Uncategorized

رواية قل لي ما سبيلي إلى قلبك الفصل الثالث 3 بقلم سوزان سليمان

 رواية قل لي ما سبيلي إلى قلبك الفصل الثالث 3 بقلم سوزان سليمان

رواية قل لي ما سبيلي إلى قلبك الفصل الثالث 3 بقلم سوزان سليمان

رواية قل لي ما سبيلي إلى قلبك الفصل الثالث 3 بقلم سوزان سليمان

.. قومت من النوم على صوت في الصالة والحقيقة أن الصوت مش غريب عني ودا بياكد أن عمتي وصلت طلعت من الاوضه وانا بحاول اكون رايقه
.. اذيك ياعمتي عامله ايه
.. اذيك يابت فاطمه
.. الحمد لله انا كويسه هي يارا مجتش معاكي ليه
.. هتيجي بكرا مع باسم اخوها
.. تيجي بالسلامة ان شاء الله عن إذنك
… عمتي من زمان مش بتحبني لا انا ولا أمي بعد ما اهلي نقلوا وعاشوا هنا في القاهرة مبقناش نشوفها غير في الزيارات ودا لأن عمتي كانت ديما تعمل مشاكل بين اهلي وبابا كان عارف بس مكنش بيقدر يتكلم عشان جدي وان دي بنته الوحيدة اذكر مره جدي رفع ايده على بابا عشان بس زعق لعمتي ورغم أنها كانت غلطانه إلا وأنها اتمسكنت لحد ما جدي طلع اهلي من البيت وعشان بابا مكنش بيستحمل حد يغلط في حق امي قرر أن يعيش بعيد عنهم وبعد فتره عمتي رجعت تتواصل معانا بحجة إنها ندمانه وان عايزه بابا يرجع الصعيد تاني عشان يسكن معاهم بس بابا كان عارف نوايا اخته فرفض بس كانت بتيجي تزورنا وساعات تقعد بالأسبوع وبابا كان بيحاول يعدي المواقف اللي عمتي كانت بتعملها وفي الحقيقة هي بتعمل كل دا خوفاً من أن انا اخد الورث بتاع بابا خصوصاً أن جدي مخلفش غيرهما الاتنين بس انا عمره الورث مشغلني ولا فكرة ارجع الصعيد لأن بعد وفاة بابا جدي حاول يرجعنا تاني البلد وان مش هينفع نعيش هنا لوحدنا بس امي أصرت وبحجة الجامعة بتاعتي قعدنا ودلوقتي عمتي اكيد هطلع مليون قصة عشان تخلينا نرجع معاها رغم أن كارهه جيت عمتي عندنا الا وان في شيء مفرحني وهي أن يارا جايه هي عكس امها خالص وديما كانت بتعمل مليون خناقه عشان عارفه طبع امها كويس عمتي طبعاً عايشه في بيت جدي لأن جوزها طلقها ودا لأن هي مستحيل فعلاً تعمر في مكان هي مكان ما تروح لزما تخرب ديما بشبها بالعقربه اللي لسعتها للقبر
…. أي ياعم آدم سرحان في أي
… مفيش بس انا خايف ان المشروع يفشل
.. المشروع بردوا ولا في حاجه تاني
.. يابني قولتلك خليك سالك بقى وتعالى دغري معايا
… طيب مااشي اقنعني انك مش بتفكر في حور
.. انت عبيط يا على لا والله يا بني حور مين اللي افكر فيها هي انسانه كويسه ومجتهده وانا ببقى معجب بتفكيرها بشغلها إنما بيها هي شخصيا لا و طلع الموضوع ده من دماغك خالص عشان انت عارف اللي فيها 
…  انا مش عارف هتفضل لحد امتى على الحال دا
.. سيبها بظروفها يا على واكيد في خير متشال المهم نركز في المشروع لأن لو اتنفذ هتبقى لعبة معانا بحق وحقيقي
.. مش عارف انا انت قلقان ليه يابني المشروع زي الفل وماشي تمام متقلقش والله كل حاجه هتكون تمام اطمن
.. أن شاء الله يارب يلا بينا
… على فين
.. انت لحقت تنسى يابني مش قلتلك هنروح نمضي العقد انهارده
.. اووه نسيت
.. لا يا راجل انت بتحب ولا اي
.. يا سلام ياريت يا جدع هو اللي يكون معاك يرزق اصلا
.. امشي يا على ربنا يهديك وانت شبه البنت اللي بتندب حظها وهتعنس
……….. ياحور
.. نعم يا أمي اعملي اكل اكيد عمتك ماكلتش وجهزي ليها الاوضه عشان تريح جسمها
