رواية عشقت دكتوري ولكن الفصل الثاني 2 بقلم سلمى ياسين

رد فهد قاله حياة مختفيه معرفش فين بس هي عرفت اني اتجوزت ومشيت وسابتني  روح دلوقتي الحق المريضه وبكرا نتكلم فالموضوع ده 

رد مصطفي ربنا معاك ويارب تلاقيها وهشتناك بكرا همشي

جري مصطفي لحياة وعلقلها الدم لأنها نزفت فجأة بعد العملية وللأسف مع النزيف ده اضطروا يشيلوا الرحم عشان يلحقوها 

مصطفي فضل باصص لحياة وعيونه مليانة دموع علي اللي وصلتله بسبب فهد ومش عارف يقول لفهد ولا يستني 

خصوصا أن الدكاترة مانعين عن حياة أي توتر أو ضغط

فقرر أنه يستني لحد ما تتحسن

وبالفعل عدي اسبوع وفهد هيتجنن وعمل محضر عشان يشوف حياة فين ومش لاقيها وطبعا محدش وصلها لان وشها بايظ تماما لحد ما حياة اتحسنت دخل مصطفي وكلمها

مصطفي :حياه ده اسمك وكنتي متجوزة او عشان نكون دقيقين انتي ما زلتي متجوزة

حياة : جواز اي مش فاكرة

مصطفي : ممكن متقاطعنيش لو سمحتي وانا هقولك كل حاجه

دي صور فرحك انتي وفهد وفهد ده دكتور زميلنا هنا محصلش واتعاملتي معاه عشان انا كنت خايف يحصل أي حاجه وتتعبي اكتر وهو مش بيجي القسم هنا لانه قسم اسنان 

انا عاوزك متحاوليش تفكري كتير ولا تحاولي تفتكري كل حاجه هترجع بس مسألة وقت 

انا اتصلت بفهد وهو هنا فالمستشفي وقالب الدنيا عليكي من اسبوع 

اه عاوز اقولك اني عرفتك من السلسة اللي لبستيها كنت جيبهالك هدية جوازك ومحفور عليها اسمك انتي وفهد ومتقلقيش اللي فوشك هيختفي وانا معاكي وفهد كمان هروح اناديلك فهد وجاي

فعلا خرج مصطفي وهو بيحاول يتماسك أعصابه 

وجاب فهد وقاله في حالة عاوزك تشوفها

اول ما دخل فهد وشاف حياة اتصدم من شكلها وقالها اي ده اي اللي حصل فيكي اي حياة فضلت بصاله باستغراب بس مصطفي شرحله حالتها اي وفهمه أنها تقدر تخرج من بكرا بس متعملش اي مجهود خرج فهد من الاوضه وفضل قاعد مش مستوعب اللي حصل بعد كده قال لمصطفي كده المشكلة اتحلت هي فقدت ذاكرتها انا هخليها تحبني من جديد وهفهما اني متجوز عليها من زمان وأنهم بقوا صحاب وهمس هتساعدها هي طيبة جدا انت عارف 

مصطفي قاله بلاش دلوقتي عشان متتعبش 

رد فهد :لو خرجت من هنا لقت همس فالبيت هتكون كل حاجه تمام انا هتصرف 

خرج فهد بعد ما خلص شغله وروح علي بيت همس ولم كل حاجتهم وجابها فبيت حياة وتاني يوم اخد حياة من المستشفي وروحها البيت 

حياة اول ما شافت همس ارتبكت وقالتلها وشك مألوف ليا انتي الخدامة صح

ردت همس لا انا مرا…..قاطعها فهد وقالها تعالي ندخل اوضتنا وهفهمك دخلت حياة وفهد اوضتهم وقالها اللي برا دي همس مراتي انتوا الاتنين صحاب جدا من وقت ما اتجوزتكوا 

حياة سألتوا طيب واتجوزت مين الأول قالها انتي قالتله طيب اتجوزتها ليه قالها عشان انتي عندك عقم ومش بتخلفي وانتي اقترحتي اتجوزها لأنها صحبتك وقربتوا اكتر بعد جوازنا 

حياة ردت وشها مألوف ليا فعلا بس انا مش فاكرة اي حاجه ومش عارفة افتكر 

رد فهد انا هخليكي تبداي حياة جديدة يا حياة وكل اللي فات هيرجع مع الوقت 

ردت حياة وقالتوا هو ازاي انا مبخلفش وانا لما عملت الحادثة قالوا إن البيبي نزل

رد فهد قالها بيبي اي انتي مكنتيش حامل واتصل بمصطفي 

مصطفي : الو أيوة يا فهد خير حياة جرالها حاجة 

فهد : لا هي بخير بس كنت عاوز أسألك سؤال هي حياة كانت حامل والبيبي نزل فالحادثة دي

مصطفي : لا محصلش هي بس بتقول كده عشان اضطرابات من الحادثة هي لما فاقت قالت نفس الكلام متقلقش

فهد : تمام  يا دكتور هقفل دلوقتي وهكلمك لما اجي بكرا

قفل فهد وقال لحياة اهو سمعتي يا حبيبتي 

حياة سكتت وقالتله انا تعبانه جدا وعاوزة ارتاح قالها طيب يلا نامي ولما تصحي هتكون همس عملتلك الاكل 

خرج فهد من الاوضة وبعد نص ساعة دخل هو وهمس علي صريخ حياة