رواية عاصفة القدر الفصل العشرون والأخير 20 بقلم إيمان المهدي

أحمد.  يابابا أنا ومروة ملناش ذنب ف كل دا ومش هستسلم ولا هبقى ضعيف زي نور 

فايد. ف نفسه كفايه ان نور ومراد بيدفعوا التمن مش هخلى أحمد كمان يعيش ال اخته عايشاه.  ماشى يا أحمد بس سيبنى الأول اتكلم مع محمود البحيرى قبل ما اتقدم لأى خطوة 

أحمد. براحتك يابابا بس أنا مش هسيب مروة أي كان التمن.

ف فيلا البحيرى 

محمود. خير يافايد بيه 

فايد. أنا ضيف عندك اقله تقابلنى أحسن من كدا

محمود بإحراج. قول ال عندك يافايد 

فايد. دا الوقت ال لازم تفهم فيه أنا ليه خليت تاخد مراد تربيه وليه بعدته كل السنين دى 

من 30 سنه كنت شاب مستهتر. عايش حياتى بالطول والعرض كانت مشاكلى كتير. وغلطاتى اكتر وسليم كان  دايما بيحل ورايا عمل كل ال يقدر عليه عشان اكون شخص سوى جوزنى سميرة وسفرنى برا مصر. عشان امسك فرع الشركة هناك. وابعد عن الشله ال كنت مصاحبها. بس للأسف متعلمتش ربنا رزقنى بطفل واتنين ولسه زي ما أنا عايش حياتى زي ما بحب لحد ما فيوم اتعرفت على شاب مصرى اسمه يسرى وياريتنى ما عرفته. كان صديق سوء  وكان بحللى كل غلط كنا متواجدين ف بار وف اليوم دا اتعرفت على بنت وجه شاب ياخدها منى محستش بنفسى غير وانا بضرب فيه وهو كمان. وقتها ضربته ف قلبه بإزازة مكسروة. ومن حظى ان طلع ابن أكبر رئيس مافيا هناك استنجدت بيسرى يحمينى لان الشاب كان معرفته يسري دفع فلوس  واخد الكاميرات بتاعة المكان ال صورة مل حاجة وصورت وشى كويس. والحكايه ادفنت ومتعرفيش مين القاتل لان محدش كان يعرفنى غير يسرى.  وبقت رقبتى تحت سكينه يسرى بيهددنى بالفيديوهات. انها توصل المافيا وبكدا هكون أصبحت أنا وعيلتى  تحت رحمه يسرى كنت مجبر انفذ كله ال يطلبه. أول مهمه ان أنزل مصر واهرب كميه كبيرة من الهيروين. ف لبس اولادى.  نفذت عشان اساعد نفسى ومخيرش عيلتى.  

بس مع الوقت مقدرتش أكمل. حكيت لسليم كل حاجة 

مكنش قدامه غير ان يمسك على يسرى كل معاملاته المشلوهه من تهريب آثار ومخدرات اخد وقت على مسك عليه كل الأدله ال تلف حواليه حبل المشنقه هددته سليم بالملفات دى وطبعا هو مأنكرش وابعد عنى تماما. بس سليم ضميرة مكنش مطاوعه ان يسيب واحد زي يسرى عليش يدمر الكل.  وقرر يكشفه ويسلم الملف لأمن الدوله

يسرى مكنش سهل والناس ال مشغلها ف الشركة تراقب سليم بلغوه ان سليم كان على اتصال بظابط من امن الدوله.  واتحكم على سليم بالموت لان يسرى بلغ المافيا ان عرف مين الشاب المصرى ال قتل ابنه وقال اسم سليم. لانه ال يهمه هو موت سليم  وأمرت المافيا بقتل سليم. 

محمود. كان مصدوم من كل ال بيسمعه  ….  طيب ومراد ذنبه ايه ف كل دا. 

فايد. اليوم ال يسرى جاله امر بقتل سليم. قطع الطريق على وطلب منه ان يسلمه الملف مقابل ان ميقتلوش

بس سليم رفض. نهائى. وحصلت مشاهدة بينهم قدام مريم مراته وابنه مراد. ال سمعوا كل حاجة.  فكان لازم يموتوا عشان ميبقاش عليه دليل. 

كلمنى سليم وقالى ان رايح على الشركة يجيب الملف ومن هناك هيطلع على المديرة. وكان كل همه ان الحقه واحد منه مريم ومراد عشان ممكن ينفذوا اغتياله ف اى وقت  

ولما وصلت كان حصل ال شوفته. 

