Uncategorized

رواية العشق لا يعرف وطن الفصل التاسع 9 بقلم أية إنسان

 رواية العشق لا يعرف وطن الفصل التاسع 9 بقلم أية إنسان
رواية العشق لا يعرف وطن الفصل التاسع 9 بقلم أية إنسان

رواية العشق لا يعرف وطن الفصل التاسع 9 بقلم أية إنسان

_ عمرو : عامل اي يا ليل .
_ …………………..
_ حلو ابعتلي كل حاجه خلينا نتسلي شويه يا ليل سلام .
☆ ————- بقلم الكاتبة/ آية إنسان —————-☆
 في فيلا العامري علي الفطار:
_عاصم :  وعد يا وعد .
_وعد :  نعم يا بابا .
_ جاهزه علشان الشركه الروسيه هتحضر كمان يومين ولازم تكوني جاهزه وعرضك قوي .
_ متقلقش يا عصومي سيبها على الله وإن شاء الله خير متقلقش .
_ انا واثق فيكي يا وعد .
_ حبيبي يا عصومي يلا بقى علشان عندنا شغل كتير في الشركه .
_ يلا يا حبيبتي.
☆ ————— بقلم الكاتبة/ آية إنسان —————☆
 في شقه أسر :
_ليل :  أسر يا أسر .
_ اسر : خير يا ليل عاوز اي .
_ بصراحه كنت عاوز اشكرك انك جبت ليا البدله امبارح بصراحه شكلها جميل بعد كده هخليك تشتري ليا كل هدومي .
_ لا يا بابا كانت مره وخلصت ثم مش انا اللي اخترتها .
_ اومال مين يا نمس .
_ ابتسم أسر وقال :  لا مفيش انا هنزل علشان هتأخر سلام .
_ لحظه انت رايح فين هو مش النهارده الحد يوم اجازتك .
_ لا انا مش باخد اجازه .
_ تعالي نقضي اليوم سوي نخرج نتفسح .
_ اي شغل المراهقين دة.
_ تعالي بس دة في حتت مهرجان تزلج جامد جدا وفي مزز حلوه اوي .
_ اي القرف دة ثم انا مليش في جو الفسح والكلام دى .
_ اسمع مني هتتبسط اوي طب لو مش اتبسط هنمشي لو سمحت .
_ هفكر وهرد عليك سلام 
_ سلام يا عم أسر .
_ نزل أسر يفكر يروح ولا لا  وقال في نفسه  : هل لو رحت هشوف هاجر طب ليه بحس براحه لما بشوفها هي مجنونه بس غريبه اي اللي بقوله دة لا لا مش هروح في حته .
☆ ————— بقلم الكاتبة/ آية إنسان ————– ☆
_ في الفندق هاجر بتستعد وقالت :  وكده كل حاجه تمام لبسي جاهز ادواتي الكاميرا جاهزه ولكن خبطت على دماغها وقالت  :  نهار ابيض امبارح أسر قال إن الذاكره ممتلئه لاااا بس دقيقه انا صورته امبارح ازاي ممتلئه طب وانا محيره نفسي ليه لما اشوف وبالفعل شافت الذاكره وكان في مساحه فيها  فقالت : غريبه اومال قال كده ليه يلا مش مهم يمكن مش فاهم فيها واتحرج يقولي ودلوقتي حان وقت الانطلاق وخدت هاجر حاجتها ونزلت .
☆ ————– بقلم الكاتبة/ آية إنسان —————☆
 في منزل اسماء :
_اسماء :  صباح الخير يا جماعة .
_ ام اسماء : صباح النور يا حبيبتي اي النشاط اللي على الصبح دة.
_ لا ماما انا نشيطه طول عمري متنكريش .
_ ايوه ايوه .
_ابو اسماء :  صباح الخير يا سمسمه .
_ صباح الخير يا بابا يا جميل انت .
_ ايوه طالما وصلنا لجميل يبقى عاوزه حاجه .
_ هو انت كده ظالمني دائما .
