رواية تزوجت عاشقة فجعلتني أعشقها الفصل الحادى عشر 11 بقلم عائشة البشير

** في كثيراً من الأحيان هناك أشياء نواجهها نعرف تماماً أنها صحيحه

ولكننا نحاول أن نقنع أنفسنا بأننا مخطئين **

وليد???? لا ياوليد أكيد غالط زيد ذوقها، والله نفسها مره واحده ذقتها وبنتها مستحيل ننساها،

شني اللي قاعد يصير معاي المره الأولى العطر وتوا القهوه ????

خالد بضحكه????: ها شن رأيك توا????

وليد الصدمه قاعده مأثره عليا معقوله تكون هيا، سكتت وأني حاس بالتوتر من نظرات خالد اللي إستغرب من حركاتي، تلفتت للسيارة وركبت بسرعه نحاول نهرب من عيونه لو قعدت قدامه مانقدرش مانسألش عليها

خالد بإستغراب: تي خيره جاته النفسيه من على الصبح هذا

وليد طول الطريق وأني ساكت ومش مركز مع خالد بكل، عقلي قاعد في صراع هيا ولا مش هيا، وريحة خالد زادت الطين بله، لا ياقلبي لا أهدا ????

خالد: خيرك ياوليد من لما ركبت وأنت ساكت وسارح، مني اللي واخذ عقلك????

وليد مرتك يارفيقي???? زعما نسأل ولانفوتها مرات مش هيا، واللي صار صدفه عاديه، ماتغلطش ياوليد وتخسر صاحبك، تنهدت بحزن: لا واللهي غير شاغلني موضوع بوي، والجلسة اللي تأجلت للأسبوع الجاي، لو عندي علم راهو ماجيتش الزفت

خالد: إن شاءالله خير، معليشي أهو كسبناك إسبوع معانا ولا ماتبيناش

وليد بإبتسامه: أنت رأس مالي اللي مازالي في هالدنيا ياخالد كيف مانبيكش يارفيقي

خالد: تي وحد الله ياراجل خيرك متشائم وسلبي لهالدرجة، أسمع مني خلينا إندورولكم حوش إهناي وعملك عندي ولايهمك، وأستقر في بلادك وريح دماغك، تي تونس والله ماتنسكن حتي بالبلاش واحد مايمشيلها إلا من الهم

وليد: لا إله إلا الله، أني واللهي مانفكر في روحي أهم شي عندي ندى، لو بس نتهني عليها خلاص نرتاح بعدين

خالد: وخيرك أنت تظلم في روحك تي لازم تستقر وتشوف حياتك وإدورلك بنت حلال ونفرحو بيك

وليد إبتسمت بهزوه: لا صاحبك ربك مش كاتبله هالفرحه، في الموضوع هذا باع وروح أنتهي خلاص????

خالد بغضب????: أستغفر الله العظيم، تي بكل أنت ياراجل معقد روحك الزفت، خيرك هكي إمولي نفسية ????

وليد تلفتت للروشن وسكتت، شني بنقولك !! كيف بنشرح؟؟ وشني بنفسر !! مافيش حد راح يحس باللي نحس فيه، مافيش من يتوجع معاي، حتي لو قلت مافيش حد يقدر يشيل عني شويه،

“” الكل حكيم مادامت القصه ليست قصته “”

فرح بحزن????: وهذا اللي صار، شوقني القفاطين، أني حماره كان مازال سمعت كلامها أختك 

أمينه: باهي الحمدلله اللي فاتت على خير، وهو الحيوان كيف يقول هكي اللي مايتحشم على وجهه خزي تافه

فرح: وين نندري على بلاه أني، مرض يرفعه إن شاءالله، ماهو من حظي اللي زي وجهي????

أمينه: هههههههه كان حظك زي وجهك من زيك، وتوا كيف بيصير في قفطان الحفلة، شني بتلبسي؟؟

فرح: لا لا معاش نبي شعفه???? نلبس متاع عرسي وخلاص

أمينه: تي كيف والناس كلهم شايفينك فيه في المحضر، وأنتي أولك عرس تحضريه في عيلة راجلك، الأنظار كلها عليك توا

فرح بحزن????: باهي شني بندير؟ بعد اللي صار أمس والله معاذ نقدر نفتح فمي ونقول نبي حاجه، وإنتبهت للمكالمه اللي خشت إنتظار: أمينه عمتي تتصل، توا نحكو بعدين

أمينه: باهي خلاص بإذن الله، سلام

فرح: أهلين عمتي كيف حالك؟

زاهيه بغضب????: الحمدلله، تي وينك لتوا ماجيتي؟؟ اليوم يوم السياق والناس البرانيه جو وأنتي قاعده راقده????