محمود. بس أنت كنت عايز تقتل مراد. وبالفعل ضربت نار عليه بس صوبت غلط 

فايد. بينى وبينه أقل من ربع متر وهصوب غلط ازاى. للأسف لو كنت اتأكدت كنت عرفت ان يسرى معايا على الفون بيبلغنى ان خلص على أخويا وسمعك لما قلت ان مراد عايش هددنى يااقتله يا يقتل كل عيلتى كان لازم اصدر صوت طلق نارى واوهمه ان قتلته بس أكيد لو كان مراد فضل معايا كان يسرى هيعرف. خليتك تاخده واوهمتك ان هقتله. وانا كنت عايزة احميه

وأكمل فايد ببكاء . هو ملوش ذنب ولا ابوه كان ليه ذنب. تهورى هو ال عمل كل دا خوف سليم الزيادة عليه كان محسسنى بالأمان كنت بعمل كل ال نفسى فيه وانا مش خايف عارف ان اخويا هو الحامى والأمان ليا  بس مكنتش اعرف ان التمن حياته وحياة مراته وعذاب ابنه. والله اتعذبت بما فيه الكفاية. والعذاب طال بنتى لما حرمتها من ابن عمها حب عمرها 

محمود. ليه مش حكتلى كنت حميته من لعبة الإنتقام هو فاكر أنك أنت ال اتقتلت ابوه  

فايد مكنش ينفع وقتها احكى ولا اقول أي حاجة. 

محمود. يبقى لازم مراد يعرف ويرجع لنور. 

فايد. مينفعش. رجوع مراد لحياتنا. كان أكبر غلطه عملتها. يسرى هددنى بقتله وان هيوهم المافيا ان مراد يعرف اسرارهم ويتخلصوا منه. بس هيسيبه بمقابل واحد. 

محمود.  ايه هو. 

فايد.  بنتى. نور تتجوز فهد ابنه وتكمل مسيرة العذاب ال أنا عيشتها لكل شئ تمن. وجه الدور ان ولادى يدفعوا التمن 

محمود. بس دا حرام ال بيحصل معاهم. للدرجاتى نور ضحت بنفسها عشان مراد 

فايد. بتدفع تمن غلط ابوها   … أرجوك يا محمود أنا جيتلك وحكتلك كل دا عشان ابنى ميدفعش هو كمان التمن

محمود …..

فايد. أحمد ومروة بيحبوا بعض. وعارف أنك لو معرفتش الحقيقة كنت هترفض جوازهم نهائى. أنا حكتيلك كل حاجة. ارجوك متعذبش ابنى كمان كفايه عليا وجع قلبى على نور 

محمود.  ماشى يافايد. وانا موافق مع ان مش عارف هقول لمراد ومحمد ايه وهما عارفين ان بكرهم ازاى 

فايد. هيفهموا ان مش عايز تكسر قلب بنتك.  أنا عجيبا احمد وأجيلك  واستأذن بالخروج 

مر شهر كامل كانت نور فيه عايشه كالأموات ف غرفتها مش بتخرج منها نهائى بتعيد كل ذكرى ليها مع مراد. رسمت تقريبا صور كتير ليه 

اما مراد كان هو وباسم  كل هدفهم ان يمسكوا يسرى مراد مسك عليه مستندات كتير وصور تهريب ومش لوحده لان فهد كان تقريبا بيساعد ابوه ف كل الجرايم وتهريب الآثار 

بس مقدرش يمسك معلومه واحدة على فايد ودا لان فايد كان وقف مساعدته ليسرى من سنين 

عبد الرحمن.  والله ما عارف اقولك يا مراد أنا مش قادر اصدق ال بتحكيه على نور مش يمكن تكون عليا بتكذب 

مراد كنت اتمنى انها تكون بتكذب. لحد ما نور اعترفت بنفسها 

خالد. وصدقتها يا مراد.  معقول التمثيل مش هيكون لسنوات يامراد مستحيل كل ال عشتوه كان تمثيل. 

مراد أي كان أنا كان عندى استعداد انسى واخدها وابعد عن كل دا كان يكفينى وجودها جمبى. بس هي رفضت واكدت انها عايزة فهد وانا كنت وسيله مش اكتر. 

خالد. ولما هي عايزة فهد. ليه حابسه نفسها ف اوضتها حتى فهد مش بتسمح ليه يشوفها ارجوك فكر كويس يا مراد أكيد ف حاجة. احنا مش فاهمنها 

مراد. خلاص مش عايز اسمع كلام ف الموضوع دا. كفايه بقى وجع قلب أنا قررت اعيش لنفسى. وأكمل حياتى ال واقفه على تمثيل. أنا هتجوز عليا. ف نفس ميعاد جوازكم. وانتهى. أنا جربت أعيش مع ال بحبها وسلمتها روحى. وف الآخر كسرت روحى. أعيش مع ال بتحبنى يمكن تكون هي عوضى من ربنا 

عبد الرحمن وخالد بقلة حيله. اتمنى يكون قرارك صحيح. ومتندمش 

مرت أيام 

والكل كان بيستعد لحفله الزواج ال بتجمع كل من   سارة وخالد  وأحمد ومروة  ومراد وعليا  مع خطوبه نور لفهد وقبل ليله الزواج بيومين. 