_ طب ماشي أنا ماشي سلام .
_ لحظه لحظه بس هو بصراحة .
_ ايوه هي الصراحة .
_ اللاب بتاعي باظ .
_ تاني تاني يا اسماء يا بنتي انتي بتعملي فيه اي مش انا لسه مصلحه من اسبوعين .
_ عمره يا حج صلحه المره دي وبس .
_ لا انا مش هدفع فيه جنيه تاني ابقي روحي صلحيه انتي سلام .
_ شوفي شوفي يا ماما بيعاملني ازاي هو أنا مش بنتكم .
_ اسماء اسطوانه كل يوم دي مش هتاكل معايا فاخلصي علشان انزل السوق وأخواتك لسه في المدرسه وسعي من وشي .
_ كمان هتسيبوني لوحدي طب والله لكلم هاجر بس .
_ الووووووو .
_ هاجر : يادي القرف عاوزه اي علي .
_ تصدقي انا غلطانه اني بطمن عليكي يا معفنه .
_ كتر خيرك يا اسماء المهم عامله اي .
_ كويسه الحمد لله .
_ منزلتيش الجريده ليه يا اسماء .
_ بصراحه اللاب باظ وبابا حلف أنه مش هيصلحه تاني وانا مش لاقيه حاجه اكتب عليها التقرير فقلت اخد اجازه .
_ اسمااااااء بطلي استهبال اللاب باظ والفون كمان باظ اي .
_ بصراحه يا هاجر .
_ ايوه الصراحه اي بقى .
_ مش عاوزه انزل التحقيقات تاني .
_ مش دي اللي كنتي هتموتي عليها .
_ كنت متحمسه في الاول بس دلوقتي حسيتها ممله ملل ملل ملل.
_ والله ما حد ممل غيرك اتلمي وانزلي الشغل يا بت وبطلي كسل.
_ طبعا ما انتي هناك بتصحي علي منظر الطبيعه والبحر لكن أنا هنا بصحي علي صوت صريخ من اخواتي وامي .
_ ودة اسميه نق ولا قر يا حبيبتي.
_ لا دة حسد يا عنيا.
_ لا إذا كان كده معلش.
_ هههههههه طب والله وحشتيني هترجعي امتى.
_ كمان ٤ ايام كده .
_ ماشي ترجعي بالسلامة .
_ طيب يا اسماء هكلمك تاني لما اخلص سلام .
_ سلام يا حبيبتي …. اي الملل دةيا اسماء لما اقوم اكل احسن .
☆ ————– بقلم الكاتبة/ آية إنسان —————-☆
_ عند هاجر اللى طلعت الكاميرا وابتدت تصور الزينه والتحضيرات  اللى كانت على اعلي مستوي جميله جدا وكانت ماشيه بتطلع حاجه من شنطتها ومندمجه وكالعادة خبطت في حد قدامها .
_ انتي يا غبيه عملتي ايييييي.
_كلمت هاجر نفسها وقالت  : يختيييي عليا مليون مره اقولك تقفي على جنب وانتي بتطلعي حاجتك أو بتنيلي حاجه بس مفيش فايده وكملت كلامها وقالت : انا بعتذر سيدي لم أكن اقصد .
_ ولكن رد بلهجه مصرية: كل دي نضاره لبساها ومش شايفه طبعا مهو من قعر الكوبايه اللي على وشك دي .
_ ردت بنفس اللهجة المصرية: خلاص يا استاذ حصل خير أنا قولتلك اسفه مرة مش صوره هي .
_ كان لازم اعرف انك مصريه  هما بنفس الطريقه والأسلوب .
_ طيب يا عم الكوري انت اهدي على نفسك .
_ جه صوت من وراهم وقال : في اي يا ليل .
_ ليل : شوف يا أسر الغبيه دي وقعت عليا القهوة .
_هاجر  : عارف يا كابتن انت واحد مهزء ليه اقولك ليه علشان انا اعتذرت منك بأسلوب كويس وانت قليل الادب .
