Uncategorized

رواية قربان الجن الفصل الثامن 8 بقلم هنا عادل

 رواية قربان الجن الفصل الثامن 8 بقلم هنا عادل
رواية قربان الجن الفصل الثامن 8 بقلم هنا عادل

رواية قربان الجن الفصل الثامن 8 بقلم هنا عادل

دخلت ام نغم واخواتها اللى رجعوا من المدرسة جرى على اوضة نغم اللى كانت بتصرخ وتعيط وفى وسط قلق امها واخواتها كان واقف بينهم 4 من الجن اللى بيحاوطوا نغم وبيتواصلوا معاها 
برغم انهيارها كانوا بيفكروها انها متحكيش ولا تتكلم فى حاجة
الام حاضنة نغم..مالك فى ايه بس انتى رجعتى تحلمى تانى احلام وحشة 
باسم ..يا ماما انتى لازم تودى نغم للدكتور دى عيانة لازم الدكتور يقولنا هى مالها 
جاسم..اه هى بقالها شوية كده علطول بيتهيألها حاجات
الام..اهدى علشان خاطرى يانغم اهدى ياحبيبتى واحكيلي مالك
نغم..ماليش انا ماليش ..انتم السبب والله انتم السبب وعياطها بيزيد
الاب رجع من الشغل ودخل على صوت نغم العالى ..خير فى ايه صوتكم عالى ..ايه ده مالك يانغم بتعيطى ليه ؟؟
نغم مرديتش عليه 
الام..نغم بتحلم بكوابيس من ساعة موضوع الشيخ مهران ..وكل كام يوم تهدا وترجع تانى للكوابيس اللى بتصحيها مفزوعة 
وطلبت منها نروحله يرقيها قالتلى لاء بقيت كويسة 
ودخلت انا واخواتها دري على صوت صريخها وعياطها 
الاب..لا يا شيخة مهران ايه وغيره ايه الموضوع ده خلص اشمعنى هى بس اللى هيحصل معاها كده لكن هى تلاقيها بتفكر كتير فى الحاجات دى علشان كده بتشوف احلام تخوفها
الام..طيب هنوديها لدكتور ولا هنوديها لشيخ يرقيها ولا انت شايف ايه 
نغم بعياط..شوفوا اللى تشوفوه بره الاوضة بقى 
وانا مش رايحة لشيوخ تانى كفاية اللى انتم عملتوه فيا انا مش هسامحكم عمرى كله على اللى انتم عملتوه 
الاب..اهدى طيب ياحبيبتى ايه اللى احنا عملناه فيكي ؟
نغم..انت مش عارف ايه اللى اتعمل فيا 
الاب..انا اللى بسألك عايز اعرف 
نغم..طيب يا بابا انا تعبانة وعايزة اقعد لواحدى 
الاب..طيب يا نغم طريقتك مش عجبانى فى كلامك معاية لكن انا هسيبك كده لحد ما تروقى وتهدي ونتكلم سوا علشان افهم منك ايه اللى مزعلك مننا اوى كده ولو احنا مزعلينك فى حاجة بجد هعمل اي حاجة اصالحك بيها 
سكتت نغم وحطت وشها فى مخدتها وضمت رجليها لحد صدرها شبه الجنين وطلبت منهم يخرجوا 
فعلا خرجوا وقفلوا عليها الباب 
نغم على نفس وضعها ..انتم عايزين ايه مني ..انتم بتعملوا فيا كده ليه ..انا اصلا عملت ايه علشان اشوف كل اللى بشوفه ده ؟؟؟
جنية ..عايزينك تبقى حلقة وصل بينا وبين اللى مش عارف يوصلنا 
نغم..انا مالى ..انا مالى شوفوا حد غيري شوفوا حد اكبر مني طيب طيب سيبونى انا لحد م اكبر يمكن اعرف استحمل الحاجات اللى بشوفها دى 
الجنية ..الحاجات دى هتشوفيها هتشوفيها يا نغم
فى العالم بتاعكم علطول هتلاقى ده موجود احنا مش بنأذيكي احنا بنوريكي البشر بيعملوا ايه فى بعض 
علشان تكبرى وانتى عارفة طبيعة الانسان 
حتى امك وابوكى لما دوروا على مصلحتهم ضحوا بيكي انتى وهما ميعرفوش نتيجة تضحيتهم
او يمكن يعرفوا 
جن من ال4…سليم قتل اخوه علشان بيكرهه علشان بيحقد عليه 
