Uncategorized

رواية العشق لا يعرف وطن الفصل الثانى عشر 12 بقلم أية إنسان

 رواية العشق لا يعرف وطن الفصل الثانى عشر 12 بقلم أية إنسان
رواية العشق لا يعرف وطن الفصل الثانى عشر 12 بقلم أية إنسان

رواية العشق لا يعرف وطن الفصل الثانى عشر 12 بقلم أية إنسان

_مصطفى :  تؤ تؤ تؤ بتصرخي ليه يا ميرا .
_ميرا :  اه يا حيوان انت عملت اي .
_ عملت كل خير يا حبيبتي .
_ اه يا حيوان انا هقتلك .
_ تؤ تؤ عيب يا ميرا ثم هو أنا ضربتك على ايدك مش انتي اللي جيتي بمزاجك هنا ولا اي .
_ انت اكيد بتكذب انا لا يمكن اعمل كده ومسكت دماغها بوجع وقالت :  انا مش فاكره اي حاجه .
_ قرب منها بخبث وقال : ميرا يا حبيبتي انا كنت طالع اوضتي انام لقيتك على السرير بتاعي حاولت كتير افوقك بس انتي كنتي شاربه خالص وانا علشان محترم وابن ناس مش حيوان نمت علي الكنبه وسبتلك السرير .
_ بصت ميرا ليه بشك وقالت : يعني انت كنت نايم على الكنبه طول الليل .
_ هههههه انتي مخك خدك فين انا مش ضعيف لو عاوز اخد حاجه هخدها وانتي في وعيك بصي على السرير وعلي نفسك انتي بهدومك زي ما انتي .
_ انا مش فاهمه حاجه ودماغي وجعاني اوي .
_ خدي دة برشام للصداع حلو اوي وهطلب ليكي قهوة علشان الصداع دة .
_ انا مش عارفه دة حصل ازاي بس شكرا يا مصطفي .
_ على أي أنا هسيبك علشان تخدي راحتك بعد اذنك .
_ خدت ميرا البرشامه وقامت دخلت الحمام وخرج مصطفي وكان فادي في وشه .
_ فادى : عملت اي يا معلم .
_ وانت مالك مش انت خدت فلوسك مش عاوز رغي كتير بقى .
_ بقى كده ماشي يا مصطفي .
☆ ————— بقلم الكاتبة/ آية إنسان ————– ☆
_عند هاجر اللى بتقول :  أسر انت مش بترد عليا ليه .
_ آسر : واضح أن الصنف دة كله كده صنفكم زباله .
_ أسر انت بتقول اي انت مش فاهم حاجه .
_ ولا عاوز افهم بعد اذنك .
_ وخرجت هاجر من الفندق كله وقعدت في الشارع وجواها الف صراع ووجع وقالت :  يفهم اللي يفهمه انا مش مضطره اشرح لاي حد اي حاجه وقامت دخلت الفندق وطلعت اوضتها ونامت .
♤ ————– بقلم الكاتبة/ آية إنسان —————-♤
_ دخلت وعد المطعم اللي عمرو بعت عنوانه وقالت : صباح الخير .
_عمرو :  صباح النور .
_ خير حضرتك كنت عاوزني في اي .
_ تشربي اي .
_ مش عاوزه .
_ طيب انا كنت عاوز انقل الصفقه لشركه العامري .
_ اشمعنا بقى مش دي الصفقه اللي كنت عاوز تاخدها دلوقتي مش عاوزها ليه .
_ بصراحه كده انا كنت عاوز أثبت أن مفيش حاجه تقف قدام عمرو الصاوي وبعد ما اخدت الصفقه مش عاوز اكملها .
_ مش شايف انك مغرور وشايف نفسك يا مستر عمرو .
_ عارف مش اول حد يقول كده .
_ طيب يا مستر عمرو وانا مش تهمني الصفقه دي خلاص .
_ ليه مش انتي كان نفسك تكسبيها علشان تثبتي نفسك في مجال اداره الاعمال والتجاره الحره ولا اي .
_ اكيد كنت عاوزه اعمل كده بس انا لما احب اخد صفقه هخدها بمجهودي وتعبى مش تعب ومجهود حد تاني .
