Uncategorized

رواية العشق لا يعرف وطن الفصل الخامس عشر 15 بقلم أية إنسان

 رواية العشق لا يعرف وطن الفصل الخامس عشر 15 بقلم أية إنسان
رواية العشق لا يعرف وطن الفصل الخامس عشر 15 بقلم أية إنسان

رواية العشق لا يعرف وطن الفصل الخامس عشر 15 بقلم أية إنسان

_ دخل أسر وعاصم الاوضه عند هاجر وكانت عماله تصرخ وتقول :  باباااااااا وقامت مفزوعة وبتنهج فقرب منها عاصم وحضنها وقال : مالك يا هاجر فغمضت عيونها وحضنت عمها جامد فخرج أسر من الاوضه قلبه واجعه عليها واضح انها عانت كتير في حياتها وان مشاكلها كبيره .
_ قالت هاجر : عمي انا عاوزه امشي من هنا .
_ بس انتي تعبانه استني تستريحي وشويه ونمشي .
_ لا لا انا كويسه يلا نمشي انا مش بحب المستشفيات يلا لو سمحت .
_ طب يلا نمشي عارفك عناديه وبالمره نشكر الدكتور اللي جابك هنا .
_ دكتور مين .
_ واحد كده كان موجود في العزاء ولما وقعتي جابك هنا .
_ طب يلا بينا يا عمي وفعلاً خرجوا وعمها سأل عن أسر لكن مش موجود فمشيوا .
☆ ————– بقلم الكاتبة/ آية إنسان —————-☆
_ فضل أسر يفكر في هاجر طول الليل ومش عارف ينام  فقال : يا تري حكايتك اي يا هاجر وقام يدور على صفحتها على النت ولكن هو مش عارف هاجر اي ولكن قال يجرب وبعد بحث طويل مش لاقي حاجه بس قرر ينام وكمان هاجر طلعت خدت دش وخدت علاجها ونامت .
☆ ————— بقلم الكاتبة/ آية إنسان ————– ☆
_ في اوضه ميرا اللي دماغها هتتفرتك من الصداع فقامت رنت على مصطفي .
_مصطفى :  اهلاً أهلاً يا ميرا عامله اي .
_ انا تعبانه ودماغي وجعاني اوي يا مصطفي .
_ الف سلامه عليكي يا حبيبتي تحبي اجيلك اخدك وتروحي المستشفي .
_ لا بس ممكن تقولي اسم البرشام اللي ادتهوني في العين السخنه .
_ دة علاج مستورد يا ميرا بجيبه من إنجلترا بس لو عاوزه ممكن اجبلك شريط مش خساره فيكي .
_ اه يا ريت يا مصطفي احسن دماغي هتتفرتك لو تقدر تعالي الفيلا دلوقتي ورن عليا انزلك .
_ بس كده من عنيا جايلك علي طول قفل مصطفي الفون وفضل يضحك ويقول  :  هههههههه كلها كام يوم وتبقي زي الكلبه تحت رجلي يا ميرا ووقتها مش هرحمك صدقيني .
☆ ————- بقلم الكاتبة/ آية إنسان —————-☆
_ صحيت هاجر الساعه ٦ الصبح ولبست وخرجت :
_دادة ندى  :  راحه فين بدري كده يا هاجر .
_ خارجه اتمشي واطلع على الشغل يا داده .
_ مش هتفطري .
_ معلش مليش نفس لو حد سأل عليا قوليله خرجت .
_ وبالفعل خرجت هاجر وراحت عند النيل ووقفت تتفرج عليه وسمعت صوت من وراها بيقول  : عامله اي .
_ لفت هاجر وبعدين بصت قدامها تاني .
_آسر :  مش بتردي عليا ليه .
_ قامت هاجر علشان تمشي ولكن مسكها من دراعها وقال :  آسف .
_ سيب أيدي يا أسر لو سمحت .
_ هسيبها بس ممكن نتكلم شويه .
_ بمناسبه اي او بصفتك اي علشان اتكلم معاك .
_ بصفتي الدكتور اللي انقذتك امبارح مثلاً.
_ ماشي يا دكتور كتر خيرك متعملهاش تاني بقى .
_ واضح انك زعلانه مني اوي .
_ انا لا زعلانه ولا فرحانه وأعتقد أن امري مش يهمك في حاجه .
_ اتهند أسر وقال :  أنا عارف اني غلطت في حقك وضايقتك ودلوقتي بقولك آسف .
_ ماشي يا أسر بعد اذنك .
_ وقف قدامها وقال :  هو اي اللي ماشي يا أسر .
_ يووووو في اي عاوز مني اي انت كمان سيبوني في حالي عاوزين مني اي ابعد عني ابعد عنيييييي وفضلت تصرخ أسر فضل واقف عاوز ياخدها في حضنه بس مش قادر حاسس بوجعها ودة واجعه اوي لحد ما سمع راجل كبير بيقول : عيب عليك يا محترم لما تضايق بنات الناس على الصبح كده .
_ حضرتك فهمت غلط ولسه هيكمل شاف الناس اتلمت حواليه وبتقول  هي خلاص قله الادب بقت عيني عينك كده .
