Uncategorized

رواية المتمردة الصغيرة الفصل الثامن عشر 18 بقلم طاهر أبو زيد

 رواية المتمردة الصغيرة الفصل الثامن عشر 18 بقلم طاهر أبو زيد

رواية المتمردة الصغيرة الفصل الثامن عشر 18 بقلم طاهر أبو زيد

رواية المتمردة الصغيرة الفصل الثامن عشر 18 بقلم طاهر أبو زيد

بعد اسبوعين 
بيبقي اسر تعبان ونفسه مخنوق جدا
وبيموت
بتتصل نور علي الدكتور والإسعاف بسرعه 
بيوصل الدكتور بسرعه 
بترن نور علي عياله بسرعه 
بيوصل طه وطارق الفيلا 
بيدخل الدكتور الاوضه مع اسر وحده 
بيطول الدكتور 
طارق – انا خايف قوي 
الدكتور اتاخر ليه 
طه -اصبر 
خير متقلقش 
بعد شويه بينزل الدكتور من فوق 
ويبص في الارض 
نور برعب -في اي يا دكتور 
الدكتور – شدو حيلكم البقاء لله اسر بيه تعيشو انتو 
بتبصله نور بصدمه – انت بتقول اي 
الدكتور – شدو حيلكم 
بتمشي نور عليه بعصبيه 
نور بعصبيه – اخرس خالص 
متقولش كده 
بيبقي الدكتور باصص للارض 
نور – متبصش علي الارض 
رد عليا 
بتسيبه نور وتجري لفوق 
بتدخل نور الاوضه بيكون اسر علي السرير 
نور – اسر 
يا اسر قوم يا حبيبي 
هتسيبني لمين يا حبيبي 
انا عرفاك مش هتسيبني يا اسر 
قوم ونبي 
بيبقي طه وطارق واقفين مع الدكتور تحت 
طه – هو مات ازاي يا دكتور 
الدكتور – للاسف ازمه صدريه 
انا كنت محزره 
وقولتله يبعد عن اي حاجه تنرفزه 
وللاسف انا كنت متوقع النهاية السريعه دي 
ربنا يرحمه كان باين عليه 
والازمه لما جتله من اسبوعين 
كانت في مرحله متاخره 
وانا كنت عارف 
ومكنش ينفع اقوله
ربنا يرحمه 
طه – ولا يهمك يا دكتور 
اطلع معاه يا طارق حاسبه. 
بيطلع طارق مع الدكتور 
ويدخل بسرعه علي طه 
طارق – احنا هنقف هنا ونسيب البت دي فوق 
يلا يا عم نطلع بسرعه عن تبصمه علي حاجه 
بيجري طه وطارق لفوق 
بيدخلو الاوضه
 بتكون نور بتعيط وقاعده علي الارض وماسكه في اسر 
طه – قومي انزلي تحت 
طارق – معلش عشان في ناس هتيجي تغسله 
نور بانهيار – مش عايزه اسيبه 
طه – انتي هتستهبلي بقولك قومي 
بتسمع نور الكلام وتقوم 
بتتصل علي سحر فا بتيجي هي وعمر جوزها بسرعه 
بتيجي ناس كتير 
وبتبقي نور منهاره عياط علي حظها 
بيروحو يدفنو اسر ويرجعو 
بالليل
بتسلم سحر علي نور 
سحر – شدي حيلك يا حبيبتي 
بكره الصبح هاجيلك يا حبيبتي 
نور – باتي معايا يا سحر ونبي 
سحر – مش هينفع يا حبيبتي 
بكره الصبح بدري هاجيلك 
نور – ماشي 
بتمشي سحر وبيمشي الناس كلها وبتبقي قاعده نور وطه وطارق 
طارق – هنعمل اي معاها 
طه – هنمشيها من هنا ونخلص 
ونبيع الفيلا لشركه الاستثمار اللي كانت طالباها 
طارق – طب هتمشيها ازاي 
طه – هتشوف 
بيقوم طه وطارق ويروحو لنور 
طه – البقيه في حياتك يا نور 
نور – وحياتك الباقيه 
طه – شوفي اي بتاعك في الفيلا وخديها واتكلي علي الله 
نور – نعم 
طارق – اي طرشتي 
طه – براحه يا طارق 
دي مهما كانت 
كانت مرات ابونا 
بصي يا نور 
ابويا صرف عليكي كتير قوي 
واظن كفايا عليكي كل دا 
ولو عوزتي فلوس هديكي 
بس اعتقد انك خدتي كتير 
فا لمي حاجتك دا لو ليكي حاجه اصلا وامشي من هنا يلا 
نور – حرام عليكي دا انتو لسه دافنين ابوكم 
