Uncategorized
رواية ورائك دائما الفصل الثالث 3 بقلم سيلين مراد
رواية ورائك دائما الفصل الثالث 3 بقلم سيلين مراد
 |
| رواية ورائك دائما الفصل الثالث 3 بقلم سيلين مراد |
رواية ورائك دائما الفصل الثالث 3 بقلم سيلين مراد
= نعم بتقول ايه ؟؟؟
وهو بيتكلم أيلين خرجت و راحت الحمام
* زي ما قولتلك يا فندم اللي اسمه محمد هرب ومش موجود و بندور عليه
= محدش يتحرك من القسم انا جاي حالاُ
سيف قفل تليفونه و اتعصب جدا فجأة مسك شوب المية الزجاج و رماه على الأرض
= يا ابن ******** فاكر نفسك هتهرب مني ومش هعرفك اجيبك مااااشي
لبس سيف على السريع كده و نزل و ركب عربيته و مشي ………
* في القسم *
سيف دخل القسم وهو هينفجر من الغضب و صحابه اتفاجئوا لما شوفه ، صديقه المقرب “مصطفى” قال
‘ مش هو ده نفسه سيف اللي انا كنت في فرحه إمبارح و بنرقص و بنهيص ولا انا نظري ضعف حبتين ؟!!!
رد زميله ” قاسم ” :
– سبحان الله انا كمان فاكر كويس إن فرحه كان إمبارح
‘ طب ايه اللي جابه ده ؟ مش مفروض هو في إجازة ؟
– مش بقولك سبحااااااانه
‘ طب تعالى نشوف في ايه انا عارف سيف كويس مش بيمشي الماشية دي ولما بيبص بالق**’رف ده لحد ولما عينه بتحمر كده غير لو كان فيه مصيبة حصلت !!
– على رأيك يلا
راحوا صحابه على مكتبه وملقهوش موجود ف سمعوا صوته وهو بيزعق عند الزنزانة ….. ف جريوا عنده و كان سيف ماسك الحارس من هدومه و بيزعق ( الحارس اسمه أحمد )
= و أنت فايدتك ايه هنا بالظبط إزاي يهرب بالسهولة دي كنت فييييين
* والله يا باشا كنت قاعد هنا متحركتش من مكاني
= اوومااال هرب ازاي ؟ ايه هو ملبوس بعرفيت ازاي مشفتهوش وهو بيهرب (كان هيضربه ف اصحابه منعوه )
قال مصطفى
‘ مالك يا سيف في ايه جاي تتخانق مع أي حد و أنت ايه اللي خرجك من بيتك اصلا
= مصطفى اسكت متخلنيش ازعلك و ابعد عني احسنلك
‘ طب فهمني في ايه ؟ خد نفس عميق كده و اهدى و بعدها اتكلم
سيف هدي شوية وبعد كده قال
= هتجنن يا مصطفى والله مش عارف ازاي هرب
‘ مين هو ؟
= واحد كل***** اسمه محمد جبته إمبارح هنا و بلمح البصر هرب
‘ ثواني كده انا مش فاهم حاجة على ما أتذكر ان فرحك كان إمبارح و النهاردة صباحيتك ازاي يوم فرحك جبت واحد هنا ؟
= مصطفى قولتلك ابعد عني كده (مسك سيف الحارس تاني )
= احكيلي بس اللي حصل امبارح بالظبط او حاجة لاحظتها يا أحمد
* حاضر يا باشا ، إمبارح جالي واحد من رجالتك ” يونس تقريبا ” جاب محمد ده في أيده و قالي حضرة الظابط سيف بيقولك تسجنه لغاية ما يجي
أخدت محمد و دخلته الحجز في الزنزانة دي بالظبط وقعدت طول الليل براقبه و مش بشيل عيني من عليه ابدا
بعد كده كل الظباط اللي هنا مشيوا و انا فضلت قاعد قدام الزنزانة ، فجأة دخل القسم حوالي خمس رجالة كانوا حاطين أقنعة لسه هرفع عليهم المس**’دس قاموا نزلوا فيا ض**’رب حتى شايف اللي في وشي ده منهم و اخدوا مفتاح الزنزانة مني بعدها انا فقدت الوعي صحيت ملقتهوش خاالص و اتصلت ب يونس يقولك بس والله هو ده اللي حصل يا باشا
سيف قال
= اوووووف ، خلاص يا أحمد روح بيتك ارتاح او خد إجازة و انا آسف لأني زعقت فيك
* مفيش داعي للأسف يا فندم
مشي سيف على مكتبه و قلع الجاكت فضل يلف يمين وشمال ….. و جه وراه مصطفى و مديره عُمر
قال مديره عُمر
* انت هتجنني صح ؟؟ برضو جيت يا سيف !! مالك ؟ ايدك مالها اتجرحت ازاي ؟
= يا فندم انا فيا اللي مكفيني بعد إذنك خلي كلامك ده بعدين
‘ سيف فهمني في ايه بالظبط ومين محمد ده اللي مخليك تتعصب بالشكل ده لدرجة أنك سيبت بيتك و جيت !