_آسر :  احم هاجر قولي حاجه عرفيهم اني مش بضايقك .
_ ردت هاجر وقالت :  بس انت بتضايقني من الصبح وعماله اقولك امشي امشي مفيش فايده .
_ جه في الوقت دة البوليس وقال :  في اي اللمه دي ليه .
_ رد راجل كبير وقال :  الأستاذ عمال يضايق الانسه من الصبح وهي عماله تصرخ يا بيه .
_ كمان هتوه على البوكس .
_آسر  :  لا حضرتك فاهم غلط انا مش بضايق حد .
_ كان بيضايقك ولا لا يا انسه .
_هاجر  : كان بيضيقني يا فندم والناس دي كلها تشهد .
_ بقى كده يا هاجر .
_ ايوه .
_ هتوه على البوكس .
☆ ————– بقلم الكاتبة/ آية إنسان —————☆
 في القسم :
_ اسمك اي يلا اخلص .
_آسر  : يلا !! انا الدكتور أسر السمري تقولي يلا .
_ ابتلع الامين ريقه وقاله : هو انت ابن رجل الاعمال اكمل السمري .
_ انا الدكتور أسر السمري .
_ دخل الضابط وقال : في اي يا امين .
_ الدكتور جاي في معاكسه بنت في الطريق العام يا فندم .
_ يا اخي على الصبح كده تعالي علي جوه علشان نفتح محضر .
_ دخل وبعد شويه الباب خبط ودخل الأمين وقال :  البنت اللي عاكسها بره يا فندم .
_ خليها تدخل يا بني .
_ اول ما دخلت ضحك عليها الضابط وقال :  انت اكيد بتهزر انت مكنتش بتعاكس دي صح .
_ اضايق أسر جداً منه ولسه هيرد لكن ردت هاجر وقالت : مع حضرتك حق هو فعلاً مكنش بيعاكسني .
_ انا بقول كده بردو اومال اى  كان بيشتمك صح .
_آسر :  لو سمحت يا حضرت الضابط بلاش تكلمها كده .
_ وانت مالك انت .
_هاجر  : طيب يا فندم انا كنت جايه اعمل تصالح بعد إذنك .
_ وماله امضي هنا يختي .
_ مضت هاجر وخرجت هي وأسر واول ما خرج من القسم شدها لزقها في الحيطه في مكان مداري وقال بغضب :  حلو كده بقى انا الدكتور أسر السمري ادخل السجن بسببك ليه وكمان معاكسه آخرتي ادخل معاكسه ليه بشم على الناصيه .
_ رفعت هاجر عيونها وبصت في عيونه وسكتت شويه وبعدين اتكلمت بصوت مخنوق وقالت :  أسر لو سمحت سيبني .
_ اي المره دي هتقولي كان بيتحرش بيا مش كده .
_ قالت والدموع محبوسه في عيونها : لو سمحت عاوزه امشي .
_ فضل أسر باصص في عيونها اللي شبه اللؤلؤ البحري والدموع اللي مهدده بالنزول في اي وقت ما زادتها إلا جمال فدورت وشها الناحيه التانيه علشان ميشوفش دموعها فسابها وهي طلعت تجري ولكن هو طلع وراها ومسكها من دراعها لسه هتتكلم قالها :  شششش ولا حرف امشي وانتي ساكته أحسن والله هشيلك وسط العالم ومش هيهمني حد ونخليها قضيه آداب انتي حره .
_ خافت هاجر من كلامه شكله مجنون وسحبها ركبها العربيه بتاعته وطول الطريق وهي ساكته وهو عينه عليها بس هي سرحانه وساكته وبعد شويه وقف عند مطعم على النيل ودخل وقعدوا والغريب  أنها هاديه على غير العاده .
_ دخل الجارسون عليهم وطلب أسر فطار ومعاه عصير ليها وقهوه ليه .
_ فضل أسر قاعد قدامها وباصص ليها وساكت فضل خمس دقايق على الوضع دة وأخيراً اتكلمت هاجر وقالت: يوووو في اي .
_ ابتسم أسر وقال : هو حد كلمك .
_ انا ماشيه وقامت ولكن هو مسكها من ايديها وقال :  اقعدي .
_ أسر لو سمحت مش كل شويه تمسك ايدي انا مش بحب كده لو سمحت .
_ احم انا آسف صدقيني مقصدش .
_ أسر انت عاوز اي .
_ اقعدي نتكلم وامشي.
_ قعدت هاجر وقالت :  خير .
_ ممكن اعرف مالك .
_ مالى ازاي حد قالك بشد في شعري .
_ لا مش بتشدي في شعرك انا بس حاسس انك مضايقه اوي وشايف حزنك في عيونك مش متعود عليكي كده .
_ أولاً : اضايق مضايقش ملكش دعوه ثانياً : اي متعود دي ليه محسسني اننا متربين سوى مثلاً انا معرفكش .
_ بصلها أسر بصمت وسكت .
