Uncategorized

رواية قربان الجن الفصل الخامس 5 بقلم هنا عادل

 رواية قربان الجن الفصل الخامس 5 بقلم هنا عادل
رواية قربان الجن الفصل الخامس 5 بقلم هنا عادل

رواية قربان الجن الفصل الخامس 5 بقلم هنا عادل

ام نغم ..يا ولاد تعالوا الغدا اتحضر ..يانغم يلا ياحبيبتى علشان تتغدي 
خرجو باسم وجاسم ونغم من اوضهم سلموا على باباهم اللى رجع من الشغل واتجمعوا سوا ع الغدا 
ابو نغم ..ايه اخباركم النهاردة عاملين ايه فى المدرسة ؟
نغم..كويسين 
باسم..الحمد لله يابابا هى نغم بس اللى كانت مش مركزة النهاردة 
جاسم ..كانت بتسأل اسئلة على حاجات هى فكراها حصلت وهى محصلتش شكلها عايزة تاخد اجازة تانى
الاب بضحك..يا لئيمة زهقتى من المدرسة بدرى كده ده انتى قدامك مشوار طويل 
الا بتغمز لجوزها ..
لا مش باين انا شايفة كده انها تخلص الابتدائية وتقعد بقى هى شكلها كده مش غاوة علام
نغم..لا ياماما هو ايه اللى اسيب المدرسة انا هكمل طبعا واطلع مهندسة كمان 
باسم..مهندسة مرة واحدة ههههه ده انتى لو طلعتى من سنة 5 ابتدائى بابا هيدبح عجل 
ابو نغم..جرى ايه بقى منك له لها كلكم على نغم ليه لاء دى دلوعة البيت محدش يزعلها تعمل اللى على راحتها 
بيغيروا منك ليه الناس دي يانونتى 
نغم ب ابتسامة ..مش عارفة بقى يابابا اسألهم ولا يمكن علشان انت بتدلعنى اكتر منهم 
الام..ههههه اه حبيبة ابوكى انتى مين يقدر عليكى 
الاب..كلهم حبايبى وكلهم غلاوة واحدة 
بس نغم بنوتة واحدة لازم ندلعها مش احسن ما تطلع غفير شبه اخواتها كده لا تطلع قطة رقيقة وشبعانة حب ودلع وحنية فى بيت ابوها علشان متحتاجش لده برة بيتها لما تكبر شواية 
ادلعى ياحبيبة بابا براحتك والعيال ام دم تقيل دول هنا تحت امرك 
جاسم..بقى كده يا بابا احنا دمنا تقيل ؟
الاب..ياولا قولنا دى بنوتة وبندلعها بتفهم منين انت بقى
الام..كلكم عندنا نفس الغلاوة ياحبايبى 
صحيح يا ابو نغم شوفت اللى حصل ؟
الاب..استرها يارب خير حصل ايه 
الام..مش مرات اخوك الله يرحمه هتعزل خلاص 
الاب..لا ياشيخة ..ازاى 
الام..بتقول كان معمولها عمل على عتبة البيت بالرصد ووقف الحال والشيخ مهران فكهولها وجالها مشتري مستعجل هياخد البيت 
الاب..لا مشترى ايه وهو ينفع يعنى اسيب بيت اخويا حد غريب يعيش فيه 
انا هشوف اتعرض عليها كام فيه واخده اهو ينفع عيل من العيال الحاجة كده كده بتغلى مش بترخص
الام..عندك حق والله احنا اولى من الغريب
بس ليه ياخويا مقولتش ده من الاول اهو بدل ما كانت تروح للشيوخ وياخدو منها اد كده كان زمانها معزلة من هنا من زمان 
الاب..ماهو لو الفلوس كانت حاضرة من زمان مكنتش استنيت يا ام نغم بس اهو ربك بقى قبل ما بيبلي بيدبر
ام نغم..صحيح على رأيك 