الاتنين معاهم فلوس بس سليم مش مستفيد بيها علشان مراته بتصرفها اول ب اول ده خلاه حاسس انه فقير مع انه مش كده 
فى الوقت اللى اخوه عرف يستغل فلوسه ويشغلها ويعمل لنفسه كيان 
سليم مفكرش في ان اخوه لسه مش متجوز لسه معندهوش اطفال
لسه التزاماته مش زى التزامات الىل عنده اسرة وبيت مسؤل عنهم 
سليم مشافش ان الغلط فى مراته مش فى اخوه 
هى اللى كانت طماعة وعنيها فارغة ومش بتشبع 
اقنعته ان هو الاحق بفلوس اخوه وعيشته 
اللى وصلهم بموت اخوه لكن ميعرفش ان المشكلة كانت مش فى الفلوس المشكلة فى اللى عايشة معاه وهى جواها جشع وطمع وحقد قدرت بيهم تسيطر على عقله وعنيه وتخليه ينسى اخوه وميبصش غير للفلوس وبس 
مراته وصلته للطريق اللي يوصلنا منه طلب جنية تعشق اخوه ومتقبلش انها تسيبه لحد 
ولما عرف ان اخوه وصل لمرحلة العشق معاها قرر يجوزه علشان عارف انها مش هتقبل ب ده هو عارف ان الجن العاشق مش هيقبل للي بيعشقه ب انه يستغنى عنه 
قتل اخوه واخد حقه وفلوسه من غير ما اى حد ممكن يشك فيه 
نغم…خلاص كده يعنى هو مات بجد ..مات خالص ..يعنى حتى مش تعبان من الخضة من منظر العفريتة وهيصحى تانى 
اكيد مش هيموت كده وخلاص حرام يعنى هو ذنبه ايه 
الجنية ..سألتى كتير وجاوبناكى وفهمناكى 
كفاية كده النهاردة وبليل ميعادك
اختفوا من قدام نغم اللى كانت دموعها مش عايزة تقف 
نغم ..هو انا هفضل اكون سبب فى ان الناس تموت كده 
لو انا كنت مش حلقة وصل زى ما الجنية قالتلى هما كانوا مش هيعرفوا ينفذوا الاعمال اللى اتعملت للناس اللى مالهاش ذنب فى حاجة دى 
مش مسامحكم يا ماما انتى وبابا ولا عمرى هسامحكم
فات اليوم وراحت نغم للدكتور مع مامتها اللى قالها انها مفيش فيها اى حاجة عضوية وانا صحتها كويسة 
لكن ممكن تعرضيها على دكتور نفسي 
وطبعا الاب رفض جدا بسبب تخيله ان دكتور نفسي يعنى بنته مجنونة 
ونغم طبيعى رافضة جدا انها تروح لشيخ يرقيها بسبب تحذير الجن ليها 
وبعد ما كانت نغم بتستنى الليل علشان تساعد حد جديد
بقيت تخاف تغمض عنيها او حتى تطرف عنيها علشان متشوفش حد من اللى ماتوا بعد رسالتها 
لكن للاسف ده مفيش منه هروب 
وميعاد الليلة كان مع رسالة جديدة لست كبيرة فى السن يمكن 60 سنة 
وراحتلها نغم كالعادة من غير ارادتها ولأن الست باين عليها الطيبة والراحة كانت نغم بتتمنى لو متوصلهاش رسالتها لكن كانت مجبرة على ده 
وفعلا وقفت وقالت ل جمالات 
ياخالة حاجتك انقضيت 
حاجتك انقضيت 
حاجتك انقضيت
واختفت كعادتها لكن شافت نتيجة رسالتها لما شافت جمالات قاعدة على كنبة عربى وساندة ضهرها على مسند قطن 
وعمالة تنده ب اسم ثريا 
يا ثريا ياحبيبتى جانى الرد 
يا ثريا يابتى جاتلى البشارة 
علشان تشوف نغم فى حلمها بنت غاية فى الجمال خارجة من اوضة قاعدة قصادها جمالات اللى اول ما شافت البنت قامت تحضنها وتمشى ايديها على كل جزء في جسمها وهى عمالة تعيط وتقول يا الف بركة يا الف بركة 
ثريا ..امى ..انا كنت فين 
جمالات ..منهم لله يابنتى منهم لله ربنا ينتقم منهم ويشوفوا اللى خلونى اشوفه فيكى 
