Uncategorized
رواية العشق لا يعرف وطن الفصل التاسع عشر 19 بقلم أية إنسان
رواية العشق لا يعرف وطن الفصل التاسع عشر 19 بقلم أية إنسان
 |
| رواية العشق لا يعرف وطن الفصل التاسع عشر 19 بقلم أية إنسان |
رواية العشق لا يعرف وطن الفصل التاسع عشر 19 بقلم أية إنسان
_ هاجر : يهمك السؤال .
_اسر : لو مش عاوزه تقولي خلاص .
_ كان خطيبي وسيبنا بعض .
_ ممكن اعرف ليه .
_ أسر معلش مش عاوزه اتكلم في الموضوع دة .
_ بتهربي ليه .
_ أسر انت البنت اللي بتحبها سابتك واختارت غيرك ليه .
_ اتحولت ملامح أسر من الهدوء للغضب وكأنه افتكر كل اللي بيحاول ينساه وفضل يجز على الكوبايه اللي في أيده لحد ما اتكسرت وعورته .
_ اتخضت هاجر من منظر الدم وطلعت مناديل ومسحت الدم وقالت : انا اسفه مكنتش اقصد … سحب أسر أيده منها وقام مشي من غير ولا كلمة .
_ اتنهدت هاجر وقالت : انا اي اللي هببته دة بقى وقامت مشيت هي كمان ترجع الفندق بتاعها .
☆ ————— بقلم الكاتبة/ آية إنسان ————– ☆
عند عمرو اللي بيتكلم في التليفون :
_ الو .
_ ………………
_ ممتاز جدا ً ابعتلي كل حاجة وقفل عمرو التليفون وهو في قمه السعادة وقال : خلاص يا أسر بكره هتستلم جثه ابوك بعد الفضيحة اللي هتحصل وهخسرك كل حاجة صدقني .
☆ ————— بقلم الكاتبة/ آية إنسان —————☆
_ دخلت هاجر الفندق ولمت حاجتها وغيرت هدومها وفضلت تبص على الترنج بتاع أسر وبعدين قررت انها تروح ليه الفندق تديله الترنج وتعتذر منه وتمشي ترجع مصر بكره .
☆ ———— بقلم الكاتبة/ آية إنسان —————-☆
_ دخل أسر الفندق وفضل يكسر في كل حاجة من كتر الغضب وبعدين قعد على السرير يفتكر الماضي
{فلاش باك}
_ سارة : آسر انت واخدني على فين انا مش شايفه حاجه.
_آسر : تعالي بس مفأجاه ودخل أسر مكان وشال القماشه من على عيون سارة وشافت حفلة كبيره وناس كتيره وصحافة وتورته متزينه بشكل رائع فهي حفله عيد ميلادها ، ونزل على ركبته وقال : كل عام وانتي حبيبتي وفي المناسبة السعيدة دي حبيت اقولك ممكن الآنسة ساره تقبل عرضي واني اطلب ايديها وتكمل حياتها معايا .
_ انت شخص جميل يا أسر بس للاسف انا برفض طلبك دة .
_ الكل واقف مصدوم واولهم أسر اللي قال : سارة هزارك دة مش حلو .
_ بس انا مش بهزر يا أسر انا بعتبرك صديق مش اكتر لكن أنا بحب حد تاني .
_ وقف أسر وقال : نعم صديق وبتحبي حد تاني طب وكل اللي فات دة كان كذب وكلمة بحبك اللي على طول تقوليهالي كذب وكل اللي عملته علشانك كان كذب !!؟؟
_ انا مطلبتش منك تعملي حاجه انت اللي عملت من نفسك .
_ انتي كنتي بتحلمي وانا عليا احقق مش كنت مستنيكي تطلبي .
_ مش ذنبي انك فسرت كلامي غلط يا أسر ومش معني أني كلمتك حلو يبقى انت حبيبي لا .
_ في الوقت دة دخل عمرو وقال : كل سنه وانتي طيبه يا حياتي وحضنها وسط الجميع وقام قال : بما أن الكل موجود بحب اعرفكم أن فرحي على سارة هيكون قريب وبص لأسر وقال : هبقى اعزمك يا دكتور .