يسرى احوالك ايه مع نور 

فهد. زفت يابابا زفت من وقت خطوبه ال اسمه مراد وهى عايشه تبكى على ذكرياتهم حتى رافضه تقابلنى 

يسرى كدا. طيب سيب الموضوع دا عليا أنا مش عارف سر تمسكك بيها 

فهد. نور من صغرى وانا حاسبها من ممتلكاتى مينفعش تكون لغيرى ابدا وبسبب عند اتمسكت بيها اكتر. انت عارف الممنوع مرغوب. 

يسرى. يبقى جهاز نفسك مش هتكون حفله خطوبه أنا هجبر فايد يكون جواز على طول 

فهد.  ياريت يابابا نفسى أكسر عندها. واخليها ملكى. 

يسرى بشرط تسلم صفقة السلاح 

يوم الزفاف  

مراد راح لنور غرفتها  تعرفى ان كل مرة كنت بتكذبى عليا فيها وتتدعى المحبه كنت دايما بصدقك اكتر حاجة وجعتنى ان صدقتك. كانت شفايفك تنطق بالكذب وقلبى ينطق وروحى يحبك هائمين. 

كانت نور أستمع له ببكاء. 

مراد. مش ندمان على كل ال حصل. لان اتعلمت منه كتير. بس أنت ال هتندمى  بقيت عمرك لأنك خسرتينى وللأبد. وسابها ومشى 

دخل فايد لنور . أنا مقدرتش ارفض كلام يسرى. مش عارف أعمل حاجة

نور خلاص يابابا مفيش فايدة من دا كله. مراد وخلاص هيتجوز النهاردة وانا أيام جحيمى مع فهد ابتدت.  

فايد. أنا السبب ف كل ال بيحصلك دا سامحنى يابنتى 

نور لا يابابا كل ال بنعيشه قدر ومكتوب. 

دخلت سميرة بدموع. نور يا حبيبتى. مش هتجهزى. المعازيم وصلوا ومايا وسارة جهزوا ونزلوا هبعتلك الميكب ارتست 

نور  لا ياماما أنا هجهز لوحدى. 

ف الحفلة اجتمع الكل وتمت مراسم كتب الكتاب  

الكل كان بيبارك لمروة احمد  وسارة وخالد 

علياءومراد ال واقف مفيش اى معالم للفرحة على وجهه عينوا كانت بتدور عليها ف كل مكان مع ان قطع كل حبال الوصال بينهم بس قلبوا كان مكسور ووجعه ميقلش عن وجع نور حاجة. 

فايد. يا خسارة كان نفسى يحصل أي حاجة ومراد يعيش مع نور 

محمود.  دا قدر ونصيب يافايد. 

يسرى كان كل شويه يتصل بفهد ال أتاخر على كتب الكتاب. بس اتفاجأ. بمراد واقف قدامه بكل ثقه متتعبش نفسك ابنك مش جاى

يسرى انت عملتى ف ابنى ايه انا مش عارف أنا مين واقدر أعمل فيك ايه 

مراد. لا عارف أنت مين بس الناس لسه متعرفش تحب اقولهم مين هو يسرى الصافى.  تاجر السلاح واكبر مهرب ولا اقولهم تجارة الأعضاء وانك كل شغلك المشبوه والناس ال قتلتها بسبب أنك أكبر داعم للمافيا تحب وإبنك شريك معاك ف كل البلاوى دى.  

يسرى. انت بتقول ايه انت كداب بتقول كدا بس عشان حبيبتك اختارت تتجوز ابنى وفضلته عليك

مراد. انت فاهم ال بتقوله دا وبعدين هي اختارت ال يشبهها ودلوقتي ابنك أتمسك وهو بيستلم صفقه السلاح. وزمانهم جايين يامدوك انت كمان ويخلصوا الناس من شرك تعرف ان حظك السئ أنك وقعت ف طريقى مع أن انت مكنتش هدفى كان هدفى حد تانى وبص على فايد  وكنت عايز اوقعه قبله بس للأسف طلع مأمن نفسه كويس وانت ال شيلت الليلة

يسرى. أنا معرفش ال بتقوله دا. 

مع دخول باسم وقوات الأمن.  باسم خلاص يا يسرى انت انكشفت وكل جرايمك اتعرفت فاكر وكيل النيابه ال قتلته لما فتح ملفات فيها إسمك دا كان أخويا. والنهاردة حقوا رجع 

محمد.  هو دا ال أمر بقتل كريم 

باسم. ايوا هو السبب ف موت أخويا وموت ناس كتير والنهارد وقت الحساب.