ثريا..هما مين ..وايه يا امى اللى شوفتيه ..وانا ليه حاسة انى كنت فى دنيا تانية ومكان تانى غير هنا 
ليه مكنتيش موجودة معاية ولا جنبى 
انا كنت بشوف العذاب الوان ومش عارفة من مين بس انا كنت علطول حاسة انى وسط ناس معرفهاش وكانوا علطول بيعذبونى بكل الاشكال
كنت علطول مبسمعش غير صريخ فى ودانى 
وعنيا مش بتشوف غير كلاب او ناس شكلهم بشع ومرعب 
كنت فى مكان تانى احكيلى مالى فيا ايه 
جمالات ..مش مهم يا بنتى كنتى في ايه ..المهم انك الحمد لله رجعتيلي 
انا كنت ميتة يا ثريا من غيرك يابنتى يا ننى عينى 
بصى احنا نسيب البيت ده 
لا مش البيت تعالى نسيب البلد دى 
ثريا..نسيبها على فين يا امى واحنا لينا حد بعد ربنا فى اى حتة تانية 
جمالات ..ولا لينا بعد ربنا هنا حد يا بنتى انا ياختى مش عايزة غيرك 
خلينا نمشى من هنا يا حبيبتى علشان ترجعى زى ما كنتى وردة مفتحة 
نروح مكان لا نعرف حد فيه ولا فيه اللى يعرفنا 
ده انا لازم اروح للشيخ اشوف كل طلباته ده يستاهل اد اللى اخده بحور 
مش خسارة فيه طلع واصل 
ثريا..شيخ مين طيب يا امى فهمينى 
جمالات..طيب تعالى اقعدى جنبى هنا وانا هحكيلك
قعدت ثريا وجمالات جنب بعض
جمالات.. يا ثريا يابنتى اللى جرالنا مجراش غير بعد ما جاتلك العقربة ام عادل اللى كانت ساكنة جديد فى وشنا 
فاكراهم ياحبيبتى؟؟
ثريا..كملى يمكن افتكرهم من كلامك
جمالات..ياختى الست اول ما جت هنا جديد قالت تتعرف على الجيران جت زارتنا وجابتلنا معاها طبق حلويات وانتى كنتى راجعة من الكلية وهى قاعدة 
سلمتى ودخلتى علطول وهى عنيها اتعلقت عليكي 
عرفتنى على نفسها وقالتلى ان جوزها ميت وهى من بلد غريبة بس سابت بلدها علشان ابنها عادل الوحيد جاله شغل فى البلد عندنا 
وسألتنى المحروسة دى بنتك الوحيدة وقولتلها اه من بعد ابوها ما سافر واتجوز ومالناش حد غير ربنا 
سألتنى بتدرسى ايه وقولتلها ودعيتلك وطلبت مني نبقى نردلها الزيارة وانا طنشت الصراحة 
من بعدها ياختى علطول واقفة فى بلكونتهم عنيها على بيتنا وبليل توقف ابنها فى البلكونة وكأنهم بيراقبونا
انا قولت شكلها كده بتدور لأبنها على عروسة 
هو الواد كان شكله حلو ويفرح كده وقولت مستوظف بقى يبقى ليه لاء 
يمكن يكون ربنا باعتلك نصيبك وحلو مقطوعين من شجرة زينا 
بقيت اطلب منك لما يكون واقف تدخلى تنشرى الغسيل 
تلمى الغسيل اى حجة علشان يشوفك 
وانا ياختى كنت صح فعلا الولية حطيت عنيها عليكى من وقت ما شافتك
ثريا..طيب ياامى وفيها ايه بقى ؟؟
جمالات..مفيش ياختى فى يوم كنتى فى الكلية وهى واقفة فى البلكونة وانا واقفة مستنياكى وقالتلى يا ام ثريا انا واخدة على خاطرى منك طلبت منك تردى الزيارة ومعبرتنيش 
انتى براوية ولا ايه 
طبعا انا قولتلها لاء والله متأخذنيش بس انا مش بسيب ثريا لوحدها فى البيت ابدا علشان بتخاف
لقيتها قالتلى طيب ينفع نيجي احنا نزوركم عادل ابنى عايز يتعرف عليكي من وقت ما جيتلك وانا بشكرله فيكى وفى ذوقك ومقابلتك 
اصل ابنى مش بيحبنى اتدخل مع الجيران
فهمت انا ياختى الفولة واللى فيها قولت بس بتى جايلها عريس
