رواية روح الصقر 2 (أحفاد العزايزي) الفصل الثاني عشر 12 بقلم رنا أحمد عماد

في شقه قاسم …..

قاسم بابتسامه /منورنا ي ادم ي ابني .

ادم بابتسامه /ربنا يخليك ي عمي طبعا هنا عمي وفي الجامعه دكتور .

قاسم بضحك /هههه الي تشوفه ي ابني .

ندا بقلق/وانت عايش ازي لوحدك وانت كده ي ادم .

ادم بابتسامه /عادي ي طنط بعمل كل حاجه بنفسي وليا جارتي ام احمد ست كبيره بس واعيه قوي هي الي بتخترلي اللبس الي بخرج بيه لاني مبقاش شايفه .

ندا بضيق /ولما تتجوز رنا انشاء الله ام احمد هتختار لبسكم انتوا الاتنين ولا ايه  .

قاسم بتحزير /نداا.

رنا بابتسامه /ماما ي حبيبتي فيه طرق كتير دلوقتي في برامج حديثه تقدر تعرفك لون الحاجه وشكلها في كتير زينا كده ي امي وعايشين .

ندا بضيق /ولما تخلفوا كمان .

ادم بابتسامه /متقلقيش ي طنط هنعرف نتعامل .

ندا بتصميم /مفيش غير حل واحد انكم تعيشوا هنا معانا ونساعدكم في كل حاجه .

ادم بابتسامه /طنط ندا ممكن نتكلم علي انفراد لو سمحتي .

ندا بتنهيده /اتفضل ي ادم .

في الطراز .

ادم بابتسامه /انا عارف أن حضرتك خايفه علي رنا حقك محدش يقدر يلؤمك بس حضرتك ممكن تجوزي رنا لوحد بيشوف بس صدقيني مش شرط يشوف كل حاجه انا ورنا يمكن الي احنا فيه هو الي قربنا لبعض صدقيني ي مدام ندا محدش ممكن يحب رنا قدي ولا يخاف عليها زي وطبعا لو احتاجنا اي حاجه ربنا يخليكي لينا انتي ودكتور قاسم ارجوكي توافقي .

تفتكروا ندا توافق على الجواز تفتكروا شخصيتين زي ادم ورنا مستحيل أن علاقه بينهم تنجح ????????????????????????

من أمام  ورشه ريان ..

ريان بصراخ /زهره زهره .

زهره بحزن /استاذ ريان ازي حضرتك .

ريان باستغراب /فيكي ايه ي زهره ليه مروحتش الجامعه انبارح ولا رميت عليا السلام زي كل يوم .

زهره بارتباك /مفيش حاجه واصل .

ريان بتصميم /لا فيه اتكلمي لو فيه حاجه قولي .

زهره بدمع /بصراحه ي استاذ ريان انا مقدره كل الي عملته معايا بس ابوي بهدلني لما جبتلك الوكل علشان كده انا اسفه ي ريت متزعلش مني .

ريان بابتسامه/لا مش انا الي المفروض ازعل عمي حمدان عنده حق في كل الي عمله روحي انتي الجامعه وخلي بالك من حالك .

زهره بابتسامه /حاضر عن اذنك .

ريان ب عشق وحب /انت اكيد من مشاعرك ي ريان شوف لما غابت عنك ايه الي حصلك ابوها عنده حق لازما ادخل البيت من بابه .

في قصر العزايزي ❤️ .

غرفه ساره .

هبه بدموع /بس ي قلب امك متعمليش في نفسك كده منك لله ي بدر .

ساره بدموع /صدقيني ي أما أنا مش ببكي عليه انا ببكي علي حالي ببكي علي حياتي الي ضيعتها معاه .

هبه /انشاء الله ي حبيبتي هتكوني حياه جديده وتعيشي مع الي يستاهلك صوح يلا ي ضنايا يلا علشان الكل مشغول مش عايزين نحساسهم بحاجه سيف وايمي ونيره وبسنت اخواتك لازما نكونوا معاهم يلا ي ضنايا .

في منزل صالح …

صالح ب ترحيب /ي اهلا وسهلا ي بدر بيه البيت نور .

بدر بغرور /تشكر ي صالح اظن انت عارف انا جاي ليه .

صالح بخبث /طبعا ي بدر بيه سحر قالتلي الصراحه مصدقتش  واصل ده شرف كبير لينا ي بدر بيه .