= مبتقاش يا مصطفى زي أمي بتحب تعرف كل حاجة
يا فندم انا عايز ارفع قضية على محمد
* قضية ايه ومين محمد ده ؟ طب انا ك مديرك بأمرك تقولي في ايه و ليه هترفع قضية على الشاب ده ؟
= كل الحكاية أن فيه واحد اته**’جم عليا وانا في الكوافير إمبارح قبل الفرح حاول يقت**’لني بس منجحش و هرب برضو و محمد ده جه اته**’جم على بيتي إمبارح عشان كده انا عايز الاقيه بأي فرصة ممكنة وبسرعة
* يا فاااالح و فاكر تقول دلوقتي ؟ ما كان لسه بدري يا بشمهندس !!
‘ سيف انت إزاي مقولتش لحد عن كده ؟؟؟
= عشان مكنتش عايز الوسط يتوتر إمبارح او الناس تخاف
* ثواني بس كده طب انت عايز ترفع عليه القضية طب فين الدليل ؟
= الشاب اللي جالي الكوافير هجيبه هنا و هخليه يعترف بس أنت طلعلي يا فندم أذن بناية سريع عشان ادور عليه براحتي
* مش قبل ما اتأكد أن كلامك ده صح
= يعني أنت بتشك فيا ؟
* لا يا حضرة الظابط بس لازم الدليل يكون قدامي افرض مكنش الشاب ده له علاقة ب محمد
أنت ناسي أن أمة لا إله إلا الله والمجرمين كلهم بيدورا عليك عشان المهمات الإجرامية اللي بوظتها وعطلتها وكوم المجرمين اللي قبضت عليهم و لبستهم حبل المش**’نقة وكله عايز ينتقم منك و أنت الحمد لله سيطك مسمع أوي من زمان و في كل حته
= الآه يعني انا غلطان ان انا بعمل شغلي ؟
* لا طبعا يا حبيبي بس كلنا عارفين متأكدين ان أعدائك أكتر من حبات كيس الرز ابو سبعة ونص
=يعني من هتطلعلي إذن نيابة بالقبض عليه ؟
* ايوة هات دليلك الأول وبعد كده إذن القبض عليه هيكون عندك فوراً
= حاااضر هجبلك دليل و قوي كمان
( بعد ساعتين )
خرج سيف راح عند الزنزانة و جه معاه مصطفى
‘ ها هتعمل ايه ؟
= هتصل بيونس يجيب الشاب اللي جه الكوافير إمبارح أصل انا قبضت عليه و حبسته في مزرعة البطاطس من الناحية الشرقية
‘ اوماال قولت ليه للمدير إن الشاب هرب منك ؟؟
= أصل أنت عارف المدير عمر كويس ماشي مع القانون زي اللي ماشي على العجين و يلخبطهوش ف أحيانا في أمور في الحياة يا مصطفى بتدفعنا إننا نخرج حبتين بره القانون ????
