Uncategorized

رواية حياتي الفصل الأربعون 40 بقلم توته

        رواية حياتي الفصل الأربعون 40 بقلم توته

رواية حياتي الفصل الأربعون 40 بقلم توته

رواية حياتي الفصل الأربعون 40 بقلم توته

ايوان : ايه ده وهو ده وقت يعطل فيه ام الزفت ده 
وليد : مش عارف .. وفيه واحد للبنات ورانا اكيد شغال يعني .. 
ايوان : وهنتصرف ازاي مش هينفع نركب مع البنات .. في ايه ياريس .. ايه اللي حصل للباس ده 
_ مش عارف شكل البنزين خلص 
ايوان : احنا دخلنا على بالليل والجو بيظلم هنعمل ايه بقا 
_ هوقف الاتوبيس التاني ونشوف هنعمل ايه 
ايوان : بس الحته دي شكلها مقطوع اوي ومش هيعدوا من هنا 
_ لاء خط السير واحد .. اكيد هيعدوا 
وليد : طيب يلا احنا ننزل نزقه لاي حته فيها حد 
عمر ( زميل ) : يا عم اقعد زمانهم جايين واكيد عاملين حسابهم 
وليد : وهو ليه اصلا احنا كمان منعملش حسابنا 
_ احنا حطينا بنزين على قد المسافه بس مش عارف ايه اللي حصل .. 
ايوان : شكلها ليله غم من اولها 
____________________________________________
براء : رغدااان 
ادهم : ايه ده انتوا تعرفوا بعض 
رغدان : أظن أن الانسه براء شافتني في الجامعه لما كنت جاي اخد زميلتها حياة من الجامعه أوصلها البيت .. مش كده برضو 
براء : لاء مش كده .. ولو سمحت امشي من هنا مش عايزه اعرفك تاني 
ادهم : براء .. عيب تتكلمي كده مع الضيوف 
براء : وانا مليش دعوه بالضيوف دي 
رغدان : أنا جاي وطالب ايدك على فكره 
براء : وانا .. ايه جاي ليه 
رغدان : عشان تكملي حياتي 
براء : انت العريس اللي جاي انهارده 
رغدان : اكيد .. يعني تفتكري اني ممكن اسيبك 
انسحب ادهم من الغرفه لكي يتفاهموا 
براء : انت .. انت كنت بتعاملني بكل برود ع الفون وكمان مكلفتش نفسك تتصل عليا وتفهم اي اللي حصل 
رغدان : ايوه عشان أنا كنت عايز كده .. لاني أنا العريس اللي جايلك .. وفاهم كل حاجه 
براء : ليه .. ليه عملت كده .. انت عارف أنا كنت عامله ازاي من امبارح .. كنت حاسس بيا … أنا كنت منهاره حرفيا .. ازاي .. ازاي بعد معلقتني بيك تنهي كده كل حاجه بكل سهوله .. كنت خلاص بتخيل حياتي بعدك عامله ازاي .. وكمان كنت هبعد حياة .. عشان متفكرنيش بيك .. وكنت هوافق علي اللي جاي حتي من غير م اعرفه .. وكنت هنساك .. أنا قويه من غير اي حد وهقدر استحمل بعدك علفكره 
رغدان : لاء كنت حاسس بيكي .. وكنت عارف انتي بتعملي ايه .. بس كنت عايز اعرف انتي بتحبيني زي م بحبك ولا لاء .. عشان الخطوه اللي هاخدها هتكون حاسمه .. ومش هخلي اي حد وانا عايش يبصلك بس .. وانتي هتوافقي عليا علفكره .. عشان انتي قولتي اي عريس هييجي هوافق عليه .. وانا بقا العريس ده .. وهتوافقي عليا يعني هتوافقي عليا 
براء : اوافق .. اوافق على ايه 
رغدان : بصي هسألك سؤال وتجاوبيني عليه بكل صراحه 
براء : أنا مبكدبش علفكره 
رغدان : يا ستي مش بقول انك بتكدبي .. أنا بقول تجاوبيني بصراحه يعني من غير لف ودوران 
براء : اتفضل 
رغدان : انتي بتحبيني !!؟ 
براء : اه لاء 
رغدان : نعم !!! وانا افهم منها أي بقا انشاء الله 
براء : اه بحبك 
رغدان : اخيرا سمعتها منك قبل م اموت 
براء : بعد الشر عليك 
رغدان : قلبي لا يتحمل هذه الصدمات …. أنا كمان بحبك وبموت فيكي وجاي عشان اطلب ايدك ليا 
براء : جاي تطلب أيدي لوحدك 
رغدان : لاء م انتي لما توافقي هجيبهم اكيد .. بس انا حبيت اجي انهارده لوحدي عشان اشوفك واتكلم معاكي براحتي 
براء : اممم .. خلاص مش هتكلم غير لما اهلي واهلك يتجمعوا 
رغدان : لاء منا مش هستني موافقتك لسه .. هتوافقي دلوقتي 
براء : بمزاجي الاه 