_ قرب أسر منهم وقال : مستحيل انتو عملتوا فيا كده ليه .
_عمرو : تؤ تؤ تؤ متقلش كده يا دكتور الحب دة مش بأيدينا وهي لو عاوزاك كانت اختارتك ولا اي .
_ انا عملت ليكم أي علشان تلعبوا بيا كده .
_ عملت كتير اوي يا أسر وقرب منه واتكلم جنب ودانه وقال : صدقني هتدفع التمن غالي اوي ولسه اللي جاي هوريك سواد يا أسر وبعد عنه واخد ساره ومشي من الحفلة وطبعاً الخبر انتشر في كل مكان الدكتور أسر السمري يقع في حب فتاة لا تبادله المشاعر فضل أسر صدمه كبيره مش عارف ليه عمرو وسارة لعبوا عليه كده وشغله وقف ودخل مستشفي الامراض النفسيه لمدة ٦ شهور من غير ما حد يعرف وأبوه قال إنه سافر بره وفي يوم قرر أنه ينهي حياته وهرب من المستشفي وهو اليوم اللي قابل فيه هاجر .
{انتهي الفلاش باك }
_ فاق أسر من دوامة أفكاره علي صوت الموبايل وكان ليل .
_ آسر : الو .
_ليل : فينك يا أسر برن عليك من بدري قلقتني عليك يا اخي .
_ معلش مسمعتش الموبايل .
_ طيب هتيجي امتى .
_ دلوقتي انا هاجي دلوقتي .
_ أسر الساعه 2 الضهر خليك وتعالى بكره .
_ لا جاي دلوقتي سلام .
☆ ————– بقلم الكاتبة/ آية إنسان —————-☆
_ دخلت هاجر الفندق وسألت عن أسر ولكن قالوا ليها أنه لسه ماشي من ربع ساعه من الفندق .
_ اتنهدت هاجر وقالت : ليه دائماً القدر بيجمعني بيك يا أسر وكل مره ينتهي اللقاء واحنا زعلانين من بعض مش عارفه هقابلك تاني ولا لأ بس عندي احساس قوي اني هشوفك تاني ومشيت تتمشي في البلد قبل ما ترجع مصر يمكن تلاقي أسر في مكان .
☆ ————— بقلم الكاتبة/ آية إنسان —————☆
في فيلا العامري:
_ ميرا عماله تصرخ : ندي …..انتي يا زفته .
_ طلعت ندي وراحت عندها : خير يا ميرا يا بنتي بتزعقي ليه .
_ انتي هتحققي معايا انزلي اعمليلى فنجان قوه وهاتي حاجه للصداع .
_ قهوه من غير اكل غلط عليكي يا بنتي .
_ وانتي مالك بره واعملي اللي قولتلك عليه .
_ خرجت ندى مجروحه من ميرا كالعادة ولكن ما باليد حيله هتعمل اي يعني .
_ مسكت ميرا دماغها اللي هتتفرتك من الصداع مش قادره و مسكت ميرا الفون ترن على مصطفى ولكن مش بيرد .
☆ —————- بقلم الكاتبة/ آية إنسان ————–☆
_ مصطفى قاعد في وسط الجامعه مع شلته .
_ قال فادي : مين يا نمس اللي عمال يرن عليك كده .
_ رد واحد تاني وقال : تلاقي مزه جديده ولا حاجة .
_مصطفى : ههههه لا عيب يا شباب حتي انا مؤدب .
_ ردت بنت وقالت : مهو الادب واضح عليك خالص يا بوب .
_ ههههه بذمتك مش انا مؤدب يا وحش انتي .
_ يا عم رد على البت زهجت رن .
_ لا عادي دي ميرا ومليش مزاج ارد .
_ الكل تنح : ميرا مين .
_ قال شاب قاعد معاهم : ميرا مين اكيد مش تقصد ميرا العامري .
_ لا هي يا خفيف .