أصل لو قولتله ان الشاب معايا هياخده ولسه هيدخله أوضة الاستجواب و استني خمس ساعات عقبال ما يجي محامي الشاب أكون انا خَلّلت من الغضب ولسه بعد ما نستجوبه و نسمع الدفاع بتاعه و نسمع الرأي العام و بعد كده يتحول على النيابة ولسه استنى المحكمة عقبال ما تعمل جلسه خاصة يكون عدى شهرين????
طب وليه اللفة الجامدة دي هم قل**’مين هرزعهم للشاب على كام بو**’كس في بطنه و اق**’طع حته من ودنه و يعترف بكل حاجة و اجبيه للمحكمة جاهز بأقواله و اعترافاته و أوصل بسهولة ل محمد ال ******
‘ والله طب مش خايف اروح اقوله بنفسي ؟
= قوله كده يا مصطفى و انا هحبسك في مزرعة البطاطس من الناحية الغربية
‘ يا عم خلصنا دي مكنتش مزرعة عمال تحبس فيها الناس
= ايوة كده جدع ياولا
طلع سيف تليفونه و اتصل على يونس
= يونس فين الشاب اللي قولتلك تاخده مزرعة البطاطس و تحبسه ؟ هاته و تعالى
* يا باشا انا مهما كانت أخباري وحشة أنت بتحبني مع ذلك صح ؟
= انت مش بتقول الجملة دي غير لما يكون في مصيبة ***** حصلت ????
* محمد جه عمل كم**’ين على المزرعة و أخده و هرب وضر**’بني في رجلي كس**’رها و انا بكلمك من المستشفى حاليا????
= يونس !!!!! خليك مكانك انا جاي بنفسي اكسر**’لك رجلك التانية بنفسي ????
قفل سيف السكة في وشه و ضر**’ب ايده بقوة على الحيطة و صرخ وقال
= يا محمد انا حطيتك في دماغي خلاص يبقى أنت نويت على مو**’تك بدري و هيكون على أيدي يا *****
رن تليفونه تاني(كان رقم غريب) ف رد
= الوو مين معايا ؟؟؟؟؟
-………….
= مين معايا ؟؟؟؟
-…………
= طالما لسانك مش ف مكانه بترن ليه أساسا !
فجأة المتصل قفل المكالمة
= هو انا ناقص الأشكال دي النهاردة !
رجع سيف مكتبه وقعد على الكرسي و بيحاول يستوعب إزاي كل ده حصل في ساعتين
= يعني هو يجيب ناس تهربه و يروح يهرَّب الشاب كمااان عمل ازاي كده و انا فتشته بنفسي وملقتش معاه أي تليفون !!
= ليكون الحارس أحمد هو تبعه ؟
= لا لا الحارث أحمد اصلا موجود في القسم من قبل ما أجي انا أصلا بعدين هو اتض**’رب بسبب محمد ده
وقف سيف قدام شباك مكتبه لسه بيفكر ف حاجة توصله ل محمد ……. لفت انتباهه وهو بيبص من الشباك
أب و بنته ماشيين ف بنته قالت
^ بابا ممكن تليفونك اعمل مكالمة منه ؟
* هتتصلي على مين ؟
^ على صحبتي يا بابا
* تمام اتكلمي بس متطوليش
لاحظ سيف ان ده نفس الطلب اللي طلبته من أيلين من ساعتين فجأة رفع حاجبه بتفاجىء و قال لنفسه
= ازاي انا نسيت أيلين !!!
أخد جاكته و خرج شغل عربيته و رجع البيت بسرعة
( في بيت سيف )
أيلين واقفة قدام المراية و بتبص على نفسها بتركيز و بتكلم نفسها
_ حاسة نفسي متغيرة شوية
_ ولا هي المراية دي غريبة دي فيها فلتر !
_ ايه شكلي الجميل ده ????????
