رواية وعد الريان الفصل الرابع والعشرون 24 بقلم منة السيد

وعد:خليكي اقوى من كداا انتي لازم تتماسكي شوية…..عالعموم انا معايا ليكي خبر هو اه مش وقتوا بس لازم تنسيه

شهد باستغراب:خير قولي

وعد بتنهيده:جيبالك عريس

شهد بصدمة:وعد انتي بتقولي ايه

وعد:ياحبيبتي دا الحل الوحيد اللي تقدري تنسيه بيه

شهد:انتي اتجننتي رسمي

وعد:ولا جنان ولا حاجه فكري فيها كدا….. انا شايفه انوا مافيش امل انكوا ترجعوا لبعض….. وانتي هتفضلي في الدايره دي ومش هتطلعي منها غير لما تنسيه فلازم تتخطبي لحد غيروا علشان تنسيه

شهد بدموع:ومين بقا اللي جاي يتقدملي

وعد:معتز ابن خالتي

شهد:وانا مش موافقه ومش هحب حد غير ياسين حتى لو مش بقينا لبعض

وعد:طيب شوفيه حتى واقعدي اتكلمي معاه مره واتنين وتلاته وبعدين ابقي حددي وبعدين دا شاب كويس ومحترم 

شهد بتفكير وتنهيده طويلة:تمام

وعد:ماشي ياحبيبتي هو هييجي بكره

شهد بحزن:ماشي

وعد:هقوم انا بقا امشي

شهد:مانتي قاعده معايا انا ملحقتش اشبع منك

وعد:معلشي ياحبيبتي هجيلك بكرة 

شهد:ماشي ياروحي…..خلي بالك من نفسك

وعد بابتسامة:حاضر…..سلام

شهد:سلام

وعد نزلت وركبت العربية

ريان:هااا

وعد:اقنعتها بصعوبة

ريان:ووافقت خلاص

وعد:لا مش وافقت بس انا قولتيلها شوفيه وكدا يعني وقالت ماشي

ريان:هنروح فين دلوقتي

وعد:هنروح نقابل معتز

ريان:امممم…..

وعد:ايه

ريان:وياترى هنقابل معتز فين بقا

وعد:في كافيه

ريان:تمام

وطلعوا على الكافيه ولاقوا معتز قاعد هناك……

معتز:وعد حبيبتي وحشاني اوووي

 وسلم عليها…..وريان واقف هيولع من الغيرة

 ‏ريان:دقيقه انت لسه قايل ايه حبيبتي ووحشاني صح

 ‏معتز لسه ياعين امه هينطق لقى البوكس نازل على وشوا

 ‏وعد بشهقة:ريااااان…. انت بتعمل ايه

 ‏ريان بعصبيه وهو بيضرب فيه:دا علشان تبقا تستجرأ تقولها كدا تاني ودا علشان تبقا تفكر بس تسلم عليها تاني

 ‏وعد:ريااان كفاية علشان خاطري

 ‏ريان قام وعدل هدومه وبعدها قوموا

 ‏معتز وهو بيمسك فيه:وايه لزمتها بقا….. ياخي تبا لك وتبا لكي وتبا لمعرفتكوا اللي تعر

 ‏ريان بعصبية:ولااااا اتظبط

 ‏معتز بخوف:اهدى ياوحش بخاف والله 

 ‏ريان:اترزع علشان نتزفت نتكلم ونمشي

 ‏معتز:ح….حاضر

 قعدوا وبدأوا يتكلموا

 ‏معتز:ايه المطلوب مني بقا

 ‏ريان:الموضوع باختصار…… 

 ‏وحكالوا كل حاجة(مش قادرة اكتب????…)

 ‏معتز بصدمة:يامرارك الطافح يامعتز…… عيد تاني معلشي علشان مفهمتش حاجه

 ‏ريان بتنهيده:ياربي

 ‏وبدأ يحكيلوا تاني????????

 ‏معتز بصدمة اكتر من اللي قبلها:احييييه….بالله مفهمت ولا كلمة يعني ايه المطلوب مني بردوا

 ‏ريان:يا الله……بص يابني

 ‏وبدأ يحكي تاني????????

 ‏ريان:فهمت

 ‏معتز:يعني مين هيتجوز مين

 ريان:يلا نمشي

 ‏معتز:استنى بس ياشبح

 ‏ريان:اخر مره هحكيلك فيها

 ‏معتز:اشطاا

 ‏ريان حكالوا تاني……

 ‏ريان:فهمت حاجه

 ‏معتز:يعني انا هروح اتقدم لواحده انا معرفهاش علشان خطيبها القديم يرجعلها

 ‏ريان:بالظبط كداا

 ‏معتز:بردوا مش قولتوا ايه المطلوب مني

 ‏ريان قام مسك الكرسي ودغدغوا فوق دماغوا????????

 ‏(يستاهل????????)

