رواية جريمة فرح الفصل الثالث والعشرون 23 بقلم مروة فتحي

حاسب اوبر و نزلت امشي و مكنش في حد في الشوارع و بعد كده سمعت صوت حد جي من وريا بعد كده حسيت بحد بيضربني علي راسي 

الدنيا اسودت و لفت بيا و بعد كده ما حستش بحاجة غير اني جسمي وقع علي الارض 

و بعد كده فوقت بسبب الالم الشديد الي كان في راسي حاولت اقاوم الالم و اقوم و لكن ما قدرتش و كلم ما احاول اقوم احس اني في حاجه بتمنعني و بتخليني اقعد تاني و بجد ما كنتش قادره اتحرك و حاولت افتح عيني و اشوف اي حاجه و ما عرفتش و بعد محاولات اكتشفت اني عيني مربوطة و اني انا مربوطة في كرسي و علي حسب صوت الهوا اني في مكان واسع لان صوت الهوا كان شديد اوي و حاولت افك نفسي اكتر من مره بس كل مرة كنت بفشل و بعد شويه سمعت صوت حد كأنو بيفتح باب حديد من بعيد و داخل 

عملت نفسي بسرعة اني لسه نايمة 

و بعد كده سمعت صوت خطوات تقيلة بتقرب مني 

و بدأ يتكلم 

_ يلهوي كل ده و هي لسه نايمه…. كل ما ادخل القيكي لسه نايمه 

ما كنتش خابطة خبطها ليكي علي راسك…. قومي بقا و فوقي…. يخرب بيتك هتودني في داهية لو حصل حاجه 

و بعد كده ايجي حد تاني و بدأ يتكلم 

– هي لسه نايمة 

_ البنت دي لو ما فاقتش هروح في ستبن داهية 

– مش عارف بقا هنعمل ايه لو ما فقتش

_ انا قولتلك نكب عليها مايه و هي اتوفق علي طول 

– انت اهبل ولا بتستهبل عشان الريس يجي يشوفها متبهدلة فيخلص علينا كلنا 

_ و طالما الريس مش عاوز نقرب منها و لا نأذيها و لا حتي نيجي جمبها خلينا نخطفها ليه بس 

– مش عارف…. بس كل الي اعرفو من الجرايد و صحافة انهم علي علاقه قوية اوي ببعض 

_ ايوا… يعني خايف عليها بس عشان كلام الناس 

– حاجة زي كده 

_ بس هي هتفوق امتي 

– مش عارف…. بس ادعي انت بس انها تفوق قبل ما يوصل الريس…. و الا هتكون اخرتنا كلنا سودة بسبب 

_ يا رب…. ربنا يسترها 

– طب يلا بينا من هنا قبل ما الريس يوصل و يشوفنا هنا 

_ يلا 

و بعد كده سمعت صوت خطوات بتبعد و باب الحديد رجع تاني انقفل…. و رجعت تاني احاول افك نفسي بس من غير صوت 

بس مفيش فايدة 

و حاولت اجمع اي معلومات في دماغي ممكن تساعدني اعرف منها مين ممكن يكون خطفني 

و افتكرت لما واحد من الي كانو موجدين قال ان انا علاقة قويه بالريس و دي الي عرفو من الجرايد و…. و افتكرت ان فعلاً في اخبار منشورة بتقول كده ان علي علاقه قويه …. و ان لما سألت ادهم قال لي انو عمل كده كضمان اني ما اتكلمش بعد كده او ابوظ اي حاجه 

يعني ادهم هو الي عمل كل ده و ان هو الي جبني هنا و خلني اثق فيه و احكي لي علي كل حاجه عشان بعد كده يخطفني و يسكتني 

