Uncategorized
رواية خطايا الماضي الفصل الرابع عشر 14 بقلم اية عامر
رواية خطايا الماضي الفصل الرابع عشر 14 بقلم اية عامر
 |
| رواية خطايا الماضي الفصل الرابع عشر 14 بقلم اية عامر |
رواية خطايا الماضي الفصل الرابع عشر 14 بقلم اية عامر
بعد ثمان ساعات في المستشفي… كان تضع رأسها علي كتفه وتميل ناحيته… بينما لا يزال رحيم نائما بعدما تمكن الأطباء من اخراج الرصاصه بسلام…
بضع الدموع التي تساقطت علي وجنتيها أعلنت عن ضعفها الشديد في ذلك الوقت…
ف هو مصدر قوتها وأمانها…
تجلس علي الكرسي أمامهم والدته تقرأ له القرأن بصوت خافت…
ويقف علي باب الغرفه مستندا برأسه علي الحائط بدر الذي تخلف عن موعده مع تسنيم…
ينظر بنظرات متوعدة يملأوها الحقد والغضب لذلك الشاب في السابعه عشر الواقف بخارج الغرفة…
دلف الطبيب ليكسر صمتهم…
الطبيب: ي جماعه وجودكم هنا ملهوش دااعي.. الاستاذ رحيم اتخطي مرحله الخطر وهيبقي كويس.. وعدي وقت كويس ومظهرش مضاعفات ف متقلقوش..
بدر: يلا ي أمي انتي وندي هروحكم وانا هفضل معاه هنا…
ندي: لا انا مش همشي انا هفضل هنا.. خد ماما وروحوا انتوا ي بدر انا مش هسيبه لوحده…
بدر: هتسيبيه لوحده اي بقولك هفضل معاه هنا!
فاطمه: طب هو هيخرج امتي ي دكتور..
الطبيب: لا لسه شويه.. يفوق الاول بس ونقرر بعد كده…
فاطمه: طب هستني شوية ي بدر ولو مفاقش هنمشي انا وانت وسيب ندي معااه…
بدر: بس…
ندي: لو سمحت ي بدر خليني افضل معاه النهاردة حتي علي الأقل..
بدر: ماشي ي ندي…
الطبيب: هو المؤشرات بتاعته تمام وحالته مستقرة ف مش عايزة تقلقوا علي الفاضي…
ندي: شكرا ي دكتور..
الطبيب بإبتسامه: بعد اذنكم…
بدر: انا هروح اشوف الحسابات..
خرج بدر ونظر لخالد بغضب كبير…
بدر بغضب: امشي قدامي ومن سكااات..
خالد بضيق: طيب..
خرج وخلفه بدر حتي وصلوا لمدخل المستشفي…
بدر: انت اااااي اللي حدفك علينا… وكنت بتعمل ااااي قدام الشركه…
خالد: هفهمك كل حاجه ي بدر باشا بس بالهداوة كدا… انا بقالي فترة براقب عم رحيم… من ساعة م رحيم عرف خيانه مراته وهو كان شاكك في عمه.. ف خلاني افضل مراقبه.. اكتشفنا انه بيتاجر في السلاح هو وناس تانيه بتشتغل في حاجات تانيه كتير كلهم اسوء من بعض.. سلا*ح… مخد*رات.. اعضاء.. وشغل كله شمال… فضلنا مراقبينهم وقدرت ادخل المكان اللي بيتجمعوا فيه ومليته بأجهزه تجسس عشان نعرف بيقولوا اي بس مخاطرتش اني احط كاميرات… وقدرنا نعرف العمليات بتاعتهم ونبوظ اللي عم رحيم بيشتغل فيها ومع الوقت بدأوا يحسوا ان شريف السيوفي ملهوش اي قيمه.. بس اللي كان شغله ماشي كويس.. هو سليم السيوفي.. بس مكانوش بيكسبوا من وراه كتير لانه شغال برا.. ي دوب كان بيعرفهم علي الناس اللي برا وشغالين في نفس المجال وجو علاقات وكده…
بعد تلات شهور لما مرات رحيم باشا فاقت عرفنا ان غرضه الاساسي الشركه..رحيم باشا كل اللي كان عايزة انه يتقبض عليهم وبلغ البوليس كذا مره بس كانوا بيقدروا يهربوا والمشكله انهم مبتكلموش ابدا عن خطه هروب.. ف مبنعرفش نساعد البوليس في كده…
كبيرهم واحد اسمه عزت.. واذكاهم واللي عرفت انه عايز يسيب المافيا اسمه عزيز وده اللي كنت جاي الشركه عشان اقوله لرحيم باشا… وفي ظابط كمان شغال معاهم و ده اللي اسمه مهاب اللي منار بتشتغل عنده…
لما رحيم باشا قالي عن اختفاء اخته وكمان امبارح بليل قالي علي ورقة الجواز بينها وبين عزيز انا روح…
بدر بصدمه: اااااي.. ورقه جواااز مين… ريم اتجوزت..