فرح بخوف????: لا والله ماراقده غير خالد مشي للعمل، وبعدين ماحدش قالي أنه السياق اليوم(( وين نعرف عاداتكم أني، أعراسهم واعرات بصراحه طول الإسبوع جري في جري كل يوم طالعين بحاجه مافيش راحه بكل))

زاهيه????: شني لين إنقولولك مفروض جيتي من لما روحتي إمبارح، عارفه البنات عرايس وماهناك من يعول

فرح كان بناويتها عرايس يرتاحو وأني يحرثو عليا????، بخوف: باهي ياعمتي تو إنكلم خالد نقوله يجيني توا مانعطلش بإذن الله، وإنصدمت لما سكرت الخط في وجهي????: أستغفر الله العظيم الصبر ياربي????

فرح بسرعه: وينك ياخالد؟؟

خالد بخوف: خيرك شني فيه؟ فيك حاجه !!

فرح: لا مافي شي، بس سألتك وين أنت

خالد: خوفتيني خاشه فيا زي الحادث، الناس تقول السلام عليكم، أهلا ياعمري، إستاحشتك، مش طول هكي وينك؟

فرح: أسفه، عمتي إتصلت وقتلي كيف ماتجيش لتوا، مازال معطل أنت 

خالد: وخيرك خايفه أنتي؟ شويه وجاي أني مش معطل

فرح خايفه من أمك: باهي خلاص تلقاني واتيه ماتعطلش باللهي

خالد: حاضر ياقلبي❤

فرح حرت شني نلبس وشني نرفع وكيف إندير، رجعت إتصلت باأمينه وسألتها، وقفتها معاي مستحيل ننساها، ربي يحفظها إن شاءالله????????

خالد????: هيا أنزلي أني عندي مشوار شويه وجاي

فرح بخوف????: أنزل معاي باهي، خايفه أمك تعاركني، وبعدين البوكسات مني بينزلهم معاي

خالد????: هههههههه ياخوافه شني اول مره تشوفيها أمي ولا كيف، وبعدين كان نعرف شني فيهم هالبوكسات

فرح بتوتر????: باللهي من غير ضحك مش ناقصاتك حتى أنت، وبعدين البوكسات هاذم هدايا مني للبنات تريحت توا

خالد: وعلاش إتعبي روحك ماهو عطيناهم فلوس هديتهم وخلاص 

فرح: هذاكم الفلوس منك، وهاذم الهدايا مني

خالد بنص عين????: وعلاش أحني مش واحد هديتنا واحده تكون

فرح: باهي خلاص ماصار شي ماتكبرش الموضوع، هيا أنزل معاي ورأسك ☹

خالد????: تعرفي بننزل باش إنشوفك شن لابسه بس، عندي شك ليش ماخلتنيش نشوف لبستك، ياويلك تطلع حاجه هكي ولا هكي????

فرح ندمت لأني خليت خالد ينزل، حاله اللي يسلم???? واللي يضبط واللي تتلصق زي القراده???? تقول إمروح من الحج????

فرح قررت نأخذ عمتي باللسان ونحط كل شي في رأس خالد، نهاري أبيض كان تعاركني قدام هالجمهور هذا????، بإبتسامه: أهلين عميمه، سامحيني على التأخير، والله قلبي إهنايا طول الوقت، غير خالد ربي يهديه كله منه راهو طلع الصبح وخلاني وأني واتيه وعطل عليا

خالد ضحكت عليها كيف تكذب على أمي وخايفه????

عمة خالد1: قعمز ياخالد صفاء إدير في قهوة ماتفوتهاش عليك

خالد بغمزه لفرح: لا عادي كل شي إلا قهوة صفاء ماتتعوضش، قداش لينا عليها

عمة خالد2: عاد انت من لما تزوجت معاذ شفناك، خذاتك منا ياحنه

خالد ياعليك تسحنين عندهم النسون اللي يسمع يقول كنت راقد عندهم رقاد قبل مانتزوج تي أني حتي شكلهم نتلخبط فيه????: واللهي ياعمتي نجرو في جرت هالدنيا وخلاص

فرح قعدت نشوف لخالد بغضب، وهو يهدرز ومش معبرني، باهي صار قهوة صفاء ماتتعوضش !! كان ماخليتها في رقبتك أني مانتسمي????

