Uncategorized
رواية العشق لا يعرف وطن الفصل السادس 6 بقلم أية إنسان
رواية العشق لا يعرف وطن الفصل السادس 6 بقلم أية إنسان
 |
| رواية العشق لا يعرف وطن الفصل السادس 6 بقلم أية إنسان |
رواية العشق لا يعرف وطن الفصل السادس 6 بقلم أية إنسان
صباحاً في جريده الاهرام :
_مها : صباح الخير يا اسماء ادخلي لرئيس التحرير بيسأل عليكي جوه .
_اسماء : خير في حاجه ولا اي يا مها .
_ مش عارفه ادخلي خلصينا .
_ خبطت اسماء ودخلت وقالت: صباح الخير يا فندم .
_ صباح الخير يا اسماء انا طلبت اقابلك علشان اقولك أن التقارير بتاعه النهارده ممتازه والصور رائعه اسماء انتي من الناس المجتهدين من وقت ما اشتغلتي معانا وعلشان كده انا هنقلك قسم التحقيقات زي ما كان نفسك بس في جريده الجمهوريه هناك هتقدري تقدمي احسن من هنا .
_ اسماء بفرحه : بجد يا فندم انا مش مصدقه نفسي شكرا جدا لحضرتك وخرجت وهي مبسوطه اوي .
_اسماء : انا لازم اكلم هاجر اشكرها .
_ هاجر : الو مين .
_ يادي النيله عليا انتي شاربه اي على الصبح انا اسماء .
_ اسماء مين .
_ هو انتي نائمه ولا في غيبوبه اصحي وركزي معايا كده علشان عاوزه اقابلك .
_ لا مش فاضيه هروح الجريده كمان ساعه .
_ حلو اوي اقابلك هناك سلام .
_ البت دي في كل داهيه ورايا مش فاهمه .
_ دخلت وعد تتسحب وقالت : هاااااااجر .
_هاجر : اعااااااا اي في اي يا وعد .
_ هههههههههه قومي يا حلوه الساعه ٨ .
_ يا وعد كام مره اقولك بلاش الحركه دي هتوقفي قلبي حرام عليكي .
_ سلامه قلبك يا حنينه انجزي عاوزين نفطر .
_ انزلي احسن هقوم اجيبك من شعرك يا بنت عاصم قومي .
_ ماشي ماشي .
☆ ————— بقلم الكاتبة/ آية إنسان ————– ☆
في المانيا عند أسر :
_ دخل أسر اوضه ليل وقال : صباح الخير .
_ليل : صباح النور يا سيدي .
_ عامل اي النهارده .
_ انا زي الفل يا دكتور شكرا بس هو اي اللي حصل امبارح .
_ السؤال دة المفروض انا اللي اساله أنت مين جابلك الهباب اللي كنت بتشربه وخلاك سكران نيله كده .
_ احم انا اللي شربت لوحدي .
_ تصدق اقتنعت بس مش مهم انا هعرف بطريقتي المهم دلوقتي اجهز علشان جلسات العلاج الطبيعي هتبدأ دلوقتي .
_ ماشي يا دكتور .
☆ ————- بقلم الكاتبة/ آية إنسان —————-☆
في فيلا العامري :
_وعد : بابا يا بابا .
_عاصم : نعم يا وعد .
_ مش هنزل معاك الشركه اتدرب بقى انا خلصت كليه وبزهق من القاعده في البيت .
_ مش عاوز ابهدلك في الشغل يا وعد .
_ يعني هو أنا كنت بدرس تجاره وأداره اعمال علشان اقعد في البيت ولا اي يا بابا بقى هفهم كل حاجه بسرعه بنتك ذكيه وهتبهرك .
_ يا خوفي من الابهار دة .
_ عيب عليك يا عصومي .
_ طب قومي يا ام لسانين البسي علشان تيجي معايا .
_ هوا وجايه .
_ عاصم : وانتي يا ميرا ناويه تنجحي السنه دي في الكليه ولا زي السنه اللي فاتت هتفضلي في سنه اولي كده كتير ولا اي .
_اميرة : بابا هو حضرتك ليه مصمم تضايقني علي الفطار .
_ يا بنتي انتي المفروض في سنه ٣ ألسن ولسه لحد دلوقتي في سنه اولي مش انتي اللي طلبتي تدخلي ألسن انجليزي ودخلتى احسن الجامعات الخاصه عاوزه اي تاني علشان تنجحي حرام عليكي .
