Uncategorized
رواية شقيقتي للبيع الفصل السابع 7 بقلم محمد مالك
رواية شقيقتي للبيع الفصل السابع 7 بقلم محمد مالك
 |
| رواية شقيقتي للبيع الفصل السابع 7 بقلم محمد مالك |
رواية شقيقتي للبيع الفصل السابع 7 بقلم محمد مالك
دادا حسنية بدهشة .. ست سمية ؟!
سمية .. ايوه انا سمية يا دادا مرات عماد اخو رؤوف .. ايه مش عارفاني ولا ايه ؟!
حسنية .. لا عارفاكي طبعا يا ست سمية
سمية .. ليكي حق تتلخبطي انا عازراكي والله .. ما انا اصل فيا شبه من حنان
حسنية .. الا فيكي شبه منها .. دا انتي الخالق الناطق هي .. فوله واتقسمت نصين !!
سمية.. هههههه .. مع اني مش اختها ولا حتي اقربلها بس سبحان الله يخلق من الشبة اربعين
حسنية .. فعلا .. سبحان الله
رؤوف .. بطلي رغي بقي يا دادا وروحي حضري اوضة للست هانم .. عشان هتقعد عندنا كام يوم كده
حسنية .. تأنس وتشرف والله
سمية .. مرسي جداا يا دادا ربنا يكرمك
رؤوف .. اسيبك انا بقي عشان ارجع الشركة عندي شغل كتير .. البيت بيتك انتي عارفة .. وحنان زمانها ع وصول مش هتتأخر
سمية .. اوك .. اتفضل انت يا رؤوف شوف شغلك
ونذهب الي اميرة طليقة رؤوف والتي ذهبت في زيارة مفاجئة الي شقة ناهد ..
ناهد مندهشة بشدة .. انتي بتقولي ايه يا ست انتي ؟! انتي اكيد بتهزري ولا فاكراني هبلة جاية توكليني الاونطا ؟! فوقي يا قطة انا ناهد ابلعك صاحية كلك كده علي بعضك واشرب عليكي كيس فوار عشان اهضمك !!
اميرة .. ياااي .. بلدي اوي ؟! ع العموم ليكي حق متصدقيش بس وحياتك عندي دي الحقيقة
ناهد .. حقيقة ايه يا ست انتي ؟! ايه الكلام العبيط ده اللي انتي جاية تقولهولي ؟! يعني ايه رؤوف مبيخلفش ؟! اومال الواد والبت اللي معاه دول يبقوا ايه ان شاء الله؟!
اميرة .. ميبقوش ولاده
ناهد .. اومال ولاد مين بقي ؟!
اميرة .. اسألي اختك وهي تقولك
ناهد .. مش معقول الكلام ده !! وانتي عرفتي منين بقي انه مبيخلفش ؟!
اميره .. لأنه اتجوزني ٣ سنين وللأسف محصلش حمل
ناهد .. عادي .. بتحصل كتير وده مش دليل قاطع ان عنده مشكلة في الخلفة وبعدين ما ممكن يكون السبب منك انتي ؟!
اميرة .. لا مش مني انا وبدليل اني اول ما اطلقت منه واتجوزت تاني حملت من اول شهر وعندي دلوقتي اصاله سنه ونص .. دي صورتها
اميرة تخرج صورة ل اصالة من شنطتها وناهد تنظر اليها
ناهد .. بردوا مش دليل ان رؤوف مبيخلفش !!
اميرة .. وحتي لو قولتلك اني اعرف ابو الولاد الحقيقي ومعرفة شخصية كمان !!
ناهد .. ايه ؟!
رد فعل علي وجه ناهد
ونذهب الي حنان حيث عادت من عند الكوافير وقابلت سمية
حنان فرحة جداا .. انتي متعرفيش انا مبسوطة ازاي اني شفتك انهارده يا سمية
سمية .. وانا كمان مبسوطة اوي يا حنان اني شفتك .. ياااه بقالنا ٣ سنين متقابلناش من ساعة فرح نبيل اخو رؤوف وعماد
حنان .. فعلا .. دي كانت اخر مرة اتقابلنا فيها وبعدها انتي منزلتيش تاني مصر وحرمتيني منك يا ندله !!
سمية .. انتي عارفة ان رؤوف صفي كل شغله هنا واستقر خلاص في امريكا وبعدين انا ماليش حد هنا غير بنت اخت وحيدة واهه هتتجوز خلاص
حنان .. اغص عليكي بقي مالكيش حد هنا .. طب وانا ؟!