نضت خشيت لدار البنات ومكيجت وحولت العباية كنت لابسه قفطان أزرق ملكي مخصر على الجسم ولفوق الركبه، ومن غير كمام، وكنت راسمه تاتو باين مع فتحة القفطان من قدام وقمت شويه من شعري والباقي خليته مفتوح، ???? توا تشوف قهوة كيف !!

زاهيه كانت شاده البخاره وتلود في الصالة أول ماأنتبهت لفرح قدمت جيهتها بإبتسامه: بسم الله ماشاء الله، الله أكبر، على كنينتي ربي يحفظك

فرح قدمت وبست على رأس عمتي، وعيوني على خالد اللي شاد طاسة القهوه نبي إنشوف ردة فعله، وإبتسمت لما شفت الصدمه في عيونه لما تلفت جيهتي، بإبتسامه: تسلميلي عميمه، ربي يحفظك ويطول في عمرك إن شاءالله،  

خالد إنسبهت وفتحت فمي???? شني هذا اللي لابساته، تي طالعه طرف مطرف???? تبي تهبلني ولاكيف هذي !!

فرح قعمزت وأني نوزع في إبتسامات وأني نسمع في الكل يتهامسو عليا(( شفتي هالطرابلسيه مايطلع منها))(( ماشاءالله عليها ))(( تبارك الرحمن على الشعر ))(( تي شايف الزين هذا كله وتبوه مازال يشوف لبناويتنا))(( مافلحها شورها مكمله حليب أمها)) هلبا كلام يلا ماعلينا منهم، خلينا مع خالد، اللي قعد فمه مفتوح بصدمه وعيونه تابتات عليا من غير مايرمش حتي رمشه

صفاء، بإبتسامه: فرح تشربي قهوة إنجيبلك من المطبخ

فرح شكلها طيبه هالصفاء ظلمتها: لا حبيبتي ماتعبيش روحك، ووقفت ومشيت قعمزت جنب خالد اللي عيونه كانو يقدحو نار من الغضب، بإبتسامه: توا نأخذ طاسة خالد هو كيف شرب توا مش كويسه ليه القهوة هلبا، مديت إيدي وخديت الطاسه من إيده وتجنبت أنه عيوني تتلاقي بعيونه باش مانضعفش

لاحظت توتر خالد اللي يطربق في صوابعه ويهز في رجله بدون توقف ومركز عليا بكل حواسه، إبتسمت بنصر???? والله نصائح أمال شكلهم جابو نتيجة????

بس تلاشت إبتسامتي لما ناض خالد وجبدني معاه

خالد بصوت عالى: شني هذا ياهانم اللي لابستيه

فرح بخوف: باهي نقص صوتك، في مني تسمع أنت

خالد بغضب????: إنسمع في حضرتك، جايه تعرضي في روحك أنتي ولا شني في دماغك بالضبط

فرح، بإبتسامه????: علاش قصدك مش حلو☹

خالد بغضب????: الصبر ياربي، تمشي توا تغيري فاهمه، خير مانروح بيك ونحلف والله ماتعفسي أمه العرس بكل

فرح كيف بنتكلم، بس سكتت لما خشت عمتي

زاهيه: شني هالعياط خيركم هبلتو بتحشموني قدام الناس، وأنت شني قاعد إدير إهناي أطلع مع خوتك الناس اللي جايبين السياق قريب يوصلو

خالد بغضب????: والنبي ريحيني ياأمي ترا، وأنتي بري بسرعه حولي البلي هذا

فرح بحزن☹: كلميه ياعمتي ديمه وهو عافس فيا، وقعدت نبكي????

زاهيه بغضب????: تي خيرك ياولد ماتقوليش شني دعوتك، شني اللي جاك

خالد تجاهل كلام أمه، وتلفت للفرح، وبعصبيه????: بطل بكي وأنتي ديمه دموعك على سبله، هذا فاش فالحه????

فرح بدموع????: علاش ديمه تحب تنكد عليا، وطلعت بسرعه

خالد بصوت عالى: صار أني اللي منكد عليك توا، يانعن????، وتلفت لأمه اللي واقفه وتندب في خدودها على حشمتها قدام الناس، وبغضب: بري قولي لأمها تغير اللي لابساته وإلا واللهي مايصير خير، وطلع وهو معصب????