_ يووووو بقى يا بابا حاضر في حاجه تاني .
_ نزلت هاجر تجري وقالت : صباح الخير .
_عاصم : صباح النور يا هاجر اقعدي افطري .
_ لا لا اتأخرت اوي سلام وخرجت كالعاده تجري علشان تلحق شغلها .
♡ ————– بقلم الكاتبة/ آية إنسان ————— ♡
في الجريدة عند هاجر :
_هاجر : صباح الخير يا ولاء ممكن اقابل مدام صابرين .
_ولاء : لحظه واحده اديها خبر انك هنا يا هاجر .
_ اتفضلي .
_هاجر : صباح الخير يا مدام صابرين .
_ صباح النور يا هاجر تعالي ابهريني كالعاده .
_ فضلت هاجر تفرج صابرين علي الشغل لمده ساعه تقريبا .
_مدام صابرين : جميل اوي الشغل دة يا هاجر والأزياء تحفه صحيح انا حولت الفلوس لحسابك من ساعه .
_ متشكره يا فندم في حاجه تانيه .
_ اه معلش يا هاجر انتي عارفه أن يمنى زميلتك غايبه علشان فرحها وفي بنت نازله جديد معانا اسمها اسماء البكري فهميها الدنيا ماشيه هنا ازاي علشان ولاء السكرتيره بتاعتي عندها مشوار بره النهارده ماشي .
_ ههههه علشان خاطرك بس يا مدام صابرين .
_ كلك ذوق يا هاجر .
_ الباب خبط ودخلت ولاء وقالت : اسماء البكري بره يا فندم .
_ دخليها .
_ اسماء : صباح الخير .
_ تعالي يا اسماء اهلا بيكي هعرفك الانسه هاجر العامري وهى الى هتعرفك على كل حاجه هنا .
_ اه شكرا يا فندم .
_ خرجت هاجر واسماء من مكتب صابرين رئيسه قسم الموضه والجمال .
_هاجر : خير يا ست اسماء عاوزه تعرفي اي مش قولتلك انتي قدرى انا عارفه .
_اسماء : لا بقولك اي اتكلمي عدل ثم انتي تطولي اكون قدرك جتك نيله .
_ عارفه يا اسماء انا واخده قرار اني متعصبش النهارده فمش هرد عليكي .
_ طب بقولك اي بصراحه انا جعانه متيجي ناكل وندردش شويه .
_ تعالي يا بنتي انا كمان جعانه .
☆ ————— بقلم الكاتبة/ آية إنسان ————– ☆
في فيلا الصاوي :
_ صباح الخير يا بابا .
_ صباح الخير يا عمرو .
_ عامل اي النهارده .
_ كويس يا ابني .
_ طب الحمد لله خلي بالك من نفسك ومتجهدش نفسك في الشغل أو اقعد بلاش تشتغل وارتاح بقى .
_ دة علي اساس انك بتيجي الشركه يعني علشان تشتغل مكاني ولا حاجه .
_ يا بابا دي شركه تجاره واسترداد وتصدير وانا دكتور هعمل فيها أي .
_ صحيح هتعمل فيها اي يا واد دة انت دماغك سم وبتفهم في كل حاجه بس انت اللي العند راكب مخك .
_ خلاص يا بابا اوعدك هفكر سلام انا بقى .
_ محمد الصاوي : ربنا يحميك من شر نفسك يا عمرو .
☆ ————– بقلم الكاتبة/ آية إنسان —————☆
في مستشفي الصاوى:
_ دخل عمرو المستشفي وطلع مكتبه يباشر بعض الاعمال فتح الدرج يجيب شويه اوراق وقع نظره على صوره عائليه تضم ولد وبنت وام واب وكانت جميله اوي فسرح في الماضي :
«فلاش باك»
_ رودينا : أبيه يا أبيه .
_عمرو : نعم يا رودينا عاوزه اي .
_ انا زهقت من القاعده في البيت وانت وبابا علي طول بره وانا وماما قاعدين في البيت زهقت دة اي الاجازه الممله دي .
_ يا خبر ابيض الاميره رودينا زهقانه دة انا وحش اوي بقى .
_ اوي يا أبيه .
_ لا إذا كان كده تعالي بقى وطلع يجري وراها ويزغزغها وهي تضحك بشده فطلعت الام سعاد على صوتهم .