_ تصدقي انك بت محتاجه تتربي من اول وجديد .
_ وانت بقى اللي هتربيني انت عبيط .
_آسر :  باااااس باااااس كفايه انتو الاتنين .
_ انت مش شايف طول لسانها يا أسر .
_ اسكت يا ليل شويه بقى يا اخي .
_هاجر  : انا مش هرد عليك اعتبارا أن دكتور أسر موجود مش اكتر وعلشان انا متربيه كويس .
_ لا حوشي يا بت التربيه اللي انتي متربيها والله اهلك ما عرفوا يربوكي .
_ آسر : ليل انت بتقول اي عيب كده يا اخي .
_ قالت هاجر :  بعد اذنكم ومشيت .
_ على فكره يا ليل الموضوع مكنش محتاج منك كل دة عادي حادثه بسيطه .
_ انا قفلت من ام المهرجان دة خلاص انا ماشي .
_ ليل ليل استني .
_ قعدت هاجر في ركن بعيد عن الكل وسرحت في الماضي : 
    «فلاش باك»
_ رجب ابو هاجر : هاجر يا هاجر .
_هاجر  : نعم يا رجب .
_ يا بنتي احترميني حد يقول لابوه بإسمه كده قولي بابا .
_ حاضر يا رجب .
_ حسبي الله .
_ انت بتدعي عليا يا رجب .
_ هو انا أقدر يا قمر انت .
_ بحسب .
_ يا واد يا خطر انت .
_ وقفت وعدلت هدومها وقالت بغرور مصطنع : مش بحب اتكلم عن نفسي .
_ هههههه الله يرحمك يا حبيبه سبتيلي نسخه منك حركاتها كلامها طريقتها كل حاجه بتفكرني بيكي .
_ الله الله انت بتدمع ولا اي يا رجب .
_ لا ابدا يا حبيبتي مفيش حاجه المهم قوليلي ضربتي الولد اللي في المدرسه ليه يا هاجر .
_ دة واد عاوز يتربي يا بابا .
_ يا بنتي حرام عليكي كل يوم تضربي زميل ليكي في الفصل حرام عليكي هتترفضي .
_ نعععععام قال اترفض قال دة انا كنت قفلت ليهم المدرسه .
_ ليه يختي بنت مين في مصر انتي .
_ بنت رجب العامري انت مستقل بنفسك ولا اي دة انت مكانتك كبيره اوي يا رجب يا والدي .
_ يا بنتي دة انا موظف غلبان في الشركه حرام عليكي وتقولي مكانتك ومش مكانتك .
_ رجب انت مكانتك فعلا كبيره بس في قلبي .
_ طب احبك اكتر من كده اي هاتي حضن لبابا .
_ خد يا والدي حضن وبوسه كمان .
_ حبيبتي يا جوجو .
_ متخفش عليا يا رجب بنتك راجل متقلقش.
_ شوفي رغم انك مفعوصه عندك ١٢ سنه الا اني بحبك وبخاف عليكي وكأنك لسه عندك سنتين فبلاش مشاكل  .
_ حبيبي .
_ بس دة مايمنعش انك لازم تتعاقبي على ضربك للعيال كده .
_ اه قلبي قلبي .
_ اهربي اهربي بلا قلبك بلا مخك .
   «انتهي الفلاش باك »
_آسر :  بتعيطي ليه .
_ بصت هاجر جنبها وشافت أسر فقالت بابتسامه حزينه : لا ابدا مش بعيط ولا حاجه .
_ بجد اومال اي السماء بتمطر على وشك ولا اي .
_ مسحت هاجر وشها وقالت : لا ابدا مفيش على فكره انا مكنتش اقصد أوقع القهوه عليه .
_ حصل خير ليل طيب وبيقول اي حاجه ميقصدش .
_ أو يقصد مش هتفرق كتير .
_ لا طبعا بتفرق انتي وانتي متعصبه بتقولي كلام مش قصدك وهو كمان قال كلام في وقت غضب مش اكتر .