رغدان : لاء مزاجك ده على هوايا أنا يا قطه 
براء : لاء م على مزاجك .. أنا ممكن اسيبك عادي وارفضك واتجوز وا….
رغدان بحده : متجيبيش سيرة حد غيري على لسانك 
براء : في ايه .. انت اتحولت كده ليه 
رغدان : لو م عايزه توافقي عليا زي مبتقولي اوكي .. بس صدقيني م هتتجوزي خالص .. يا انا يا مفيش 
براء : علفكره أنا مبحبش الصيغه دي في الكلام 
رغدان : وعلفكره انتي اللي اجبرتيني وابقي فكره بقا تجيبي سيرة حد غيري على لسانك تاني وشوفي هعمل ايه .. سلام 
____________________________________________
نرمين : ايه ده … مش ده الباص التاني واقف هناك ليه 
+ شكله عطل تقريبا 
ملك ( زميله ) : هو ممكن الباص ده كمان يعطل ولا اي 
سهيله ( زميله ) : فال الله ولا فالك .. انشاء الله مش هيحصل حاجه 
نرمين : دول كلهم بره الباص 
+ ايه اللي موقفكوا هنا كده .. الاتوبيس حصل له حاجه ولا اي 
_ لاء البنزين خلص معاك زياده 
+ يدوبك يوصلونا للاوتيل 
_ م احنا مش عارفين نتحرك 
سما نزلت من الباص : علفكره ممكن تذوقوه الناحيه دي وهو هيتحرك لوحده 
ايوان : والله .. ده اي الفلسفه العظيمه دي 
وليد نظر إلي سما بحده : ادخلي الباص 
سما : علفكره أنا بقول رأيي 
وليد : ادخلي يا سما واستهدي بالله .. ومفيش اي بنت تنزل من الزفت ده .. واحنا هنتصرف 
نرمين : هو اخوكي ماله بقا عصبي كده ليه .. ده دايما هادي
سما : مش عارفه ايه ده 
نرمين : وهما هيعملوا ايه 
سما : عيل سمج 
نرمين : عيل وسمج .. ده مين ده .. اوعي يكون وليد هزعلك 
سما : لاء مش وليد .. بقول على التاني اللي معاه 
نرمين : مين 
سما : ايوان 
نرمين : اه عشان بيقول على كلامك فلسفه .. طيب يعني هو غلط في ايه .. م انتي كلامك فلسفه من يومك 
سما : بقولك ايه يا تقولي كلمه مفيده يا تسكتي .. أنا كان مالي ومال الرحلات اصلا .. كان زماني في البيت دلوقتي .. وبعدين دي اطول رحله شوفتها في حياتي لدرجة أن هيا تقعد لدلوقتي لاء وايه لسه موصلناش .. 
نرمين : ممكن تهدي .. دي رحله عاديه بس بتاخد 3 أيام عادي .. يوم رايح ويوم رحله ويوم جاي .. وخلاص متتطلعيش رحلات تاني 
سما : اكيد مش هطلع رحلات تاني انتي بتقولي فيها 
نرمين : أنا اصلا بتخنق بسرعه مش عارفه اتقفلت كده .. أنا هنزل مش قادره اتنفس 
سما : لاء متنزليش .. استحملي شويه وهيمشي 
____________________________________________
حياة : وبس هيا دي حكايتي 
إيلان : مريتي بكل ده 
حياة : امم .. عادي بقا.. خدت على كده 
إيلان : وانا هعوضك بقا على كل ده 
حياة : وانت بقا احكيلي عنك 
إيلان : امم .. اسألي وانا اجاوبك يا ستي ولا تزعلي نفسك 
حياة : ازاي فاتح شركه كبيره زي بتاعتك وانت اصلا ظابط
إيلان : عجبتني اللعبه وقلت اكمل فيها عادي .. واشتغل شغلتين مش هتفرق يعني 
حياة : مش كتير عليك يعني 
إيلان : لاء خالص .. خدت على كده 
حياة : وبتحب شغلك في ايه اكتر 
إيلان : اكيد شغلي في الشرطه 
حياة : عندك منافسين 
إيلان : اكيد عندي منافسين .. مفيش اي حد في الدنيا دي معندهوش منافسين 
حياة : ومين دراعك اليمين دايما 
إيلان : صاحبي انور 
حياة : وفي الشركه 
إيلان : هو انتي بس اللي هتسألي المفروض أنا كمان أسألك علفكره 
حياة : اتفضل 
____________________________________________
نرمين : أنا هنزل مش قادره بجد .. الدنيا خنيقه اوي كده ليه 
سما : وانا كمان والله عايزه انزل والجو حلو تحت بس وليد هيزعقلي 
نرمين : أنا نازله 
نزلت نرمين من الباص تستنشق بعض الهواء 
يتبع…
لقراءة الفصل الحادي والأربعون : اضغط هنا
لقراءة جميع فصول الرواية : اضغط هنا

اترك رد