 ‏ريان بغضب:فهمت

 ‏معتز:خلاص الله يباركلك فهمت…..فهمت

 ‏ريان:مكان من الاول

 ‏معتز:بزمتك بقا دا منظر واحد هيتجوز بكره

 ‏ريان:ياربي مين قال انك هتتجوز

 ‏معتز:انت

 ‏ريان:يارب ياتخدني ياتخدوا ونخلص

 ‏وعد دا كلوا مش قادرة تمسك نفسها من الضحك

 ‏ريان:يابني انتي هتروح بكرة معانا نتقدملها هنمثل يعني وبعدين خطيبها يغير ويرجعوا لبعض بس

 ‏معتز:اممممم يعني انا اتقدم وغيري ياخدها

 ‏ريان:تمثيل يابني

 ‏معتز:ماشي تمام

 ‏ريان:اللهم لك الحمد اخيرا فهم

 ‏معتز:امتى بقا

 ‏ريان وهو بيخبط ايدوا على دماغوا بنفاذ صبر:بكرة الساعة 8

 ‏معتز:تمام…..هات حاجه نشربها بقا

 ‏ريان:ماشي

 ‏طلبوا عصير وشربوا وبعديها قاموا علشان يمشواا ف معتز وقفهم

 ‏معنز:استنواا

 ‏ريان:خير

 ‏معتز:هو انا هعمل ايه بكرة

 ‏ريان مسكوا من قفاه وطلعوا برة 

 ‏ريان:مش عايز اشوف وشك تاني

 ‏وخد وعد وهي عماله تضحك وراحوا على القصر…… 

( ‏في الأوضة) 

ريان نايم على السرير ووعد على دراعوا وضممها ليه

وعد:رياان

ريان:اممم

وعد:بحبك

ريان:وانا بعشقك

وعد:طب عايزه اكل

ريان:نعم

وعد:عايزه اكل

ريان:اممم تاكلي ايه

وعد:عايزه اكل بيتزا وكريب

ريان:الاتنين…..طب دقيقه هطلب

ريان طلب بيتزا وكريب فعلا…..

وعد وهي بتاكل:جامده اووي…. 

ريان:حصل

وبعديها بربع ساعه كانوا نسفين الأكل كلوا….. 

ريان:ااااه الواحد مكلش كداا من زمان

وعد:هييييييح…….يلا ننام بقا علشان نقدر نصحى

ريان:يلا

ريان خدها في حضنوا وبعدها ذهبوا في نوم عميق

(يسلام عليا وانا بكتب باللغة الغربية الفصحى????????)

في صباح يوم جديد وأحداث جديده……

صحيت وعد لقيت ريان عمال يبصلها بحب

وعد:صباح الخير

ريان:صباح النور

وعد قامت علشان تدخل الحمام بس ريان مسك ايديها وشدها وقعت فوقيه وشعرها الطويل نزل على وشها وفضلوا باصين لعيون بعض فترة….. 

ريان:رايحه فين

وعد:الحمام

ريان راح جاي بايسها وهي قامت وطلعت تجري

ريان وهو بيضحك على شكلها:مش هتفلتي مني المره الجاية على فكرة

بعدها بشوية وقت نزلوا وكان الكل قاعد على السفرة

ريان ووعد:صباح الخير

الكل:صباح النور

قعدوا وهما بياكلوا اسماء اتكلمت

اسماء:كنت عايزه اقولكوا انوا انا وملك هنرجع بيتنا كتر خيركوا استحملتونا كتير

ريان:ايه اللي بتقوليه دا يا أمي…..حد دايقك في حاجة

أسماء:لا يابني ابدا بس الصراحة انا مش عايزه ادايقكوا اكتر من كدا

ريان:هو حد اشتكالك

اسماء:لا ياحبيبي بس بردوا لازم يكون كل شخص ليه بيتوا وعيلتوا ودنيتوا

ريان:طب مانتي زي امي بالظبط وملك اختي الصغيرة يعني عيلتي

اسماء:معلشي ياحبيبي ريحني

ريان بتنهيدة:ماشي بس بشرط

اسماء:خير ياحبيبي

ريان:هشتري ليكوا بيت يكون جنبنا على طول

اسماء:بس……

ريان:مبسش هي خلاص كلمة وقولتها 

اسماء:امري لله

الساعة8في بيت شهد…… 

ريان ومعتز ووعد وأسماء كانوا في بيت شهد

وعد:يلا ياعروسة

شهد:انا مش عايزه اطلع

وعد:علشان خاطري

شهد بتنهيدة:حاضر

في الخارج معتز بهمس لريان

معتز:هو احنا هنا ببنعمل ايه

ريان:بالله هقوم ارنك علقة…… اتظبط كداا

معتز بخوف:خلاص افتكرت

وفجأة شهد طلعت هي ووعد وقعدوا

وبدأ يتكلموا شوية وبعدها ريان اتكلم وقال….. 

ريان:طبعا حضرتك يشرفنا انوا احنا نطلب ايد الانسه شهد لمعتز

هدى:انا عن نفسي موافقة والرأي رأي شهد بردوا….. 

ريان:هاا ياشهد قولتي ايه

شهد:……..

يتبع….

لقراءة الفصل الخامس والعشرون : اضغط هنا

لقراءة باقي فصول الرواية : اضغط هنا