Uncategorized

رواية ما بين الماضي والحاضر الفصل الثانى 2 بقلم ليلى محمود

 رواية ما بين الماضي والحاضر الفصل الثانى 2 بقلم ليلى محمود
رواية ما بين الماضي والحاضر الفصل الثانى 2 بقلم ليلى محمود

رواية ما بين الماضي والحاضر الفصل الثانى 2 بقلم ليلى محمود

هشام دخل المكتب ومراد دخل وراه 
مراد:  فهمنى بقااا
هشام  :  افهمك اى مش انت كنت بتطلب منى دايما اتجوز عشان خاطر ساندي وحد ياخد باله منها 
مراد:  فتتجوز فجأة من غير ما حد يعرف ولا حتى انا لا ومش بس كده تتجوز بنت شبه مراااتك بالظبط 
هشام  :  انت كنت مساافر 
مراد  :  هشاام اى اللعبة اللي بتلعبها مين دي فهمنى 
هشاام طلع ورقه قسيمة الجواز واداها لمراد اول ماشافها اتصدم 
مراد  :  مس مسستحيل انا مش فاهم حاجه 
ازاى البنت دى على اسم مراتك وكمان شبهها 
هشاام  :  مراتى الله يرحمها كان اسمها سيليا معتز سيف الدين 
ودى اسمها سيلا معتز سيف الدين 
مراد  :  لا براحه كده عشان انا مش فاهم هيا هيا سيليا الله يرحمها كان عندها اخت ????????
هشاام بصله ببرود 
مراد بصله باستغراب وبعدين قاله 
مراد:  اتجوزتها ليه يا هشام 
وبعدين مراد افتكر حاجه وبص لهشام بصدمه
مراد:  ده نفس الاسم اللي كان في قضية موت سيليا بس انا وقتها مكنتش عارف اسم سيليا بالكامل ????????
هشاام ارجوك فهمنى انا هتجنن 
هشام:  مش لازم تفهم يا مراد بس حاجتين لازم يتعملوا اولا هنفضل عايشين زى ما كنا ومحدش ف البيت هيلمح صورة ل سيليا خالص  وكمان جميله مراتك متعرفش اى حاجه عن الموضوع 
الحاجه التانيه ان سيلا متعرفش حاجه عن سيليا ولا على الموضوع 
مراد  :  هيا متعرفش انت مين????????
هشاام  :  ولا هتعرف 
مراد بص لهشام  :  طيب ليه ليه اتجوزتها انت بتخطط لاي بالظبط
هشاام  ببرود:  هاخد حق مراتى وبنتى منها 
مراد  :  ليه ليه يا هشاام انت عارف ان ملهاش ذنب ف اللى حصل ل سيليا دى كانت حادثه ولا انت ناسي  
هشاام بغضب وعصبيه:  لا هيا السبب ف موتها وف ان بنتى تتيتم هيا السبب ولازم تتعاقب 
مراد بصله:  انت عارف كويس اوى ان اللى حصل من 4 سنين كان مجرد حادثة ولو انت شايف انها كانت سبب ف اللى حصل ف انت كمان كنت سبب متنساش والحقيقه الاكبر انك جايب سيلا علشان تتعاقب علي جريمه سيليا اللى ملحقتش تعاقبها عليها 
مراد ساب هشاام بعد الكلام ده ومشى قبل هشاام ما يتكلّم وطلع راح يطمن علي ساندى 
جميله كانت في اوضتها رايحه جايه لحد ما فونها رن 
جميله  :  الو ايوة يا ماما 
اعتماد ( ام جميله  )  :  اى يا جميله حصل ايه تانى كنتى بترنى ليه 
جميله  :  مفيش يا ماما كنت بطمن عليكي 
اعتماد:  انا بخير يا حبيبتي طمنيني اخبارك ايه ومراد جوزك والعروسه الجديده عامله اية  تصدقي نفسي اشوفها 
جميله  :  احنا الحمدلله ومراد لسه جاى من برا بس هشاام طلبه ف المكتب والهانم الجديده ف اوضتها بعد ما هشام رجع مسح بيها الارض علشان خاطر ساندى 
اعتماد  :  هههههه من اولها كده هو لحق 
جميله  :  ده مش طايقهااا
اعتماد:  اومال اتجوزها لييه يا حلوة لو مكنش حبها 
جميله  :  مستحيل يا ماما انتى مشوفتيش كان بيعمل معاها اى النهاردة ده كان شويه ويقتلها بس مراد دخل فجأة 
اعتماد:  لا كده فى حاجه غلط انا هحاول اجيلك ف اقرب وقت ونشوف الموضوع ده 
جميله  :  ماشي يا ماما انا هسيبك دلوقتي وهروح اغير هدومى علشان تعبانه وعايزة انام اوى تصبحي علي خير 