_ دي بت مغروره ومتكبره مش فاكر لما حاولت تلاغيها ومسحت بيك و بكرامتك الارض .
_ لا دة قدامكم عملت الحوار دة بس لكن هي في الحقيقه حاجه تانيه .
_ لا لا مش مصدق .
_ رد مصطفى وفتح الاسبيكر وقال : نعم خير يا ميرا عاوزه اي .
_ ميرا : مصطفى حرام عليك انت بتعمل معايا كده ليه .
_ عاوزه اي يا ميرا مش فاضي .
_ عاوزه اقبلك ضروري .
_ لا مش فاضي معلش وقت تاني .
_ مصطفى انا مش قادره استحمل بص انا هجيلك الشقه .
_ بس انا مش عاوز اروح الشقه .
_ هعمل اللي انت عاوزه يا مصطفى .
_ ماشي يا ميرا أظن انتي عارفه عنوان الشقه .
_ اه اه عرفاه سلام .
_ الكل واقف مصدوم من الكلام فقال ولد : اه يا بنت **** بقى عايشه علينا الدور وانتي مدوراها .
_ هههههه علشان تعرفوا أن مفيش حاجه تقف في وش مصطفى الزهار هستأذن انا بقى علشان انتو عارفين ميرا مش مستحمله بعدي .
_ الله يا عم مصطفى يا بختك يا عم .
_ لا لا متفهمش صح انا مؤدب حتي اسأل الانسه ماهي ولا اي .
_ فقامت ماهي ومشيت وهي هتفرقع من الغيظ .
_ الواد مصطفى مكوش على كله .
☆ ————— بقلم الكاتبة/ آية إنسان ————– ☆
_ بعد كام ساعة وصل أسر ألمانيا ونزل شقته .
_ خرج ليل واستقبل أسر وحضنه وقال : وحشتني اوي يا أسر .
_ ابتسم أسر بحزن وقال : عامل اي يا ليل .
_ مبسوط علشان شوفتك يا أسر طمني ابوك عامل اي .
_ الحمد لله بقى احسن .
_ طب الحمد لله ادخل ارتاح شويه .
☆ ————- بقلم الكاتبة/ آية إنسان —————-☆
_ عند هاجر اللي فضلت تلف في شوارع اليابان وبعدين تعبت من اللف فقررت ترجع ترتاح علشان تسافر الصبح .
☆ ————– بقلم الكاتبة/ آية إنسان —————-☆
_ في الشقه عند مصطفى الباب خبط وقام فتح ودخلت ميرا .
_ ميرا : انا مش قادره استحمل .
_مصطفى : والمطلوب .
_ عاوزه البرشام .
_ انتي بتخديه وتقلي ادبك معايا .
_ لا مش هعمل حاجه بس عاوزه البرشام .
_ بسهوله كده .
_ هعمل اي حاجه انت عاوزها .
_ حلو هتلاقي جوه عندك على السرير فستان ألبسيه وتعالي .
_ بس ليه يا مصطفى .
_ تؤ تؤ من غير كلام كتير يلا يا بيبي .
_ دخلت ميرا الأوضه وشافت الفستان اللي مش هيفرق كتير عن قميص النوم وفي صراع بين انها تمشي ووجعها اللي هيموتها بس هي اللي اختارت الطريق دة يبقى تستحمل عواقبه وبالفعل لبست الفستان وخرجت عند مصطفى اللي مكنش لابس غير شورت اسود وقاعد مستنيها بره .
_ واو مكنتش متخيل انك جميله اوي كده يا ميرا تصدقي ليكي حق تتغري .
_ مصطفى انا عملت اللي انت عاوزه لو سمحت عاوزه البرشام .
_ طب تعالي اقعدي على رجلي .
_ مصطفى بلاش تعمل معايا كده .
_ مسك دراعها جامد وقال : بقولك اي أنا مش فاضي للقرف دة انا مغصبتش عليكي حاجه اقولك اطلعي بره يلا وزقها وقعت على الأرض ورجع قعد على الكنبه .
_ قامت ميرا بدموع وقعدت على رجله .