بدر ببرود /انا عارف ده زين ي صالح المهم طلباتكم .

صالح بمكر /الي انت تقول عليه ي بدر بيه بس احنا برضه بنتنا غاليه علينا .

بدر ببرود /فهمت هجبلها ب 100الف شبكه و نص مليون جنيه مهر .

صالح بصدمه /كام كل ده بس ده كتير جوي ي بدر بيه .

بدر بغرور /كتير عليكم انتوا لكن مش كتير عليا اني ده مقامي .

سحر بخبث وهي تتصنع الاحترام /مقامك كبير اوي ي بدر بيه ده علي رأسنا من فوق .

بدر بحده /المهم شروطي تعيشي في القصر زيك زي بنات القصر ومفيش شغل والي أقوله حاضر ونعم وبس اظن الحديد واضح حديدي زين .

سحر بمكر وخبث /واضح طبعا ي بدر بيه ده انا هعيش خدامه تحت رجليك  .

بدر وهو يقف /تمام كده بكره كتب كتابنا ودخلتنا انا مش عايز منكم حاجه كل حاجه جاهزه هبعتلك الفستان وكل حاجه وعربيه هتاخدكم ل حد القصر .

صالح بطمع /ده كتير علينا جوي ي بدر بيه .

بدر ببرود /مش عايز اي تعطيل بكره سلاموا عليكم .

صالح بسعاده /وعليكم السلام .

سحر بغيظ /ي ابوي مغرور جوي .

صالح بخبث /والله ووقعتي واقفه ي بنت شوقي.

سحر بطمع /طبعا ي جوز أمي دخل عليه الفيلم الي عملته عليه فرصه جاتلي ومش هضيعها واصل كفايه اني ابقا عايشه في كل العز ده .

صالح  بطمع/طب وجوز امك الي رباكي لازم يطول اي حاجه .

سحر ب مكر /طبعا ي جوز أمي حقك محفوظ .

لتحدث ذاتها اتجوز بدر واودي امي مستشفي تتعالج ونخلص منيك خالص جيالك  ي قصر العزايزي ….

في يوم  عرس احفاد العزايزي ❤️.

في شقه عصام ..

في غرفه عز .

كان يقف بوسامه طاغيه وهو يرتدي بدلته الكلاسيكيه وهو ينظر إلي هيائته بابتسامه ساحره .

صباح بسعاده /مش الله عليك ي عز زي البدر المنور ي ولدي .

عز بابتسامه /بجد ي أما ربنا يخليكي ليا .

عصام بابتسامه /الف مبروك ي عز .

عز بابتسامه /الله يبارك فيك ي ابوي بصراحه في حاجه النهارده كنت عايز اقولكم عليها .

صباح بانتباه /خير ي ولدي .

عز بابتسامه /بصراحه كنت عايز اعمل مفاجاه لنيره ونكتب كتابنا ودخلتنا بالمره تكون مع بسنت ونديم وسيف وايمي ايه رايكم في الحديد ده .

صباح بسعاده /انا عن نفسي اتمنا ي ولدي .

عصام بخبث /واه عاد شايفك مستعجل جوي ي عز مش ده الي كنت مش طايق تتجوزها .

صباح بغيظ /واه عليك عاد ده بدل ماتفرح ي راجل.

عصام بابتسامه /من فرحان ي وليه انا بنكشه بس ربنا يتمملك بخير ي ولدي .

في فيلا رافت ..

رافت بسعاده /زي القمر ي نديم .

نديم /ربنا يخليك ليا ي بابا ..

رافت بابتسامه /امسك دول .

نديم باستغراب /ايه دول .

رافت بابتسامه /رحله ل باريس علشان تقضوا شهر العسل والطائره معادها الساعه واحده صباحا اتمنا انك تنسا الي فات وتبتدي من جديد .

نديم وهو يحدث ذاته بتوعد لها/عملت فيا جميله ي بابا احسن حاجه علشان اعرف استفرد بيها براحتي واشفي غليلي منها …

في قصر العزايزي ❤️ .

في غرفه صقر وروح الذي جهزت خصيصا للفتيات .

روح بابتسامه وسعاده /زي القمر ي قلب امك خساره في الواد سيف .

رحمه بغيظ /أكده ي روح طب ده حتي بيموت فيها .

هبه بابتسامه حزينه /ربنا يسعدهم يارب .

