Uncategorized

رواية العشق لا يعرف وطن الفصل الحادى عشر 11 بقلم أية إنسان

 رواية العشق لا يعرف وطن الفصل الحادى عشر 11 بقلم أية إنسان
رواية العشق لا يعرف وطن الفصل الحادى عشر 11 بقلم أية إنسان

رواية العشق لا يعرف وطن الفصل الحادى عشر 11 بقلم أية إنسان

 في فيلا العامري علي الفطار:
_عاصم :  اومال فين اميره مش هتفطر معانا .
_ ردت رانيا : ميرا سافرت الصبح بدري .
_ نعم سافرت راحت فين وازاي معرفش .
_ في اي يا عاصم هي قالتلي وانا قولتلها ماشي لان السفر كان الصبح وانت نايم مفيهاش حاجه يعني ثم هي جايه بكره .
_ والله عال اوي يا ست هانم ولا كأني موجود في البيت اللي عاوز يعمل حاجه يعملها بس العيب مش عليها العيب عليا انا .
_ يووو يا عاصم انت مكبر الموضوع على الفاضي دي في العين السخنه وهترجع على طول ثم إن هاجر في ألمانيا بقالها اسبوع ومتكلمتش يعني .
_ تصدقي بالله الكلام معاكي مفيش منه فايده يلا يا وعد نلحق الصفقه قبل ما انفجر .
☆ ————— بقلم الكاتبة/ آية إنسان ————– ☆
 في ألمانيا :
_ دخل أسر البيت وقعد يستريح من المشوار .
_ليل :  كنت فين يا عم أسر من امبارح وبرن عليك الفون مقفول .
_آسر :  معلش يا ليل الفون فصل شحن .
_ ايوه كنت فين يعني .
_ وانت مالك كنت ولي امري وانا مش عارف .
_ بقى كده يا أسر شكلك كده كنت مع مزه جامده وسايبني هنا .
_ ألفاظك زفت زيك .
_ ألفاظ اي يا ابو الفاظ اومال البت بتاعه امبارح دي بتقول اي جتها قرف في ألفاظها بت غبيه .
_ خلاص يا ليل بقى متتكلمش عنها كده .
_ وانت مالك محموق عليها كده ليه .
_ انا مبحبش اتكلم عن حد في ضهره بلاش الاسلوب دة ثم هي اعتذرت منك وانت بصراحه زودتها اوي .
_ طب يا حنين انا نازل الشغل سلام .
_ سلام .
☆ ————- بقلم الكاتبة/ آية إنسان —————☆
 في عربيه عاصم :
_عاصم :  وعد دلوقتي انا هطلع الشركه وانتي اللي هتقدمي العرض وهتكون معاكي يسرا السكرتيره الخاصه بتاعتي انا واثق انك هتقدري تكسبي الصفقه دي .
_ ابتسمت وعد وقالت : إن شاء الله هكون عند حسن ظنك يا حبيبي .
_ ربنا يوفقك .
☆ ————– بقلم الكاتبة/ آية إنسان —————-☆
علي الطريق السريع :
_ وقفت ميرا بعربيتها وقالت :  اهلا بالشباب .
_ رد فادي : اهلا بالبرنسيسه ميرا كل دة تأخير .
_ اديك قولت برنسيسه يعني يحق ليا اتأخر براحتي ولا اي .
_ في دي معاكي حق فعلا طيب انا هطلع بالعربيه بتاعتي انا وجيجي ويوسف و جومانا وتعالي نعمل مسابقه اي رايك .
_ لبست ميرا نظارتها الشمس بفخر وقالت :  متأكده انك هتخسر .
_ تعالي نجرب .
_ يلا بينا .
☆ ————- بقلم الكاتبة/ آية إنسان —————-☆
_ وعد ماشيه تكلم نفسها وقلبها بيدق جامد : هو أنا قلقانه كده ليه وبعدين بقى يا وعد خدي نفس واعملي اللي عليكي وكل حاجه هتكون بخير وهي بتكلم نفسها ومش واخده بالها من اللي مراقب كل حركاتها من بعيد .
_ على الجانب الآخر بيتكلم فوزي مدير مكتب محمد الصاوي مع شخص وبيدفع ليه فلوس وبيقول : الصفقه دي لازم تكون من نصيب شركه الصاوي انت فاهم .
_ امرك يا فوزي بيه .
_ اتفضل ومش عاوز مخلوق يعرف اي حاجه .
_ وحان وقت الصفقه وبما ان الصفقه اجنبية فدة الحوار مترجم :