خالد: ايوا امبارح بليل وصل ل رحيم باشا ورقة جواز بين ريم واللي اسمه عزيز… مجرد صورة مفيهاش غير اسمه الاولي بس والباقي مشطوب ومفيش صورته زي اي قسيمه..
بدر: وانا فين من كل ده.. ومش عارف اي حاجه وعامليني زي العبيط…
خالد: ي باشا رحيم باشا في الاول كان عايز راحته هو و والدته.. بس هو مقدرش انه يعمل نفسه مش شايف الجرايم اللي بتحصل… وانا كمان عايز الحق اختي من اللي اسمه مهااب ده عشان بيه*ددها كل ثانية والتانية…
بدر بغضب: بي*هددها ب اي… اختك بتعمل اي حاجه عشان الفلوس.. زي م انت بتساعد بدر عشان الفلوس…
خالد: لا ي باشا… مهاب كان حاطط عينه عليها من زمان واظن انك عارفه كويس وعارف بيعمل اي لما واحدة ترفضه… وهي قبلت انها تصاحبه غصب عنها بس عشانا بس هو كان بيتمادي ولما هي رفضت..ركب صور ليهم مع بعض.. مش حقيقيه ي باشا وبيهددها انها تكمل شغل معاه…
بدر بغضب: مهاااااب.. الشخص ده هيموت علي ايدي..
خالد: ي باشا الناس دي لو هنستخدم معاها عنف يبقي هما احسن مننا مليون مرة… احنا لازم نستخدم دماغنا عشان نعرف نتصرف… و زي م رحيم باشا قال انه في الضربة الجاية عايز يبقي عارف كل نقط الضعف بتاعتهم…
يعني عزت عنده بنت عندها 12 سنه ودي عايشة لوحدها بعد م هو قت*ل مراته عشان كانت بتخونه…
وعزيز كل اللي اعرفه عنه انه عنده اخت في كلية علاج طبيعي… سمعتهم مره بيتكلموا عنها بس معرفش اسمها…
نستني نعرف شكل عزيز وعزت اصلا ونعرف عنوان البيت اللي عايشين فيه مش اللي بيتقابلوا فيه.. ومكان بنت عزت…
عشان زي م هما دلوقتي بقي معاهم نقطه ضعفنا اللي هي ريم يبقي احنا كمان نقدر نمسكلهم نقط ضعف…
اصبر عليا ي باشا اوصل للمعلومااات دي وبعدها نشوف هنعمل اي عشان نرجع ريم وكمان نخلي البوليس يقبض عليهم كلهم….
بدر: دي خطة رحيم…
خالد: ايوااا…
بدر: تمام.. واي حاجه جديده كلمني واللي رحيم قالك هيدهولك انا هديهولك…
خالد: طب هو حالته اي!!!
بدر: هو عدي مرحلة الخطر وهيبقي كويس…
خالد: بإذن الله هيبقي كويس.. سلام ي باشا…
خرج خالد من المستشفي ورحل ليعود لبيته او يتابع أعماله.. وهو يفكر في أمر ندي و والدتها فهو الان يعتقد ان ريم قد تم اختطافها بسبب ما يفعله رحيم.. وهو الان عليه حمايتهم….
دلف للغرفه مرة أخري…
بدر: ندي.. ممكن ثانية واحده برا..
ندي: حاضر…
خرجت ريم وهي تنظر له بإستغراب ب وجه مرهق وعيون حمراء من اثر البكاء..
بدر: بصي ي ندي.. انا لازم اكمل اللي رحيم بدأه ولو انتي متعرفي….