_ خلاص والله مفيش حاجه حصل خير .
_ طب مش هتقوليلي كنتي مستخبيه بتعيطي ليه .
_ قولتلك مكنتش بعيط اي دة.
_ كذابه اوي يا هاجر .
_ يوووو بقى يا تسكت يا تمشي .
_ متعليش صوتك عليا .
_ سكتت هاجر .
_ على العموم انا كنت جاي اقولك متزعليش وماشي اصلا .
_ أسر .
_ نعم .
_ مكنتش اقصد .
_ ولا تقصدي مش فارقه كتير .
_ لا طبعا فارقه مش بحب حد زعلان مني .
_ وانا مش زعلان .
_ كذاب اوي يا أسر .
_ ووقف الاتنين يضحكوا وقالت هاجر ؛  هو مال الحوار بيتعاد تاني ليه كده يا أسر .
_ هههههه مش عارف .
_ طب خلاص متزعلش بقى .
_ ماشي خلاص مفيش حاجه .
_ طيب انت ماشي ولا قاعد .
_ لا كنت ماشي انتي مش شايفه المهرجان خلص الساعه دلوقتي ٤ العصر .
_ اه صح فعلا خلص كان جميل اوي فرصه سعيده يا دكتور أسر .
_ انا اسعد لو تحبي اوصلك معنديش مانع .
_ معتقدش انك هتحب توصلني .
_ لو مش حابب مكنتش قولتلك على فكره .
_ انا عارفه انك مش بتعزم وخلاص انا اقصد أنا طالعه مع الناس دي .
_ بس دول شكلهم طالع تخيم .
_ اه طالعين يومين مخيم وتسلق جبال وانا حابه اكون معاهم .
_ بس انتي عارفه المنطقه دي كويس هتطلعي معاهم وانتي مش بتعرفي لغتهم هتتعاملي ازاي .
_ انا بتكلم انجليزي ثم مش هحتاج اتكلم معاهم في حاجه الا لو توهت هناك .
_ انتي واعيه بتقولي اي لو توهتي هتموتي المكان فوق تلج .
_ هههههه والله احب اجرب .
_ انتي طبيعيه هتجازفي بحياتك علشان تجربي .
_ قولتلك مره قبل كده الحياه قصيره اوي فينعيشها صح يا اما هنندم وانا نفسي اجرب حاجات كتير قبل ما العمر يجري بيا مش عاوزه اكون نسخه اللي هو اتعلم اشتغل اتجوز اقعد في البيت نفس الروتين الممل ربنا خلقنا علشان نكون مختلفين ليه اموت وانا نسخه .
_ انتي ازاي كده .
_ مش فاهمه .
_ متخديش في بالك .
_ طب انتي معرفه حد من أهلك انك هتعملي كده .
_ لا .
_ لازم تعرفي حد لان دة جنان .
_ ههههه لا متقلقش لو حصلي حاجه مفيش حد هياخد باله فمتقلقش .
_ نعم مش فاهم .
_ لا متشغلش بالك يلا اشوف وشك على خير سلام .
☆ ————— بقلم الكاتبة/ آية إنسان ————– ☆
عند ليل : 
_ ايوه يا عمرو عملت اللي انت قولت عليه .
_ …………………………. 
_ عمرو انت بتعمل كده ليه انا مش فاهم حاجه .
_ ………………………..
_ طب خلاص خلاص متتعصبش عمرو انت عارف انك زي اخويا وصاحبي ولو عاوز عمري مش هتأخر عنك خليك عارف كده كويس .
_ ……………..
_ ماشي اللي انت عاوزه سلام يا عمرو .
☆ ————- بقلم الكاتبة/ آية إنسان —————–☆
_ طلعت هاجر السماعات ووصلتها بالفون وشغلت اغاني نجاه اللي بتحبها وطلعت في طريقها مع مجموعه من البنات والشباب ولكن منعزله عنهم شويه مع نفسها والكاميرا بتاعتها هي صاحبتها وفضلوا ماشين ساعات كتير وبعدين فهمت منهم أنهم اخيرا هينصبوا الخيام بتاعتهم هنا وقعدت معاهم وولعوا نار وقعد كل ولد مع بنت وهي فضلت لوحدها بتلعب بعصايه صغيره في التلج وتعمل اشكال وش بيضحك فتضحك وش بيفكر فتفكر وش غضبان فتضايق .