_ كلامك حلو بس دة مش هيرفعك في السوق .
_ ومش عاوزه اسمي يترفع بفضل حد غيري انا مش ضعيفه علشان تبعتلي الصفقه دي صدقه خليها لنفسك يمكن تنفعك بعد إذنك وخرجت .
_ كور عمرو أيده بغضب من كلامها وقال : حلو بكره تركعي تحت رجلي علشان تلاقي تاكلي يا وعد .
◇ ————– بقلم الكاتبة/ آية إنسان —————-◇
_ خرجت ميرا من اوضه مصطفي ودخلت الاوضه بتاعتها وقررت ترجع القاهره .
_صاحبة : ميرا راحه فين .
_ هرجع القاهره . 
_ طيب احنا كده كده راجعين بالليل خليكي ونرجع سوى .
_ لا معلش انا عاوزه ارجع دلوقتي ولفت علشان تمشي بس كانت هتقع فلحقها مصطفي ومسكها من وسطها قبل ما تقع على الأرض وقال :  خلي بالك .
_ انا دوخت شويه بس .
_ ولا يهمك استني هغير وهنزل اسافر معاكي انتي كده مش هينفع تسافري لوحدك .
_ لا لا مفيش داعي .
_ لا في داعي استني في العربيه وانا عشر دقائق وهجيلك وبالفعل طلع لبس ونزل نده على فادى : فادي يا فادي .
_فادى :  خير يا مصطفي .
_ دة مفتاح العربيه بتاعتي ارجع بيها وخلي يوسف يرجع بالعربيه بتاعتك .
_ وانت هترجع ازاي .
_ هرجع مع ميرا .
_ ميرا قولتي ماشي يا مصطفي .
_ نزل مصطفي وكانت ميرا قاعده في العربيه فقال :  انزلي يا ميرا هسوق انا .
_ لا هسوق انا .
_ شالها مصطفي ونزلها وركبها جنبه .
_ ميرا : مصطفي انت بتعمل اي .
_ مانا عمال اقولك انزلي مفيش سمعان كلام .
_ بس دة ….
_ شششششش نامي يا ميرا الطريق طويل استريحي .
_ وبالفعل نامت ميرا بسرعه .
♧ ————– بقلم الكاتبة/ آية إنسان ————–♧
_ صحيت هاجر الصبح وخدت نفسها وطلعت على المطار وبعد كام ساعه وصلت الفيلا .
_ هاجر : داده ندي .
_دادة ندى :  اهلا اهلا يا حبيبتي وحشتيني اوي كل دي غيبه .
_ دول هما اسبوع يا داده بس قوليلي في حد هنا .
_ لا كله مش هنا وعد وعاصم بيه في الشركه وميرا مسافره ورانيا هانم في النادي .
_ احسن بردو انا هطلع استريح شويه وهنزل الشغل .
_ هو انتي لحقتي يا بنتي استريحي النهارده .
_ معلش يا داده عندي شغل كتير .
_ اللي يريحك يا بنتي .
♡ ————- بقلم الكاتبة/ آية إنسان —————-♡
 في فيلا مختار : 
_فريدة مرات اياد :  اونكل ماهر هو اياد هيرجع امتي من المانيا .
_ماهر ابو اياد :  يومين ولا حاجه يا فريده خير كنتي عاوزه منه حاجه .
_ لا أبداً انا بس كنت عاوزه اسافر مع صحابي يومين .
_ ردت  سلوي ام اياد وقالت :  بس يا بنتي انتي لسه راجعه من السفر من اسبوعين .
_ واي يعني يا طنط اياد على طول في شغله أو مسافر وعايش حياته عادي .
_ يا بنتي ابنك محتاج لام مش لمربيه تربيه .
_ وانا مش هتحمل طفل زي دة ثم هو كل حاجه متوفره ليه هنا .
_ ماهر : خلاص يا سلوي وانتى لما يرجع جوزك عرفيه يا فريده بعد اذنكم .
☆ ————- بقلم الكاتبة/ آية إنسان —————-☆
_ دخلت هاجر الجريده وخبطت على مكتب اسماء  وقالت : ممكن ادخل يا استاذه .
_ اسماء : هاجر يا جزمه وحشتني اوي وقامت حضنتها .
