Uncategorized
رواية العشق لا يعرف وطن الفصل الثالث عشر 13 بقلم أية إنسان
رواية العشق لا يعرف وطن الفصل الثالث عشر 13 بقلم أية إنسان
 |
| رواية العشق لا يعرف وطن الفصل الثالث عشر 13 بقلم أية إنسان |
رواية العشق لا يعرف وطن الفصل الثالث عشر 13 بقلم أية إنسان
في فيلا العامري صباحاً على الفطار:
_ عاصم : انتي ازاي يا هانم تسافري من غير ما اعرف .
_ميرا : انا قولت لماما اني هسافر .
_ وانا لزمتي اي مش المفروض تعرفيني ولا هو انا مليش لازمه يا انسه أميره .
_ بابا انت مكبر الموضوع ليه ثم دة يوم يعني .
_ ولو حتي ساعه البنت المحترمه تستأذن قبل ما تروح اي مكان لان انا ابوكي .
_ وهل الكلام دة بتطبيقه عليا انا بس ولا دة علشان خاطر انا ميرا بس .
_ تقصدي اي بالكلام دة .
_ اقصد أن الانسه المحترمه وشتورت على هاجر وكملت كلام : بتخرج وبتسافر وبتقعد اسابيع بره ومع ذلك سايبها براحتها ولا هو علشان مفيش حد يقولها راحه فين وجايه منين .
_ اميررررة احترمي نفسك هاجر ملهاش دخل بالموضوع دة كله .
_ ردت رانيا وقالت : لا بقى كده كتير مهو انت يا تحكم على الكل يا بلاش مش هي دي القدوة اهي بنتك بتعمل زي هاجر فيها أي على الأقل انا مربيه بنتي وعارفه أخلاقها كويس الدور والباقي اللي مفيش حد عارف هي بتعمل اي .
_ لااااا دي كده الامور خرجت عن حدها على الاخر .
_ قالت وعد : خلاص يا جماعه حصل خير وبعدين بابا معاه حق لازم قبل ما تخرجي يا ميرا تستأذني بابا بيخاف عليكي مش اكتر ثم هاجر احنا كمان عارفين أخلاقها كويس .
_ ميرا : لو سمحت يا وعد متتدخليش في الكلام مفيش حد وجهه ليكي كلام .
_ ميرا احترمي نفسك ومتنسيش أن انا اختك الكبيرة .
_ في الوقت اللي الكل بيتخانق مع بعضه هاجر في صمت رهيب وقامت مشيت من غير كلام ومش سامعه عمها ولا وعد اللي بينادوا عليها .
☆ ————– بقلم الكاتبة/ آية إنسان —————-☆
في شقه أسر :
_ رن فون أسر فرد :
_ ………………………….
_آسر : اي أنا جاي بكره على اول طياره .
_ دخل ليل على صوت أسر وقال : في اي يا أسر .
_ بابا تعبان جدا وانا لازم انزل بكره على اول طياره .
_ الف سلامه عليه متقلقش اطمن هيكون كويس .
_ انا السبب اكيد انا اللي انشغلت عنه ومنزلتش اشوفه من ٨ شهور ونسيت اني ابنه الوحيد .
_ اهدي يا أسر هيكون كويس يا صاحبي .
_ لو حصل ليه حاجه مش هسامح نفسي أبداً.
_ انا متأكد أنه هيكون كويس وانت هتطمن عليه بكره متقلقش يا أسر وقعد جنبه يواسيه ويطمنه .
☆ ————— بقلم الكاتبة/ آية إنسان —————☆
_ عند هاجر اللي قافله الفون بتاعها ومفيش حد عارف يوصل ليها واقفه قدام قبر ابوها وامها وبتفتكر كل ذكرياتها مع ابوها وقد اي كانت زي الملكه المدلله وقالت : عارفين مش لاقيه كلام يتقال ولا عتاب ولا لوم ولا حتي غضب مش عارفه أنا هنا ليه بس احساس وحش اوي جوايا احساس بالعجز قاتلني بس ملوش لزوم الكلام وقرأت الفاتحه ليهم ومشيت .
☆ ————– بقلم الكاتبة/ آية إنسان —————-☆
عدي اليوم طويل جداً على الجميع ووصلت هاجر البيت بالليل جداً وكان الكل نام وطلعت اوضتها ونامت .
