن سامعه صوت بكاء الطفل فقربت منه وكان طفل في غايه الجمال طفل صاحب عيون خضراء وشعر اصفر وبشره بيضاء ولكن الله لا يعطي الانسان كل شئ فيبدو أن ذلك الملاك الصغير طفل من أصحاب القدرات الخاصة ولكنه حقيقي جميل اوي فشالته وحضنته والغريبه أن الطفل سكت معاها ففضلت تلعب معاه وهو مبتسم ليها .
_ جه صوت من وراها وقال : وحشتني .
☆ ————— بقلم الكاتبة/ آية إنسان ————– ☆
في المانيا :
_ يقف أسر امام اكبر المستشفيات في ألمانيا يباشر عمله فهو رغم غيابه عن العمل لمدة ٦ شهور إلا أن هذا لا يمحي أنه من امهر أطباء القلب في مصر والشرق الأوسط والملف بتاعه يخليه يشتغل في اي مكان في العالم .
_ الحوار مترجم :
_ اهلا بك دكتور أسر .
_ اهلا بكي ازابيل .
_ انا مسروره للغاية أنني أعمل مع طبيب مثلك فأنت مجتهد جدا في عملك .
_ اشكرك ازابيل .
_ هل تسمح لي بسؤال ؟
_ تفضلي .
_ لماذا انت لا تنضم إلي باقي الأطباء هنا وحديثك قليل للغاية وتبقي شارد الذهن اغلب الاوقات هل انت بخير .
_ بالتأكيد انا بخير ولكن لا احب الحديث كثيرا فكثره الحديث لا تجلب سوي إرهاق العقل وانا لا افضل ذلك .
_ أجل أجل ولكن هل ….
_ أنا أعتذر منك علي الذهاب بعد اذنك.
_ أسر في نفسه : ممرضه رغايه تحب الرغي ولكن سمع حد بيزعق بره واضح أن في حد عمل حادثه ولازم يدخل العمليات حالا بعد ساعتين في اوضه العمليات خرج أسر وخرج المريض لغرفة العناية المركزة .
☆ ————— بقلم الكاتبة/ آية إنسان ————– ☆
في فرنسا :
_ لفت هاجر وشها وقالت : اياد .
_اياد : عامله اي يا هاجر .
_ عايشه يا اياد .
_ شكلك حلو وانتي بتلعبي مع عز شكله حبك اوي يا هاجر .
_ عز مين يا اياد .
_ عز ابني اللي انتي شيلاه دة .
_ بجد هو دة ابنك ما شاء الله زي القمر ربنا يحميه .
_ وحشتيني اوي يا هاجر .
_ بلاش الكلام دة يا اياد مبقاش ينفع .
_ مرحتيش عن بالي طول السنتين دول حاسس اني عايش ميت يا هاجر .
_ انت اللي اخترت يا أياد .
_ هاجر اسمعيني انا مكنتش هقدر اعصي أهلي مش هينفع .
_ هههههه اياد اياد انا مش عاوزه افتح في ماضي عدي وفات .
_ تقصدي اني بقيت ماضي خلاص يا هاجر .
_ طبعا يا اياد انت دلوقتي راجل متجوز ومخلف وانا عايشه وبشتغل و …..
_ انتي لسه بتحبيني يا هاجر متكذبيش على نفسك .
_ انت اللي متوهمش نفسك يا اياد انسي يا اياد الماضي مش بيرجع خليك في الحاضر اللي هو مراتك وابنك سلام يا اياد .
_ مسك ايديها وقال : هاجر بلاش تمشي خليكي شويه على الأقل كأصحاب .
_ حتي دي مبقتش تنفع يا بشمهندس وسابته ومشيت بس مش عارفه هي راحه فين .
في الفندق :
_ الساعة بقت ٢ الضهر في الفندق فلبست وعد وراحت تخبط على هاجر ولكن مفيش رد وكذلك ميرا فنزلت تحت شافت ميرا قاعده مع صحابها فاتجهت ليهم وقالت : اهلا ووجهت كلامها لأختها وقالت : ميرا مشوفتيش هاجر .
_ فقالت بكل برود : لا مشفتهاش ويمكن دة اللي مخلي اليوم جميل النهارده .