فجأة أيلين لقيت سيف ساند كتفه على الباب الأوضة و قالها
= اه فعلا فيها فلتر
أيلين شافته ف بصت بعيد ف قرب منها و ملامح وشه اتحولت من غضب لخوف
_ سي….سيف مالك بتقرب مني ليه؟
سيف مسك ايدها و بصلها وقالها بلهفة
= مال أيدك ايه اللي حصلها ؟؟؟؟؟
_ الزجاج اللي كسرته بدري كنت بلمه من على الأرض ف وانا بمسكه الزجاجة جر**’حت ايدي ف ربطها بشريط
= طب خلي بالك على نفسك كويس
_ سؤال بس هو أنت خايف عليا فعلا ؟
لسه هيجاوبها ف سكت شوية وقال وهو بيرجع ريأكشن الغضب تاني
= انا مش جاي عشان كده اصلا ( بَعد عنها )
_ طب جاي ليه ؟
= أيلين أرجوكي جاوبي بصراحة لما اخدتي مني تليفوني بدري على أساس تكلمي صحبتك هل فعلا كلمتي صحبتك ولا حد تاني ؟
_ اه كلمتها
طلع تليفونه و جاب المكالمات الصادرة و قالها
= طب انا دورت على رقم اللي اتصلتي عليه ومش موجود هو انتي مسحتيه ؟
_ ايوة مسحته طبعا و رقم صحبتي يقعد يعمل عندك ايه
= متأكدة باللي بتقوليه ؟
_ اه متأكدة
= غريبة !! تخيلي بعد ما خلصتي مكالمتك مع صحبتك في نفس اللحظة هرب محمد من القسم و كمان محمد لما طار ، هَرب الشاب اللي جابه عشان يقتل**’ني يوم الفرح !!
_ طب و انا مالي بالحوار ده
= و انتي مالك !!! مش محمد ده هو نفسه حبيب القلب
_ سيف أنا قولتلك قبل كده أني قطعت علاقتي بمحمد يعني مبقاش يفرق معايا يتس**’جن او يتع**’دم انا مالي برضو ؟
= يعني مصعبش عليكي لما اخدته على القسم ؟
_ لا
= ولا إنتي وراء هروبه ده ؟
_ ايه اللي انت بتقوله ده يا سيف يعني انا اللي ظابط عشان اعرف اهربه ومن القسم كمااان
_ شوف نفسك عملت ايه دفعه أنه يهرب بسهولة ما اكيد ده تقصير منك
سيف اتعصب و فضل يقرب منها و هي ترجع لوراء وهو يقرب
لغاية ما وصلت للجدار و معرفتش ترجع لوراء تاني
_ سيف في ايه ما ….. مالك ؟
و بدأ يلمس على شعرها بإيده وقالها وهو بيهمس في ودانها
= في يوم جميل كده هجيلك من باب البيت و هكون جايب رأ**’سه في كيس أسود
في لحظتها هتزعلي جدا و تعيطي و تقولي كل ده بسببي لو مكنتش خدعت سيف من أول ما عرفني وكمان في فترة الخطوبة وكنت صارحته بكل حاجة من أولها و افهمه أني مش عيزاه وبحب واحد غيره كان زمان محمد عايش وسط أهله و حبايبه و أولهم أنا أكون في حضنه !
أصل إنتي شيفاني واحد حنين و و برمي كام كلمتين حلوين زي كنت اللي بقولهم لك أثناء خطوبتنا بس انا عكس كده تماماً
لتكوني فاكرة نفسك عرفاني مثلا ده أبويا و أمي ذات نفسهم ميعرفوش انا مين لغاية دلوقتي
ومفيش حد يعرفني اكتر مني أنا ، انتي بس شوفتي الجانب الكويس مني بس نسيت اوريكي و شي التاني و الحقيقي
واللي أعرفه عن نفسي أني واحد مش تمام زي ما تقولي مجنون او متخ**’لف عقلياً و لما بكره حد بخلي العالم كله يكرهه لغاية ما هو يكره نفسه و يق**’تل نفسه بنفسه وحدة وحدة
ولما أحط حد في دماغي بفضل الجانب الز**’فت بتاعه طول العمر و عمُله الأسود ومش بسكت ولا بتهد غير لما امسحه من وش الدنيا زائد إني كمان أخلي سُمعته في الأرض لمدى العمر زي ما حطيتك في دماغي دلوقتي بعد الكلام اللي قولتيه ده
انا مش ابن أختك الصغير عشان تهزري معاه و تكلميني كده ( صرخ فيها ) ف نحترم نفسها عشان منجبش البه**’دلة لنفسنا
بعدين انا عارف أنك اللي ساعدتي محمد أنه يهرب بس انا اديتك فرصة تعترفي بنفسك و نكرتي بس لما اتأكد من بره انتي عارفة كويس انا هعمل ايه معاكي !