☆ ————— بقلم الكاتبة/ آية إنسان ————– ☆
_ في صباح يوم جديد لبس أسر ووصله ليل المطار وركب الطياره علشان ينزل مصر .
☆ ————– بقلم الكاتبة/ آية إنسان —————☆
في فيلا العامرى :
_ميرا : ندي يا نديييي .
_دادة ندى : ايوه ايوه يا ميرا .
_ اي اطرشتي بقالي ساعه بنادي عليكي .
_ ربنا يسامحك يا بنتي .
_ متقوليش يا بنتي هو انتي مبتفهميش .
_ عاصم : اميررررة احترمي نفسك شويه واعتذري لندى حالاً.
_ نعم انا مش هعتذر لحد انا .
_ندى : لالا حصل خير يا عاصم بيه مفيش مشكله .
_ حالاً يا اميره اعتذري .
_ ردت رانيا : انت عاوز بنتي انا تعتذر من الخدامه بتاعتها .
_عاصم : طبعاً مهي اكيد طالعه ليكي هتكون لمين يعني اعملي حاجه في حياتك صح وعيدي تربيه بنتك شويه .
_ انا بنتي متربيه احسن تربيه .
_ لا مهو واضح فعلا.
_ نزلت هاجر وقالت : صباح الخير ازيك يا داده .
_ الحمد لله يا بنتي .
_ معلش يا داده خلي حد يعملي قهوة لو مش هتعبك .
_ من عنيا يا حبيبتي .
_ رد عاصم وقال : شايفه الادب اتعلمي منها حاجه عدله .
_ ميرا : يووووو يادي هاجر هاجر هاجر عارف يا بابا انا مبكرهاش من فراغ كل شويه هاجر هاجر دي بقت حاجه تقرف وسابتهم وطلعت فوق .
_ قالت رانيا : يا رب تكوني اتبسطي يا ست هاجر .
_ استغربت هاجر هي عملت اي بس نزلت ولكن وقفت على صوت عمها : هاجر .
_ هاجر : نعم يا عمي .
_ هاجر انا .. ولكن قطعت كلامه وقالت : مفيش لزوم كل شويه يا عمي تعتذر على حاجه انت معملتهاش أصلاً .
_ مش لاقي كلام أقوله يا هاجر .
_ علشان مفيش اصلاً كلام يتقال يا عمي بعد إذنك انا أتاخرت .
☆ ————— بقلم الكاتبة/ آية إنسان —————☆
في فيلا مختار ابو اياد :
_ سلوى هانم انا كنت عاوزه اسافر لأهلي وهرجع بكره اطمن عليهم بس .
_ سلوى ام اياد : انتي عارفه يا سلمي انك اللي بتهتمي بكل امور عز وغيابك هيسبب مشكلة مين هياخد باله منه وخصوصاً أنه بيزحف وممكن حاجه تحصله .
_ هو يوم واحد بس امي تعبانه ولازم اطمن عليها لو سمحت مش هتأخر .
_ ماشي يا سلمى متتأخريش بكره تكوني هنا .
_ تحت امرك سلام .
☆ ————— بقلم الكاتبة/ آية إنسان —————☆
_ وصل أسر مصر وطلع على الفيلا يطمن على أبوه .
_ آسر : خير يا عم فؤاد بابا ماله .
_ ابوك صحته بقت في النازل من وقت ما سبت الفيلا يا أسر وتعب كتير بس مكنش عاوز يقولك لكن المره دي انا صمتت اعرفك يا ابني الدكتور بيقول لو زعل تاني او اتعرض لضغط ممكن لا قدر الله نخسره .
_ اتنهد أسر وقاله : أن شاء الله هيكون كويس وطلع اطمن على أبوه اللي نايم وخرج .
☆ ————– بقلم الكاتبة/ آية إنسان ————— ☆
_ دخلت هاجر الجريده علشان تسلم شغلها وخلصت وخرجت ولكن وقفها صوت اسماء وهي بتنادي .
_ هاجر : ازيك يا اسماء .
_ اسماء : ازيك اي بس انتي فين من امبارح الفون مقفول ليه انتي عارفه كلمتك كام مره وكلمت وعد قالتلي على اللي حصل .
_ طلعت هاجر الفون بتاعها وقالت : دة فاصل مخدتش بالي .
_ نعم يومين فاصل يا هاجر انتي بتستهبلي .