و كمان الورقه عمو بتاع البوفيه مش دخلها غير لما ادهم خرج 

و كمان حال ادهم التبدل 

في اقل من ثانية من غير سبب 

دي حتي كان رافض يتكلم معايا 

انا دلوقتي عرفت السبب 

و ما هو بردو مش هيبع عيلتو عشان واحده ما يعرفهاش 

حتي لو اتجوزنا دي كان كلو ترتيت و تخطيط منو 

و بعد كده 

قعدت مدة افكر ازاي كنت غبية و صدقتو و وثقت فيه و في كلامو 

و بعد كده نمت من كتر التعب و التفكير و بجد كنت حاسه بندم و الاسف علي فرح الي لاسف هتدخل في عيلة كلها بتكره بعضها و انها ما هما عملت هي و عم سيد عشان تغير سالم مش هيعرفو و ان هيطلع مخادع و كداب زي زي اخوه و زعلت اوي علي سلمي الي انا كنت اخر امل ليها و في الاخر ما قدرتش اعملها حاجه و زعلت اوي علي غادة اني ما عرفتش اجيب ليها حقها هي و بابها و مامتها…. حتي ماما ما عرفش هتكون رد فعلها ايه لما تعرف الحقيقه و تعرف ان بنتها كدبت عليها كل ده …. و انها كمان وثقت في ادهم اوي…. ما كنتش عارفه هطلع منها ازاي و امتي…. بس كنت ناوية ان شآء الله لو خرجت من هنا ان اول حاجه هعملها اني هطلق و اني هندم ادهم بجد علي كل الي عملو و كدبو 

و بعد كده روحت في نوم بسبب الم راسي و من كتر التفكير 

قومت مفزوعة بسبب صوت ضرب رصاص و نار بره و كان باين ان في خناقة او اشتباك بالاسلحة و تقريبا كان في شرطة بره لاني كنت سامعة صوت حاجه زي كده و لكن عشان كان في اصوات كتيرة بره و كمان الم راسي ما كنتش قادره اركز اوي و بعد كده سمعت صوت كسر في الباب و كأن الباب وقع من قوة الخبط و بعد كده لقيت حد جي يجري عليا و بيفكني و كان في سائل تقيل بينزل علي هدومي و ايدي و كان سائل دافيء و لما شخص قرب مني اكتر 

عرفت مين ده و كمان غرفت كويس دي ايد مين دي….. دي ادهم 

مش معقول…. و ازاي يكون خطفني و ازاي جاي ينقذني اول ما خلص ادهم فك ايدي فكيت بسرعه عيني عشان اتأكدت 

و فعلا اتأكدت و كان دي ادهم و باين عليه متعور جامد و معظم جسمو كان بينزف دم و كان لسه بيكمل فك في رجلي و اول ما خلص فك 

مسكني جامد و بدأ يتأكد اني كويسه و لا لأ 

و بدأ يتكلم و هو بينهج 

_ انتي كويسه حد قربلك حد عملك حاجه 

ما كنتش قادره ابص في وشو بعد الي عرفتو و كتفيت بهز راسي بس 

و بعد شويه لقيت حد من عساكر الشرطة دخل و قال بعسكرية 

و بطريقة رسمية 

* الطريق بره امان…. دلوقتي تقدر تخرج يا باشا انت و المدام 

رد عليه ادهم بتعب 

_ تمام احنا خارجين دلوقتي 

و بعد كده خرج الشرطي و ادهم وجه لي الكلام 

_ يلا بينا عشان نخرج 

ما كنتش حابة اخرج معاه و فضلت ساكتة 

_ يلا بينا لازم نخرج دلوقتي و نوصل القاهرة بسرعة لان فرح سالم و فرح فاضل عليها ساعات و لازم نحضر لانو لو ما حضرناش ممكن نخلي الناس تشك في عيلة الالفي….. و اهم حاجه اسم العيلة 

معقولة اكون مخطوفة اكتر من 48 ساعة و كمان ايجي ادهم ينقذني او بيمثل انو انقذني عشان عيلتو 

اتنهد و قومت و حاولت اسبقو علي الباب و امشي من غيرو