اعتماد  :  وانتي من اهله ياقلبي 
مراد راح عند اوضه ساندى خبط عليها ودخل لقاها قاعده علي السرير وحاضنه نفسها 
مراد  :  اى ده اى ده مالك يا حبيبي زعلان ليه 
ساندى  :  حايسه ( عايزة)  ماما 
مراد  حس بزعل علي البنت المسكينه ف رغم شقاوتها وعصبيتها الا انها حتى عمرها ما شافت ولا عرفت امها ولا حتي صورة 
مراد قرب من ساندى وباسها من خدها واخدها حضنه وقالها تعالى بس انا هحكيلك حكايه حلوة اوى
ساندى حضنته فورا 
ساندى  :  انا بحبك اوى يا مراااد 
مراد  بصلها ورفع حاجبه
مراد:  يا بنتى احترمينى شويه انا مش بلعب معاكى ده انا اكبر من ابوكى????????
ساندى  :  احكي بقااااا
مراد  :  حاضر يا عيونى 
مراد حكي لساندى حكايه لحد ما نامت غطاها وخرج راح اوضته 
كانت سيلا لسه ف اوضتها كانت قاعده بتعيط من طريقه هشام معاها ولا اى اللى بيحصل هيا مكنتش فاهمه حاجه وليه هيا بالذات اللى هشاام اتجوزها وهو اصلا مكنش يعرفها ولا هيا تعرفه قبل كدا 
سيلا كانت دموعها بتنزل من عينها بدون صوت وبعدين سيلا افتكرت اللى حصل 
Flash Back……. 
سيلا كانت راجعه البيت الساعه 3 الفجر  وكانت شاربه 
معتز ( ابو سيلا)  :  ما لسه بدري يا هانم انتى مفكرة نفسك عايشه برا لسه ولا اى
سيلا بصتله وسابته وكانت هتمشي 
معتز بزعيق:  انا مش بكلمك يا بت انتى ولا اى 
سيلا:  اصل احنا هنقول نفس الكلام بتاع كل يوم وانا النهارده تعبانه خلينا ناخد اجازة النهارده 
معتز بغضب:  انتى واضح نسيتى انك بتكلمى ابوكى 
سيلا رجعت وقفت قدامه
سيلا:  بكلم ابويا  لا دى جديده  خير يا معتز ببه اى المطلوب منى عشان تقولي الجمله دى 
معتز ببرود:  المستشفى اللي فيها امك اتكلمت النهاردة 
سيلا بخوف:  ماما ماما مالها فى اى
معتز:  متقلقيش لحد دلوقتي كويسه 
سيلا:  قصدك ايه لحد دلوقتي؟ 
معتز  :  يعنى اكيد لما يطرودوها من المستشفى مش هتكون كويسه وهيا لسه محتاجه العلاج 
سيلا بخوف ودموع:  يطرودوها ليه
معتز ببرود:  علشان ببساطة مفيش فلوس بتندفع ليها
سيلا بصدمه ودموع  :  ليه مش انت قلتلى انك بتبعتلهم الحساب كل شهر 
معتز  :  انا قلتلك هعمل كده بشرط تنفذى امرى 
سيلا بدموع وكانت بتمسحها بايدها زى الاطفال 
سيلا:  انا نزلت من لندن وقعدت معاك وسيبت ماما لوحدها ف المستشفى ف غيبوبه وجيت قعدت معاك وده كان طلبك قصاد انك تدفع فلوس المستشفي 
معتز  :  بالظبط بس انتي موفتيش بوعدك
سيلا بغضب:  موفتش ازاى ما انا قاعدة وعايشه معاك اهووو
معتز:  عايشه معايا فين انتى طول النهار نايمه وطول الليل برا عايشه معايا فين 
سيلااا:  انت اى يا اخي معندكش قلب مش كفايه اللي هيا فيه ده بسببك انت وبس 
معتز  :  لا مش انا انتى السبب ولا نسيتى اللى حصل من 4 سنين تحبى افكرك 
سيلا بغضب  :  كان حادثه والله حادثة كنت عايزة اروح الحقها بعد ما كلمتنى بعد انت م بعتها ومكنتش عاوز تقولنا ووقتها ماما صممت تيجى معايا معرفتش اتحكم في العربيه غصبن عني ومن وقتها وانا بتعاقب 
معتز  :  بتتعاقبى بتتعاقبى ازاى انتى خدتى امك وهربتى على لندن علي طول
سيلا بصراخ:  كنت عايزنى أفضل مستنيه وامى بتموت ودخلت فى غيبوبه كنت عاوز انى استنا بعد ما اختى اختفت وانت قلتلى. بعدها انها ماتت كنت عايزنى استنا وانت عارف ان يومها خبط عربيه تانية واتقلبت ويا عالم صاحبها جراله اى 