_ تؤ تؤ بتعيطي ليه يا بيبي وشدها لحضنه وقال : ميرا حبيبتي طول ما انتي بتسمعي كلامي هعاملك كويس وهحبك هتتعوجي هوريكي اسود ايام حياتك سامعه …سااااامعه .
_ ردت بدموع : سامعه .
_ فطلع برشامه من جيبه وادهالها وقال : علشان تعرفي اني طيب ازاي ودلوقتي يا بيبي انتي عارفه الشقه دي محتاجه تتنضف وانا مش لاقي خدامه لسه فقومي نضفيها عقبال ما اخد شاور ماشي يا بيبي .
_ وسابها وقام يأخد دش وهي عماله تعيط بس قررت تلبس وتمشي هي في بيتها أميرة وهنا خدامه لا يمكن .
☆ ————— بقلم الكاتبة/ آية إنسان ————– ☆
_ في صباح يوم جديد يحمل الكثير من المفاجآت .
في فيلا السمري في الساعه ٧ صباحاً :
_ رن الجرس وفتح حسين باب الفيلا وبعدين طلع عند اكمل والد أسر واللي بعد خمس دقائق كان واقع على الأرض قاطع النفس فطلب حسين الاسعاف ورن على أسر وبلغه فنزل أسر على اول طياره علي مصر .
☆ ————– بقلم الكاتبة/ آية إنسان —————☆
_ صحيت هاجر وكانت الساعه ١٢ الضهر وراحت المطار وفي طريقها لمصر .
☆ ————– بقلم الكاتبة/ آية إنسان —————-☆
_ وصل أسر المستشفي وشاف حسين واقف بيبكي على والده وقاله : في اي يا عم حسين .
_ فطلع حسين ظرف من جيبه وقاله : انت السبب في اللي حصل دة كله وسابه ومشي .
_ فتح أسر الظرف وشاف فيه صوره هو وهاجر وكلها في أوضاع مش كويسه من اول ما هو وقع في حضنها يوم ما كان هينتحر ، وصوره وهي بالفستان في المول وهو معاها ، وصوره وهي في حضنه على جبل الجليد ، وصوره وهو شايلها في المطر وطالع بيها الفندق ، وصور وهو محاصرها في اوضه الفندق واخر صوره كانت في شكل ابشع هو وهي في السرير الصدمه هتشل تفكيره ومش عارف ولا فاهم الحاجات دي وصلت ازاي لابوه هو مش مستعد يخسره تحت اي ظرف ولكن شاف الدكاتره وهي بتجري على اوضه أبوه وحاله قلبه هتقف وهو واقف مش قادر يعمل حاجه ولكن اقتحم المكان وقرب من أبوه وقال : بابا متسبنيش انت كمان بابا الكلام دة كذب والدكاتره بتحاول تخرجه بس مفيش حد قادر عليه وهو عمال يزعق فقال : بابا انا متأكد انك سامعني…دي دي مراتي دي هاجر مراتي يا بابا .
_ هنا بس ضربات قلب اكمل رجعت تدق تاني ولكن بشكل ضعيف فضل اكمل يقول بصوت ضعيف : هاجر هاجر وبعدين نام .
_ طلع أسر بره الاوضه وراح لعند حسين وقاله : اي اللي حصل .
_ في واحد جاب ظرف وقالي لأكمل السمري وطلعت سلمته لابوك وبعدها بخمس دقائق لقيته وقع في الأرض قاطع النفس .
_ أسر عمال يفكر هيعمل اي في الكارثه دي وأنه لازم يلاقي هاجر بأي شكل من الأشكال ولكن هو مش عارف ليها عنوان ولا طريق ولكن افتكر لما راحت المستشفى اكيد بياناتها هناك وطلع على المستشفى يجيب عنوانها .
☆ ————– بقلم الكاتبة/ آية إنسان —————-☆
وصلت هاجر المطار ووصلت منه على الفيلا :
_ ودخلت قالت : السلام عليكم ولكن مفيش حد بيرد .
_ هاجر في نفسها : مالهم دول وغريبه متجمعين كلهم كدة ليه .
