رواية حبيبتي العنيدة الفصل الثالث 3 بقلم فاطمة أحمد

وقال: انت عارف انت عملت ايه الوقتي

الشاب: هكون عملت ايه يعني بعدين انت مين

عماد: انا هعرفك انا مين و عماد ضرب الشاب جتمد والاتنين مسكه في بعض و أسيا حاولت تبعدهم عن بعض لكن فشلت وفضلت تصرخ عشان حد يجي يساعده وفعلا اتجمع شويه من الناس وبعدهم عن بعض لكن عماد كان ضرب الشاب ده جامد لدرجة خلت الولد ده يرفض فكرة ان عماد غلبه 

ودخل الكافيه وجاب منه كوبايه ازاز و في وسط زحمه الناس اللي بتحاول تهدي عماد ضربه جامد علي دماغه با الكوبايه وعماد بدأ ينزف وصاحب الكافيه بلغ الشرطه 

و أسيا مسك فيها الخوف و فضلت تبكي وهي منهاره من خوفها علي عماد و هو بيحاول يهديها وادخل افراد الشرطه و للاسف راحو علي الاقسم وقبل ما يحققه مع عماد راح المستشفى عشان يداوي جرحه

و أسيا اتصلت بمحامي اخوه صاحبتها عشان يكون حاضر مع عماد وفعلا التحقيق خلص بسرعه وكان عباره عن مشاجره وخلصت بصلح

و أسيا ركبت العربيه مع عماد وكانت لسه منهاره

وعماد حاول يهديها وقال: 

اهدي يا أسيا انتي ليه بتبكي الوقتي

أسيا: كل اللي حصل ده ومش عايزني ابكي

عماد: ايه اللي حصل انا مش شايف حاجه حصلت

أسيا: انت بتتكلم بجد انت كنت بتنزف وهدومك كلها دم وكل ده بسببي انا يا عماد

عماد: ومعنديش مانع اموت عشانك لو لزم الأمر 

أسيا: ليه كل دا يا عماد وعشان ايه تتحمل التعب ده

عماد: عشان بحبك وعمري ما حبيت حد غيرك

اسيا اتكسفت وبصت علي الطريق من شباك العربيه وهي بتحاول تداري كسوفها وحبها

وعماد مسك ايديها وقال: بصي يا أسيا انا اسف علي ابتهور اللي حصل مني بس انا مكنتش قابل فكرة ان في حد حاول بس يقرب منك

أسيا بعدت ايديها عنه وبصتله وقالت: هتقول ايه اللي حصلك لما حد يسألك 

عماد: هقول اتخانقت ورحت القسم عشان حيوان حاول يقرب من روحي وقلبي وحبيبتي 

أسيا: انا مش بهزر يا عماد انت ناوي تقول كده بجد

عماد: بصي بفكر اني اقول كده

أسيا: طيب يا عماد

عماد: طيب خلاص متزعليش اووي كده انا كنت بهزر معاكي مش اكتر وهقولهم وقعت واتعورت

أسيا: أنا اسفه يا عماد علي اللي حصلك بسببي

عماد: هو فيه حبايب بيعتذره لبعض

أسيا: احنا وصلنا تحت بيتي تعالي اطلع معايا استريح شويه و اعملك عصير تشربه عشان النزيف اللي نزفته

عماد: ياه انت خايفه عليا يبقي لسه بتحبيني

أسيا: هتنزل ولا تمشي وانت ساكت. 

عماد: حاضر يا حضرة القاضي هنزل

وفعلا نزله وطلعوه البيت ودخله وكانت امل قاعده في الصالون و وائل واقف متعصب جدا

واول ما شاف أسيا قالها

انتي اتاخرتي كده ليه

عماد: معلشي يا ابن عمي اصل كان في مشكله معايا و أسيا ساعدتني

وائل: الف سلامه عليك هو ايه اللي حصل 

عماد: مفيش حاجه يا وائل ده جرح بسيط كده

و أسيا دخلت تجيب عصير لعماد

وفجأة والدة أسيا ظهرت وقالت: ازيك يا عماد والف سلامه عليك يا ابني ايه اللي حصل 

عماد: مفيش حاجه انا بس وقعت واتعورت

والدة أسيا: طيب مش هتقول لاسيا مبروك

عماد:مبروك على ايه

والدة أسيا:علي خطوبتها بعد بكره

و وقعت كباية العصير من ايد أسيا اول ما سمعت والدتها…