خلصوا غدا ودخلو الولاد اوضهم يخلصوا اللى وراهم من واجبات ومذاكرة وقعدت ام نغم مع جوزها شواية فى البلكونة يشربوا كوبايتين الشاى ويتسامروا مع بعض 
كانت نغم بتتمنى الليل ييجى علشان تعرف ايه اللى هيحصل 
على اد مابتخاف من اشكالهم لكن كان الفضول جواها بيزيد انها تعرف مين اللى كان مش عايز مرات عمها تمشي
شغلك نفسها على اد ماتقدر فى الواجبات بتاعتها ومذاكرتها لحد م الليل جه 
طلعت من اوضتها لقيت مامتها وباباها لسه قاعدين بيتكلموا
الاب ..ايه ياحبيبتى خلصتى واجبك
نغم..اه يا بابا وذاكرت شواية كمان وخلاص هدخل اغسل اسنانى بقى وانام
الام..ايه ده مش هتتعشي ؟
نغم..لاء ياماما ده الغدا لسه فى بطنى مش هقدر اكل تانى 
الام..ماشي ياحبيبتى بالهنا والشفا 
وانا هجهزلك ساندوتشات المدرسة وابقى احطهملك فى الشنطة بتاعتك 
بس متقفليش الباب تانى بالمفتاح
نغم..طيب ياماما مش هقفل الباب بس هسيبلك الشنطة برة علشان انا بقى اقل صوت بيصحينى واخاف لو قلقت معرفش انام تانى 
الام..البت دى بقيت جبانة اوى يا ابو نغم من ساعة الشيخ مهران وهى علطول خايفة 
الاب..طيب ما نوديها للشيخ يرقيها 
نغم..يا بابا انا كويسة مفييش حاجة بس عادى بخاف زي كل الاطفال يعنى 
الاب..طيب ياحبيبتى شوفى لو حسيتى ب اي حاجة اوعى متقوليش عرفينا واحنا هنتصرف علطول 
نغم..حاضر يابابا حبيبي انت علطول كده مش حارمني من حاجة 
حضنت نغم باباها وطبطب عليها وباس راسها 
الام..ناس ليها بوس واحضان وناس تانية يتصرخ فى وشها ويتقالها خايفة 
ياعينى عليكى يا ام نغم ياللى بنتك مش بتفتكرك بحضن صغير اد النونو
ضحكت نغم وباباها وخرجت من حضن باباها 
وراحت لحضن مامتها ..انا بحبك يا ماما اد الدنيا وبوسة كبيرة اووووى اهى علشان ماتزعليش
الام..حبيبتى يا احلى نغم فى الدنيا ربنا يخليكم ليا ياحبايبي ويحفظكم
نغم..يلا بقى انا هدخل الحمام وارجع اوضتى علشان انام علشان بصحى الصبح بالعافية 
الام والاب ..وانتى من اهل الخير ياحبيبتى 
دخلت نغم غسلت اسنانها ووشها ورجعت اوضتها طلعت شنطة المدرسة على السفرة لمامتها ودخلت تانى قفلت الباب ونامت اخدت وقت شواية وهى عمالة تتقلب فى السرير وتفكر 
كانت بتحاول تطلع كل الافكار من دماغها علشان تقدر تنام لكن للأسف مش عارفة تسيطر على عقلها والتفكير فى كل اللى بيحصل معاها 
لكن مع مقاومة نفسها ومساعدة الجن المحاوط ليها دخلت فى النوم وفى نفس المكان فى وسط البحر نفس المارد ظهرلها زى كل يوم 
انتى عايزة تعرفى مين اللى عمل العمل للست اللى كنتى عندها النهاردة 
نغم..ايوة عايزة
المارد..عايزة مين فى اهلك يموت؟
نغم..ولا حد انا عايزاهم كلهم يعيشوا علطول ولو حد هيموت يبقى انا اموت قبلهم
