Uncategorized

رواية حبيبتي العنيدة الفصل السابع 7 بقلم فاطمة أحمد

 رواية حبيبتي العنيدة الفصل السابع 7 بقلم فاطمة أحمد

رواية حبيبتي العنيدة الفصل السابع 7 بقلم فاطمة أحمد

رواية حبيبتي العنيدة الفصل السابع 7 بقلم فاطمة أحمد

بدأ عماد الكلام وقال…
طيب احنا جاين النهارده عشان نطلب ايد أسيا منكم و طبعاً هيكون شرف لينا انكم توافقه
والدة أسيا: يا ابني انت عندي زي وائل و احنا اكيد موافقين علي طلبكم بس بعد ما نسمع رأي والدتك الست سعاد هانم
والدة عماد: وأنا يعني رأي هيفرق ماخلاص بنتك وقعت ابني
والدة أسيا: نعم بتقولي ايه 
والدة عماد: لا مبقولش قصدي يعني انهم بيحبو بعض
عماد: طيب يا مرات عمي انتي كده سمعتي رأي امي
نقدر نقرأ فاتحه وبكره نلبس الشبكه ونكتب الكتاب و نعمل الفرح بعد أسبوعين
والدة عماد: انت مستعجل كده ليه يا ابني 
عماد: معلشي يا امي خير البر عاجلا بقي و انا فعلا حابب اتجوز بسرعه عشان تفرحي باحفادك ولا ايه يا ست الحبايب 
والدة عماد: ماشي يا عماد 
والدة أسيا: واحنا موافقين يا عماد 
والدة عماد: طبعاً لازم توافقي هو انتم هتلاقو فرصه احسن من دا
والدة أسيا: فرصه ايه يا سعاد انتي عارفه ان ابنك هيموت علي أسيا من زمان بس ربنا يسامح اللي كان سبب فراقهم 
والدة عماد: انا مقصدش يا ام وائل بعدين هي العروسه فين عشان نقرأ الفاتحه 
وائل: أسيا تعالي يا أسيا وهاتي العصير
وطلعت أسيا و هي لبسه فستان طويل لونه ازرق و مشجر ورد بيلمع وكانت سايبه شعرها وحاطه ميكب بسيط وكان شكلها احله من القمر
و طلعت وقدمت العصير وسلمت علي والدة عماد و عماد
وقعدة جمب والدتها وعماد قال …
والله نفسي بدل ما نقرأ فاتحه نكتب الكتاب و اخدك معايا الوقتي لبيتي وافضل اتأمل في جمالك ورقتك و احاول اصدق ان احنا فعلا بقينا مع بعض
وائل: طيب يلا يا حينين عشان نقرا الفاتحه وكلها بكره وتتجوزه
وبعد ما قراءه الفاتحه  .. 
باركو كلهم لبعض و استاذن عماد و والدته و راوحو بيتهم و كل واحد عند اسيا دخل قوضته
و أسيا فضلت قاعده قدام مرايتها وبتحاول تصدق ان الضحكه اللي علي وشها حقيقه ومش مزيفه لكن موصلتش لاي رد واخدت موبيلها وكلمت صاحبتها سلمي وعزمتها علي الخطوبه وكتب الكتاب وبعدها غيرت هدومها ونامت علي سريرها بتحاول تصدق ان هي بخير لحد ما خطفها النوم ونامت
ــــــــــــــــــــــــ
في بيت عماد اول ما دخله من الباب والدة عماد قالت: استنه هنا يا عماد انا عايزه اتكلم معاك 
عماد: نعم يا امي 
والدة عماد: انت يعني فاكر انك بتحطني قدام الامر الواقع وبتقول انك هتكتب الكتاب بكره
عماد: انا مش فاهم ايه المشكله يا امي 
والدة عماد: المشكله ان انا مش واثقه ان أسيا دا تنفعك اصلا
عماد: اه دا نفس كلام زمان طيب اسمعيني يا ماما انا خلاص اخدت قراري وهتجوز أسيا عشان هي اللي تنفعني مش ساره بنت اختك
والدة عماد: ومالها ساره اللي انت ضيعتها معاك ورمتها بعد ست شهور جواز 
عماد: لو حد بوظ حياة ساره يبقي حضرتك لانك غصبتيني عليها
والدة عماد: بس ساره بتحبك 
عماد: وانا بحب أسيا و هكمل حياتي معاها وهتجوزها سواء حضرتك وافقتي او لاء 
والدة عماد: ماشي يا عماد اعمل اللي يريحك بس مترجعش تندم علي قرارك
عماد: بعد اذنك يا ماما عشان هطلع انام
وفعلا عماد طلع قوضته بس مانمش ومكنش عارف ينام ولقا نفسه بيتصل با أسيا 
أسيا قامت مخضوضه شويه اول ما شافت الاتصال
وردت وقالت الو
عماد: الو يا أسيا انتي شكلك نمتي صح
أسيا: يعني تقريباً نمت شويه 
عماد: انا اسف مكنش قصدي اقومك من نومك
أسيا: لا عادي مفيش مشكله بس هو حصل حاجه يعني 
عماد: لا بس انا مش عارف انام من كتر فرحتي 
أسيا: بجد والله 
عماد: والله بتكلم بجد يعني مش مصدق ان حب حياتي وعشقي وروحي وحلم عمري هيكون معايا بكره
و أسيا ملقتش رد من كتر ما اكسفت وعماد لاحظ ان هو كسفها من غير قصد وغير الكلام بسرعه وقال: طيب اسيبك انا بقا عشان ترتاحي وتنامي شويه 
أسيا: ماشي يا عماد تصبح على خير 
عماد: تصبحي على كل خير يا حبيبتي……. 
يتبع…
لقراءة الفصل الثامن : اضغط هنا
لقراءة باقي فصول الرواية : اضغط هنا

اترك رد