رواية التوأم الفصل السادس عشر 16 بقلم ايمان

وما أن نزلت أول سلمتين حتى شعرت بالدوار يداهمها ولم تدرى بنفسها الا وعمر يمسك بها 

ايه اللى نزلك من أوضتك

عوزة اعرف انت وضحى مخبين عليا ايه فين بابا وماما سعاد

طب تعالى اطلعك اوضتك

مش حتحرك الا لما تقولى مخبين عليا ايه 

فى الحقيقة يا رغد يوم لما اتخانقت مع سهى بابا كمان اتخانق معاها وطردها من البيت وبعدها تعب شوية واضطرينا نوديه المستشفى بس هو بقه كويس دلوقت

فانفجرت فى البكاء قائلة : ياحبيبى يا بابا

اهدى يارغد اهدى صدقينى بابا دلوقتى بقه كويس

جاءت ضحى فى هذة اللحظة وقالت بدهشة : رغد ايه اللى خرجك من أوضتك 

فقال لها عمر بعصبية : انتى كنتى فين وسيباها لوحدها انا لحقتها وهى كانت حتقع من عالسلم

فقالت ضحى بخبث : ااااه وعشان كده بقه وخدها فى حضنك

فأنتبهت رغد لوضعهم فابتعدت عنه سريعا

فقال وهو يجز على اسنانه : طب يلا يا لمضة خديها وسعديها تغير هدومها وغير هدومك انتى كمان عشان اخدكم لبابا

ضحى : بجد ياعمر حتودينا لبابا دا انا حجهز وجهزها هوا

السلام عليكم

وعليكن السلام ورحمة الله وبركاته ، تعالى يا عمر

معايا حاجة حتفرحك اوى

ودخل عمر ومن خلفه رغد وضحى ، فاندفعت رغد على الفور وارتمت فى حضن أبيها وهى تبكى : الف سلامة عليك يا بابا

فقالت ضحى : يسلام ياختى وخداه كله فى خضنك وانا ايه بنت البطة السودة ما توسعى كده شوية 

فمد توفيق يده لها قائلا : تعالى يا ضحى انتى كمان فى حضنى وسعلها شوية يارغد لحسن تاكلك يا بنتى 

ضحى : بقه كده يا بابا 

عمر : ما تشوفلك حل فى لماضت بنتك دى يا بابا عماله تزيد كل يوم اكتر من اللى قبله

توفيق : تعرف ان احلى حاجة فى ضحى لمضتها اساسا 

فنظرت له ضحى وأخرجت له لسانها لتغيظة

عمر : شايف يا بابا شايف

توفيق : ما تهدو شوية يا ولاد عجبك اللى بيعملوه العيال دى يا رغد

رغد : انت عامل ايه يا بابا انت كويس

توفيق : انا الحمد لله انتى اللى عاملة ايه وايه اللى خلامى بس تخرحى وانتى لسه تعبانة

رغد : لالا انا بقيت كويسة

عمر : امال ماما فين

توفيق : بعد عذاب أقنعتها تروح ترتاح شوية فى البيت وتبقه تجينى الصبح

ضحى : ياحببتى ياماما دلوقتى تتخض لما ما تلقناش فى البيت

عمر : انا حتصل بيها واقولها اننا هنا

توفيق : أيه مش نوين تروحوا بقه ، عمر خد رغد روحها وخلى ضحى معايا لحد لما أمك ترجع

ضحى بفرح : ايوة انا حقعد مع بابا حبيبى يلا روحوا انتوا

رغد : انا كمان عوزة استنى معاك

توفيق : لا يا حبيبتى روحى ارتاحى شكلك لسه تعبانه

يابابا 

عمر : بلاش دلع يلا عشان اروحك

طيب يلا

وفى أثناء خروجهم من المشفى تقابلا مع دكتور مدحت

مدحت : استاء عمر أنسه رغد ازيكم عاملين ايه

وكانت رغد تقف بينهما فجذبها عمر ليكون هو فى المنتصف قائلا بضجر : اهلا دكتور مدحت 

مدحت : عاملة ايه دلوقتى يا أنسة رغد كنت سمعت من دكتور عماد انك تعبانه 

فابتسمت وهى تقول :لا الحمد لله بقيت كويسة

فقال عمر فى سره : بقه كده يا عماد طيييب

مدحت : طب الحمد لله ، امال انتوا هنا بتعملوا ايه

فأسرع عمر يقول : كنا بنزور بابا اصله محجوز هنا 

مدحت بفزع : عمى توفيق طب هو فى قسم ايه وغرفة رقم كام عشان اطمن عليه بنفسى

عمر بنفاذ صبر : لالا ما تتعبش نفسك هو بقه كويس خلاص

مدحت : لالا تعب ايه دا عمى توفيق غالى عندى اوى قولى بس هو فى قسم ايه

عمر : قسم القلب غرفه 404

مدحت : كده طيب انا حروح حالا اطمن عليه

عمر : طب بعد إذنك بقه عشان مستعجلين

ودون ان ينتظر منه رد جذبها من يدها خارجا بهما من المشفى ، وبمجرد خروجهما جذبت رغد يدها منه وهى تقول : ايه فى ايه بتجرنى وراك كده ليه

