Uncategorized

رواية أجبرتني على عشقها الفصل الثانى 2 بقلم ضحى خالد

 رواية أجبرتني على عشقها الفصل الثانى 2 بقلم ضحى خالد
رواية أجبرتني على عشقها الفصل الثانى 2 بقلم ضحى خالد

رواية أجبرتني على عشقها الفصل الثانى 2 بقلم ضحى خالد

سمعت صوت بتى بتصرخ سبت كل حاجه وجريت عليها ومرات عمى ومنى 
حبيبه بلفه: ملوك  
طلعت بره لجيت احمد ضربها وموجعها على الارض واخذ منها لعبها … انا اديجت جدا منه هو عيل مدلع جوى ..محستش بنفسى غير وانا بزعج 
حبيبه: احمد هى ملوك من دورك 
حافظه بغضب: هتحطى عجلك من عجل العيال 
رديت بنرفزه : ماهى مش اول مره يضربها يامرات عم 
ردت على منى وجالت ببرود: وانت مالك انت هى وابن عمتها اطلعى منها 
مش عارفه ايه الظلم ده لو ملوك هى اللى ضربت احمد كان زمانى عند بيت ابويا انا وبتى 
رديت عليها وجولت: انا هأخذ بتى طالعه 
لجيت حماتى بتجول:بتك مين يا ام بيتك ملكيش عيال عندنا عايزه تغورى الباب يفوت جمل من  غير البت عايزه تجعدى يبجا مسمعش حصك واصل ولما يجينى جوزك 
سكت انا ماليش غير السكوت مجدرش اسيب بتى وامشى مجدرش  اخلى ملوك تتربى وسط حافظه ومنى ؛ وانا ماليش مكان فى حته تانيه غير هنا …
شلت ملوك واخذتها اغسلها وشها واطلها لازقه على رجبتها ( رقبتها) المجروحه وجعدت وسكت مستنيه اللى هيحصلى من هشام لأن امو واختو مش هيعدو الموضوع اجده ……
فى ليل جه هشام مرات عمى كانت بتضحك مع منى عادى اول ومدخل هشام كشرت وحطت يدها على سدغها( خدها) 
ولجيت منى بصلتى بخبث وجالت: خلاص ياما اعتبريها انى اللى غلط فيك 
حافظه بتمثيل: لا مين جالك انك جليلة الربايه زيها 
انا برجت ( برقت) من الصدمه
هشام: مالك ياما 
حافظه: ماليش يا ولدى 
هشام: مالكيش ازاى حبيبه امى مالها 
مش جادره انطج من صدمتى  ..
منى: ملهاش يا هشام عركت هى ومرتك وجلت جدبها عليها
لجيت هشام مره واحده وشو احمر من العصبيه اصل كلو اللى امو 
هشام: عملتك ايه ياما 
منى: احمد وجع (وقع) ملوك عيال ياهشام وبتعلب والاجى ست حبيبه بتزعج فينا وجلت جدبها على امك وكانت عايزه تاخذ ملوك وتمشى 
كنن واجفه مصدومه مش مصدقه وانا بقول فى عجلى ..كذب والله معملت حاجه من دى 
لجيت حماتى بتجول: مرتك بجت واعره جوى ياولدى 
لجيتو جرب منى ومسكنى من دراعى وجال بغضب: خلى ملوك معاك على مخلص حاجه 
وشدنى على شجتى ..
فوق …. 
لجيتو جاب الحزام بتاعو ولف على ايدو وبيجرب منى وانا بدات ارتعش ..
هشام بغضب: بجا كل ده يطلع منك انت بجا صوتك يعلى على امى يا فا *ج*ر*ه 
حاولت اطلع صوتى عايزه اجول محصلش كل ده والله …
شدنى من شعرى وجال: متردى على ولا صوتك بيعلى على امى بس 
ونزل في ضرب بالحزام كانى من جماد 
كنت فاكرين زى الروايات هيشوف خوفى ورعشة جسمى يرمى الحزام ويشدنى لحضنه  ويبوسنى برقه وحنان ولكلام ده .. ياريت الحياة الزوجية تبجا زى الروايات اللى قرانها واحنا عيال …. 
بعد عنى وهو بينهج من ضربوا في .. مسحت د”م اللى نازل من مناخيرى وانا ببصلو بكره 
هشام : مش عايز اشوف خلجتك ( خلقتك) تحت وتغورى تنامى فى اوضة ملوك ماليش مزاج منك  كتك الجرف( القرف) …
سبنى ونزل ونا جومت بالعافيه اتوضيت وصليت فرض ربنا وهو طلع هو ملوك اخذتها  منو وهو رزع باب الاوضه فى وشى .. دخلت وانا وملوك ..
جعت على السرير وانا بفكر  فى مسيرى الاسود ده هو انا هفضل مع هشام للابد هفضل فى الذل ده يعنى بتى هتكبر وتشوف امها مطمرمته كده … انا متجوزه وانا عندى ١٧ سنه مكملتش علام انا دلوجتى عندى ٢٤سنه   مستحمله كل ده ومجتش جادره استحمل اكتر ….
غلبنى النوم ومحستش واصل غير اذان الفجر
جومت برحه ودخلت الحمام اتوضيت وفرشت سجادة صلاة … وفصلت عن الدنيا  انا دلوجتى بين يد المالك … اخذت نفس 
حبيبه بخشوع: الله واكبر 
قراءه بعض من الايات انا حفظها وركعت 
لقيت دموعى بتسبقنى 
حبيبه: سبحان ربى الاعلى  سبحان ربى الاعلى 