_ سكتت هاجر وقالت في نفسها : والله ولو فضل اسبوع مين هيقلق أو يطمن عليا يعني مش هتفرق كتير مفتوح من مقفول .
_ روحتي فين بكلمك يا هاجر .
_ معلش يا اسماء مخدتش بالي المهم طمنيني عامله اي في شغلك .
_ الحمد لله قدمت استقالتي .
_ اي ليه يا بنتي كده .
_ مش مرتاحه ومش لاقيه نفسي في الشغل ملل ملل وبنزل تحقيق اه وعشره لا .
_ تقومي تستقيلي .
_ مش انتي اللي دايما تقولي لو مش بتعملي الحاجه اللي بتحبيها يبقى هتفشلي فيها وانا فشلت في المجال دة لان مش بحبه .
_ مش هو دة المجال اللي كنتي هتموتي عليه .
_ كنت راسمة في خيالي حاجه وطلع حاجة تانية خالص .
_ طب وناوية على اي .
_ بفكر ابدأ في مجال الإذاعة والتليفزيون .
_ يا حلاوة .
_ بكلمك جد والله تعالي بس نروح نفطر وهحكيلك .
_ لا مليش مزاج اكل .
_ نعععععام قدامي انا جعانه ومستنياكي تيجي اخلصي .
_ يلا يا حجه قدامي .
_ ايوه كده يلا بينا .
☆ ————– بقلم الكاتبة/ آية إنسان —————-☆
في فيلا مختار :
_ عز ابن اياد في الاوضه بتاعته بيعيط وكانت فريدة نازله راحه النادي ولكن سمعت صوت عز بيعيط جامد فدخلت عنده وندهت على سلمي : يا سلمي سلمي .
_ طلعت ليها الخدامة صباح وقالت : سلمي استأذنت من سلوي هانم وسافرت لأهلها .
_ نعم يعني اي سافرت يعني اومال مين هيقعد بعز .
_ مش عارفه والله يا هانم .
_ حلو مش طنط سلوى هي اللي سمحت ليها تسافر خليها تقعد بيه هي بقى سلام .
_ بس يا فريده هانم سلوي هانم مش هنا .
_ شششششش انا أتاخرت سلام .
_ صباح : يا عيني عليك يا عز والله صعبان عليا فينك يا اياد بيه انت الوحيد اللي بتهتم بيه هنا وشالته صباح علشان يسكت .
☆ ———— بقلم الكاتبة/ آية إنسان —————☆
في فيلا آسر اكمل :
_ صحي اكمل ابو آسر من النوم وشاف أسر جنبه فابتسم وقال : أسر .
_ قرب منه أسر وقال : عامل اي يا بابا .
_ يااااا بقالى كتير مسمعتش منك الكلمه دي يا أسر .
_ حقك عليا يا بابا انا عارف اني قصرت في حقك اوي بس انا اسف .
_ تعالي هات حضن يا أسر حضنك وحشني يا واد ودخل أسر في حضن أبوه واتشعلق فيه كأنه بيعوض شهور الحرمان .
☆ ———— بقلم الكاتبة/ آية إنسان —————-☆
_ عدي الليل ورجعت فريده بتغني من النادي .
_سلوى ام اياد : والله عال كل دة في النادي الساعه ١٠ يا فريده وابنك مش عاوز يسكت حرام عليكي .
_ والله حضرتك اللي اديتي سلمي اجازه مش انا .
_ يا بنتي هو دة مش ابنك مش صعبان عليكي قلبك مش واجعك عليه كده .
_ يوووو بقى انا زهقت من الكلام في الموضوع دة .
_ يا بنتي حرام عليكي انا مش حمل اراعي عيل انا رجلي شيلاني بالعافيه وادتها ابنها وطلعت فوق .
_ فضلت فريده واقفه في الجنينه وعماله تزعق في عز وتقول : اسكت بقى شويه اي مش تعبان من الزن اي القرف دة وفضلت شيلاه شويه وبعدين فونها رن فسابت عز على الكرسي وقامت ترد على الفون .
_ الو ايوه يا جيسي .
_ ………….
_ لحظه علشان مش سامعه وقامت تتكلم بعيد شويه وفضلت تتكلم كتير كتير وهي مش حاسه أن ابنها صوته اختفي وبطل يعيط وبعد ساعه من الكلام في الموبايل كان اياد داخل الفيلا ولكن شاف اللي مكنش متوقعه ولا متخيله .