معتز  :  الكلام ده ملوّش لازمه دلوقتي انا مش هدفع حاجه تاني للمستشفى 
سيلا:  حرام عليك طيب انا هعمل ايه انت عارف اني بعت كل حاجه كنت املكها وامى تملكها ابوس ايدك خليك جمبي انا بنتك 
معتز  :  مكنش عندى بنات غير سيليا وبس 
سيلا بصراخ:  علشان كده بعتها وقتلتها 
معتز ضرب سيلا بالقلم على وشها ووقعت على الارض 
معتز بعصبيه:  انتى زودتيها يا سيلا بس خلاص كل ده هخلصه ودلوقتى 
معتز رن على هشام 
معتز  :  الو ايوة يا هشام هات المأذون وتعالى فورا كل حاجه جاهزة 
هشام  :  انت اتجننت دلوقتى فين انو عارف الساعه كام 
معتز  :  اسمع يا هشام ده الفرصة الوحيدة هتيجي تمام مش هتيجي هخليها تسافر ونخلص بقا 
هشام  :  انا جاى 
وقفل هشام في وش معتز وكلها نص ساعه وهشام وصل البيت والمأذون كتب كتابهم 
سيلا مكنتش فاهمه اى اللى بيحصل بس كانت شايفه ان مفيش حاجه ممكن تكون اسوا من ذل ابوها ليها بس متعرفش هشاام ولا تعرف انه بيخطط للانتقام
هشاام اخد سيلا وروح القصر ونادى على جميله وعرفها على سيلا 
سيلا نامت ومحستش بنفسهااااا
……
هشام كان لسه في مكتبه 
flash back….. 
هشاام كان قاعد في مكتبه وفونه رن 
هشاام  :  الو اى الاخبار 
الشخص  :  هشاام باشا البنت حجزت تذكرة ونازله مصر
هشام  :  تمام  نازله لوحدها ولا معاها حد 
الشخص  :  لا لوحدها 
هشاام  :  تمام انزل انت كمان مصر واللى كنت بتعمله عندك هتعمله هنا 
وقفل معاه 
وبعدين هشاام رن على حد تاني  
هشام  :  الو ايوة عايزك تشتريلى كل الاسهم بتاعت شركه معتز سيف الدين 
الشخص  :  تحت امرك يا باشا 
وقفل معاه 
هشاام اخد الجاكت بتاعه وخرج 
عند بيت معتز 
الباب كان بيخبط والخدام فتح الباب 
هشاام  :  معتز باشا فين 
معتز  :  انا هنا يا هشام بيه خير اى اللى جابك 
هشام:  ابدا جيت اسلم عليك 
معتز  :  ما بلاش الألعاب دى يا هشام  انت جاى عايز منى اى ما خلاص خسرتنى كل حاجه 
هشام  :  لا لسه لسه في حاجه واحده 
معتز  :  معنديش حاجه تاني تاخدها منى 
هشاام  :  فى حاجه واحده لو اخدتها هرجعلك فلوسك الضعف وشركتك كمان 
معتز  :  حاجه اى دى؟؟  
هشام  :  سيلا 
معتز بصدمه  :  س سيلاا انت عرفتها منين وشوفتها فين 
هشام  :  كل ده مش مهم المهم قلت اى هاخد سيلا وتاخد اللى انت عاوزه ولا اخد سيلا اومتطولش مليم 
معتز  :  بس سيلا مش هنا سيلا برا 
هشام  :  هترجع 
معتز  :  مستحيل ترجع ترجع فين 
هشاام  :انا مش عايز رغى كتير عرضي قلته وانت لازم تقول رايك دلوقتي 
معتز  :  ارجوك يا هشام انا مش عايز اخسر بنتى كفاية واحده خسرتها صدقني سيلا متعرفش اى حاجه 
هشاام ببرود:  يعني انت بترفض 
تمام بس انا حذرتك 
سلام واه ياريت تفضى البيت علشان بكرة هيطلع قرار بطردك وانا هاخده وانت هتترمى في الشارع 
معتز  :  اى ????????
مش كفاية بقا يا هشام حتى لو عشان خاطر سيليا 
هشاام  :  اخرس ومتجبش سيرتها انت كمان كنت سبب في قتلها والحل الوحيد قدامك انك تقولى  انك موافق او تتحمل بقا اللى هيحصلك وبردو هاخدها 
معتز  :  ماشي يا هشاام موافق بس متئذهاش 
هشام ابتسم بخبث  وسابه ومشي 
هشاام فاق من شروده علي صوت الباب بيخبط جامد 
هشاام خرج والخدامه فتحت الباب 
هشاام  :  انت ????????
يتبع ……
لقراءة الفصل الثالث : اضغط هنا
لقراءة باقى فصول الرواية : اضغط هنا

اترك رد