Uncategorized
رواية هي سبب حبي ليكي الفصل الثامن 8 بقلم نوران وليد
رواية هي سبب حبي ليكي الفصل الثامن 8 بقلم نوران وليد
رواية هي سبب حبي ليكي الفصل الثامن 8 بقلم نوران وليد |
رواية هي سبب حبي ليكي الفصل الثامن 8 بقلم نوران وليد
-يلا يا نور شيدي حيلك يا حبيبتي …
-حاضر اهو جاية يا علي بلف الطرحة
-الامتحان فاضل عليه ساعة يا حبيبتي انجزي …و لا امشي و اسيبك
-اهو جيت اهو ….لسه فاضل ساعة
-ما انا لسة هوصلك و بعدين اطمن عليكي و بعدين اروح كليتي علشان عليا مراقبة
-تطمن عليا????ليه مودي بنت اختك الامتحان و خايف لتوه
-لا و انتي الصدقة مودي بنتي
-نعم …
-يلا يا لمضة انزلي قدامي
في السياره
-قريتي الاذكار ….
-اوباااا نسيت
-نسيتي…طب اوقف العربية و انزلك و لا اعمل ايه انا
-يووووه يا علي ????
-طب قولي ورايا
-ايه ده يعني انت كمان ما قولتهمش
-لا قولتهم يا هانم بس هقولهم معاكي تاني
-يسلام و ده ليه
– اعتبريهم زيادة تأكيد????
و بعد ان انتهوا من الأذكار
-اقري ورقة الاساله كويس و متتسرعيش و متتوريش انتي زي الفل
-ها و ايه كمان
-مضيعيش الوقت في حل الاساله المش إجبارية
-حاضر يا دكتور انزل بقي
-انزلي …..بس خلي بالك من نفسك هخلص و اعدي عليكي
-تمام ماشي ….يلا سلام
-مع الف سلامه في حفظ الله
و في الامتحان ظلت نور تبتسم لورقة الامتحان لأن جميع النقاط التي حددها علي وجدتها بالنص فما كان عليها سوي انها حلت الامتحان بناء علي نصائحه و بعد الامتحان خرجت نور و معها أية و باقي الدفعة فتفاجأت نور بشخص ينادي عليها
-انسة نور ….
-ايوة نعم …
-انا سمعت انك تعبتي و عملتي الزايدة…
-اه
-الف سلامة انا زعلت اووووي اووووي عليكي
-الله يسلمك ….جزاك الله خيرا عن اذنك
-انسة نور اتفضلي
-ايه ده
-ده تلخيص للمادة بتاعت يوم الاحد انا قولت اكيد حضرتك ما قدرتيش تذاكري فلخصتلك الورق ده
-شكرا …بس
و هنا تفاجأت بعلي يسحبها من ذراعها باتجاهه
-ايه ده مين حضرتك
-حضرتي الدكتور علي جوز الآنسة نور ????
-ايه هي نور اتجوزت
-اه اتجوزت هو القالك انها عملت عمليه ما قالكش انها اتجوزت من شهر و نص
– انا اسف عن اذنكم
-علي انا…..
-و لا كلمه اتفضلي علي العربية …..ازيك يا مدام أية تحبي نوصلك و لا هتستاني احمد
-لا اتفضلوا انتوا انا هروح المكتبة استني احمد لحد ما يجي ….مع السلامه
-مع السلامة
في السياره
-علي انا….
-انتي ايه….انا مش طايق اسمع صوتك يا نور اسكتي لحد ما نروح علشان الناس ما تتفرجشي علينا
-هو انا كنت عملت ايه يعني لده كله ….
-نور قولت لينا بيت نتكلم فيه????