خالد وصلو الناس جايبين السياق وغذيناهم، وأني خاش طالع ماخليتش حد يخش غيري خايف حد يشوفها ولا يلمحها بس كانت مش إمبينه، وبنات عماتي وخلاتي هما اللي يعولو ويمدولي 

خلود: نعم ياخالد تبو حاجه

خالد: لا سلامتك، بس فرح وين؟

خلود: واللهي توا مش عارفه، بس من بكري عالقه في المطبخ ياناري

خالد كيف في المطبخ وأني نخش ونطلع ماشفتهاش معناها تتهرب مني وتبعتلي في البنات لما إنادي،????: أسمعي ياخلود مني بحداك 

خلود: مافيش حد أني خاشه بنصلي شني فيه

خالد: فرح بدلت القفطان متاع إمبكري 

خلود: أي بدلاته على طول، بس بكت لين إعييت ياناري

خالد براحه: باهي كويس، شن لبست؟

خلود: ماتخافش لابسه قفطان طويل ومستور والوشاح على رأسها

فرح اليوم كله فات جري في جري ومن الصبح معاش شفت خالد أو بالأصح أني قعدت نتجاهل فيه لما نسمعه ينادي نطلع من المطبخ على أساس بنجيب حاجه من برا، 

في الليل السهريه عاد وعمتكم فرح واخذه دور المنشطه????????، عمري ماكنت من النوع هذا اللي يهيج ويقيم في الأعراس،

بس نحاول نطبق وصايا أمال اللي شكلها بتجيب أخرتي????، (فرصتك في هالعرس باش تمسكي زمام الأمور وتكوني أنتي الكل في الكل في العيله، أشحطي روحك يامضحكه، وفرح القديمه اللي كانت إهنايا زمان في حوش بوك أنساها توا أنتي واحده جديده، وناس جدد فرصتك تتبتي روحك وتقوي شخصيتك من توا، كان فاتاتك الفرصه هذي أعتبري روحك قعدتي مدقنه طول عمرك????)

خيري غمز لخالد????: شني قالولي المدام اللي مولعه الجو الداخل????

خالد????: مبرد وجهك الزفت، شن دخلك في دوة النسون أنت

خيري????: أسمعني ورأس وخيي توا خواتك وبنتهنو عليهم، وبيجي دوري، نبي واحده زيها ورأس فروحه????

خالد????: تي نوض ياعيل من قدام وجهي، أصلا الحق فيا اللي مقعمز جنبك أستغفر الله العظيم وخلاص 

خالد س1 ونص، رنيت على فرح مقفل، خشيت وقعدت إنادي: فرح يافرح

خوله: نعم ياخالد، شني تبي

خالد: وين فرح ترا بري ناديها

خوله بنص عين: فرح الداخل تفرش في الفراشات لخالاتك وعماتك اللي بايتين

خالد حتى في الليل مش إمريحينها، وبغضب: لا واللهي وخيرك أنتي ماتفرشيهم ولا إيديك محنيات، بري ناديها بسرعه

مشت خوله وهيا مش عاجبها، وشوية وجت فرح

خالد بإبتسامه: خيرك تليفونك مقفل

فرح: ماهو أني مش فاضيه، قلت مرات نحطه وننساه، سكرته وحطيته في شنطتي أحسن

خالد: باهي، هيا مازال ماتبيش تروحي، أني خلاص نحس في روحي منتهي

فرح: لا خليني إنبات الليله وبكرا الصبح نروح باش إنحني

خالد: شني !! مبيت لا، هيا ألبسي عبايتك وتعالي

فرح باهي نعرف كيف إنداويك، بإبتسامه: باهي حاضر

زاهيه: وعلاش مايخليكش تباتي، كيف تروحي حتي عيب قدام الناس 

فرح: حتى أني قتله ياعمتي، خليني الليله، كيف نخلي عمتي بروحها، وتعالالي غدوه باش بنحني شي سكر رأسه، بري أنتي أحلفيله????، طلعت عمتي وهيا معصبه

خالد كنت نبيها تروح باش نرضيها على اللي صار إمبكري، بس تحشمت من أمي اللي شكلها فرح اللي باعتتها، سكتت وخليتها تبات????