امر باسم انهم ياخدوه على البوكس. ويتشدد على حراسته 

سارة اتجهت للقصر ولغرفة نور ال كانت لابسه فستان الزفاف وبتبكى وبصت على الساعة ال ادهالها مراد قبل ما يسافر  نور يتذكر  مراد. طول ما الساعة الإشارة خضراء هتعرفى ان حبك ف قلبى. أوعدك ان مش هتتحول لاشارة حمراء ابدا 

نور ببكاء. بتبص للساعة ال بتديها إشارة حمراء. معقول دى النهاية ومبقاش فيه رجوع 

سارة. بتاخد نفسها بصعوبه   نور قومى خلاص الحقيقة انكشفت ومش هتتجوزى فهد 

نور بإستغراب.  ايه ال حصل 

سارة. كما كل ال حصل تحت وان فهد ويسرى اتقبض عليهم 

نور بفرحة وسط دموعها الحمد لله يارب … طيب ومراد فين 

سارة. بزعل. مراد اتجوز عليا يا نور.

نور.  بدموع. طيب روحى يا سارة عشان خالد وانا هغير الفستان واجى وراكى 

محمود. اقترب من مراد النهاردة بس أنت رجعت حق أبوك يا مراد 

مراد بيبص لفايد. لأ مرجعش لان ال قتله واقف قدامك 

فايد. يابنى أنا. قاطعه محمود. مراد. فايد مقتلش أبوك. ال قتله نفس الشخص ال بلغت عنه وسر محمود وفايد كل الحكايه لمراد ال واقف مذهول 

مراد. انت ازاي تخبى عليا ازاي متقوليش أنا مش صغير وكنت اقدر احمى نفسى كويس خلتنى اعيش ف دايرة الإنتقام منك ومن نور وكله كان وهم  

فايد خفت تتهور وتعمل حاجة ليسرى يكون قصادها حياتك. المافيا متعرفكش بس اى اذيه ليسرى وقتها هيحكى عنك ليهم

مراد. وانت فاكرة أنك عملت الصح ان كنت عايز تضحى  ببنتك  انت عارف لو كانت اتجوزت فهد كان ممكن يحصلها ايه مع واحد زيه. طيب هي ازاي استحملت كل دا إزاي استحملت تكون ف نظرى خاينه. انت ظلمتها وظلمتنى انت ابدا معملتش الصح 

جاءت احدى الخادمات. مراد بيه اتفضل. 

مراد. بعصبيه. اي دا  

الخادمه. آنسه نور عطتنى الورقه دى  وقالتلى ادهالك بعد نصف ساعة 

فايد. وهى فين. 

الخادمة خرجت من باب القصر الخلفى كان معاها شنطه ف ايديها 

مراد كان بيقرأ جوابها ودموعه منهمرة 

” مراد ف الوقت ال هتقرأ فيه رسالتى هكون بعدت كتير حبيت اقولك قبل ما اختفى من حياتكم نهائى 

ان حبيتك كتير حبيتك بجنون عشت سنوات وانا بتمنى اليوم ال نلتقى فيه ويجمعنا القدر. حاربت كتير وكان عندي كل القوة ان افضل احارب عشان اوصل لنقطه اللقاء ال تجمع اقدرنا بس أنا مكنتش بحارب بس عشان أحصل على ادهم الصياد البسيط والفروقات الإجتماعيه ال كانت بينا كنت بحارب أب كل هدفه وقتها ان يبعدنا كنت بحارب سنين من العذاب وايام بتعدى من غير ما أسمعك ولا أشوفك  بحارب روحى المنهكة وقلبى المكسور. كل دول كنت بقوي عليهم 

بس أكبر حرب عيشتها هي الحرب على القدر ال اتحول لعاصفة بس عشان يهزمنى. ولحد اليوم كنت قويه. بس لما انتهت الحكايه بجوازك. عرفت ان خلاص الحرب انتهت بهزيمتى امام عاصفه القدر مكنتش هقدر أستحمل اكتر. لان حبك ليا كان هو الداعم الوحيد ال بقدر اواجه كل دا بس للأسف انت كمان وقفت مع القدر ضدى وحياتك اكتملت بوجود غيرى فيها. 

واخيرا

مش عارفة هو ممكن نلتقى تانى ولا لأ. كل ال اعرفة ان قفلت حربى ضد القدر. وحان وقت هدووء العاصفة ” 

كان مراد بيقرأ الرسالة. ونور كانت بتخطى أول خطواتها تجاه سلم الطائرة المجهوله.  ومع نهايه الرساله كانت الطائرة تحلق بجناحيها ف السماء 

مراد. بألم وحرمان كان يصرخ بإسمها  نووووور 

لينتهى الجزء الأول من عاصفة القدر بين خبايا أقدارنا دائما ما يسكن الأمل. فهل يبقى أمل ف حكايه نور ومراد.