لحقتو توزعو ماله عليكم 
انتو اي معندكمش قلب 
بيمسكها طه من دراعها جامد 
طه – بصي يا روح امك 
جو الصعبنيات دا مش هياكل معايا 
لو عايزه قرشين هديهملك وتغوري من هنا 
انا مش ناقص قرف 
نور – سيب ايدي 
انا مش عايزه منكم زفت 
ملعون ابو الفلوس يااخي 
دا ابوكم لسه جثته مهمدتش 
انتو اي 
ملعون ابو الفلوس 
الله يولع فيكم 
بيتعصب طه علي نور وبيضربها 
بيقعد طه يضرب في نور 
طه – اطلعي بره يابت الكلب من هنا 
نور — متشتمنيش 
طه – اشتمك بس دا انا هكسرك خالص 
عارفه ما اشوفك هنا تاني 
وحيات امك لاندمك ندم عمرك 
غوري 
بتقعد نور تعيط ومنهاره 
بيشوفها الغفير 
الغفير – نور هانم في اي 
نور – مفيش يا عم عبدالله
الغفير – رايحه فين يابنتي 
عيب تسيبي بيتك وجوزك لسه متوفي 
الاصول يابنتي منتخطهاش
نور بعياط شديد – عياله ضربوني 
وطردوني يا عم عبدالله 
مشوني من بيت ابوهم 
وفكرو في الورث واملاكه وهو لسه متوفي 
ولا فرق معاهم اي حاجه 
ولا صعب عليهم ابوهم 
بتنزل دموع عبدالله 
عبدالله- لا اله الا الله هو في كده في الدنيا 
الفلوس عمت الناس يابنتي 
انتي هتروحي فين دلوقت 
نور – مش عارفه يا عم عبدالله 
عبدالله – يعني اي يابنتي هتروحي فين بس 
نور – ارض الله واسعه يا عم عبدالله 
عبدالله – يابنتي انتي مراته يعني اكيد ليكي ورث 
نور – مش عايزه حاجه منهم 
عبدالله -طيب استني هاجي امشي معاكي 
واوصلك بيت حسين الله يرحمه 
نور – شكرا ياعم عبدالله 
عبدالله- الشكر لله يابنتي 
يعلم ربنا انا حبيتك ازاي 
ومشفتش منك الا كل خير 
بيطلع عبدالله مع نور وبيركبو مواصلات ومبيبقاش مع نور فلوس خالص 
فا بيدفع عبدالله 
عند سحر 
عمر – يابت خدي نفسين من السيجاره دي 
سحر – يخربيتك يا عمر 
تاني الزفت دا 
عمر – دا احلي حاجه الزفت دا 
نشد النفسين ونتشقلب للصبح
سحر -ياعم سيبني في حالي 
انا ملياش مزاج 
دماغي مقلوبه وخايفه علي نور 
عمر – يووووووه يادي نور اللي طلعتلنا في البخت دي 
في اي ياما ما خلاص جوزها مات وهتورث ملايين ومش هتشوفنا حتي 
سحر – متقولش كده 
عمر – طيب سيبك من نور دلوقت 
وقومي البسي حاجه حلوه 
سحر – هو انت معندكش دم 
يعني ابويا مات من اسبوعين 
وجوز اختي مات النهارده وانت عايز زفت علي دماغك 
عمر – يووووووه يادي اختك 
ياستي فكك بقا 
احنا لسه عرسان وبراحتنا 
سحر – فكك يا عمر النهارده 
عمر – لا فكك اي قربي بس 
سحر – لا يا عمر….
لسه بتتكلم سحر فا بيخبط بابا البيت 
عمر – اي دا مين بيخبط علينا متاخر كده 
سحر – مش عارفه قوم شوف مين 
عمر – اووووف هو دا وقته 
بيقوم عمر ويقرب من الباب
عمر – مين اللي بيخبط 
نور – انا نور يا عمر 
عمر – ها نور طيب دقيقه هنده سحر تفتحلك معلش 
نور – ولا يهمك عادي 
بيدخل عمر لسحر بسرعه 
عمر – بت يا سحر نور اختك هي اللي بتخبط 
سحر – نور 
بتقوم سحر بسرعه وتفتح لنور 
بتبص حر لنور بتلاقيها متبهدله وباين عليها اثار ضرب 
بتاخدها سحر في حضنها وهي بتعيط 
سحر – مالك يا حبيبتي في اي 
مين اللي عمل فيكي كده 
نور بعياط وانهيار – ضربوني وبهدلوني يا سحر 
طه وطارق ضربوني 
وطردوني من الفيلا 
سحر – يخربيتهم ليه كده 