فرح ثاني يوم جاني خالد وحطني في الحوش، واضح أنه زعلان لأنه ماروحتش معاه إمبارح لأنه مقالش حتي كلمه، جتني المرأه وحنيت وطلعت حلوه، درت دوره ووتيت شنطتي وكلمت خالد جي وردني لحوش أهله

خالد كان خاطري إنشوف حنتها كيف طلعت بس على قد ماحاولت نلمحها حتي لمح شي كانت لابسه قوانطيات في إيديها، كنت نبي نراضيها مستاحشها نبي نحكي معاها نسمع صوتها نلومها كيف تخليني نروح بروحي إمبارح بس خفت نتعاركو زي كل مره وإنكد عليها على قولتها فقعدت ساكت وخلاص

فرح اليوم يوم الكسوه، وأني ماروحتش بكل مع خالد اللي كل ليله يناديني يبيني إنروح بس أني نبعتله في عمتي????

كانو إمديرين غذي، وجت أمي وزينب وسناء، وأني عاد فرحانه بأهلي وحالة صايره فيا، بعد الغذي مشيت للمزينه ولبست شرقاوي ومع الحنه المزخرفه طلعت حاجه ثانيه???? 

كنت ملاحظه خالد مضايق ومش على بعضه غريبه كيف قاعد ساكت الوقت هذا كله،

فرح بإنزعاج: خيره المكيف مش والع ياخالد، حاسه روحي إنطبخت 

خالد كنت إندور في سبلة باش نتكلم????: والع، مش منك ماهو من الدنيا اللي لابستيها بتنطبخي بالسيف عليك، مافهمتش علاش هذا كله

فرح: علاش مش حلوه؟؟

خالد: وين شبحتها أني حلوه ولا مش حلوه، بس هذا كله جو زايد دوة فاضيه

فرح بحزن☹: ليش ديمه تحبط فيا باهي، والله طالعه حلوه توا تشوفها

خالد بغضب????: مره تنكد عليا ومره تحبط فيا شني اللي في دماغك بالضبط أنتي؟؟

فرح برجاء????: ورأسك ياخالد مش وقته بكل مانبيش نبكي ويخرب مكياجي باللهي عليك

خالد بغضب: أنت ياخالد إن شاءالله تتطربق ولا تتفجر عادي مني هامه أصلا، المهم ماتخربش مكياجها هيا????

فرح توا هذا شني بنرد عليه، يدور أي سبب باش يفش غله، سكتت وخلاص????

خالد سكوتها هذا يزيد يعصبني وفيوزاتي يضربو في بعضهم????: أيه ياتسكتي ياتبكي هذا اللي تعرفي أمه أنتي????

فرح: باهي إنزل ساعدني مانقدرش ننزل بروحي ووجهي مغطي مانشوف في شي

خالد توا بننزل بيعشاشو فيا تضبيط وحالة، تنهدت بملل ونزلت ساعدتها وخشينا وتلقونا بالزغاريط، تي عجزت نفهم عقلياتهم النسون هاذم????

فرح خليت خالد واقف على عماته، وخشيت الداخل وحولت العباية وكلهم عجبتهم لبستي ومكياجي 

خلود: ماشاءالله يافرح تهبلي ????

خالة خالد: تبارك الرحمن أرقي روحك قبل ماتطلعي 

زاهيه بفرحه: ماشاء الله على كنينتي تبارك الرحمن????، خلى نمشي إنجيب البخاره

فرح واقفه على المراية وإنساوي في روحي، لما خشت صفاء تجري

صفاء داهشه: ياخلود نبي يبره وخيط أبيض بسرعه

خلود: غير بالشوية عليك، علاش تبيهم

صفاء: خالد بطمة سوريته العربيه إنقطعت، وأمي قتلي جيبي خيط وديرهوله بسرعه

فرح إنصدمت شني صفاء إديرله بطمه سوريته لابأس????، شني قصدهم هاذم????، طلعت بسرعه نبي نسبقها

خالد كنت واقف مع عماتي، لما إنتبهت لفرح اللي جايه جيهتنا، وفتحت فمي من جمالها، طالعه تجلط???? وبالأخص الحنه تهبل???? لو نقدر نخطفها توا ونهرب بيها

فرح شفت عماته حايطين بيه، ماأرتحتلهمش بكل سبحان الله وهما واضح مش طايقيني أصلا، قدمت جيهتهم وشديت في خالد اللي سندني على طول على أساس عترث في الكعب، وبإبتسامة????: خلوده تعالا معاي نبيك شويه☺ وجبدته ومشيت لجهة الباب الخلفي للمطبخ

خالد كانت تجبد فيا وأني ماشي وراها زي العيل????

فرح بإبتسامه: وين بطمة سوريتك اللي تقطعت

خالد بحب????: مش بطمة السوريه اللي تقطعت، وأشر على قلبه: هذا اللي قاعده تقطعي فيه بدم بارد????