… متخفيش عليا يا مرات اخوي انا هعرف احط وكل لنفسي خليكي انتي في نفسك
… اتفضلي يا عمتو المطبخ قدامك
… كلك ذوق زي اومك وسعى
… يابنتي بلاش شغل العناد انتي عارفه طبعها مش عايزها ادايقك في حاجه
.. يا أمي ما انتي شايفه اسلوبها وبعدين دا بيتنا وهي ضيفه المفروض تتصرف على هذا الأساس بقى
.. عشان خاطري يابنتي
.. حاضر يا أمي اللي انتي تؤمري بي
.. ميامرش عليكي ظالم ياضنايا
.. إلا قوليلي صوح بتشتغلي فين
… انا بشتغل في شركة هنا مش هتعرفيها انتي
… ليه امال مش قد المقام ولا اي
.. لا مش قصدي بس هي شركة ديكورات وشغل مهندسين يعني
.. كانت بتلوي في بوقها على جمب كعاده من بتاعت الصعيد لما مش بيعجبهم حاجه،، والله انتي مليكي عدل يابت فاطمه
.. كل واحد بيعمل الحاجة إلى بتريحه يا عمتي عن إذنك
… معرفتيش تربى بتك يا فاطمة وطالعه قليله أدب بس امها مين يعني
.. تشكري على الأقل احترمي وجودي ومتقوليهاش في وشي
.. ليه امال هخاف منك انا ولا اي
.. هي مش مسألة خوف يا كريمه هي مسألة احترام وتقدير بس معلش انتي مش هتفهمي دا،،،، جهزي الاكل يا حور عشان عمتك تاكل و تروح تنام
…. تانى يوم صحيت من النوم ولبست وقررت إني هنزل الشغل
… صباح الخير
.. صباح النور يا حبيبتي كويس انك نازله الشغل اديني علاجي ومتخفيش عليا انا كويسه وعمتك موجوده
.. اهو انا مش خايفه غير من وجودها هنا والله
.. يابنتي بطلي تفكير وتوكلي على الله
… ماشي يا أمي خلي بالك من نفسك ولو حسيتي انك تعبانه أو أي حاجه رني عليا على طول وانا هطمن عليكي كل شويه
.. ماشى يا ضنايا ربنا معاكي ويوفقك
.. يارب يا أمي في حفظ الله
.. في حفظ الله ورعايته ياحبيبتي
.. صباح الخير
.. صباح النور يا استاذه حور حمدلله على سلامة حضرتك
… الله يسلمك يا استاذ علي
.. اخبار الوالده اي ان شاء الله تكون احسن دلوقتي
… الحمد لله بخير شكراً لسؤال حضرتك
.. العفو دا واجبنا
… هو الأستاذ آدم موجود كنت محتاجه افرجه على كام حاجه في الشغل
… الاستاذ آدم مش هيجي انهارده الشغل تقدري تبعتي على ايميل الشركة
.. لا تمام هنتظر لما يجي بكرا
… تمام عن إذنك
.. اتفضل
…. بقولك ايه انا محدش يتكلم معايا بالأسلوب دا وبعدين إزاي يشغلوا ناس بالشكل القذر دا
… مسمحلكيش تتعدى حدودك وبلغت حضرتك أن مش هينفع تدخلي المكتب والأستاذ آدم مش موجود
… في أي. أي اللي بيحصل هنا الصوت لحد مكتبي
.. استاذ علي حضرتك انا منعتها تدخل المكتب زي ما الأستاذ آدم طلب مني ولكن هي بتزعق ومصره انها تدخل
… انا اسف يا ياسمين بجد على اللي حصل وياريت متزعليش
… مفيش حاجة حصلت حضرتك 
… استاذه هاجر ياريت تتفضلي وأول ما آدم يجي الشركة ابقى تعالى شوفي غير كدا بعتذر مش هنقدر نفيدك بحاجة
… انت عبيط يابني انت إزاي تكلم معايا كدا انت مش عارف انا مين
.. لا حضرتك عارف كويس بس انا بعمل اللي شايفه صح
… انت مين اصلا عشان تشوف انت حيله واحد شغال هنا
… تمام اتفضلي من غير مطرود 
… ماشي انا هعرفكم كويس انا ابقى مين
…. انا بكرر اعتذاري اتمنى متزعليش من أي حاجه قلتها
.. مفيش داعي يا استاذ علي انا متفهمه الموقف وشكرا على اهتمامك
… دا أقل واجب عن إذنك
… اتفضل
… خير يا ياسمين مين دي وكانت بتكلم معاكم كدا ليه
… دي هاجر بنت عم آدم إنسانه مغروره وشايفه إن كل الناس شغالين عندها وبيمشو على كلمتها وفي الحقيقة أن الكل في الشركة هنا مش بيطيق سيرتها اصلاً ولو شفتك مقربه من آدم ممكن تلبسك الف مصيبة