_ سعاد : يا سلام انا عماله انادي عليكم وانتو بتلعبوا هنا طب خدوني معاكم العب يا كلاب .
_ عمرو : تعالي يا سعاد يا بنتي هنا لما اقولك يا قمر انت .
_سعاد : اتلم في شحط زيك ٢٤ سنه يقول لأمه يا سعاد صحيح اخر قلة ادب .
_ رد محمد : معاكي حق الواد دة مترباش تقريبا مكنتش فاضي اربيه كله منك .
_ محممممد .
_ عيونه .
_ خير يا حج راعي أن انا واقف طيب عيب كده .
_محمد : واحد ومراته انت مالك يا عمرو بكره نشوف لما تتجوز هتعمل اي .
_رودينا : أبيه أبيه .
_ عمرو : نعم .
_ هو انت لما تتجوز هتعمل اي .
_ انا بلا فخر هسوي الهوايل .
_ يعني اي .
_ يعني ….. وانتي مالك انتي يا بت روحي روحي ألعبي بعروستك اجري .
_ على فكره انا عندي ١٢ سنه وفاهمه كل حاجه .
_سعاد : الحق يا محمد يا صاوى بنتك .
_ مالها بنتي مهي قمر اي .
_ طب بتسألك بتقولك انت جبتها ازاي جاوب بقى .
_ احم طيب ألحق انا الشركه سلام يا سعاد وابقي عرفيها انتي .
_ محمد محمد اه ياني هربوا الاتنين اعمل اي أنا دلوقتي .
«انتهي الفلاش باك »
_ ابتسم عمرو بحزن وقال : وحشتوني اوي ورجع قال بغضب : أسر أسر ااااسر كله منك انت بسببك خسرت امي واختي في يوم واحد مش هرحمك صدقني وطلع التليفون واتصل على رقم وقاله : اعمل اللي قولتلك عليه بالحرف الواحد وقفل .
☆ ————– بقلم الكاتبة/ آية إنسان —————-☆
في الكافيه عند هاجر واسماء :
_هاجر : اظن كده فهمتي كل حاجه يا اسماء .
_اسماء : بصراحه يا هاجر انا قلقانه وخايفه حاسه ان انا مش هقدر و…..
_ مسكت هاجر ايديها وقالت : اهدي انتي لسه مش هتنزلي تحقيق دلوقتي اعتبري نفسك في فتره تدريب ومتقلقيش انا معاكي لو إحتاجتي حاجه .
_ ابتسمت اسماء وقالت : انتي جدعه اوي يا هاجر .
_ واي الجديد ما انا عارفه .
_ يا لهوي ربع تواضعك .
_ هههههههه .
☆ ————— بقلم الكاتبة/ آية إنسان ————– ☆
في ألمانيا :
_ آسر : هااا حاسس بأي بعد اول جالسه يا ليل .
_ليل : مش عارف يا أسر واسمحلي اقولك أسر لو مش هضايقك .
_ لا عادي قول اللي يعجبك .
_ هو أنا هفضل هنا كتير يا أسر .
_ لو عاوز تخرج وتيجي على ميعاد الجلسات مفيش مشكله بس انت محتاج تدريب بشكل يومي ومستمر .
_ اتنهد ليل بحزن وسكت .
_ تحب نخرج نتمشي بره .
_ اه يا ريت لو مفيهاش غلاسه .
_ لا عادي تعالي أخرج معاك .
_ مش عارف اقولك اي على وقفتك جنبي يا أسر لو كان ليا اخ مكنش هيعمل كده .
_ مش للدرجه دي يا ليل عادي .
_ ماشي يا عم .
_ قولي بقى يا ليل .
_ واقولك يا ليل ليه .
_ يلهوي علي الخفه دمك شربات .
_ اهو حاجه مسكره اهو عد الجمايل .
_ تصدق هدخلك جوه تاني .
_ لا لا خلاص هقولك يا ليل .
_ انا قولت هدخلك يلا .
_ هههه لا لا خلاص اسأل .
_ انت هنا في المانيا من أمتي .
_ من ٧ سنين كده .
_ جاي تكون نفسك ولا اي .
_ هههههه لا انا باير متقلقش .
_ هو انت بتهزر علي طول كده يا ليل ارحم نفسك .