فرح تجاهلت كلامه، وإبتسمت: شن رأيك فيا طالعه حلوه صح????????

خالد????: مش حلوه بس تجنني، نفكر نخطفك ونهرب????

فرح هذا غير تتسهوك عليا أمبكري، وين راحت العصبيه هذيكا كلها، توا إنوريك ماشفت شي قاعد، إبتسمت: ليش تخطفني وأني ليك أصلا☺

خالد لا هذي تلعب معاي ولاشني، هلبا عليا مانقدرش نتحمل هذا كله، قربت وحضنتها بلهفه، وبعتاب: هكي تحرميني من حضنك ثلاثه إيام، وأنتي عارفتيني مانقدرش نرقد من غيرك، الليله تروحي معاي فاهمه !!

فرح: باهي، بس ماقتليش وينها بطمة سوريتك اللي طاحت

خالد: أهيا متاع الكم ماطاحتش غير خيطها مفكوك شويه، شافتها عمتي وعششت قتلي والله صفاء لما إديرهالك

فرح بنص عين????: أها باهي وأنت عاجبك الجو عاد !! وصفاء تحوم عليك شني قصتها هذي؟؟

خالد بخوف????: لا لا شني عاجبني، هيا عمتي شدت في الموضوع بس، وبعدين لاقصه ولاشي، حد عنده قمر زيك ويشوف للنجوم، وحطيت إيدي على رأسها وقعدت نرقي فاها ❤

فرح: باهي هيا أطلع طول مش تتلفت يمين يسار????

خالد بحب: باهي بتروحي معاي بعدين راهو مش تنسي، وقربت بستها????

فرح بإنزعاج: حد يشوفنا يابارد 

خالد قربت وبستها ثاني????: خلي يشوفو نقوللهم مرتي وحارمتني منها????

فرح: باهي خلاص أهفت خيرلك 

خالد: تي في حد يشوف الجمال هذا كله قدامه وتبيه يهفت، تي كثر خيرى اللي قاعد شاد روحي ومادرتش حاجه أكبر من هكي???????? وقربت بنبوسها ثاني

فرح بصدمه: حيييييي عمتي

خالد تلفتت بخوف: وينها !! هههههه هربت ????

وليد: ماشاءالله الحمامه زاهيه اليوم إن شاءالله خير????

خالد: لا حول ولا قوة الا بالله، ناس تحسدك حتي على الضحكه الزفت????

وليد: تي بارد من يومك، معقوله بنحسدك يارفيقي تي أني نفرح لفرحتك والله

خالد: عارفك قدر ياصاحبي، تي نبصرو معاك، وقربت حضنته: عقبال عندك يارب

وليد ااااه ياربي اااااه نفس الريحه والله????، بحزن????: لا أني حرمو عليا النساوين من بعدها خلاص موضوع وسكرته????

** في غيابك كل مافيني معكِ.. فكيف أقبل بغيركِ روحاً لى **

خالد: والنبي أسكت أنت سكاتك بركه توا إطيح في بنت أمها تجيبك للطريق وتنسيك كل شي

وليد تنهدت بحزن????: هذي من سابع المستحيلات 

خالد كيف بنتكلم بس سكتت لما شفت سيارات الكسوه خاشين من الشارع

جت الكسوه وكل كسوه أحلي من الثانيه، روحو أهلي قبل المغرب، ودرنا سهرية بعد العشي، ومن س12 وعمك خالد خاش طالع، وكل ماينادي نقوللهم قولوله مش فاضيه????

خالد عرفها تتهرب مني، وفي الأخير بتبعتلي أمي زي كل مره، باهي يافرح توا تجيني وبرضاك، قربت من باب الحوش وقعدت إنادي: خلود خوله صفاء !!????

فرح كنت نسمع فيه ينادي في البنات ماعدلتش بس إنصدمت???? لما سمعته ينادي في صفاء، سيبت اللي في إيدي وطلعت جري

خالد لما شفتها جايه إبتسمت أيواه هكي تبي أنتي !! 

فرح بغضب: ليش تنادي على صفاء شني تبي منها؟؟

خالد: ماهو مرتي مش معدله عليا ولا إمدورتني، خلي نشوف واحده ثانيه تشقي بيا????

فرح بغضب????: غير جرب أنت بس نقتلك بعدين????