نور – فاكريني طمعانه في البيت او الفلوس 
عمر – انا ممكن اجيب شويه شباب اصحابي ونروح نكسرهم 
نور – لا يا عمر لا 
انا مش عايزه مشاكل 
انا حقي عند ربنا
سحر – طيب اهدي يا حبيبتي 
نور – حاضر 
معلش يا سحر هتقل عليكم 
سحر – متقوليش كده يا حبيبتي 
دا بيت ابوكي وبيتك
تعالي يلا نامي في اوضه بابا 
عشان انا وعمر قاعدين في اوضتنا 
نور – حاضر 
بتدخل نور الاوضه وهي داخله بتسمع عمر بيكلم سحر 
عمر – هي هتقعد معانا 
سحر – اه 
عمر – ودي هنصرف عليها ازاي هي كانت من بقيت اهلنا 
سحر – اخرس قطع لسانك 
بتدخل نور اوضه حسين وتبص علي صورته 
بتنزل دموع نور 
بتقعد نور علي السرير وعنيها كلها كسره وحزن والم 
نور – يارب 
يارب انا صبرت علي ظلم ابويا سعد 
وصبرت علي ضربه ليا وعزابه ليا 
وصبرت بعد موت احمد حبيبي 
وصبرت بعد ما شفت ابويا بيموت امي قدامي 
وصبرت علي فراق امي 
وهربت عشان احافظ علي نفسي وشرفي
وصبرت علي الفقر والعيشه 
واشتغلت وتعبت وكنت برجع مهدوده 
وصبرت عليي العيشه دي 
وصبرت ورضيت بحكمك واتجوزت راجل اكبر مني بسنين 
وصبرت علي موت ابويا حسين 
وصبرت علي موت جوزي اسر 
واديني هصبر علي ظلم عيال جوزي 
يارب انا نفسي تجبر خاطري يارب 
يارب انا تعبت يارب 
يارب انت اللي عالم بيا وبحالي 
يارب انا عايزه الستر يارب 
يارب احفظني من عندك يارب 
يارب انا مليش غيرك 
يااااااااارب 
بتقعد نور تعيط طول الليل وهي بتكلم ربنا لحد ما تنام 
تاني يوم بتقوم نور وتنزل من البيت 
بتروح نور البنك اللي كانت بتروحو مع اسر وبتسال لو كان ليها اسم حساب في البنك 
بيطلع فعلا ليها حساب بس فيه مبلغ صغير 
بتسال نور علي المبلغ فا بيقولولها انه 10 الاف جنيه 
بتسحبهم نور من البنك وبتروح البيت بيهم 
بتمسك نور 5 الاف وتديهم لسحر 
نور – سحر خدي الفلوس دي خليها معاكي 
سحر – يا حبيبتي دي فلوسك ومالك انتي 
نور – معلش يا حبيبتي مالي ومالك واحد
وبعدين عمر مش لاقي شغل اكيد هتعوزو مصاريف 
خدي اقفي جنب جوزك 
بتاخد سحر الفلوس من نور 
عند وعد …..
علي – يسطا انا بحب وعد 
صابر – اقسم بالله 
علي – اه بجد 
صابر – وربنا عارف وكان باين عليك اصلا يا عليك
علي – باين عليا 
صابر – اه والله و الشركه كلها عارفه 
فاانت خد خطوه لقدام بقا ها 
علي – انت شايف كده 
صابر – طبعا يابني يلا روح 
علي – حاضر 
بيقوم علي وبيمشي علي مكتب وعد 
بيقرب خطوه وقلبه يدق 
لحد ما بيوصل المكتب 
بيخبط علي علي الباب وبيدخل 
بيقرب علي من وعد 
علي – وعد انا ….
بيقطع كلام علي تلفون وعد بيرن 
وعد – معلش يا علي دقيقه خالد بيرن عليا 
علي – لا لا خدي راحتك 
بترد وعد علي التلفون وبتتصدم 
وعد – نعم خالد اخويا 
بيقع التلفون من ايد وعد وتبص لعلي بعنين مليانه دموع 
وعد – الحق يا علي ……..
يتبع………
نور راحت تعيش مع سحر تاني 
هل الظروف هتظبط معاها
هتقضي حياتها مع سحر وعمر ولا هيحصل اي 
احمد حب وعد 
وعايزها 
ياترا حصل اي لخالد 
سعد فين 
نور هتكمل ازاي 
عيال اسر هيسكتو علي كده 
نور هتسيب حقها ولا هتعمل اي 
يتبع…
لقراءة الفصل التاسع عشر : اضغط هنا
لقراءة باقي فصول الرواية : اضغط هنا

اترك رد