_ اتنهد ليل وقال : اهو حاجه اسلي بيها حالي حتي الضحك مستكتره فيا انا لو مضحكتش ممكن اموت فسيبني اضحك .
_ بعد الشر عنك يا عم خلاص اضحك .
_ كنت بحبها اوي يا أسر بس هي دائما كانت مناخيرها في العالي متكبره ومغروره كنت بحاول اعمل ليها اي حاجه علشان ترضي بس للاسف الحب دة طلع حاجه وحشه لأنه بيذل صاحبه عارف حبيت اعمل ليها مفاجأه ورحت اتقدمت ليها بس حقيقي انا تفاجأت واوي كمان :
«فلاش باك»
_ليل : لو سمحت هي دي فيلا جابر المكاوي :
_ ايوه هي دي يا باشا عاوز مين .
_ كنت جاي اقابل جابر بيه قوله ليل المحمدي بره جاي عاوزه في موضوع مهم .
_ حاضر اتفضل في الصالون .
_ بعد عده دقايق نزل جابر بيه .
_جابر : انت مين .
_ اهلا بحضرتك يا جابر بيه انا ليل المحمدي و زميل سوزي في الجامعه .
_ وجاي عاوز اي .
_ بصراحه كنت جاي اطلب ايد بنت حضرتك .
_ هههههههه بنتي انا .
_ ايوه يا فندم .
_ وحضرتك بقى تطلع مين .
_ انا لسه قايل لحضرتك انا ليل المحمدي.
_ ايوه يعني ابن مين بتشتغل اي عايش فين اهلك مين .
_ بصراحه يا فندم حضرتك عارف ان انا في اخر سنه في كليه هندسه وبشتغل في مطعم لحد ما اتخرج وساكن في السيده زينب ومليش حد اهلي متوفين .
_ ايوه ايوه وهل سوزي عارفه انك جاي تتقدم ليها .
_ لا يا فندم بصراحه انا بحبها من اول ما شوفتها وقولت ادخل البيت من بابه .
_ واضح انك جاي تهزر انت مش عارف انا مين وانت مين بس علي العموم لحظه واحده سوزي يا سوزي .
_ نعم يا بابي …اي دة ليل جاي هنا ليه .
_جابر : ليل جاي يتقدم ليكي يا سوزي .
_ هههههه بابا متهزرش .
_ اسأليه .
_ ليل الكلام دة صح .
_ ايوه يا سوزي انا بحبك وقولت اتقدملك .
_ ليل انت عارف انا بنت مين ليل انت عارف بابي شغال اي طب انت هتقدر تعيشني نفس المستوي ليل انا واجبه اكل واحده الى بشتريها من بره تأكلك انت شهر اوعي تكون فاكر انك علشان بتذاكر لينا وأنك بتقعد معانا دة يخليك تبص لفوق لا فوق يا ليل .
_ هههه تصدقي معاكي حق انا ازاي بصيت لفوق وقام مشي يجر وراه كسر قلبه وبقايا كرامته .
«انتهي الفلاش باك »
_ليل : تخيل يا أسر تاني يوم لقيت الجامعه كلها عارفه وبتضحك عليا تحت عنوان الجارسون يطلب يد مولاته وهي ترفض ههههه بقيت حديث الكل في الجامعه كسرتني اوي اوي وذلت نفسي اومال لو عرفت أن انا تربيه ملجأ كانت عملت اي بقى بس دة مش ذنبي اني طفل عنده ١٠ سنين أمه توديه ملجأ علشان مش لاقيه تاكل ولا تأكله مش ذنبي ان ابويا يطلع مش متحمل مسؤوليه مش ذنبي اني فقير انا مخترتش حاجه من دي بس مستسلمتش عشت في الملجأ وكنت بتعلم وخرجت وانا عندي ١٨ سنه دورت علي شغل وطلع عيني ودخلت كليه هندسه بمجهودي مبخلتش عليهم كنت بشرح ليهم احسن من الدكاتره بتاعتهم كنت بشتغل طول النهار واذاكر طول الليل وانام ساعتين وفي الاخر تقولي انت مش من مستوايا ههههه كنت فاكر في البعد هرتاح اهو بقيت البشمهندس ليل المحمدي من احسن مهندسين المعمار هنا وعملت فلوس وكتير وبردو مرتحتش تفتكر هو اي الذنب اللي عملته في حياتي استاهل عليه كده .