خالد: ههههههه مادامك تغاري علاش تتغلي عليا☺

فرح????: وعلاش مش من حقي نتغلي ولا كيف

خالد بحب????: ورأسك ياحبي إلا غاليه وفايته الغلا غادي إطمني❤

فرح إبتسمت????: باهي شني تبي توا؟؟

خالد بفرحه: أنتي بس؟؟ مش وعدتيني إمبكري تروحي معاي ولا لا

فرح، بتوتر: ماهو عيب إنروح والناس بايته !!

خالد: ورأس أمك مادخلني فيك الليله قلت تروحي يعني تروحي، ثلاثه أيام مش راقد كويس،

مادخليش في الناس أني قالك العريس يتعرس،????

هيا بري ألبسي وأطلعي تعرفي تبعتيلي أمي زي كل ليلة واللهي لما إنخش نقيمك من بينهم فاهمه????

فرح متكيه في جنب خالد اللي يلعب بشعري: ياريتك خليتني بتت توا عمتي تحرج، طلعت بالدرقه عليهم????

خالد جبدتها جيهتي وحضنتها بقوة: لو تعرفي قداش مستاحشك، وحاسه بيا قداش نحبك ماتفارقينيش ولا لحظه????

فرح حتى أني إستاحشته ونبيه جنبي على طول بس قاعده خايفه من هالخطوه، ومن التعب بسرعه ماأستسلمت للنوم????

خالد قعدت فتره طويله نتأمل فيها وفي شكلها، وعلى حنتها أول مره تحني حنة ورد هكي، كل مره قاعده تسحرني أكثر من قبل، مش عارف كيف مازال بنصبر عليها تعبتني????

فرح نضت من النوم وإنتبهت لخالد مش موجود، حييي كم الساعه توا؟؟ س9 زعما مشي للعمل؟؟

إنتبهت للبوكس اللي محطوط تحت التلفزيون، هذا إمبارح ماكانش إهنايا، زعما شني فيه????

نضت وقعدت إنتبع في فضولي فتحت البوكس وإنصدمت لما لقيته القفطان اللي قسته في المحل هذاكا اليوم???? طلعت بسرعه إندور في خالد

خالد سخفتني فرح كيف راقده وواضح عليها التعب مابيتش إنوضها، كنت واقف في المطبخ إندير في قهوة، وتفاجأت بفرح حضنتي من الخلف????

فرح بفرحه: شكرا شكرا شكرا

خالد عرفت أنها شافت القفطان، حولت إيديها من على خصري وتلفتت وحضنتها وهيا لفت إيديها على ظهري، أول مره تبادلني الحضن بالشكل هذا، بفرحه: صباح العسل ياعمري????????

فرح، بإبتسامه: صباح الورد والياسمين ????

خالد: عجباتك المفاجأة؟؟

فرح: تهبل أنت مافيش منك، بس كيف جبته !! رجعت للمحل قصدك؟؟

خالد: كيف ماجبته جبته المهم مافيش حاجه تقعد في خاطرك طول ماأنتي معاي عيوني ليك لو تطلبيهم????

فرح، بخجل: تسلملي أنت وعيونك????

خالد????: راهو معاش نرضي إلا بحضن يرد فيا الروح زي هذا الصبح????

فرح: حاضر من عيوني ????

خوله بغضب????: كيف ماتبيش إتجي تروح بيا؟؟

أسامه????: فكيني من دوة النسون والدلع الزايد هذا، يجيبك واحد من خوتك، أصلا أني مانحبهمش الصالات

خوله بغضب????: ومني اللي قالك حبهم أنت تعالا روح بيا بس عيب حتى قدام الناس تبيهم يقعدو يضحكو عليا

أسامه????: هذا اللي هام أمكم أنتم كلام الناس بس، تي والنبي أطلعي من دماغي، بيجيبك خوك باهي ولا أقعدي في حوش أهلك

سكر أسامه وخلا خوله تبكي بحرقه حاسه روحها تسرعت بالقبول، أسامه مش عاطيها مجال تفهمه بكل أو حتي تعرف كيف تتعامل معاه، ياريتها فكرت كويس قبل ماتوافق، بس توا خلاص مافيش قدامها إلا أنه تواجه الأمر الواقع ياتغلبه ياأما يغلبها????

خلود بخجل: نعم !!

عماد بحب: واتيه ياحبي❤

خلود: ربع ساعه ونكمل، ليش كل شويه تتصل وتسأل؟؟

عماد بفرحه: مش مصدق أنك خلاص وليتي ليا، مستني بفارغ الصبر أمتي تكوني عندي❤

خلود، بخجل: مانحسابكش مستعجل لدرجه هذي، معاش مازال هلبا خلاص

عماد، بفرحه: راح نستناك قدام المزين مادامك قريب تكملي، أني اللي بنرفعك للصاله

خلود: باهي حاضر????

