Uncategorized
رواية العشق لا يعرف وطن الفصل السابع 7 بقلم أية إنسان
رواية العشق لا يعرف وطن الفصل السابع 7 بقلم أية إنسان
 |
| رواية العشق لا يعرف وطن الفصل السابع 7 بقلم أية إنسان |
رواية العشق لا يعرف وطن الفصل السابع 7 بقلم أية إنسان
صباحاً في فيلا العامري :
_ عاصم : هتقعدي قد اي هناك يا هاجر .
_هاجر : هقعد اسبوع يا عمي .
_ هاجر انا مش بحب سفرك الكتير دة بس انا سايبك براحتك علشان مش عاوز اضايقك وكمان علشان بثق فيكي .
_ متقلقش يا عمي انا مقدره كل دة كويس .
_ ماشي يا هاجر يلا علشان متتأخريش .
_ الباب خبط ودخلت وعد :
_وعد : بت يا هاجر يلا هوصلك المطار اي خدمه .
_ هههههه يا بت قولي عاوزه اجبلك اي من هناك .
_ دائما فهماني صح .
_ طب يلا يختي علشان اسماء عماله ترن ترن وانا أتاخرت .
_ هاجر يا بنتي هو انتي من أمتي مش متأخرة.
_ لا في دي معاكي حق بس يلا بقى .
☆ ————— بقلم الكاتبة/ آية إنسان ————– ☆
في مطعم في ألمانيا :
_اسر : هتاكل اي يا ليل .
_ليل : اي حاجه يا أسر .
_ يا ابني هو أنا خطيبتك ما تنطق هتطفح اي .
_ هو انت تطول يا معفن أن انا اكون خطيبتك دة انا حتي واد مز مز مش شايف الجسد الممشوق الطول الفارع العيون السوداء واللون القمحي بس شاب مصري اصيل يا معلم .
_ اتنيل يا ليل انت شكلك شبه اسمك .
_ احم في اي يا معلم قصف الجبهه مش كده .
_ تستاهل .
_ صحيح يا أسر لو مفيهاش غلاسه مني هاجي اقعد معاك أسبوع في شقتك .
_ نعم خير يا معلم .
_ الشقه عندي غرقانه ميه مصوره الحمام طفحت .
_ جتك القرف يا اخي .
_ اي دة انت بتشتمني من قبل ما اجي عندك لا انا ممكن اقعد في احسن فندق هنا .
_ معاك حق انزل في فندق .
_ اصيل اصيل يا أسر هما دول الصحاب في الغربه .
_ ههههه طبعا يا سيد انت زي اخويا .
_ هههههههه سيد سيد تعالي بقى البيت نجيب الهدوم .
_ يلا بينا .
☆ ————- بقلم الكاتبة/ آية إنسان —————☆
عند هاجر واسماء :
_هاجر : ازيك يا اسماء .
_اسماء : كل دة يا هاجر تأخير .
_ معلش عندي المره دي يا كبيره .
_ ازيك يا وعد .
_وعد : ازيك يا اسماء عامله اي .
_ والله يا اوختشي عامله بالأجر اليومي .
_ اسماء : هههههه عسل اوي البت دي يا هاجر .
_ هاجر : طب يلا نركب العربيه عاوزه ألحق الطياره يا ولاد .
_ احم هاجر .
_ نعم يا وعد .
_ عاوزه شويه حاجات صغيره من ألمانيا ممكن .
_ اه لا ابعتي الحاجات في رساله على الواتس لان حاجاتك كتير وانا بنسى .
_ انا فعلا عملت كده تسلمي يا قلبي .
_ طب وانا يا هاجر .
_اسماء : يادي النيله عليا هشحت منكم لله .
_ خلاص خلاص اتسدي جتك قرف .
_ اسماء اخرسي بقى وقولي عاوزه اي .
_ انا مش عاوزه غير انك ترجعي بسرعه .
_ ههههه انتي هتعيطي ولا اي يا اسماء .
_ اصل هتوحشني رخامتك اوي يا هاجر ومش هلاقي حد اخد رأيه في التحقيقات ولا أرغي معاه طب هفطر مع مين انا .
_ اسماء اسماء انا مش مهاجره وفي تليفون ممكن نتكلم عادي تخيلي بقى .