_ تصدقي انا غلطانه اني بكلمك اصلا .
_ ايوه ايوه بالظبط كده .
_ طلعت وعد الموبايل ترن على هاجر ولكن مفيش رد .
☆ ————— بقلم الكاتبة/ آية إنسان ————– ☆
في مستشفى الصاوي في مصر :
_ ممكن اقابل عمرو بيه مدير المستشفى لو سمحت .
_ بخصوص اي يا ست انتي .
_ كنت محتاجه أكلمه في موضوع كده الله يرضى عليك يا ابني دخلني ليه .
_ انا آسف يا حجه مش هقدر ادخلك من غير ميعاد معاه هو مش بيقابل حد هنا سامحيني .
_ ابني بيموت وعاوزاه بس يسمح أنه يدخل المستشفى وانا مش معايا تمن العملية بتاعته ابوس ايدك دخلني ليه .
_ طب أنا هدخل وهحاول معاه تعالي كمان شويه يا حجه .
_ ماشي يا ابني كتر خيرك .
_ عند عمرو في المكتب بيتكلم في التليفون :
_ الو اهلا اهلا مستر جاك ما الاخبار .
_ ………………………..
_ اريد أن اعرف كل تحركات أسر السمري وانتظر مني التعليمات.
_عمرو : صدقني يا ابن السمري لاوريك العذاب الوان وحياه حرقه قلبي لاشربك من نفس الكاس هخليك تتعذب عمرك كله ولكن رن الموبايل بتاعه ورد : الو .
_ …………………..
_ اي أنا جاي حالا سلام ، وطلع عمرو يجري على بره فخبط في السكرتير بتاعه .
_الامن : دكتور عمرو كنت عاوز حضرتك في موضوع .
_ رد عمرو بعصبية : مش تفتح يا زفت انت .
_ انا اسف جدا بس في موضوع مهم .
_ ابعد عن وشي متخلف صحيح وطلع يجري من المستشفى .
☆ ————— بقلم الكاتبة/ آية إنسان ————– ☆
في فرنسا :
_وعد : الساعة بقت ٩ بالليل روحتي فين يا هاجر بس بكلمك وانتي مش بتردي .
_ صوت من وراها بيقول : انا بمسي التماسي اجدع تماسي احسن تقولوا أن انا ناسي .
_ هاجر كنتي فين يا زفته ومش بتردي على الزفت الموبايل ليه .
_ بصراحه مكنش ليا مزاج قولت اخضك عليا شويه علشان انتي جزمه .
_ تصدقي انا فعلا جزمه اني هموت من القلق عليكي وانتي ولا على بالك .
_ اموت فيك وانت متعصب كده خلاص يا مزه ولا تزعلي تعالي ناكل احسن هموت من الجوع .
_ مش قبل معرف الهانم كانت فين .
_ اتنهدت هاجر وقالت : كنت بتمشى شويه.
_ يادي النيله انتي اكيد روحتي برج ايفل كل لما نيجي هنا تروحي هناك وكأن البلد دي مفيهاش غير ام البرج دة .
_ هههههه تصدقي بالله ما روحت هناك برئ يا بيه .
_ يا بت تلاقي روحتي تحي الذكريات و… انا اسفه والله مكنش قصدي حقك عليا .
_ ابتسمت هاجر بحزن وقالت : مبقتش اروح هناك علشان الذكريات دي ماتت ومفيش ميت بيرجع يا وعد بس الذكريات مهمتها تطاردك في كل مكان وكأن الواحد مكتوب عليه يفضل هربان من ماضيه بقيه عمره .
_ هاجر انا اسفه صدقيني مكنش قصدي .
_ ههههه ولا يهمك يا بت المهم هناكل اي أنا شويه وهاكل كتفك دة .
_ لا وعلى أي انا عاوزه كتفي يما تعالي ناكل احسن .
_ يلا بينا .
_عند اياد الى دخل الفندق اللي نازل فيه وكانت فريدة مراته بتتفرج على المجلات .
_فريدة : كنت فين من الصبح يا اياد .
_ كنت بتمشي يا فريدة .