سمية .. انتي اكتر من اخت يا حبيبتي وانتي عارفة معزتك عندي شكلها ايه
حنان .. عارفة طبعا
سمية .. وبعدين ما احنا بنتكلم كل تقريبا يوم فيديو كول طول الفترة اللي فاتت .. يعني المفروض تكوني زهقتي مني
حنان .. انا عمري ما ازهق منك ابداا .. انتي اكتر من اخت بالنسبة لي
سمية .. ربنا يخليكي ليا يا حبيبتي وبمناسبة اخت بقي ايه اخبار اختك ناهد؟
حنان .. ربنا يهديها علي نفسها
سمية .. لسه قلبها وحش من ناحيتك ؟!
حنان .. للأسف .. مش عارفة ليه كمية الكره دي من ناحيتي مع اني بحبها جداا وبتمنالها كل الخير
سمية .. بعيد عنك .. في قلوب بتبقي سودا بطبعها ومليانه غل وبتكره الخير للناس حتي لو كان اقرب الناس ليها
حنان .. ربنا يهديها ويصلح حالها يارب .. انا خايفة عليها اوي من نفسها يا سمية
سمية .. ولا تزر وازرة وزر اخري .. اللي هتزرعه اكيد هتحصده .. والسحر لازم يتقلب ع الساحر .. ربنا يكفيكي شرها بجد
رد فعل علي وجه حنان
ونذهب الي ناهد حيث تجلس في الصالة تفكر في كلام اميرة وتحادث نفسها قائلة ..
معقول اللي بتقوله الست دي اللي اسمها اميرة ؟! يخرب بيتك يا حنان وعاملالي فيها رابعة العدوية !! انا مش قادرة اصدق بقي ولادك يا حنان يطلعوا مش ولاد رؤوف ؟! دي مصيبة .. لا والمصيبة الاكبر بقي انهم يطلعوا ولاد ….. !! لا يخرب بيتك بجد .. ده رؤوف لو عرف هايشرب من دمك ودمه هو كمان .. والله وجاتلك الفرصة لحد عندك يا بت ناهد .. انا دلوقتي في ايدي ان اخلي فضيحتك بجلاجل وع الملأ واللي ما يشتري يتفرج عليكي .. بس انا مش هاقول لرؤوف دلوقتي .. انا هاخلي الكارت ده اخر حاجة .. يمكن نجم ينجح في مهمته ويريحني منك انتي وولادك
وفجأة يطرق الباب وتذهب ناهد لتفتح فتجد حميد الميكانيكي
ناهد .. حميد !!
حميد .. ايه مالك شفتي بعبع ولا ايه ؟!
ناهد .. بصراحة .. اه
حميد .. لا .. الف سلامه عليكي من الخضة ياختي .. ايه في حد عندك جوة ولا ايه ؟!
ناهد .. حد مين ؟! قصدك ايه يا جدع انت ؟!
حميد يدخل الي الشقة وينظر في كل مكان
حميد .. حد كده ولا كده .. ما انتي خلاص بقيتي فاتحاها ع البحري ورجالة اشكال والوان طالعة وداخلة !!
ناهد .. اخرص .. قطع لسانك .. انا اشرف من امك
حميد .. هههههه.. تبقي شمال .. لأن انا امي مكنتش شريفة .. كانت شمال يا ناهد .. زيك كده !!
ناهد .. عايز ايه يا حميد .. ايه اللي جابك الساعة دي ؟!!
حميد .. جابني الشوق يا قمر .. بقولك ايه ما تيجي اكتب عليكي وسيبك بقي من السكة اللي انتي ماشية فيها دي .. واهو بالمرة تتوبي علي ايدي واكسب فيكي ثواب
ناهد .. اتلم يا جدع انت واحترم نفسك لأحسن وديني بالشبشب وعلي دماغك
حميد يمسكها من ذراعها بقوة.. لا الشبشب ده يا روح امك تضربي بيه الرجالة اللي كل يوم داخلة طالعة من عندك .. اه .. وانا عارف وانتي عارفة كويس اوي .. الرجالة دي بتيجي هنا عشان ايه !!
ناهد .. طب سيب ايدي يا حميد
حميد .. حاضر يا حبي .. ايه مقولتيش يعني تشرب ايه ؟!