روح بحنان /ويسعد ساره وريان انشاء الله ي هبه .

هبه بدعاء /امين ي يارب .

بسنت بغرور /بقولك ايه ي أما لبسيلي طقمين الدهب دول .

نيره /هو طقم واحد كفايه ي بسنت ي خيتي .

بسنت بوقاحه /وانتي مالك عاد ي نيره ولا علشان انتي اتهبلتي ورحتي رجعتي 3طقطم من شباكتك ي خايبه .

نيره بطيبه واحترام /لا انا مش خايبه انا مش بضاعه بتتباع ي بسنت انا اخترت القطم دي كلها عند في عز كان لازم اخد الي استاهله وبس وعز كفايه عليا واغلي عندي من الدنيا كلها .

ايمي بمرح /الله عليكي ي نيرو انا وانتي ملوك الرومانسيه في قصر العزايزي ❤️ .

ساره بابتسامه حزينه /ربنا يسعدكم ي بنات ويبقا حظكم احسن من حظي .

ايمي بحنان /انشاء الله هتعيشي الحياه الي تساتهليها ي روحي ي أجمل اخت في الدنيا .

في الاسفل …

كانوا يجلسون جميعا وهم ينتظرون الحاج نعيم المأذون فهو كبير في السن للغايه لكن صقر وشاكر صمموا علي أن هو يكتب كتاب ولادهم زي ماكتب كتبهم ..

سيف بغيظ /ي ابوي ي ابوي حرام عليكم الحاج نعيم ده خلاص دماغه راحت منيه ده مش فاكر نفسه اساسا .

شاكر بحده /اخرس يلا عاد ده كباره بلدنا ده البركه بتحل في أي جوازه من تحت ايديه وبعدين مالك قاعد كده ليه ومتسربع ليه مالكل ساكت اهو اشمعنا انت .

سيف بغيظ /علشان اني مستاني من سنين ي ابوي هموت علي البت .

شاكر بحده /اتحشم ي واد انت اتحشم .

سيف بغيظ /اتحشمت ي ابوي الحمد لله الحاج نعيم جيه .

الحاج نعيم /كيفكم ي صقر انت وشاكر وجاسر .

صقر بابتسامه /كلنا بخير ي راجل ي طيب .

نعيم بنسيان /هو انتوا عيازني في ايه .

عز بضحك /هههه والله انت راجل سكره .

صقر بابتسامه /عايزينك تكتب كتاب سيف وعز ونديم ولادنا ي حاج نعيم .

نعيم /اه ده انا ماذون صوح ماشي طب فين العرايس.

سيف بغيظ /لا الله الا الله ماالعرسان اهم وووكلاء العرايس اهم عايزهم فيه ايه .

نعيم بضعف نظر شديد ينظر ل سيف /ي ابني مش يمكن مغصوبين ولا حاجه .

صقر بابتسامه /تعال ي شاكر نجيب العرائس .

نعيم وهو ينظر ل سيف بدقه /انت ابن مين ي واد انت .

سيف بغيظ /يلاهووووي .

في الاعلي …

صقر بسعاده /زي القمر ي قلب ابوكي ربنا يسعدك ي يارب .

ايمي وهي تقبل يده بابتسامه /ربنا يخليك ليا ي صقري .

روح بغيظ وغيره /ده صقري انا بس ي بت .

ايمي بضحك /ههههه ماشي .

شاكر بابتسامه وسعاده /ربنا يسعدكم ي حبايب ابوكم ويحفظكم يارب.

بسنت ونيره وهم يقبلون يداه /ربنا يخليك لينا ي أبا. 

في الاسفل ..

نعيم بابتسامه /الهم صلي على كامل النور .

عز بغيظ /لا الله الا الله ماكان نظرك ضعيف بقيت شايف سته علي سته دلوقتي ..

سيف باستعجال /يلا ي عم نعيم الله يخليك. 

نعيم وهو يضع دفتره /حاضر ي ولدي .

وبالفعل تم عقد قران سيف وايمي عز ونيره ونديم وبسنت .

صقر بابتسامه /ربنا يخليك لينا في سواق هيوصلك البيت .

بدر بغرور /استنا ي عم نعيم لما تكتب كتابي انا كمان ..

ليسلطوا جميعهم أنظارهم الي ذلك التي تقف بفستانها الابيض الفاخر وهي تنظر لهم ب كل غرور …..