_ طب كويس سيب عز مع المربيه بتاعته وتعالي ننزل نتفسح .
_ لا تعبان ومش قادر أخرج عاوز انام .
_ يا سلام تخرج انت وابنك معاك بتكون قادر لكن أنا اقولك تعالي نخرج تقولي مش قادر دي حاجه تزهق يا اياد .
_ فريدة انا راجع تعبان ومش عاوز اتخانق لو سمحتي .
_ ايوه ايوه انت على طول تعبان ومش قادر انا مش عارفه اي القرف دة.
_ زعق اياد وقال : فريده حافظي على لسانك شويه وخدي بالك بتقولي اي .
_ انا واخده بالي من كلامي كويس يا بشمهندس اياد انا جايه هنا علشان أخرج واتبسط مش جايه اتحبس بس العيب مش عليك العيب اني وافقت اجي معاك انت وابنك دة هنا انا هرجع مصر بكره .
_ صح انتي صح ارجعي بكره ارجعي لاصحابك وحفلاتك وفسحك وسبيني انا وابني دة اللي بتستعري منه في حالنا ارجعي يا فريدة وسابها وخرج .
☆ ————— بقلم الكاتبة/ آية إنسان ————– ☆
في مستشفي الصاوى :
_ رجعت الست تاني عند السكرتير بتاع عمرو وقالت : هاا يا ابني كلمته .
_ والله يا حجه انا حاولت أكلمه بس هو زعق ومشي ومرضاش يسمعني انا اسف .
_ طب علشان خاطري يا ابني أكلمه انا يمكن يرضي بالله عليك ابني لازم يعمل العمليه في اقرب وقت وإلا هيموت علشان خاطر ربنا ووقعت الست تبكي .
_ نزل السكرتير عندها وقال : أنا حاولت بس علشان خاطرك هكلمه تاني لما يرجع وان شاء الله خير متقلقيش.
_ كتر خيرك يا ابني.
☆ ————— بقلم الكاتبة/ آية إنسان ————– ☆
_ في المطعم في فرنسا عند هاجر ووعد اللي قاعدين بيتعشوا سوي : بقولك اي يا هاجر .
_ قولي .
_ البت ميرا هي واصحابها طالعين رحله على اليخت بكره اي رأيك نطلع معاهم هتكون حلوه اوي .
_ بصراحه انا مبحبش اتواجد مع العالم دي في مكان .
_ متبقيش غلسه بقى يا هاجر احنا مالنا ومالهم علشان خاطري وكمان عاوزه اتصور على اليخت .
_ وماله كله بحسابه هتدفعي كام .
_ اه ماديه حقيره .
_ طيب خلي بقى ابوكي عاصم يصورك يا وعد .
_ لا لا خلاص قلبك ابيض يا مزه .
_ ايوه كده اتعدلي .
☆ ————— بقلم الكاتبة/ آية إنسان ————– ☆
بعد مرور أسبوع في المستشفى في ألمانيا كان أسر يفحص ذلك الشاب الذي جاء في الحادث .
_ في غرفة الشاب يدور هذا الحوار :
_اسر: إذن اسمه هو ليل ، متي فاق المريض يا ازابيل .
_ فاق من ساعتين دكتور .
_ واضح أن التقارير تؤكد أنه الآن بخير .
_ كل ذلك بفضلك دكتور أسر .
_ كل هذا بفضل الله ازابيل .
_ اكيد .
_ ليل ليل هل تسمعني .
_ نعم أيها الطبيب .
_ كيف حالك بماذا تشعر .
_ أنا أشعر بألم في قدمي .
_ لا تقلق هذا أمر طبيعي لان المبني انهار فوقك حمدلله انك مازلت حياً .
_ شكرا لك أيها الطبيب .
_ ازابيل احضري هذا الدواء واعطيه للمريض وتابعي معه لان انا سوف اذهب .
_ إلي أين دكتور أسر .
_ نعم .
_ اقصد أن وقت العمل لن ينتهي بعد اين تذهب .
_ اذهبي واحضري الدواء حالا ازابيل .
_ امرك دكتور أسر .
_ كان أسر هيخرج ولكن وقف على جمله من ليل وهو بيقول : ابو تقل دم امك بت لزجه .