المارد..علشان تعرفى سر كل عمل ومين وراه لازم تخسرى حد من دمك 
وبعد كل موت ودفن هتعرفي حقيقة من الحقايق 
فكرى وقررى 
ولحد ما تنفذى ده هتقابلى فى منامك شبح انسان مات من سنين هيدلك على مكان صاحب عمل من اللى معاكي 
هتعرفي المكان وهتروحيله زى ماروحتى النهاردة للست 
وهتقولي للشخص غرضك مقضى 
مفهوم 
نغم بتعود..مفهوم
المارد..بلاش تسألى تانى ومتكرريش اللى حصل الصبح انتى شوفتى ايه اللى حصل لأخوكى 
نغم..انا اعتذرت وخلاص مش هعمل كده تانى 
المارد اختفى فى الحلم وكمل الحلم لككن كانت نغم شايفة الحلم قدامها كأنه فيلم فى التليفزيون 
هى نايمة فى سريرها والاحداث قدامها بتدور
ظهرلها شخص شكله مخيف وبنفس الكفن الابيض اللى كان فيه عدوي الجزار 
نطق وقال لنغم عنوان بعيد عن بيتها وصاحبه اسمه عسران 
قوليله يبعد عن بيته طول ما هو فيه مش هيعيشله ولد 
نغم..اقوله كده ولا اقول غرضك مقضى
اختفى من قدامها الشبح 
وظهرت جنية من الجنيات البشعه 
يانغم متسأليش حد غيرنا لو عايزة تسألى
وانتي مالكيش تسألى لكن علشان لسه سنك مش مساعدك انك تبطلى فضول مسموح انى اجاوبك على السؤال ده 
الراجل اللى انت هتروحيله معاكى عمل فى ايدك كان معمول له هو ومراته وكانت كل ما بتحمل الطفل بيموت قبل ما يتولد وده كان بسبب العمل 
علشان كده لازم يعرف انه مش هيعيشله عيل طول ماهو جوة البيت ده لازم يطلع منه علشان يكون عنده اولاد 
فرحت نغم وهى فى حلمها انها ممكن تساعد حد فى انه يكون عنده اطفال 
هى مش فاهمة ان دى حاجة بتاعت ربنا 
لكن برضه الاعمال والسحر المؤذى دى من تحت ايد الدجالين والمشعوذين ممكن فعلا يكون سبب فى اذى لناس كتير 
صحيت نغم زى كل يوم لكن كانت متحمسة جدا للخروج من البيت لدرجة انها صحيت قبل المنبه ما يرن وقبل ما امها تدخل تصحيها 
الام..يا صباح الورد على احلى وردة ..ايه الشطارة دى بقى صاحية لواحدك وقبل المنبه كمان 
لا ده كلام بابا طلع له تأثير جامد اوى يا بخته
نغم..صباح الخير يامامتى ..انا نمت بدرى علشان كده صحيت مرتاحة وبعدين اه طبعا بابا كل كلامه بيشجعنى ههههه
الام..طيب يا ام لسانين روحى اجهزى لحد ما اصحي اخواتك فى كوباية شاي بلبن عملتهالك اهى خلصي واشربيها بقى 
نغم ..حاضر يا مامتى 
دخلت الام تصحي الولاد
ودخلت نغم جهزت نفسها ولبست هدوم مدرستها وعملت جدولها لأنها كانت معملتهوش بليل وخلصت كل حاجة بسرعه وطلعت كمان شربت الشاى بلبن لحد اخواتها ما جهزوا نفسهم وخرجوا مع بعض للمدرسة 
كانت نغم فى الطابور ومستنية يحصل نفس اللى حصل امبارح 
لكن مفيش حاجة حصلت 
فاتت الحصة الاولى والثانية والتالتة ونغم كانت مضايقة جدا انها مراحتش للراجل اللى المفروض تروحله رن جرس الحصة التالتة وابتديت الفسحة لكن نغم منزلتش مع زمايلها 