ندي بمقاطعه: عارفه كل حاجه…
بدر: تمام.. يبقي ارجوكي اسمعي كلامي.. هوصلك انتي وطنط فاطمه لبيتي وهخلي خالد يجيلكم وهبعتلكم حراسه لازم تفضلوا في امان عشان اقدر اتحرك… انا معنديش حاجه اخسرها.. بابا وسافر خلاص مليش غير رحيم وانتوا عيلته عشان كده بعتبركم عيلتي.. انتي فهمتي…
انتوا مسئوليتي ولازم احافظ عليكوا..مش هقدر اسيبك لوحدك هنا وامشي..
اعتبريني اخوكي واسمعي مني وروحي بيتي ومترجعوش بيتكم دلوقتي خالص ده هيكون افضل…
ندي: انا فاهمه كل اللي بتقولوا بس والدة رحيم متعرفش اي حاجة…
بدر: قوليلها اي حاجه.. قوليلها مش هنرجع البيت من غير رحيم عشان نفسيتك متتعبش اي حاجه ي ندي…
ندي: ماشي.. بس هنعدي ع البيت نجيب شوية هدوم حتي…
بدر: ماشي.. وشكرا لتفهمك..
ندي: المهم ان ريم ترجع بالسلامة..
بدر: بإذن الله هرجعها ي ندي…
……………………
كانت تقف في مطبخها ترتبه بينما تستمع لأحد الفيديوهات التعليميه فهي في الشهور الاخيرة من الثانوية العامة وعليها ان تدرس بجد كبير ولكن منذ ان انتقل خالد للعيش معها وهي تحرص دائما ان تبقي البيت نظيفا ومرتبا…
بينما دلف وهو يحمل حقيبه العمل الخاصة به اذ انه يعمل ب أحد فروع شركات رحيم وليس الفرع الرئيسي…
خالد: ملك!!
ملك: انا هناا…
دلف للمطبخ لينظر لها وهي تعمل ولهاتفها…
خالد: مهو ي تذاكري ي اما تنظفي.. اي ده معلشي…
ملك: طب قولي اعمل اي اسيبهم كده يعني…
خالد: ادخلي ذاكري وانا هكمل بدالك..
ملك: يعني انت جاي تعبان وهخليك تشتغل.. ادخل ي ابني غير هدومك دي علي م احطلك الغدا…
خالد: انا قولت انا هكمل بدالك..
ملك: والله ابدا ي حبيبي مينفعش..
خالد بغمزه: حلوه حبيبي دي..
ملك: تؤ.. اقعد اكسفني بقي..
خالد: انا بكسفك ده انا غلبان..
ملك: اه غلبان اوي…
خالد بضحك: طب اي رأيك انتي حطي الاكل وانا هكمل بدالك وتخلصي وادخلي ذاكري ومش هشغلك خالص..
ملك: متأكد مش هتشغلي ب اي حاجه خالص..
خالد بضحك: تؤ انا قولت كلمتي خلاص… بس لحظه بس هرد علي بدر… ألو…
بدر: اسمع اللي هقولك عليه………………………..
قص عليه بدر كل م اخبره به خالد اخو منار وعن عمل والده واخوه..
خالد بصدمه: ابويااا انا عمل كل ده!!!
بدر: ايوا ي خالد وأكتر من كده.. اعمل بس اللي قولتلك عليه و روح علي بيتي وانا هجيلك واعمل حسابك هتقعد كام يوم معاهم لان انا هفضل مع رحيم في المستشفي…
خالد: رحيم في المستشفى!!!
بدر: ايوا.. رحيم اتضرب بالرصاص بس هو دلوقتي كويس انا مش عايزك تقلق… اعمل بس اللي قولتلك عليه… اوعدك هحاول اخرج ابوك منها…
خالد: مش هو غلط… يبقي يشيل نتيجه غلطه ي بدر… انا هجهز حاجتي وكمان هجيب مراتي…
بدر: ايوا اكيد متسيبهاش…
خالد: تمام ي بدر…
أغلق خالد مع بدر واتجه ل ملك وعلامات الحزن احتلت وجهه…
خالد: ملك…
ملك: نعم..
خالد: اجهزي عشان هنمشي من هنا… دلوقتي… ومن غير اسئلة لو سمحتي…
…………………………..