أيلين خافت من طريقة كلامه دي و خافت منه ف عيطت قدامه وهي باصة للأرض ف رفع رأسها بإيده و قالها
= بصيلي في عنيا كده
أيلين بصتله ، فإبتسم بخ**’بث
= دموع التماسيح بتاعتك دي جميلة جدا بس متنفعش معايا ك نوع من ( الشفقة او على أساس تصعبي عليا ) دي اخرك تروحي تمثلي بيها في مسرح مصر
= ايه رأيك يا روحي نقعد على الوضع ده حبة كمان ولا امشي ؟ اكيد انا بوحشك و انا بره صح ؟
أيلين فضلت ساكتة و بتعيط بس ف ضحك و قالها
= ده انتي قموصة فعلا ازاي تزعلي مني كده انا بهزر معاكي خلاص خلاص انا خارج اهو ????????????♂️بس خليكي فاكرة الكلام ده كويس عشان لما ازعلك متقوليش انا عملت كده ليه ، تمام ؟
= نتقابل مرة ثانية يا أيلين ( غمزلها )
خرج سيف نزل في الجنينة البيت و قال
= يوووه نسيت اسقي الورد
يقط**’عك يا أيلين إنتي ومحمد ازاي نسيت الورد كده ؟!!
لبس سيف القفاز البلاستيك و جاب شوب مية و قعد على الأرض و بدأ يسقي في الورد بتاعه ويغني ليهم أم كلثوم و بيقلب التربة بتاعته بإيده (سيف بيحب الورد جدا و بيحب يزرعه أكتر )
= معلش يا ورودي انشغلت عنكم كتير انا آسف جدا (و كمل غُنى تاني)
ومن الجانب التاني أيلين واقفة في البلكونة مذهولة من اللي شافته
_ لا والله !!!
_ هو ده نفس الشخص اللي كان من دقيقة هنا بيزعق فيا و كلمني زي المجرمين بالظبط و كنت شوية هموت من الرعب ؟!!!
_ إزاي بيتحول من ده ل ده في ثانية إلا ثانية !! لا لا لا انا مبقتش عارفة حاجة سيف ده غريب جدا
_ ايه البني آدم ده ؟؟؟؟؟
دخلت أيلين و قفلت البلكونة و لسه في حالة صدمة ومش مستوعبة من اللي حصل في الأوضة هنا ومن اللي بيحصل في الجنينة
_ انا هتجن قريب بسببه والله !
سيف خلص سقي الورد فقام قلع القفاز البلاستيك و قال لوروده
= خلاص احنا تصالحنا على كده تمام و انا وعدتكم إني مش هطول عليكم تاني أبدا و اهو افرحوا شبعتوا مية النهاردة و أغاني أكبروا بقا تاني شكلكم تحفة ، استأذن بقا
جه واحد من رجالة سيف وقاله
* يا فندم اتفضل ( عطاه ظرف )
= ايه ده ؟
* بتاع البريد عدى دلوقتي وقال إن الظرف ده ليك
= اه فهمت تمام أرجع للبريك بتاعك بقا قبل ما يخلص
* تمام افندم
قعد سيف على المرجيحة اللي في الجنينة و ماسك الظرف
= المرسل مجهول ؟!!!
= يعني مين بعته مثلا
= اه في الآخر يطلع واحد من دفعتي بيستظرف و يكون كتاب من جوه الف مبروك على الجواز ما عملوها معايا كتييير
فتح الظرف و اخد الرسالة اللي جواه و قرأها و كان مكتوب كالتالي :
من فاعل خير :
( على فكرة عشان متبقاش متغفل أكتر عن كده ومش شايف قدامك وهقولك على حاجة مهمة بس امسك أعصابك ” أيلين مش عذراء ” و فوق لنفسك بقااا )