الهم ارحم ابي وامى كما ربيانى صغيره الهم اغفر لي انا ولمؤمنين ولمؤمنات والاحياء منهم ولاموات  الهم صلى وسلم على سيدنا محمد وعلى آله وصحبه أجمعين
*معلومه علشان الدعاء يستحيب لازم تقول كده الاول*
دعيت وانا قلبى مفطور من الحزن 
حبيبه:يارب اهديه يارب حنن قلبو على يارب مش عايزه حاجه تانى انا صبره على البلاء اهديه يارب علشان خاطر بنتو يارب ادينى الصبر والسلوان ان اتحمل 
وردتت قول الاية الكريمه 
{ وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَـٰئِكَ الَّذِينَ صَدَقُوا وَأُولَـٰئِكَ هُمُ الْمُتَّقُونَ }..
مسكت نفسى وقومت كملة بخشوع تام ..
لحد مخلص قرات وردى من القرآن الكريم 
وحسيت براحه كبيره جدا ربنا طبطب علي قلبى … وقولت تذكار الصباح ؛ وتذكرت قول 
وانما بذكر الله تطمئن القلوب …
ولبست عبيتى ونزلت تروق البيت وأحضر فطار بدرى اصلى رايحه عند بيت ابويا …
خلصت وطلعت صحيت ملوك وهشام 
ولبست ملوك وحضرت نفسى .. لجيت هشام مسكنى من دراعى وجال بجرف 
هشام: اسمعى يا هبابه تنزلى تحبى على يد امى 
رديت وجولت: بس انا مغلطش فى حاجه 
شدد من ضغطو على دراعى وجال: اقسم بالله لو منزلتى حبيتى على يد امى لحبسك ومافيش مرواح عند بيت ابوك 
درت بسرعه وانا حساه بكسره واهانه كبيره: حاضر ياواد عمى 
زجنى وشال ملوك ونزل اتنهد ومسحت دموعى اللى فرت منى واستغرفت ونزلت 
ولجيت حماتى جاعده جربت ومسكت يدها وحبيت عليها وجولت: حقك على يا مرات عمى 
لجيتها بتجولى: يا حبيبه انا يعتبرك زى بتى 
جولت فى نفسى : كذابه عمرها معتبرتنى زى منى عمرها … لو بتعتبرنى زى بتها فعلا .. كانت وجفت هشام على اللى بيعملو فى .. مش تجويه على … حسبى الله ونعم الوكيل 
بصتلها وجولت: وانت زى امى يا مرات عمى 
وبعدين شلت ملوك وجولت: عن اذنكم انا همشى 
سمعتها وهى بتجول بصوت واطى: المركب اللى تودى …
مردتش وسبتها وشيت روحت عن بيت اهلى اللى مافيش خمس دقائق واكون وصلت ..
دخلت حبيت يد ابوى وامى وسلمت على اخواتى فى يوم الجمعة كلنا بنتلم اخواتى البنات الرجاله انا سته اخوات رجلين واربع بنات ..
كل واحد جاعد بيحكى عن اهل جوزه وهو مبسوط جد ايه فى حياتو اللى انا والله انا مجصد حاجه انا فرحانه جدا لان محدش فيهم بيعانى زى ولا دايج المرار ويارب ميكتبو على اى بنت … اخواتى الرجاله بيحبو مراتتهم جوى .. فعلا وأنا وسطهم بحس بالنجص .. 
فوجت على صوت امى 
امينه: مالك يا حبت عين امك
رديت بتنهيده: ماليش ياما متعاركه مع هشام
امينه: اما انى لو تسمعى كلام وتجيبى عيل واثنين وثلاثه هيدى عليك وتعلق بيهم 
ابتسمت بسخريه كل ماجول تعبانه فى حياتى تجول الكلمتين دول مش هقدر اخلف منو تانى مش هستحمل اموت فيها ..
امينه: اسمعينى يا خبيه انا عايزه مصلحتك 
رديت عليها وجولت: انا عايزه اطلج 
لجيتها شهجت وضربت على صدرها بعنف: عايزه ايه هايزه تبجى متلطجه ويجول المطلجه راحت المطلجه جات ده انت فتفضلى مع جوزك احسن من نظر اهل البلد يابتى ربنا يهدى سرك …. 
وسبتنى وجامت …
ليه لما بنيجى نجول الاهلينا اننا تعبانين فى حياتنا الزوجية .. الرد استحملى احسن متكونى متطلج استحملى علشان العيال .. هى تجريبا مصر كلها عايشه علشان العيال.. 
اما فين الموده ولرحمه بين الازواج اللى جالو عليها ..دى .. فين واصى الرسول صلى الله عليه وسلم .. فين ..
حطيت ايدى على معدتى عايزه ارجع مش قادره وعندى دوار … جولت لمهره مرات اخويا قاسم … 
مهره بشك: اخر مره جات كانت انتى 
رديت وجولت وانا واثقه: مش حمل يا مهره انا بأخذ الوصيله 
مهره: احيانا بيحصل غلط بصى حظك حلو انا معى إختبار حمل ادخلى يا حبيبه ربنا يستر 
مهره كانت خايفه جوى هى اكتر واحده حسه بى مش زى امى ولا ابويا 
مهره: الهم لا اعتراض بس ياري استر 
مسكت الاختبار وانا برتعش خرجت لمهره …
يتبع ……
لقراءة الفصل الثالث : اضغط هنا
لقراءة باقى فصول الرواية : اضغط هنا

‫2 تعليقات

اترك رد