عمر : ايه هو حضرتك كان عجبك الحديث وعوزة توقفى تكمليه وبعدين عاوز افهم واحد بيسألك عن صحتك لزومة ايه الابتسامة اللى من الودن للودن دى 

واحد بيتكلم معايا بكل احترام ومبتسم عوزنى ارد عليه ازاى اديه قلمين على  وشه

اه مدحت ده بالذات يترد عليه كده

على فكرة دكتور مدحت شخص محترم

يسلااااام وايه تانى ياهانم

وكمان ما تنساش انه متقدملى وانا لسه بفكر

رغد الموضوع ده اتقفل وانتهى تماما

مين قال كده

انا واركبى بقه عشان اروحك قبل ما افقد اعصابى

طب ممكن اطلب منك طلب

اتفضلى 

عوزة اروح اقعد ادام البحر شوية ممكن 

حاضر

كانت رغد وعمر جالسين على الصخور أمام البحر فقال عمر

رغد ممكن اتكلم معاك فى موضوع

اتفضل

انا قولتلك اكتر من مرة انى بحبك ومفيش ولا مرة رديتى عليا لا بالقبول ولا بالرفض ومش عارف لحد دلوقتى موقفك منى ايه ممكن بقه اعرف دلوقتى انتى بتبادلينى نفس المشاعر ولا يعنى مشاعرى دى مرفوضة بالنسبة لك

فخفضت رغد رأسها وأخءت تعبث بحقيبتها قليلا ثم قالت : أنا فى الحقيقة يعنى

هااا انطقى بقه

أنا يعنى بابدلك نفس الشعور

اه اللى هو ايه الشعور ده

شعورك تجاهى انا بابدلك نفس الشعور

يعنى ايه انطقيها بقه

طب ما تخلينا أخوات أحسن

فأمسك ذراعها بكل قوته وهو يقول : أخوات دى اوعى اسمعك بتقوليها تانى 

طيب طيب خلاص سيب دراعى 

طب قوليها بقه

هى ايه دى !!

فقال بأعلى صوته : رغد ما تستهبليش

ايه ايه الناس بتبص علينا

طب براحة اهو ايه شعورك نحيتى

بحبك

ايه قولتى ايه

وربنا خلاص مفيش تانى يلا روحنى بدل ما اصوت والم عليك الناس واقول خطفنى

كده طب يلا ادامى على العربية

ماما سعاد وحشتنى اوى اوى اوى 

وانتى كمان يا رغد عامله ايه دلوقت يا حببتى

بخير الحمد لله

معلش مقدرتش اقعد جنبك وارعيكى بنفس

انا مقدرة الظروف وبعدين ضحى قامت بالواجب

ربنا يخليكم لبعض

يارب ولا يحرمناش منك ولا من بابا ويرجع بيته بالسلامة 

يارب ايه يا عمر واقف ساكت كده ليه

مستنى لما تخلصوا وصلت الحب دى

كده طيب . امال فين ضحى

عمر : بابا خلاها تقعد معاه على ما ترجعيله

سعاد : طيب ارتاح شوية وبعدين تخدنى تودينى لتوفيق وترجع اختك تقعد مع رغد

اه ما انا السواق بتاع العيلة دى

سعاد بضحك : ايوة طبعا 

بقه كده ياست ماما طيب بس لما يطلع بابا بالسلامة 

فى الصباح وبعد ان تناول عمر الافطار مع رغد وضحى صعد لتغير ملابسه للذهاب للشركة فيما اتجهت كلا من ضحى ورغد الى غرفتيهما لترتيبها وبعد ان أكمل عمر ارتداء ملابسه ذهب لغرفة رغد ليسألها ان كانت تريد اى شىء قبل ان يغادر وبمجرد ان خطى أول خطوة داخل غرفتها حتى أصتدمت به كالعادة 