_ انا مستر مارك المتحدث الرسمي للوفد الروسي واللي هيفتتح فرع للشركه الروسيه هنا وعلمنا أن أكبر شركات التجاره الحره هنا هي شركه العامري وشركه الصاوي وكلاهما بنفس الثقل والوزن في السوق أتمني أن تكون العروض موفقه لنبدأ العرض من جانب شركه العامري وقفت وعد واخدت نفس كبير وبدأت تشرح العرض بطريقه سهله وكان عرض اكتر من رائع .
_ مستر مارك : رائع جدا انسه وعد .
_وعد :  شكراً .
_ الان لنسمع عرض شركه الصاوي :
_ بدأ عمرو يشرح العرض بطريقه اكتر من رائعه فكان العرض هو أيضاً قوي جدا .
_ شكراً مستر عمرو عرضك اكتر من ممتاز .
_ فإبتسم عمرو بغرور وبص لوعد اللي متوتره جداً.
_ بعد خمس دقايق اتكلم مستر مارك وقال :  بعد التشاور مع جميع أعضاء الوفد فكان العرضين اقوي من بعضهم ولكن للاسف يجب أن نختار عرض واحد فقط واحنا اخترنا عرض شركه الصاوي .
_ وقف عمرو وقال : ممتاز .
_ زعلت وعد جدا أنها خسرت الصفقه ولكن مشيت عند عمرو وقالت : مستر عمرو .
_ فإلتف ليها وقال بتكبر : خير .
_ الف مبروك على الصفقه كان تقديمك للعرض اكتر من رائع .
_ اتكلم عمرو بنفس درجه الغرور وقال : طبعا دة المتوقع من شركه كبيره زي شركه الصاوي .
_ بصت وعد ليه بغضب من طريقته المستفزه وقالت :  واضح اني كنت غلطانه لما وقفت اتكلم معاك بعد اذنك ومشيت وهي حزينه أنها خسرت الصفقه .
☆ ————– بقلم الكاتبة/ آية إنسان —————☆ 
_ نزلت ميرا من العربيه بكل فخر وقالت : مش قولتلك انك هتخسر ، بعد كده متلعبش مع حد انت مش قده .
_فادى :  اوووو لا اعترف انك كسبتي وبجداره .
_ وقفت عربيه جنبهم ونزل منها شاب غايه في الجمال ذات شعر بني وعيون زرقاء وجسد رياضي وقال : صباح الخير .
_ رد الجميع :  صباح النور يا مصطفي .
_ مصطفى : ازيك يا ميرا عامله اي .
_ ردت بغرور :  كويسه وكملت كلامها وقالت  : يلا علشان عاوزه اطلع الفندق ارتاح وسابتهم وطلعت .
_فادى :  هههههه اي يا بوب دي ولا معبراك خالص .
_ مش مصطفي الزهار اللي حد يقوله لأ انا جاي مخصوص علشانها دى  مناخيرها في السماء ولا كأنها ملكت العالم بس الصبر حلو هخليها تترجاني علشان اقبلها ومش هرحمها بس الصبر حلو .
_ خبيث انت بردو .
_ انا بابا يلا .
☆ ————- بقلم الكاتبة/ آية إنسان —————☆
_ وصل اياد ألمانيا وللاسف حجز في نفس الفندق اللي نازله فيه هاجر وكانت صدفه غير متوقعه وقرر يطلع يرتاح قبل ميعاد الاجتماع .
☆ ————- بقلم الكاتبة/ آية إنسان —————☆
_ عند هاجر اللي قاعده بتصور ولما تعبت قررت ترتاح واتنهدت وقالت : احساس السلام النفسي دة جميل جدا يا ريت الواحد يفضل كده على طول وفضلت تقلب في الصور وشافت صور أسر وابتسمت وقالت : مجنون أسر دة بس طيب ربنا يسعده ويريح قلبه شكله اتعرض لصدمه كبيره في حياته .
☆ ———— بقلم الكاتبة/ آية إنسان —————☆
في بيت أسر :
_ صحي من النوم وكانت الساعه ٧ بالليل فلبس ونزل الشغل .
☆ ————– بقلم الكاتبة/ آية إنسان —————-☆
_ دخلت وعد المكتب عند ابوها وقالت : انا اسفه بس انا عملت كل اللي اقدر عليه .
_ اتنهد عاصم وقال : روحي ارتاحي يا وعد اليوم كان صعب عليكي واللي حصل حصل خلاص .
_ بعد اذنك ومشيت .
☆ ———— بقلم الكاتبة/ آية إنسان —————-☆
_  الباب بيخبط على ميرا فقامت فتحت  وقالت : نعم يا فادي .