فرح مكيجت في المزين وروحت بنلبس في الحوش، وحصلت في القفطان اللي ماباش يتسكر، زفرت بغضب: ااااف خيرها مابتش تتسكر الزفت، شني هالحظ النحس اللي عندي، خيره هذاك اليوم تسكرت عادي????

خالد من برا: هيا يافرح مازال؟؟

فرح ماعنديش حل ثاني غيره: خالد خش شويه

خالد????: نعم ياعمري، شني فيه؟؟

فرح بحزن: ماباش يتسكر☹

خالد بإبتسامه: خلاص لفي توا إنسكرهولك ياقلبي، وأني علاش موجود إمالا????

خالد أول ماقربت منها وشميت ريحتها عقلي طار???? أول مره إنشمها الريحه هذي علاها???? إيديا قعدو يرعشو ماسكرت القفطان لين خليني ونخليك، قربت وحطيت رأسي على رقبتها وقعدت هايم مع ريحتها اللي ذوبتني

فرح توترت من قربه، بخجل: خالد معاش وقت راح نتأخرو هكي

خالد لفيتها وخليتها توقف مقابلتني، وبحب: ياروحي أمتي بتحني عليا???? تعبت ومعاش قادر نصبر أكثر من هكي???? ماتزعليش مني ياقلبي، عارفك قاعده مش متقبلتيني، بس حسي بيا حتي شويه، كل شي فيا يبيك، نهون عليك تعذبيني هكي????

فرح نزلت رأسي لوطه، بخجل: بس حتي أني نبيك❤

خالد فتحت عيوني على وسعهم، بفرحه: أنتي تحكي بجد ياروحي

فرح بخجل: أي حتي أني نبيك، وقربت حضنته بسرعه

خالد فرحتي لاتوصف وأخيرا صبري جاب نتيجة، وأخيرا الدنيا بتضحكلي، بفرحه: ياعمري أنتي خلاص معاش نبيها حتي الحفله❤

فرح بعدت، بفزع: لا شني تقول أنت، أني مش هاربه، قاعدتلك طول العمر????، هيا تأخرنا كله منك

خالد كان نشوف لعيونها شويه ثانيه معاش نقدر نضمن روحي شني ممكن إندير، طلعت بسرعه قبل مانتهور، وبصوت عالى: أني في السياره أطلعي بسرعه

فرح كنت نشوف لخالد وفرحته مش عاطيها لحد، بعد كل شي داره معاي فعلا يستاهل أنه يملكني ليه هوا وبس، قررت أني نخلى الوقت هو اللي يتكفل بنسياني للماضي، لازم نحاول نفكر في مصلحتي وراحتي اللي أكيد مش راح نلقاها إلا مع خالد❤

** قد يكون الماضي جميلاً أو حزيناً.. ولكننا أبناء هذه اللحظه.. ولا خياراً أمامنا إلا الحياة !! **

فرح: خالد نسيت الطاقم في السياره باللهي مدهولي بسرعه

خالد بضحكه????: وين عقلك ياقلبي كيف تنسيه؟؟

فرح، بإبتسامه????: عقلي معاك، هيا بسرعه نستني فيك في باب الصالة

خالد أشرت بإيدي لوليد اللي جاي جيهتي: باهي حاضر ياعمري هيا شويه ونجيبهولك

وليد????: تي لازم تجيبني، الحفله للنساوين مش للرجالة 

خالد????: تي أسكت نبيك تكسد معاي، شويه نعطي للعويله حاجه وجايك، خليك إهنايا

خالد فتحت السيارة وقعدت إندور على الطاقم اللي لقيته تحت كرسي فرح، بس لفت إنتباهي الباكو اللي عليه شعار محلنا، وفضولي خلاني نفتحه وإنصدمت لما شفت التعليقه اللي فيه????

هذي منين جابتها؟؟ خديت المفتاح وفتحت القجر متاع سيارتي بس إنصدمت ???? لما لقيت باكو التعليقه اللي واخذها لفاتن من قبل قاعد في مكانه، بس كيف فرح منين جابتها؟؟ هالتعليقه ماجبتش منها إلا قطعتين واحده خديتها أني والثانيه خدها…….. !!!!!!!!!

لا لا لا لا معقوله ????

وفجأة ???????? وكأن الأوجاع نصبت خيام إقامتها فوق قلبي????????