رواية أسيرة ملك المافيا الفصل الثاني 2 بقلم آلاء فرج

في مكان تاني

في المطعم

فضلت ساره ترن علي جميله وهي قلقانه عشان تليفونها مقفول والوقت متأخر

شادي *صاحب المطعم *:  انتِ يا زفته يا ساره ماسكه التليفون ليه وسايبه شغلك

ضغطت ساره علي أسنانها بغيظ واتكلمت بهدوء : الساعه ١٢ وانا لازم اروح خلصت شغلي كله وما فيش حد في المطعم غيرنا سلام 

ابتسم شادي بخبث ومسكها من ايدها :استنى بس

بعدت ساره عنه بخوف : استاذ شادي ابعد عني من فضلك

قرب شادي تاني وهو بيبتسم بخبث

مسكت ساره بسرعه كوبايه مياه اللي على الترابيزه وكسرتها على دماغه…. صرخ شادي بوجع وهو حاطط إيده علي دماغه… وفتحت ساره باب المطعم وهي ماسكه شنطتها وطلعت تجري وشادي طلع يجري وراها

شادي بزعيق : مش هسيبك اه يا بنت****

ساره فضلت تجري وهي بتعيط وهتموت من الخوف ودخلت حاره صغيره واستخبت في مدخل بيت صغيره

فضلت مستنيه في المدخل ١٠ دقايق وهي بترتعش من الخوف وحاطه ايدها على بوقها مانعه صوت عياطها

خرجت من المدخل وهي بتبص يمين وشمال لقيت الحاره فاضيه تماماً وما فيش فيها حد والكل نايم والمطره بتمطر

حطيت ايدها علي كتفها وفضلت تنفخ في ايدها وهي بترتعش والمطره عماله تمطر وهي هتموت من البرد

فضلت مستنيه المطره توقف شويه وبعدين اتحركت وهي بتبص حواليها بخوف وبتدعي ربنا انها توصل بيتها بالسلامة…. .. وبعدين لقيت حد من وراها بيحط منديل على عينها وراح اغم عليها

يا ترى ده شادي ولا حد تاني؟!!!

*****بقلمي ألاء فرج

في المخزن 

قام ضرغام من على الكرسي وقرب ناحيه جميله واتكلم في ودنها :أنا رئيس ماف*يا

رئيس كبير كمان ومحتاج بنات معايا في العمليه الجايه وشوفتك  وأنا ماشي بالعربيه صدفه والعمليه قريب

صرخت جميله : لأ طبعاً مش موافقه انتَ اهبل ولا عبيط؟!! خرجني من هنا فوراً

رزع ضرغام إيده على المكتب بغضب : وطي وصوتك واحترمي نفسك… أنا ممكن استخدم معاكي اسوء اسلوب ولكن أنا ساكت.. … وأنا بأمرك وده اخر كلام والعمليه كمان كام يوم ولازم يكون معانا بنتين عشان تتم…. 

فتح ضرغام الباب ولسه هيخرج وبعدين رجع تاني وقال بخبث : واه نسيت أن كتب كتابك كمان ساعه عبقال ما المأذون يجي سلام يا بطتي 

خرج ضرغام ورزع الباب وراه وقفله بالمفتاح 

فضلت تتحرك ساره يمين وشمال وهي قاعده على الكرسي وعايزه تفك الحبل ولكنها مش عارفه لدرجه ان ايدها نزلت د*م من كتر شد الحبل على ايدها ومحاولتها الفاشله في انها تفكه 

بصيت جمبها لقيت ترابيزه صغيره عليها كوبايه مياه وقعت من علي الكرسي وهي لسه مربوطه 

وفضلت تزحف على الأرض 

َو تخبط برجليها الاتنين المربوطين بالحبل في الترابيزه عشان الكوبايه تقع من على الترابيزه….. وفعلا الكوبايه وقعت على رجليها…. عيطت بوجع لما شافت الد*م خارج من رجليها…. مسكت بسرعه حته ازاز من الكوبايه  بطرف صوبعها وفضلت تحاول تفك الحبل وأخيراً حبل ايدها اتفك…. أبتسمت بسعاده وفكت الحبل اللي على رجليها بسرعه وقامت وجابت ملايه السرير وربطت بيها رجليها عشان توقف الجرح وبصيت لقيت شباك فتحته بسرعه وبصيت يمين وشمال لقيت الجنينه حاولت تنط وزنقت نفسها بالعافيه وأخيراً نطت حمدت ربنا ومسحت دموعها وبصيت يمين وشمال مالقيتش حد واقف وفضلت تجري عشان تخرج من البوابه الخلفيه ونجحت في انها تنط 

اول لما نطت لقيت رجليها انجرحت تاني وفضلت تنزل د*م قامت من على الأرض ونفضت هدومها ولسه هتمشي 

لقيت ضرغام قدامها ويبتسم بشر : على فين يا بطتي؟!!