_فادى :  هنقضي اليوم كله نوم يلا عاوزين ننزل  عاملين حفله شواء تحت تجنن .
_ طب هغير وهنزل وبالفعل دخلت غيرت ولبست شورت جينز وعليه تيشيرت احمر كب وشعرها الاسود القصير مخلي ليها جاذبيه خاصه فكانت جميله فعلا ونزلت بنفس الغرور وقالت : مساء الخير .
_ كانت ميرا ملفته جدا للشباب وبتغير منها البنات فقال فادي  : هو القمر نزل على الأرض امتي .
_ ابتسمت ميرا بغرور وقالت :  القمر مكانه فوق زي مكاني مش بينزل على الأرض فخلي بالك .
_ وفضلوا يسهروا ويشربوا فكانت سهره فيها كل المحرمات وكانت عيون مصطفي منزلتش من على ميرا زي كل الشباب وكذلك البنات عيونها منزلتش من على مصطفي اللي كان لابس شورت اسود وفالنه قط تبرز عضلاته وزادت وسامته .
_ طلع فادي سجاره من نوع خاص واداها لمصطفي اللي ابتسم وخدها منه برضا وعزم فادي على ميرا ولكن رفضت فإداها كأس ومع إلحاح فادي شربت كاس واتنين وتلات لحد ما سكرت .
_ وطي مصطفي على ودن فادي وقاله :  طبعا عارف هتعمل اي .
_ عيب عليك هتطلع تلقيها في سريرك يا معلم .
☆ ————— بقلم الكاتبة/ آية إنسان ————– ☆ 
_ فضلت وعد قاعده قدام النيل وساكته ولكن علامات الحزن ماليه وشها ولكن قررت تروح البيت تنام وتنسي كل حاجه .
☆ ————– بقلم الكاتبة/ آية إنسان —————-☆
_ عدي الليل على الجميع واتي الصباح وحامل معه مفاجآت للجميع .
_ عند هاجر اللي خلاص قررت تنزل وترجع الفندق علشان تسافر بكره .
_ عند وعد اللى وصل ليها رساله مكتوب فيها{ عاوز اقابلك ضروري بخصوص الصفقه الروسيه هبعتلك العنوان في رساله هقابلك كمان ساعه… عمرو الصاوي }
_ كلمت وعد نفسها وقالت : خير ودة عاوز اي دة كمان هروح اشوف عاوز اي .
☆ ————– بقلم الكاتبة/ آية إنسان —————☆
_ رجعت هاجر الفندق وطلعت تاخد شاور وتنزل تشتري شويه حاجات وبالفعل شويه ونزلت تشتري شويه حاجات من المول ورجعت الفندق وطلبت من البنت تطلع الحاجات اوضتها وقعدت تتغدي وهي بتاكل سمعت شخص بيقولها :  وحشتيني.
_ بصت هاجر لمصدر الصوت وكان اياد .
_ بصت ليه هاجر وقامت خرجت من الجنينه اللي تبع الفندق فخرج وراها إياد في نفس التوقيت اللي كان جاي فيه آسر لهاجر فشافها في الجنينه وكان هيروح ولكن شاف شاب واقف وماسك ايديها .
_اياد :  هاجر لو سمحت اسمعيني .
_هاجر :  اياد لو سمحت انت عاوز اي ابعد عني .
_ هاجر بلاش تكوني قاسيه اوي كده عليا انا بتمني ليكي الرضا ترضي .
_ رضاك دة مش هاممني انت ورايا في كل مكان ليه ابعد عني ولاخر مره هقولك ابعد عني يا اياد .
_ ليه مش شايفه الحب الكبير اللي موجود في قلبي ليكي .
_ وانا مش بحبك يا اخي هو بالعافيه .
_ هاجر القدر دايماً بيجمعنا سوى انتي ليه مش عاوزه تفهمي كده انا مستعد اعمل اي حاجه علشانك لو طلبتي روحي مش هتأخر عنك .
_ واضح انك مش بتفهم كويس روح ابعد عني يا اياد اقولك انا همشي من وشك ولفت شافت أسر واقف وواضح أنه سمع كل حاجه .
_ هاجر : أسر انت هنا من أمتي .
☆ ————- بقلم الكاتبة/ آية إنسان —————☆
_ صحيت ميرا من النوم مصدعه جدا ودايخه وحاسه أن جسمها كله مدغدغ ولكن مره واحده قامت بصت على نفسها وفضلت تصرخ ….. .
يتبع ……
لقراءة الفصل الثانى عشر : اضغط هنا
لقراءة باقى فصول الرواية : اضغط هنا

اترك رد