ناهد .. عايز تطفح ايه عشان بعدها تمشي تغور من هنا
حميد.. الله يسامحك .. مش هرد عليكي .. اشرب شاي .. فتله .. شاي فتله
ناهد .. فتله !! الله يرحم ابوك صبي الميكانيكي
وتذهب ناهد لعمل الشاي وعند عودتها تشاهد حميد يشاهد فيلم ع المحمول ويبدوا انه فيلم اباحي ويقول
حميد .. لا جامدة يا بنت الايه !!
ناهد تقترب منه تدريجيا حتي تتضح الصورة ثم تقول
ناهد مندهشة ومصدومة.. يا ابن الكلب ؟!
ثم ترمي بصينية الشاي علي حميد فتحرقة
حميد يتألم .. اه يا بنت الكلب شويتيني !!
ونذهب الي قصر رؤوف الوقت متأخر جدااا والجميع نائم وسمية واولادها في غرفتها
سارة .. ماما انا جعانه اوي مش عارفة انام من الجوع
سمية .. ما انا قلتك يا حبيبتي كلي معانا وانتي رفضتي
سارة .. مكنش ليا نفس وقتها بس انا جعانه دلوقتي جداا
حازم .. وانا كمان جعان اوي يا ماما
سمية .. وانت كمان يا حازم ؟! بس انت اكلت معانا
حازم .. اه بس ما اكلتش كويس
سمية .. طب والعمل ايه دلوقتي ؟! كل اللي في القصر ناموا واكيد دادا حسنية كمان نامت
سارة .. احنا ممكن ننزل المطبخ واكيد هنلاقي حاجة ناكلها
سمية .. ننزل المطبخ مع نفسنا كده ؟!
حازم .. عادي .. هو احنا اغراب ؟! ده بيت عمو رؤوف .. يعني زي بيتنا بالظبط
سارة .. ايوة بالظبط كده .. ده يعتبر بيتنا يعني ندخل اي مكان فيه عادي جداا .. يلا بقي يا ماما عصافير بطني بتصوصو
سمية .. لا وعلي ايه نسكتها عشان متصحيش الناس اللي نايمة .. امري لله هنزل معاكم المطبخ ونشوف في ايه اكل ..
ونذهب الي نجم حيث وصل الي القصر داخل سيارة تابعة ل رؤوف
السائق .. يلا انزل .. هتدخل باب القصر وهتلف من ورا عشان تدخل من المطبخ
نجم .. عارف ودارس كل حاجة
السائق .. استني خد المسدس معاك
نجم .. لا مالوش لزوم
السائق .. اومال هتقتلها بإيه ؟!
نجم .. ب دي
( يخرج مطواه ) اصل عدم لا مؤاخذة بيني وبين المطاوي عشق لا ينتهي
السائق .. تمام .. خلي بالك مش عايز حد يحس بحاجة
نجم .. متقلقش .. انا ايدي في الدبح خفيفة جداا .. ولما مش مصدقني اسال المرحومة مراتي
السائق .. مرحومة واسألها !! ازاي ؟!
نجم .. بسيطة .. ابعتك ليها دلوقتي حالا وهناك تبقي تسألها ومتخفش هي مش هتخبي عليك هتقولك ان ايدي كانت حنينة اوي وانا ماشي بالسكينة علي رقبتها
السائق ينزعج ويبتلع ريقة .. لا يا عم شكرا انا مصدقك من غير ما اسألها .. روح بقي عشان تنجز قبل ما الفجر يطلع والمنطقة تصحي
نجم ..تمام .. دقايق وجايلك يا عسل
نجم يغادر السيارة ويتوجه متسللاً نحو القصر …
ويدخل نجم الي المطبخ فيفاجأ ب سمية واولادها
نجم متعجبا وفرحا في نفس الوقت .. الله .. الله .. الله .. هو الجميل هنا !! والولاد كمان !! دي الشغلانه باين عليها مسخاية ع الاخر
سمية خائفة .. انت مين ؟! ودخلت هنا ازاي ؟!
نجم .. انا نجم يا حنان ؟! ايه مش عارفاني ؟!