كان يلف الحبل حولها وحول الكرسي للمره الرابعة تقريبا وهي تحاول الإفلات منه ولم تستطع…
ريم: ي عزيز خلاص والله مش هقوم من ع الكرسي تاني..
عزيز بغضب: اسكتي ي ريم…
ريم: طب كفااايه كده انا اصلا مش عارفه اتحرك…
عزيز: ي ريم اسكتي…
ريم: طب عشان خاطري….
عزيز بغضب: بقووووولك اسكتيييي… طول النهار عماله تتنططي من حته لحته… ي ريم انتي عامله حادثة مفيش سمع للكلام… الدكتور قال واحد اتنين تلاته بردو مفيش سمع للكلام… بصي انا اكتر حاجه اكرهها انك تتجاهلي كلامي فااهمه!!!
ريم بغضب: لا مش فااهمه واتفضل بقي فكني… و لو انا تقيله علي قابك اوي كده انا همشي من هنا ومش هقعد ثانيه واااحده…
عزيز: تعملي اي ي روح ماما… سمعيني كده تاني.. تسيبي ااااااي…
ريم: هسيبلك البيت واطفش….
عزيز: اعمليهاااا… اعمليها ي ريم وانا هعلقك في النجفه دي شايفاااها…. ردي شايفااااها ولا لا…
ريم وهي تكتم ضحكتها: شايفاها…
عزيز: بتضحكي علي اااي.. اراجوز واقف قدااامك… شايفاني بضحك…
ريم بهدوء: لا ابدا ي حبيبي…
عزيز بإستغراب: قولتي اي!!
ريم: مقولتش…
عزيز بضيق: احنا هنستعبط…
دلفت تسنيم للقصر وهي في قمة غضبها من بدر الذي تأخر عن موعدهم ف قضت يومها برفقه اصدقاؤها لتهون عليها الامر…
لكن من لحظه رأت عزيز حتي دخلت لي نوبة ضحك…نظر لها عزيز بإستغراب وغضب ف اشارت لها ريم من خلفها ان تسكت…
عزيز بغضب: بتضحكي علي اااي انتي كمان…
تسنيم: احم… انا بضحك… لا ده انا كنت بكلم صاحبتي قبل م ادخل…
عزيز: والله وهي فين صاحبتك دي!!!
تسنيم: لا انا كنت بكلمها فون..
عزيز بسخرية: وهو فين الفون..
تسنيم: م انا قفلت معاها خلاص بس افتكرت كلامها…
عزيز: طيب… هدي…
جاءت هدي من خلفهم ونظرت له بصدمه… وحاولت الا تغير ملامح موجهها…
هدي: ن… نعم.. نعم ي باشا…
عزيز: مالك انتي كمان بتقطعي ليه..
هدي: لا لا مفيش.. انا انا تمااام..
عزيز بسخرية : طب.. طب جهزي الغدا..
هدي: حاضر ي باشا..
تسنيم: احم.. عزيز هو انت رابطها كده ليه…
عزيز: عماله تفرك.. انا قولت هنام سااعتين وهي رايحه جايه مش عارف بتعمل اي!!
تسنيم: يعني انت كنت نايم..
عزيز: ايوا عشان عندي شغل متأخر…
تسنيم: ااه كده فهمت… طيب ي ريم ابقي طمنيني عليكي…
ريم بقلق: ربنا يستر… احم.. عزيز..
عزيز: افندم..
ريم: ممكن تطلعني اوضتنا لو سمحت يعني..
عزيز: هنتغدا الاول..
ريم: لا معلشي قبل الغدا…
نظر لها ثم اتجه ليفك الحبل عنهااا ثم حملها بين يديه.. ف احاطت رقبته بيديهااا…
عزيز: اتعودتي عليااا بسرعة..
ريم: اتمني مكونش مضايقاك..
عزيز: ابدا..
دلفوا لغرفتهم ف وضعها علي سريره… ف وقفت قليلا مستنده عليه.. وامسكت بيده وادارته بإتجااه المرأه…
لينظر بصدمه لوجهه المختلط بالألون المختلفه وبشكل مضحك…
وقفت ريم خلفه مرتجفه من الخوف ولكنها تكتم ضحكاتها في نفس الوقت…
بينما لا زال في صدمته اتجهت لغرفه الملابس وجلست مختبأه بين ثياابه…
عزيز بغضب: والللللللله ليطلع علييييييكي ي ريييييييم…