_حد من وراها قال : انا قولت انك مش طبيعيه محدش صدقني .
☆ ————— بقلم الكاتبة/ آية إنسان ————– ☆
في شركه الصاوي :
_ دخل عمرو الصاوي الشركه وطلع مكتب أبوه وتولي رئاسه الشركه لحد ما والده يتعافي .
_ رفع عمرو السماعه وطلب من حسناء السكرتيره تجيب على مساعد والده في الشغل .
_ بعد دقائق دخل علي وقال : حضرتك طلبتني يا عمرو بيه .
_ عمرو : اقعد يا على انت عارف انا هنا مكان محمد بيه لوقت ما يخف وينزل تاني يباشر شغله بنفسه ولحد ما دة يحصل انا هنا المسئول عن كل حاجه وكل كبيره وصغيره تخص الشغل هترجعلي .
_ امرك يا عمرو بيه .
_ حلو كنت عاوز اعرف كل حاجه عن تفاصيل الصفقه الجديده ومين هما الشركات المنافسه واي هي العروض اللي مقدمينها .
_ امرك يا عمرو بيه وبدأ يشرح كل حاجه لعمرو عن الصفقه وعن العروض اللي متقدمه ليها .
_ عمرو : انا مش شايف عرض من دول قوي يعني يا علي .
_على :  مع حضرتك حق بس باقي عرض الشركه المنافسه ودة مجهول لحد دلوقتي .
_ ودة ليه بقى .
_ شركه العامري هي اقوي الشركات المنافسه في السوق لينا ومش سهل حد يعرف عن عرضهم في اي صفقه حاجه بس اللي عرفته أن مش عاصم العامري هو اللي هيقدم العرض ولكن بنته وعد هي اللي هتقدمه ودي نقطه كويسه جداً.
_ اشمعنا .
_ لأنها لسه خريجه جديده من ٦ شهور تقريباً واكيد مش عارفه كل حاجه عن السوق .
_ متستخفش بعقل عدوك انا دكتور ومليش في التجاره بس مع ذلك ماسك شركه الصاوي فخد بالك لان طريق فشلك بيبدأ لما تستقل بعقل عدوك .
_ اه طبعا طبعا يا فندم ممكن اعرف خطة حضرتك اي بالنسبه للصفقه.
_ سيب الورق هنا وانا بكره هقولك نعمل اي .
_ حضرتك لو محتاج اي مساعده في اننا ناخد الصفقه عرفني وانا جاهز .
_ مش فاهم تقصدي اي .
_ اقصد أن الفلوس بتخلص كل حاجه .
_ معاك حق وعلي كده محمد بيه بيخلص صفقاته من تحت الطربيزه كده .
_ بصراحه لا ويمكن دة السبب ان شركه العامري بتاخد صفقات مهمه مننا .
_ حلو طب اسمع مني الكلمتين دول شغل من تحت الطرابيزه دة انا مبحبوش ومش طريقي انا مش ضعيف أني اخد الصفقه دي يا علي وخلي الكلام دة في عقلك كويس انا عمرو الصاوي متنساش .
_ أمرك يا عمرو بيه بعد اذنك .
☆ ————- بقلم الكاتبة / آية إنسان —————-☆
 عند هاجر في المخيم :
_هاجر :  نعم انت بتعمل اي هنا .
_آسر :  هاجر انتي مش حاسه انك نسيتي حاجه .
_ لا مش نسيت حاجه .
_ يعني منسيتيش دي .
_ مش معقول ……
يتبع ……
لقراءة الفصل العاشر : اضغط هنا
لقراءة باقى فصول الرواية : اضغط هنا

اترك رد