اليوم ده خليتك لما رجعتى من الكلية تسشورى شعرك وتفرديه لما قولتلك جايلنا ضيوف 
وانتى لاجل الحظ معرفش جمالك كان زايد ولا انا اللى كنتى شايفاكى فى الليلة دى بدر منور
المهم وصلوا عندنا والواد بصراحة كان ميترفضش وشافوكى وشوفتيهم ومن غير ما نتكلم فى حاجة القبول بان عليكم 
وقبل ما يمشوا قالتلى لينا زيارة تانيه يا ام ثريا لعل الجاى خير يا ام العروسة 
هى مشيت من هنا وانا كنت عايزة ازغرط من هنا بس قولت لاء لازم اعزز بنتى واتقل عليهم علشان يعرفوا قيمتها 
مطولش عليكي 
كل اللى حسبته لقيته 
جاتلى تانى يوم طوالى 
ام عادل..بقولك ايه يا ام ثريا بصي ياحبيبتى انا ست دوغري 
ابنى عجبته بنتك وانا عايزاه يتجوز واطمن عليه على حياة عينى واشوفله حتة عيل 
وانتى زى ما شوفتينا كده انا وهو مالناش غير بعض
واللى تعوزه العروسة نافذ
جمالات..ياختى ده انتم على راسنا والله 
بس البت لسه صغيرة وعندها دراستها جواز علطول كده 
ام عادل..متخافيش ابنى هيخليها تكمل علامها هو مش جاهل ومش عايز واحدة معهاش شهادة علشان تنفع عيالها 
جمالات..طيب متأخذنيش برضه انا بنتى لازم اخد رأيها هى العروسة والرأى ده حقها هى مش انا 
لكن لو عليا ياختى انا راضية وقابلة وربنا يتمملهم على خير 
اليوم ده رجعتى يا ثريا وهى قاعدة والا راسها والف سيف ادخل اخد رأيك وهى موجودة وخير البر عاجله 
دخلتلك الاوضة وقولتلك وانتى ياختى كان ليكي تلتين الخاطر 
فرحت هشوف بنتى الوحيدة فرحة عمرى عروسة 
وفى يوم وليلة لقيت الشبكة جت والا الكهارب ركبت والجيران اتعزمت والله ما عارفة ازاى كله حصل ورا بعض كده وبالسرعه دى انا كنت كأنى نايمة 
واتخطبتى ياختى وبااااانت على حقيتها 
الواد الحقيقة كان ادب وطيبة وشهامة ورجولة بصى كل الصفات اللى اى ام تتمناها فى جوز بنتها كانت فيها 
انتى اتعلقتى بيه وهوا بقى موراهوش غيرك 
ياكل اكلة حلوة لازم يفتكرك 
معاه قرشين لازم يجيبلك حاجدة جديدة 
لما نقصده فى اى حاجة نلاقيه واقف وبقلبه من غير ما يضايق ولا يحس اننا بنتقل عليه 
كنتم لايقين على بعض يا حبيبتى 
لكن اللى كان مفرح قلبى ومطيرنى من على الارض طير 
كان واجع امه وحارق قلبها ومطيرلها برج من عقلها 
حسيت انك كسبتى ابنها وخطفتيه منها 
واجارك الله على اللى عملته 
تتكلم عليكى مع الجيران وتسوء سمعتك وابنها ميعرفش واسمع واقول مدام انتى وهو كويسين خلاص بكرة لما تدخلى بيتهم هتعرفك زى ابنها ما عرفك وهتحبك
عملت اللى ما يعمل كله معاكى ومش قدام ابنها علشان متبانش قدامه عقربة اللى ربنا يبتليها بعقربة 
وانتى كنتى مش بتحكيله حاجة علشان متزعلهوش من امه 
لحد ياختى ما قال لامه انكم هتسكنوا فى بيت لواحدكم مش معاها بعد ما مرتبه زاد واترقى 
ومع انه قالها انه هياخد الشقة اللى فى الدور اللى فوقيها الا انها حسيت كأنه قالها هياخدك ويهاجر
ولما جاتلى تعاركنى علشان فاكرة اننا حرضناه متعيشيش معاها فى البيت 
حلفتلها انى ولا انا ولا بنتى فتحنا حتى معاه الموضوع
وحاولت اوصلها زى ما بنتى هتبقى مرات ابنك الوحيد 
هو برضه هيبقى جوز بنتى الوحيدة اللى ماليش غيرها 
