Uncategorized
رواية عمر وحور الفصل الثاني 2 بقلم سهيلة أشرف
رواية عمر وحور الفصل الثاني 2 بقلم سهيلة أشرف
 |
| رواية عمر وحور الفصل الثاني 2 بقلم سهيلة أشرف |
رواية عمر وحور الفصل الثاني 2 بقلم سهيلة أشرف
عمر: طب بتحبي ايه التاني غير الروايات
حور: بحب علم النفس
عمر: يعني انتي بتحبي علم النفس ومش عايزه تجيلي!!
حور بضحك: اه عادى
عمر: طب بما إننا بقينا اصحاب اتفضلي بقا اتكلمي
حور: حاضر هحكي، عارف لما حد يدخل حياتك فجأة ويديك كل حاجه انت محتاجها لحد ما تتعلق بيه حد الجنون وبعدين يتغير 180 درجة؟!!
طب عارف لما تحب حد هو مش شايفك أصلا!!
طب عارف لما يبقوا اهلك مش فاهمينك ومش مصدر دعم وحنان ليك و دايما شايفينك وحش ومش نافع ونكدي وفيك كل عبر الدنيا؟؟!
عارف لما تبقى صادق اوي وبتحب الخير لكل الناس وبتدعيلهم وعمرك ماحقدت على حد او غيرت منه وبعدين تلاقي فكرة اقرب الناس عنك إنك جاحد وأناني وبتاع مصلحتك!!
عارف لما تبقى وسط الناس وحيد عارف لما تبقى مش لاقي نفسك بهتان كده
عمر: آه عارف، عارف كويس اوي وفاهم وده اللي خلاني دكتور نفسي
حور: مش فاهمة!
عمر: كل اللي انتي مريتي بيه ده أنا مريت بيه اللي حكيتيه واللي كمان خبيتيه أنا عارفه وتعبت زي حالاتك كده ومتعالجتش غير بحاجه واحدة بس!
حور: ايه هي
عمر: بعدين هتعرفي، المهم دلوقتي نبدأ في العلاج
حور: تمام هنعمل ايه بقى
عمر: اول حاجه هنواجه كل حاجه حصلت معانا
حور: ازاي ؟!
عمر: يعني هتروحي تكلمي اهلك وتقوليلهم على كل حاجه مضايقاكي منهم، واصحابك كذلك واي حد في حياتك مسببلك جرح
حور: بس انا مقدرش اعمل كده
عمر: هتقدري ياحور
حور بتوهان: يا ايه
عمر: في حاجه؟!
حور: ها؟! لا كمل يا عمر
عمر: يا ايه؟!
حور: في حاجه؟!
عمر: احم لا مفيش
حور: طب أنا مش هقدر اعمل كده بجد شوفلي حل تاني
عمر: الحل التاني هو صعب تلاقيه
حور: ايه هو
عمر: علاقة صادقة
حور: بمعنى؟!
عمر: بمعنى ان اللي ممكن يطلعك من كل اللي انتي فيه علاقة واحدة بس في حياتك تكون صادقة تفهمك من جوه جوهرك قبل شكلك، نيتك قبل تصرفاتك، قلبك قبل عصبيتك، يفهم طيبتك وطفولتك وغيرتك ومزاجك المتقلب والأهم يقدرهم ويعرف يتعامل معاكي على اساسهم تبقي بنته قبل ما تكوني حبيبته، او بنتها قبل ما تكوني صاحبتها أيهما اقرب مش هتفرق
حور: ……
عمر: امسحي دموعك واتكلمي احنا مش جايين هنا نبكي ونسكت يلا انا سامعك
حور: اصل انا اول مره حد يفهمني او يحس بيا كله شايفني وحشه بس والله يادكتور انا مش وحشه
عمر: اسمي عمر ياحور احنا اصحاب وانا عارف انك مش وحشه طب تعرفي انتي اجمل قلب ممكن حد يقابله
حور: بجد؟!
عمر: آه بجد
حور: طب ليه ماما بتقول عليا وحشة، ليه بابا بيقول عليا قاسية، ليه اصحابي بيقولوا عليا بياعة ليه كل ده!!
عمر: بإختصار عشان الدنيا حفلة تنكرية وانتي عيشتيها بوشك الحقيقى، عشان انتي على طبيعتك، عشان مش متصنعة ولا متكلفة
حور: انت ازاى فاهمني كده!!
عمر: غير اني دكتور وده شغلي فأنا عيشت نفس ظروفك وحاسس نفس احساسك ده بالظبط!
حور: ده انت شايل اوي بقا
عمر: بس هتعافى قريب
حور: ازاي؟!
عمر: هتعرفي
حور: طب انا همشي ايمتى
عمر: تقدري تمشي دلوقتي الجلسة انتهت بس كوني حريصة على الجلسة الجاية لازم تيجي
حور بإبتسامة: هاجي