سمية .. نجم مين ؟! انا معرفكش .. وبعدين انا مش حنان
نجم .. اه يا لئيمة بتنكري نفسك مني .. بس علي مين دا انا بقالي ليلتين قاعد بتأمل في صورتك وتقاطيع وشك الجميلة ولا رقبتك المسمسمة دي اللي هتجري عليها مطوتي جري .. تعالي يا قمر بسم الله .. الله اكبر
الاولاد يصرخون من الخوف
وفجأة تستيقظ حنان من النوم علي صوت الصراخ ..
حنان .. يا ساتر يارب .. فيه ايه بيحصل تحت مين اللي بيصرخ كده ؟! ولادي !!!
ثم تنهض مسرعة لتري ما حدث …….؟؟؟؟؟
رؤوف يدخل غرفة حنان ويبدوا انه غاضب بشدة يمسك في يده نتيجة تحليل DNA .. حنان تجلس ع السرير ..
حنان بسخرية .. اهلا .. انت شرفت ؟!
رؤوف .. اه يا خاينة يا حقيرة يا سافلة!!
حنان .. انت بتقول ايه ؟!
رؤوف .. ده انا هاقتلك انهارده واشرب من دمك النجس !!
حنان .. ايه اللي بتقوله ده ؟! انت شارب ولا ايه .؟! اصحي فوق وشوف بتكلم مين !!
رؤوف .. بكلم انسانه حقيرة وخاينة بكل معاني الكلمة
ثم يمسكها من ذراعيها ويكمل حديثة قائلا
رؤوف .. انطقي .. قوليلي .. خونتيني مع مين يا سافلة ؟!
حنان .. انت اتجننت ؟! ايه اللي انت بتقوله ده ؟!
رؤوف .. ما انا مش هاقتلك غير لما اعرف الاول مين ابو ولادك ؟! انطقي مين ابوهم يا فاجرة ؟!
حنان .. لا انت اتجننت فعلا !! انا خارجة
رؤوف .. انتي مش هتمشي من هنا ياروح امك غير علي نقالة ومش قبل ما اعرف مين ابو ولادك .. بقولك انطقي مين ابوهم ؟!
حنان ..سيب ايدي يا رؤوف انت بتوجعني !!
رؤوف .. مين ابوهم بقولك؟!!
حنان .. انت ابوهم طبعا .. في ايه فوق مالك ؟!
رؤوف .. ما انا فوقت خلاص للأسف !! وعرفت الحقيقة اللي مخبياها عني بقالها سنين
حنان .. حقيقة ايه ؟!
رؤوف .. اني مبخلفش !!
حنان .. ايه ؟!
رؤوف .. ايه مكنتيش تعرفي ؟! ولا مصدومة عشان عرفت الحقيقة يا خاينة ؟! انطقي يا حنان .. خونتيني مع مين ؟!
حنان .. انت مش طبيعي فعلا ؟! سيب ايدي خليني امشي
رؤوف .. يعني مش عاوزة تنطقي ؟! طيب انا هاخليكي تنطقي يا حنان
ثم يخرج ويُحضر الطفلين الصغيرين ويجذبهم بطريقة مهينة ومؤلمة لدرجة ان الاولاد يصرخون من الذعر ويستغيثون بأمهم
حنان .. انت مجنون ؟! سيب الولاد يا رؤوف
رؤوف يُخرج مسدسه ويصوبه نحو نور قائلا
رؤوف ..انطقي وقولي .. العيال دول ولاد مين يا اما هاقتلهم قدام عنيكي دلوقتي حالا
حنان .. انت ايه اللي بتعمله ده ؟! ازاي تعمل كده في ولادك ؟! ابعد المسدس ده عن البنت
رؤوف .. متقوليش ولادي يا فاجرة !! دول مش ولادي .. انا عملت تحليل والنتيجة قدامك اهه اقريها وشوفي دليل خيانتك
حنان تقرا التحليل في دهشة .. مش معقول ؟!
رؤوف .. مش معقول ؟! فعلا مش معقول .. اخر حاجة كنت اتوقعها انك تخونيني وان الولاد دول ميطلعوش في الاخر مني !! هتقولي مين ابوهم ولا اقتل البنت
حنان .. ابعد عن الولاد يا مجنون !!
رؤوف .. يعني لسه مصرة ؟! طيب وادي البنت اهه
رؤوف يطلق النار من المسدس وحنان تصرخ …….
ياتري ايه اللي حصل ل سمية وولادها ؟ وايه حكاية ولاد حنان اللي رؤوف مطلعش ابوهم ؟؟
جميله
ج