_وعد : ههههه ما خلاص يا مرهفين الحس انتو الاتنين هعيط .
_ هاجر : ههههه تعالوا حضن يا ولاد تعالوا .
_ حضن التلات بنات بعض وودعوا هاجر وانطلقت نحو ألمانيا .
☆ ————— بقلم الكاتبة/ آية إنسان ————– ☆
_ بعد عده ساعات وصلت هاجر ألمانيا ونزلت الفندق وطلعت تستريح شويه وتبدأ شغل .
☆ ————- بقلم الكاتبة/ آية إنسان —————☆
في المانيا وبالتحديد عند اسر :
_اسر : اخلص يا عم ليل مش هتعزل أنجز .
_ليل : الله باخد الحاجات اللي هحتاجها يا اخي انت هتشاركني .
_ طب أنجز .
_ طلع أسر وليل الشقه واترمي ليل على الكرسي وقال : اه يابا الواحد رجله مش شيلاه يا خسارتك في المرمطه يا ليل .
_ ليل متجهدش نفسك ريح شويه انت لسه خارج من حادثه كبيره ومش معني انك بقيت تمشي على رجلك انك تجهدها علشان كده غلط .
_ خلاص يا أسر هتعملي فيها دكتور ولا اي .
_ لا مش هعمل علشان انا دكتور فعلا يا ليل .
_ احم صح معاك حق ، طيب انا هقوم اريح شويه يا أسر اوضتي فين .
_ هناك اهي يا ليل انا نازل اجيب شويه حاجات وهرجع عاوز حاجه ؟
_ سلامتك يا غالي خلي بالك من نفسك ومتتأخرش عليا .
_ اي دة لو مراتي مش هتقولي كده .
_ ههههه طلقني لو مش عاجبك طلقني .
_ ولااااا اظبط كده مالك .
_ امشي يا أسر الله يرضي عنك .
_ سلام يا خويا .
☆ ————– بقلم الكاتبة/ آية إنسان —————☆
في الفندق :
_ صحيت هاجر وكانت الساعة ٨ بالليل وقامت تنزل تتمشي في شوارع ألمانيا وتصور الناس .
_ وعند آسر الى شاف اتنين واقفين وماسكين أيد بعض فسرح في الماضي :
«فلاش باك»
_ وقف أسر بيغمض عين سارة وقال : عاملك مفاجأه .
_سارة : ويا تري اي المفاجأة يا دكتور أسر .
_ تعالي معايا بس .
_ مش شايفه حاجه .
_ هاا اي رأيك .
_ فتحت سارة عينيها وقالت : مش معقول دي العربيه اللي كان نفسي فيها وحضنت أسر وقالت : انا بحبك اوي يا أسر .
_ حضنها أسر وقال : وانا كمان بحبك اوي يا سارة .
«انتهي الفلاش باك »
_ فضل أسر ماشي بيفكر في الماضي وهو مش شايف أن في عربية ماشيه بسرعة وهتشيلة وصوت حد من وراه بيقول : حااااسب حاااااسب ووقع أسر على الأرض .
☆ ———— بقلم الكاتبة/ آية إنسان —————☆
في شركه الصاوي :
_ محمد الصاوى ابو عمرو : خير يا جماعة الصفقه دي لازم ترسى علينا الصفقه دي مهمه جدا .
_ بس يا محمد بيه حضرتك عارف ان شركه العامري داخله قدامنا في المنافسة والعرض بتاعها قوي .
_ يعني اي دة يا فوزي احنا مش اي حد انا محمد الصاوى مش اي حد بردو .
_ مقصدش يا فندم بس اقصد أن ممكن نتفاوض مع ناس وناخد الصفقه من غير تعب .
_ تقصد ادفع رشوه يعني هو مفيش فايده يا فوزي انا بحب اللعب على المكشوف وشغل بتاع تحت الترابيزه دة مش بتاعي ولاخر مره هقولك يا فوزي الكلام دة اتفضل على مكتبك .
_ امرك يا فندم .
_ واحد غبي استغفر الله العظيم .
☆ ————— بقلم الكاتبة/ آية إنسان ————– ☆
في المانيا :
_ أسر واقع على الأرض والناس وقفت تطمن عليه .