_ اسر : وحد الله يا ليل متضايقش نفسك انسي يا ليل انسي يمكن لو كنت حكيت لحد غيري كان قدر ينصحك بس صدقني انا معنديش حاجه اقولها ليك يمكن بقولك اللي نفسي انا اعمله ، غريب الحب دة بس هي كان معاها حق احنا مش هنجبر الناس علشان تحبنا اوقات بنكون محظوظين ونلاقي اللي بنحبهم بيبادلونا نفس المشاعر واحيانا لا.
_ ههههه هي مين دي اللي معاها حق يا أسر .
_ مش عارف .
_ احكيلي يا أسر شكلك كده انت كمان هنا هربان من وجع .
_ مفيش حاجه أقولهالك يا ليل عشان الوجع مش بيتقال دة بيتحس بس .
_ بس الكلام ساعات بيريح .
_ وساعات اكتر بيزيد الوجع .
_ وانا مش هضغط عليك وقت لما تحب تحكي اعتبرني صاحبك واحكيلي .
_ يلا ندخل يا ليل علشان ترتاح .
☆ ————— بقلم الكاتبة/ آية إنسان ————– ☆
_ بعد مرور ٣ شهور تطورت فيهم علاقه هاجر واسماء كتير جدا وكمان تطورت فيه علاقه أسر وليل جامد ووعد انشغلت جدا بشغلها وبتتعلم بسرعه أما عند عمرو فهو متابع أسر وبيحضر ليه مفاجآت كتير .
☆ ————- بقلم الكاتبة/ آية إنسان ————–☆
_اسماء : هاجر هاجر هاجر هاجر .
_هاجر : اي اي اي كانت فكره منيله لما قولتلك تعالي نتمشي جتك قرف .
_ يا بت هزعلك .
_ تصدقي انا هغور من وشك خالص يا اسماء .
_ يكون احسن بردو يا هاجر في داهيه .
_ ماشي انا غلطانه اني جيت اقابلك قبل ما اسافر بكره يا جزمه .
_ ايوه غلطانه و…. لحظه لحظه مسافره فين يا هاجر ومسافره ليه وهتقعدي قد اي هناك وليه مقولتليش من بدري و….
_ طيب اتكلمي انتي ولما تخلصي ابقي كلميني في الفون سلام .
_ خدي هنا ردي عليا الاول .
_ هو انتي سيبالى فرصه اتكلم .
_ طب اخلصي .
_ لسه عارفه اني هسافر بالليل في مسابقه تزلج وتخيم هتقام هناك وانا هغطي الحدث وهعمل جوله كده اصور حاجات تانيه مش عارفه هقعد قد اي ممكن اسبوع ولا حاجه .
_ اي اسبوع يا هاجر كتير .
_ داهيه لكون هوحشك يا اسماء .
_ بلا نيله لا طبعا .
_ هههههه اصيله يا بت .
_ نفسي اجي معاكي يا بختك يا هاجر بس اهلي عمرهم ما هيوافقوا .
_ هههه مش كل حاجه الواحد نفسه فيها بيحصل عليها يا اسماء .
_ ايوه ايوه قولي انتي حد قدك طفشانه علي كل بلد شويه لا عندك أ….. وسكتت اسماء ومكملتش .
_ سكتي ليه يا اسماء كمليها اقولك اكملها انا مفيش عندي اب ولا ام يقولي راحه فين ولا جايه منين مش كده .
_ هاجر انا اسفه انتي عارفه اني بعك اي حاجه والله .
_ ههههه لا مش زعلانه لأنها حقيقه انا بقى كان نفسي حد يقولي راحه فين وجايه منين بس مفيش علشان كده بقولك مش كل حاجه الواحد نفسه فيها بياخدها .
_ هاجر بالله عليكي ما تزعلي .
_ بشرط .
_ اللي هو .
_ حاسبي على الاكل .
_ لا اتفلقي يا هاجر .
_ تربيتشي يا بت .
_ هههههههه طب هاجي اوصلك للمطار بكره .
_ اي بتودعيني .
_ لا هوصيكي على شويه طلبات من هناك .
_ اصيله طول عمرك انا عارفه .
_ هههههه اومال .
_ طب يلا علشان ألحق احضر شنطتي سلام .
_ هاجر صحيح مقولتليش مسافره فين .
_ ألمانيا يا اسماء .