أخ ايه يابنتى انتى مش حتبطلى العادة دى

أنت اللى خبطنى 

والله

وبعدين ايه فى ايه ابعد عنى

طب حاخد حاحة نفسى فيها وحسيبك على طول

فقالت رغد بفزع : أيه

وأخفت وجهها فى صدرة

فقبل رأسها ثم همس فى أذنها قائلا : انا اسايا كنت عاوز ابوس دماغك مش حاجة تانية لان لو اللى فى بالك ده حصل محدش حيقدر يخلصك منى وحضطر اجيب المأذون عشان أصلح غلطيتى 

وبمجرد ان انهى حديثه استجمعت كل قوتها ودفعته بعيدا عنها وهى تقول : أطلع بره يا عمر اطلع بره

فى هءة الاثناء دخلت ضحى عليهم تقول : فى ايه متلكم انتوا رجعتوا تتخانقوا تانى مع بعض ولا ايه

فقالت رغد : ضحى خلى أخوكى يطلع بره طلعيه بره يا ضحى

فنظر عمر لهما وانفجر فى الضحك وتركهم وانصرف

فقتربت منها ضحى وقالت بخبث : هو فى أيه هو عمل معاكى ايه بالظبط

فدفعتها رغد أمامها وهى تقول : اطلعى بره انتى كمان ياضحى اطلعى بره

ثم أغلقت عليها الغرفة وهى تقول مبتسمه : مجنون  بس بحبه

بابا حبيبى حياتى روح قلبى

ايه يا واد الحب ده كله هو فى ايه

اصلك وحشنى اوى يا حبيبى

لا والله

اه والله

واد يا عمر هو أيه اللى حصل امبارح

أمبارح !!! محصلش حاجة

فغمز له والده بعينه قائلا : ايه اللى حصل لما اخدت رغد تروحها

أبدا قالت ودينى اقعد شوية ادام البحر وودتها

اه وبعد لما ودتها

قولتلها بحبك يارغد وهى قالتلى بحبك يا عمر 

يسلاااام وايه تانى

مفيش هو ده بس اللى حصل

يا واد انا أبوك وعجنك وخبزك وعرفك كويس ايه اللى مخليك مزقطط كده ما هو شكلك بيقول ان الموضوع أكبر من انك قولتلها بحبك وقالتلك بحبك

يادى النيلة اهو دا عيب ان الاب يبقه فاهم ابنه

طب يلا بقه يا حبيب بابا قولى ايه اللى حصل تانى

فى الحقيقة يعنى أصلى لسه حضنها وبيسها قبل ماجى

أيه ينهارك مش فايت

ايه يا بابا بحبها وعاوز اتجوزها جوزنى بنتك بقه يا تيفه

بالساهل كده

طب اعمل ايه قولى بس اعمل ايه وانا اعمله

تجيب أمك فة أيدك وتيجى تطلبواها منى وانا افكر 

يسلام بس كده هى فين امى صحيح

امك روحت البيت

خلاص اروح اجبها واجى هوا

يا واد يا مجنون تجيب امك هنا عشان تطلب ايد بنتى

طب امال اعمل ايه

روحنى انا البيت انا خلاص زهقت من المستشفى

بس كده فريرة اجيب الدكتور يكتبلك على خروج

وخرج مسرعا من غرفة توفيق ليبحث عن الدكتور

توفيق : الواد اتجنن خلاص

بالفعل خرج توفيق من المشفى واخذه عمر على البيت وكانت فى هذة الاثناء تجلس ضحى ورغد يتحدثان فى ريسبشن الفيلا وانتبهتا على صوت الباب وهو يفتح ليدخل عليهما توفيق مبتسما فندفع الاثنين واحتضناه

طب خلوه يدخل الاول وفين ماما

ضحى : ماما فى المطبخ 

فأخذ عمر يصيح : يا ماما يا سعاد هانم يا ماما 

فخرجت سعاد مسرعة على إثر سماعها لنداءات عمر 

أيه فى ايه يا عمر ايه ده توفيق حمدلله عل السلامة نورت بيتك

الله يسلمك يا سعاد

عمر: مش وقته الكلام ده اجلوه بعدين

سعاد : فى ايه يا عمر 

كانت البنتان لا تزالا فى حضن توفيق

فقال عمر : بصى يا ماما بابا قالى أجيب أمى فى أيدى وأجى لحد عنده عشان اطلب منه أيد البت دى 

وجءب رغد من حضن أبيها الى حضنه

فقالت رغد بفزع : بابا

فابتسم توفيق قائلا : سبيه يمسكها يا فوزية

فانفجر الجميع فى الضحك

                                ❤❤تمت❤❤