لقيت عنيها فجأة بتقفل والنوم غلبها لكن ده مكانش النوم ده كان الوقت اللى هتوصل فيه للراجل المقصود وفعلا مع المارد الطيار وصلت نغم لبيت الراجل اللى فتح الباب من قبل ما تخبط نغم عليه
الراجل..ايوة يابنتى عايزة مين 
الجنية فى ودنها ..هو ده المقصود
نغم..عايزة حضرتك يا عمو 
الراجل..خير يا ماما انتى تايهة ولا محتاجة حاجة ؟
نغم..لا يا عمو انا جيبالك رسالة 
الراجل..رسالة من مين وهى فين ؟
نغم..ياعمو انت لازم تمشى من البيت ده علشان يكون عندك اولاد طول م انت هنا مش هيكون عندك اي اطفال 
امشى من هنا 
الراجل ب استغراب..ايه اللى بتقوليه ده وعرفتى منين وانتى مين باعتك؟؟
نغم..دى رسالتى اللى جايالك بيها مخصوص واللى قولتهولك ده الحل الوحيد علشان يكون عندك ولاد 
وفجأة اختفيت نغم من قدامه وفتحت عنيها لقيت الحصة الرابعه ابتديت والفسحة خلصت ومحدش لاحظ حاجة ولا هى شافت التشنجات ولا لمة الناس حواليها زى اول حالة 
وفى الوقت الىل كانت نغم فيه فى مدرستها بتكمل يومها 
كان الراجل المقصود دخل لمراته وطلب منها انها تلم كل حاجة ممكن تلزمهم فى العيشة في بيت جديد علشان هيروحوا يعيشوا في بيت والدته اللى مقفول من سنين 
مراته استغربت طلبه وايه اللى يخليهم يسيبوا بيتهم ويمشوا لبيت مهجور
الراجل قالها جاتلى رسالة من ملاك اننا طول م احنا هنا مش هيعيشلنا طفل خلينا نمشى من هنا ولو كلامها صح يبقى حد كان اذينا فى عتبة بيتنا لو كلامها غلط نبقى وقتها نرجع تانى انا كده كده مش هبيع البيت 
وافقت مراته علطول بمجرد ما سمعت انها ممكن تكون ام وخرجوا من البيت لبيت والدته اللى قرروا يعيشوا فيه .
كانت نغم فخورة بنفسها وبتتمنى فى سرها انها تعرف اخبار الراجل اللى راحت بلغته الرسالة وياترى فعلا هيجيب اطفال ولا لاء
اللى حصل مع نغم كان غريب زى كل اللى بيحصلها 
كانت بمجرد ما تغمض عنيها وتفتحها تلمح مشهد بس مكانتش بتلحق ت جمعه لأنها مبتبقاش متعمدة تغمض عنيها دى كانت مجرد طرفة عين 
لكن لما لاحظت ان فيه مشاهد بتمر على عنيها اول ما بتغمضها فقررت انها تطول المدة وكل ما تغمض عنيها تشوف لقطة من حياة الراجل المقصود وهوا بيلم العزال بتاع بيته وهو خارج مع مراته من باب البيت ومحملين عزالهم على عربية 
شافته لما وصل البيت الجديد 
شافته وهو بيساعد مراته فى تنضيف البيت 
وهكذا بقيت كل ما بتغمض على مدار اليوم بتشوف حياة الراجل ده قدامها وكانت فرحانة اوى انه سمع كلامها.
ومع نفسها بتتكلم بهمس 
طيب اشمعنى انا عرفت حكاية الراجل ده ومعرفتش حكاية مرات عمي؟؟
وجت اجابة هى مكانتش متوقعاها ولا مستنياها .
يتبع ……
لقراءة الفصل السادس : اضغط هنا
لقراءة باقى فصول الرواية : اضغط هنا

اترك رد