.. أقرب من آدم انتي عبيطه يا ياسمين مالي انا ومال آدم وبعدين هو مديري في الشغل مش اكتر
… يابنتي انا فاهمه بس هي وحده دماغها لساعه حبتين ومفكره أن أي حد بيقرب من آدم بيبقى عايز يضحك عليه وياخد فلوسه
… طب ما هي بتخاف عليه
… هههههه بتخاف عليه يابنتي هي عامله نفسها بتحبه بس هي بتحب فلوسه وفي الحقيقه آدم مش بيطيق يبص في وشها وخصوصاً زي ما انتي شايفه لبسها كدا
… ربنا يهدي ويصلح الحال خلينا إحنا مركزين في الشغل ملناش دعوه بحاجة
.. على رأيك
… بس تصدقي أن الأستاذ علي جدع
… جداً جداً وشخصيه قمة في الاحترام
… يا سيدي يا سيدي دا هي كلمة قولتها
… هههههه طيب قومي على شغلك بقى
… طلعنا بنتكسف اهو وقطع دراعي بقى لو مكنش فيه حاجه جواكي من ناحيته
… امشي يا حور أمشي
.. ماشي
… تفتكروا أن ممكن تكون في مشاعر بينهم وهما مش عارفين!!!؟؟
……………… السلام عليكم ورحمة الله وبركاته
… وعليكم السلام ورحمة الله وبركاته حمدلله على السلامه ياحور
.. الله يسلمك يا أمي
… بخ
.. يارا وحشتيني اوي والله
… وانتي جداً جداً جداً يعني
.. جيتي امتى
… مليش نص ساعة وسألت عليكي مرات خالي قلتلي انك في الشغل ف استنيتك
.. حمدلله على السلامه يا حبيبتي نورتي البيت
.. تسلميلي طمنيني عنك
… هطمنك بس اغير هدومي واكل حاجه على السريع وهنفضل نرغي اليل كله
.. حلو اوي
.. هو صحيح عمتي فين مش شايفها
… اهي جت اهي كانت هي وباسم بيشترو شويه حاجات من برا
… هو باسم جه
.. اها
… اذيك ياحور
.. الحمد لله ياباسم انت اخبارك ايه
… الحمد لله اي مش هتسلمي ولا هفضل مادت أيدي كدا
… اسفه يابن عمتي بس انا مش بسلم على رجاله
… بس انا مش غريب
… وانا مقولتش كدا بعتذر وعن إذنك عشان هغير هدومي البيت بيتكم
… معلش يا بني هي حور طبعها كدا
…. ولا يهمك يا مرت خالي عن إذنك
.. حور ممكن أسألك سؤال
.. اكيد طبعاً يا يارا اتفضلي
.. هو انتي ليه مسلمتيش على باسم اخويا
… بابتسامه حولت اشرح ليها الموقف عشان تفهم كان قصدي اي.. بصي يا يارا انا مش بسلم على أي اجنبي عني
.. اجنبي يابنتي دا ابن عمتك
… يا حبيبتي اجنبي يعني غريب عني مش اقصد ان هو من الأجانب وكدا وبعدين هو مهما كانت صلة القرابة اللي ما بينا فاهو غريب عني طول ما هو محلل ليا اني اتجوزه
…. طيب ماشي بس فيها أي بردوا يعني هو اللي هيسلم علينا هيكلنا
.. لا بس في الحديث عن معقل بن يسار أن رسول الله صلى الله عليه وسلم قال: “لأن يطعن في رأس أحدكم بمخيط من حديد خير له من أن يمس امرأة لا تحل له”
… فهمتي دلوقتي ولا اي
… اها فهمت والله انا مبسوطه انك رغم عيشتك هنا إلا وإنك متمسكة بالدين اوي كده 
… نسأل الله العفو والعافية ياعمري وانا مبسوطه انك وأخيراً جيتي
… صحيح مشتغليش في البلد
… ما انتي عارفة اللي فيها يابختك بقى طلعتي من العيشة اللي هناك
… خير يابنتي مالك
… بصي إحنا عندنا باسم يعمل اللي هو عايزه إنما أنا لا وكل دا عشان هو ولد وانا بنت مينفعش اعترض ومينفعش اجادل ومينفعش صوتي يعلى اصلا
… ليه يعنى
.. ما انتي عارفة الصعيد وحوراتها اللي مبتخلصش حتى حياتك بيتحكمو فيها
… أن شاء الله خير ربنا اكيد هيعوضك خير
… ياااااارب ياااارب
… حور
… طلعت على صوت عمتي هي وبزعق..
يتبع…
لقراءة الفصل الرابع : اضغط هنا
لقراءة باقي فصول الرواية : اضغط هنا

اترك رد