_ اتنهدت هاجر وقالت : أسر لو سمحت انا مش عاوزه اتكلم مع حد انت اعتذر عن كلامك اللي قولته وانا بعتذر اني دخلتك القسم اعتبرني قبلت اعتذارك وانت اقبل اعتذاري وانسي انك قابلت حد اسمه هاجر العامري في يوم لو سمحت بكل ذوق وهدوء مش عاوزه اقابلك أو اشوفك تاني وقامت هاجر مشيت وسابته .
♤ ————- بقلم الكاتبة/ آية إنسان —————♤
_ عدي اسبوع على الجميع بدون احداث تذكر عند إياد اللى  حزين جداً على موت ابنه ودائماً في اوضه عز وهاجر كل يوم تخرج الصبح بدري وترجع بالليل أما اسماء انشغلت جداً في المشروع الجديد وبتحاول تجمع افكار ومعلومات و وعد بتشتغل على نفسها في الشركه وأسر قاعد مع أبوه اللي صحته بدأت تتحسن .
☆ ————- بقلم الكاتبة/ آية إنسان —————-☆
 في فيلا السمري :
_ نزل أسر يقعد مع أبوه على الفطار وقاله : بقولك اي يا بابا .
_ابو آسر :  نعم يا أسر .
_ اي رأيك تصفي حساباتك هنا ونسافر ألمانيا .
_ انا قولتلك مره يا أسر انا مش هسيب مصر يا ابني حياتي عمري كله هنا البيت دة كله ذكريات حلوه مش هقدر أسيبها .
_ بس يا بابا ….
_ سافر يا أسر انا أصلاً مطلبتش منك ترجع .
_ يا بابا افهمني انا مش هقدر اسيبك واسافر .
_ وانا مش هسافر ارجع انت اقعد هنا خدت اي من الغربه نستك اللي انت عاوز تنساه .
_ بابا لو سمحت افهمني .
_ امشي يا أسر امشي يا ابني وقام أبوه طلع اوضته .
_ رن موبايل أسر وكان مستر تايسون مدير المستشفي اللي أسر شغال فيها في المانيا .
_ الو مستر تايسون .
_ …………………..
_ حسناً حسناً مستر تايسون سوف اكون هناك في الميعاد المحدد.
_ اتنهد أسر وقام يحضر الشنطه لانه هيسافر .
◇ ————- بقلم الكاتبة/ آية إنسان —————◇
_ دخلت هاجر الجريده عند مدام صابرين وقالت : انا هسافر .
_مدام صابرين :  تاني انتي لسه راجعه من اسبوعين يا هاجر .
_ انا كده مرتاحه كنت ببلغك علشان لو إحتاجتي حاجه .
_ ناويه على انهي بلد المره دي .
_ راحه اليابان .
_ اليابان مره واحده وانتي هتعرفي تتعاملي هناك .
_ انا بتعامل في اي مكان وحضرتك عارفه .
_ انا متأكده من كده بس بتكلم عن اللغه .
_ يعني هو أنا كل بلد بروحها بعرف اتكلم لغتهم انا بتكلم انجليزي كويس ودة مسهل عليا كتير .
_ في اي حدث مهم في اليابان علشان كده عاوزه تسافري هناك .
_ لا انا مسافره هناك لان مفيش أحداث هناك ومفيش حد هيروح يتفسح هناك اكتر اماكن الفسح بتكون ايطاليا فرنسا أوروبا لكن اليابان معتقدش كتير بيروح هناك إلا علشان شغل .
_ ماشي يا هاجر عارفه أن شغلك معايا مش رسمي بوقت ومواعيد بس وقت ما بحتاج ليكي بتكوني موجوده وانتي هناك دوري على اخر الاخبار واكيد هتلاقي حاجه تفيدنا .
_ ماشي سلام .
☆ ————– بقلم الكاتبة/ آية إنسان —————-☆
_ رجعت هاجر الفيلا وبلغت عمها أنها هتسافر وهو 
وافق علشان هي عاوزه كده .
_ هاجر : الو ايوه يا اسماء فينك مختفيه كده بقالك كام يوم .
_اسماء : بنت حلال كنت لسه هكلمك علشان اقابلك .
_ حلو تعالي في المطعم اللي بنقعد فيه هستناكي هناك .
_ خلاص انا جايه سلام .
♧ ————— بقلم الكاتبة/ آية إنسان ————–♧
 في فيلا السمري :
_ بابا ممكن اتكلم معاك شويه .
_ تعالي يا أسر .
_ انا هسافر .
_ اتكلم اكمل بحزن وقال :  اللي يريحك يا ابني اعمله .
_ انا هسافر بس هرجع تاني في شويه حاجات محتاج اخلصها هناك اسبوع او ١٠ ايام وهرجع .
_ اتكلم اكمل بفرحه وقال : يعني قررت ترجع تعيش معايا هنا .
_ هو مش بشكل قاطع لسه بفكر بس اللي متأكد منه اني هرجع ليك ووقتها نتكلم في الموضوع دة .
_ ماشي يا حبيبي تروح وترجع بالسلامه .
يتبع ……
لقراءة الفصل السادس عشر : اضغط هنا
لقراءة باقى فصول الرواية : اضغط هنا

اترك رد