و بالفعل وصلا الاثنين الي المنزل و ما إن دخل علي حتي بدء بالزعيق
-الله الله يا ست هانم ….تلخيصات ورق وكلام في وسط الجامعة…و لا عامله حساب انك متجوزة
-انا مسمحلكش يا علي انت قولتها بنفسك وسط الجامعة و بعدين هو زميلي في الدفعة و عمل حسابي في تلخيصات يبقي كتر خيره
-يسلام كتر خيره ….و ما اخدتيش رقمه ليه بالمرة علشان تشكريه
-لا لحد هنا و مش هستحمل و لا كلمه تاني ….انا عارفة حدودي كويس يا علي و مش باخد ارقام اي حد. حتي لو كان زميلي بغرض أنه يديني ورق ….انا مش زيها يا علي فاهمني
-قصدك ايه يا نور
-انت فاهم قصدي كويس و يا ريت ما نجرحش في بعض اكتر من كده
و ألقت نور كلماتها الأخيرة و هي تتجه الي غرفتها وهي غارقة في الدموع و غلقت باب غرفتها خلفها و اخذت تبكي و تحدث نفسها
-انا العملت في نفسي كده ما فيش وحدة تقبل بالعرفته و مع ذلك كملت علشان امي بس انا بجد بقيت مش قادرة اتحمل و لا كلمه تاني كفايه تجريح فيا بقي
بينما كان علي بالخارج يانب نفسه علي ما فعله معها فقام و استغفر ربنا و توضأ و صلي ثم ذهب إليها و طرق الباب
-نور ممكن تفتحي و نتكلم
-مش فاتحة و بعد اذنك امشي بقي ????????
-نور انا اسف بس انا ما استحملتش لما شوفتوه واقف معاكي ????
-و اشمعنا انا استحملت العرفته اشمعنا انا بس التعذب لو سمحت امشي و سيبني
-مش همشي يا نور ….انا غلطان بس كل ده علشان …ب..
و هنا رن جرس الباب فذهب علي و فتح الباب وجدها والدته و أخته حلا
-ازيك يا ماما عامله ايه وحشاااااااااااااني
-و انت كمان يا علي يا حبيبي واحشني اووووووووي اومال فين نور
-ها ….نور جوا لسة راجعة من الامتحان
و هنا خرجت نور و قد جففت دموعها و غيرت ملابسها و لاكن اثر الدموع مازال علي وجهها
-ازيك يا طنت عاملة ايه
-ازيك يا نور يا حبيبتي انتي عامله ايه
-تمام الحمد لله يا طنت بخير و الله ….ازيك يا حلا يا حبيبتي
-الحمد لله يا نور ….ايه ده يا نور انتي معيطة
-بصراحة اه
وهنا نظر علي في الارض في انتظار شكوي نور لوالدته لكن ما حدث غير ذلك
-ليه يا بنتي بس الواد علي مزعلك و لا ايه
-بالعكس و الله يا طنت ده علي الكان بيخفف عليا الحاصل ….اصلي حليت سؤال غلط و من اول ما رجعت شغالة اعيط ولولو يواسي فيا
و هنا استغرب علي ما حدث للتو من نور
-لا يا بنتي ما تزعليش نفسك ده مجرد سؤال ربنا معاكي أن شاءالله و يوفقك
-طب يا علي يا ابني انا كونت جيالك علشان روان بنت خالتك
-مالها بس يا ماما
-جالها عريس يا ابني و لازم تحضر يوم الخميس أن شاءالله
-حاضر يا ماما التشوفيه
-يلا يا ابني اشوفكم علي خير …..مع السلامه
-سلام
و ما ان اغلق علي الباب حتي اتجهت نور الي غرفتها و لكن أوقفها علي
-عملتي كده ليه
-الهو ايه
-ما قولتيش لماما حاجة عني
-علشان انا عارفة ديني كويس و عارفة اني ما اطلعش اسرار بيتي برا و عن اذنك بقي و مش عاوزة اكلمك
-طب اسف طيب
-اوعي يا علي من الطريق
-لا …طب هجبلك لترين كولا
-انا مش بهزر و اوعي بجد بقي
هنا أفسح علي لها الطريق لتدخل نور الي غرفتها ..