_ هههههههه بغض النظر انك شتمتي بس هعديها بمزاجي .
_ يختي اتنيلي .
_ عيب يا اسماء احترمي فرق السن بينا يا بنتي .
_ يادي النيله مكنوش ٣ سنين اللي هتقرفينا بيهم دول .
_ طيب انا كنت جايبه ليكي هديه و علشان طول لسانك دى مفيش حاجه.
_ انا طول عمري اقول اللي اكبر منك بيوم يعرف عنك بسنه ولازم نحترم الاكبر مننا فين الهديه بقى .
_ ماديه حقيره بس زي بعضه اتفضلي .
_ واااااو دة لاب جديد .
_ اي خدمه تصنيع ألماني يعني هيستحمل معاكي .
_ قامت أسماء وحضنت هاجر وقالت : انتي جدعه اوي يا بت .
_ طب ما انا عارفه .
_ طيب بالمناسبه دي تعالي اعزمك على الغدا .
_ طب والشغل .
_ هي الدنيا طارت يلا على الاكل .
_ على رأيك يلا بينا يا اوختشي .
☆ ————— بقلم الكاتبة/ آية إنسان —————☆
_ مصطفى : ميرا يا ميرا .
_ فتحت ميرا عيونها وقالت :  نعم .
_ احنا وصلنا يا حبيبتي يلا انزلي .
_ هو أنا فضلت نائمه طول الطريق .
_ اه كسليه .
_ معلش تعبتك معايا .
_ مفيش تعب ولا حاجه هكلمك اطمن عليكي بعدين يلا علشان ترتاحي .
_ تمام شكرا يا مصطفي .
_ العفو يا حبيبتي .
_ بصتله ميرا شويه وبعدين نزلت وهو مشي .
☆ ————– بقلم الكاتبة/ آية إنسان —————-☆
_ دخلت وعد الشركه وكان الكل مبسوط وسعيد وعمال يبارك ليها وهي مش فاهمه ليه .
_ دخلت وعد المكتب بتاع ابوها وقالت :  هو في اي يا عاصم بيه .
_ مش هتصدقي شركه الصاوي النهارده بعتت واحد من عندهم وادانا الصفقه .
_ واي السبب .
_ قال أنه مش عاوزها وأنه هيسافر ومش هيقدر يحقق الشروط .
_ يا سلام وكان فين من الاول ولا هو افتكر أنه هيسافر دلوقتي .
_ مش مهم مادام دة في مصلحتنا المهم دلوقتي مبروك عليكي انضمامك لمجلس الاداره .
_ لا معلش انا هنضم لما اقدر اخد الصفقه بنفسي مش تنازل من حد .
_ بس يا بنتي انتي اللي قدمتى العرض وبذلتي جهد كبير .
_ معلش خليني علي راحتي .
_ براحتك يا وعد .
_ بعد اذنك .
☆ ————— بقلم الكاتبة/ آية إنسان ————– ☆
في شركه الصاوي: 
_ دخل فوزي بكل غضب وقال : ممكن اعرف حضرتك اتنازلت عن الصفقه لشركه العامري ليه .
_عمرو :  وانت مالك .
_ دي خساره كبيره للشركه .
_ وانت مالك بردو شركتنا ولا شركتك .
_ بس يا عمرو بيه كده غلط .
_ الغلط هو انك تلعب من ورايا وتتفق مع مدير المندوب الروسي وترشيه علشان يقنع مستر مارك أنه يختار العرض بتاعي مع أن العرض بتاعي كان قوي وهيتقبل بدون منافس .
_ حضرتك بتقول اي محصلش الكلام دة .
_ خبط عمرو على المكتب وقال: انا سمعتك وانت بتتفق معاه وانا حذرتك قبل كده ان شغل تحت التربيزه دة مش شغلي بس انت مسمعتش الكلام ودلوقتي تصفي حسابك وتطلع بره .
_ انت بتطردني يا عمرو .
_ بيه عمرو بيه يا فوزي متنساش نفسك .
_ هتندم اوي صدقني .
_ انا مش هندم متقلقش بره .
يتبع ……
لقراءة الفصل الثالث عشر : اضغط هنا
لقراءة باقى فصول الرواية : اضغط هنا

اترك رد