_ نزل صاحب العربية :
_ يا إلهي هل انت بخير يا رجل هل انت مجنون لماذا تقف في وسط الطريق هكذا .
_آسر : انا أنا أعتذر لم انتبه .
_ حمدلله أن تلك الفتاه انقذتك وإلا الان كنت ميت .
_ بص أسر جنبه وشاف بنت واقعه على الأرض واضح انها فاقده الوعي فقام جري عليها واول ما شافها ذهل مش معقول تكون هي .
_ تقدم منه رجل كبير بالعمر واعطي له زجاجه مياه وقال :
_ اسكب بعض المياه عليها يا بني وبالفعل رش أسر شويه ميه على وشها وابتدت تفوق .
_ البنت : ااااه يا دماغي هو حصل اي دماغي … ولكن مرة واحده صرخت : اعااااااا لا الكاميرا بتاعتي لاااا كده كسرت الكاميرا انت مجنون يا جدع انت في حد يمشي في نص الشارع ما كنت تموت ولا تغور في داهيه انا مالي كده الكاميرا كده .
_ هاجر عماله تتكلم وهي مش شايفه انقذت مين ولا شايفه نظرات الناس اللي عماله تبص عليها ومحدش فاهم هي بتقول اي ولكن هما فهموا أنها مضايقه على الكاميرا .
_ اتكلم أسر وقال : شكراً لكم جميعا من الممكن أن تنصرفوا الان وبالفعل مشي الكل إلا هو وهي لسه عماله تكلم نفسها .
_ آسر : يا استاذه .
_هاجر : بلا استاذه بلا زفت بقى انت مجن… ووقفت هاجر لما شافت شكله وفضلت متنحه شويه العيون دي مش غريبه تلك الغابه الزيتونيه لا اكيد مش هو .
_ آسر : افتكرتيني صح .
_ هاجر : هو انت بتاع الكورنيش ولا انا الخبطه أثرت على دماغي .
_ لا انا بتاع كورنيش النيل .
_ طب بص يا استاذ اديني سبب مقنع حالاً اني محطكش تحت كوتش عربية من اللي هناك دول دلوقتي حالاً .
_ طب وانقذتيني ليه لما انتي عاوزه تموتيني .
_ غلطه عمري انا عارفه أنا اللي بروح للمصايب هي مش بتجيلي لوحدها لما انت عاوز تتنيل تموت لازم تموت هنا مش مكفيك الموت في مصر لا لازم تحاول تموت هنا كمان جرب مره تموت من غير ما تقرف العالم يا اخي وقفت هاجر تنهج من كتر الزعيق وبصت عليه شافت ملامحه جامده مفهاش اي تعبير .
_ وطي أسر وخد الكاميرا من الأرض وقال : أنا هصلحها وخدها ومشي .
_ انت يا عم انت يااااا يا اسمك اي خد هنا وطلعت تجري وراه ولكن هو لا حياه لمن تنادي .
_ جريت ووقفت قدامه تاخد نفسها وقالت : انا اسفه .
_ على اي .
_ على الكلام السخيف اللي قولته من شويه انا لما بكون متعصبه بقول اي كلام فأنا اسفه .
_ لا عادي انا بعتذر عن اللي حصل ليكي تعالي معايا اصلحلك الكاميرا بس هتحتاج شويه وقت .
_ سيبك من الكاميرا دلوقتي وقولي انك مش زعلان من كلامي وأنك …. اعااااا .
_ في اي تاني بتصرخي ليه يا بنتي الناس هتفتكر اني بضايقك .
_ النضاره بتاعتي اتكسرت هي كمان لاااا .
_ طب ودي اصلها ازاي بقى كمان .
_ خدت هاجر نفس وقالت: خلاص مش مهم اهدي اهدي عادي عادي كل حاجه هتكون كويسه .
_ انتي لو خلصتي كلامك مع نفسك ممكن نمشي علشان شكلنا بقى زي الزفت .
_ انت بتتكلم كده ليه يا جدع انت يعني غلطان وبتتكلم .
_ يا استاذه …. اسمك اي .
_ وانت مالك هتصاحبني .
_ اللهم طولك يا روح تصدقي انا اللي هرمي نفسي تحت عربيه منك انتي .