وزى ماهى بتغير على ابنها انا كمان بغير على بنتى 
بس افرحلها لما الاقيها لقيت السند اللى هأمن عليها معاه لو ربنا افتكرنى 
راجل ابن حلال بيحبها وهيصونها 
وبنتى كمان والله يا ام عادل بنت حلال وطيبة ومؤدبة وهتلاقيها بنتك مش مرات ابنك
لكن الكلام مجاش على هواها وشافت انك ادحلبتى بقى ومثلنا لحد ما بعدنا ابنها عنها 
ولما قررتى تسيبيه بسبب عمايل امه الواد اتقهر بعد ما حاول محاولات الدنيا والاخرة انه يحافظ عليكى معاه ويراضى امه ويصلح الدنيا بينكم 
بس لما فاض بيكى منها وقررتى مترجعيش له تانى لما امه مبطلتش تهينك من وراه وتحرق دمك بالكلام كل ما تشوفك ولا تتكلم عليكي مع الناس 
ابنها قرر انه يسافر ويروح شغل فى بلد تانية كان اتعرض عليه وهو رفض علشان ميسبكيش وميسيبش امه ولما حصلت المشاكل ده وهو لقى نفسه اتظلم فى وسطكم ومش عارف يراضى مين فيكم 
ساب البلد وطفش 
وده قاد نارها مع انك كنتى سايبة ابنها الا ابدا جمالات وثريا عملوا لابنى عمل طفشوه 
لحد ما فى يوم وليلة صحيت من النوم على صواتك وصريخك
دخلتلك لقيتك مقطعه شعرك وعمالة تقطعى فى جسمك بضوافرك ولا سمعانى ولا بتبصيلي ولا حتى بتتكلمى 
بقيت دى حياتك علطلول صريخ وتقطيع فى شعرك وجسمك
حتى الكلية سبتيها مكملتيش 
لفيت يا ثريا على الدكاترة ولفيت على المشايخ والائمة وابدا انتى مبتسمعيش صوتنا حتى 
لحد ياختى ما روحت لشيخ ولما جه معاية وشافك قاللى معمولك سحر اسود بالجنان والالم والفشل وعرف بالطرق بتاعته ان اللى عملاهولك هى حماتك اللى كنتى هتعيشي فى بيتها وتاكلوا من نفس الطبق ربنا كبير هيجيبلنا حقنا منها فى الاخرة 
 و الشيخ طلب كتيرررر اوى علشان يعرف يفك العمل ده 
وانا يابنتى والله ما بخلت بيعت اللى ورانا واللى قدامنا قولت فداكى كله يتعوض المهم ترجعيلى 
غابت الحكاية وانتى على حالك لحد امبارح بليل كنت قولت خلاص بنتى هتعيش وتموت ع الحال ده لما سمعت من الجيران ان ام عادل ماتت 
قولت خلاص يبقى العمل ده مش هيتفك ولا هنعرف نوصله بعد م اللى عملته ماتت 
لحد يابنتى ما جاتلى البشارة النهاردة وجالى الهاتف اللى طمنى ان غرضى انقضى ولقيتك طالعالى واقفة على رجليكي وبتكلمينى وبتردى عليا يا حتة من قلبى 
والله يا ثريا يابنتى ربنا عالم لا كنت عايزة اضرها ولا عايزة ليها اى شر لكن قصاد بنتى تولع الدنيا وما فيها واشوف بنتى بخير 
لكن لا كنت اتمنى موتها ولا اطلبهولها 
والموت ده قضا ربنا اكيد الشيخ يعنى مالهوش يد فيه 
ثريا بتسمع وبتعيط وبعد امها ما خلصت كلام حضنتها جامد اوى وكملت عياط فى حضنها 
ودى كانت تالت رسالة تفرح قلب نغم وتحسسها ان الدنيا مفيش فيها شر بس 
لدرجة انها محاولتش حتى تطاوع عنيها ودماغها انها تصحى من نومها .
ودى كانت تانى رسالة توصلها وهى اجازة من مدرستها علشان كده من وقت م استلمت الرسالة لحد ما خلص حلمها وهى نايمة فى سريرها رافضة حتى تفتح عنيها علشان متشوفش سليمان ولا رنا وكفاية عليها فرحة جمالات برجوع ثريا بنتها ليها ..
يتبع ……
لقراءة الفصل التاسع : اضغط هنا
لقراءة باقى فصول الرواية : اضغط هنا

اترك رد