_ لا يا شيخ بقى انا اكسر الكاميرا بتاعي ونضارتي وابهدل نفسي واتخبط في دماغي وانت في الاخر تموت نفسك عادي كده دة على جثتي انت فاهم .
_ لا انتي مجنونه انتي اكيد مجنونه .
_ لا أسمع لما اقولك خليك محترم في الكلام يا اسمك اي انت .
_ اسمعي يا بت انتي عاوزه اصلح الكاميرا بتاعتك تعالي اصلحهالك عاوزه فلوسها هديكي فلوسها وريحيني .
_ انت عارف الكاميرا دي تمنها كام يا محترم .
_ كام يا ستي .
_ ١٠٠ الف جنيه حرام عليك لسه مخلصه قسطها من شهرين اعمل اي دلوقتي .
_ خلاص يا انسه ولا يهمك اجبلك غيرها الصبح .
_ نعم بسيطه هي كده طب والصور وشغلي اللي عليها اعمل كل دة تاني بقى .
_ يووووه بقى هو انتي عاوزه اي بالظبط لتكوني عامله الفيلم دة كله علشان الفلوس كنتي قولتي كده من بدري ودفعتلك .
_ خلي فلوسك لنفسك يا محترم انا لما انقذتك اول مره مبصتش لفلوسك ولا اعرفك اصلا ودلوقتي لما انقذتك بردو معرفكش ومش هممني اعرفك فلو انت هتدفعلي فلوس فهتعيش عمرك كله مديون ليا لان حياه الانسان مش بتتقدر بتمن ومشيت وسبته .
طلع أسر البيت عنده :
_ليل : فينك كل دة يا أسر الساعة ١ بالليل يا عم .
_اسر : لا حادثه بسيطه كده وعدت .
_ اي حصل اي احكيلي .
_ متقلقش يا عم كل الحكايه أن في عربيه كانت هتخبطني وانا مش واخد بالي وكسرت لبنت الكاميرا بتاعتها .
_ طب الحمد لله بسيطه تعالي ناكل احسن جعان وقولت مش هتكلم غير لما ترجع .
_ ههههه اصيل يا عم ليل .
_ طول عمري يا حبيبي.
_ هههه طب يلا ناكل يا خفيف.
عند هاجر في الفندق :
_ طب وبعدين يا هاجر هتعملي اي هتصوري الاحتفال ازاي دة بعد يومين ، اه يا دماغي مش قادره لما اقوم اشوف شكلي حاسه ان دماغي بقت شبه القلقاسه و……اعاااا لا لا اي دة دماغي نهار ابيض كده دماغي اتشلفطت كده طب ودي اداريها ازاي منك لله يا اسمك اي وفي الاخر يقولي فلوس جته قرف انا احسن حل انام كفايه عليا اوي كده النهارده وبكره يحلها المولي من عنده بقى .
☆ ————- بقلم الكاتبة/ آية إنسان —————☆
عند عمرو :
_ عمرو : الو ايوه يا سارة عاوزه اي .
_ …………………………
_ طب نتكلم بكره سلام .
☆ ————– بقلم الكاتبة/ آية إنسان —————☆
في فيلا العامري:
_عاصم : وعد يا وعد .
_ وعد : نعم يا بابا .
_ اظن دلوقتي انتي في الشغل بقالك ٥ شهور وعاوزك تدخلي في المناقصه قدام شركه الصاوى ودي شركه مش قليله وهعتبر دة اختبار ليكي ولو نجحتي فيه هدخلك مجلس الاداره ولو فشلتي يبقى …..
_ من غير ما تكمل يا بابا مش هفشل بأمر الله ثق فيا .
_ وانا متأكد انك قدها .
☆ ———— بقلم الكاتبة/ آية إنسان —————☆
في فيلا الصاوي :
_عمرو : ازيك يا بابا عامل اي .
_محمد الصاوى ابو عمرو : مكذبش عليك تعبان يا عمرو حاسس اني محتاج ارتاح فتره .
_ انا قولتلك كده من بدري .
_ عمرو في مناقصه مهمه اوي مع شركه منافسه لينا ولازم نكسبها……. وفضل يكح .
_ طب ارتاح بس وانا هعمل اللي انت عاوزه مين الشركه دي .
_ شركه العامري .