_ قام عاصم وقال: كنتي فين يا هاجر .
_ اي السؤال الغريب دة ما انا قولت لحضرتك اني مسافره .
_ صح قولتي لحضرتي انك مسافره بس مقولتيش انك بتستغفلي حضرتي وماشيه على حل شاعرك .
_ نعم ! حضرتك بتقول اي .
_ بقول اني كنت واثق فيكي وبعتبرك بنتي تقومي تعملي فيا كده هي دي اخرت ثقتي فيكي .
_ انا مش فاهمه حاجه .
_ اتفضلي شوفي ورمي في وشها الصور وقال : اتفضلي .
_ شافت هاجر الصور واتصدمت من اللي فيها .
_ عمي في سوء تفاهم الصور دي مش زي ما حضرتك فاهم .
_ الصور دي حقيقيه ولا لا يا هاجر مش هو دة نفس الشاب اللي شالك للمستشفى وانا اقول يعرفك منين اتاري الهانم عايشه حياتها معاه .
_ عمي صدقني انا معملتش حاجه دة كله غلط .
_ حصل ولا محصلش يا هاجر .
_ عمي افهمني .
_ حصل ولا لا .
_ حصل بس انا ….
_ ولكن قطع كلامها قلم نازل على وشها من عمها وكان أسر داخل في الوقت دة .
_ ردت رانيا مرات عمها وقالت : اهي دي هاجر اللي انت عاملها قدوه لولادك وشايفين هاجر وخليكوا زي هاجر اهي هاجر طلعت أخلاقها زي الزفت طبعاً مهو مفيش لا اب ولا ام يقولوا ليها دة الصح ودة الغلط وبعد ما عريسها هرب منها وشافت أن مفيش حد هيبص ليها قالت بقى تقضيها مهو محدش عارف هي بتروح فين ولا بتيجي منين .
_ بصت هاجر لوعد تستنجد بيها وقالت : وعد انتي ساكته ليه قولي حاجه انتي سافرتي معايا كتير شوفتي مني حاجه .
_ ردت ميرا بكل فخر : انتي نسيتي انك عرفتي اياد من سفرك دة وأننا كل لما نشوفك نلاقيه معاكي ويا عالم كنتوا بتعملوا اي واحنا مش هناك واكيد علشان كده مكنتيش بتحبي حد يخرج معاكي ولا يشوفك بتعملي اي بصراحه انتي حاجه تكسف وطبعاً العالم كله زمانه عرف بالفضيحه دي وسمعتنا كلنا هتكون في الأرض .
_عاصم : يا خساره تربيتي ليكي يا هاجر مكنتش أتخيل انك تعملي كده .
_ ردت رانيا : مش بعيد يكون اياد اكتشف انها مش كويسه ومقضياها مع حد قبله علشان كده سابها .
_ أسر واقف وسامع كل الكلام ومش عارف يعمل اي بس موجوع اوي ليها والغريب انها مش بتدافع عن نفسها والأغرب جمودها هل هما كلامهم صح عنها بخصوص اياد ولا هي مش كويسه بس ازاي .
_ قالت ميرا : اظن دلوقتي يا بابا مينفعش دي تقعد معانا هنا تاني لأنها كده هتعرنا ونادت ندي : ندي اطلعي هاتي شنط الحلوة من فوق انا لميت كل حاجتها علشان متدخلش هنا تاني .
_ طلعت ندي نزلت ليها الشنط وقالت : تعالي يا هاجر يا بنتي العيله دي لا يمكن انتي تكوني منهم دول انتي خساره فيهم وزي ما دخلت معاكي الفيلا دي أنا كمان هخرج معاكي .
_ ردت رانيا : في داهيه انتو الاتنين بلا قرف برا .
_ خرجت هاجر وندى بره الفيلا وكان أسر واقف قدام الفيلا وقال : اركبي .
_ بصت هاجر ليه وقالت : انت السبب في كل دة انت دمرت الباقي من حياتي .
_ خرج عاصم ووعد ورا هاجر وندى ومعاهم رانيا ولكن شافوا أسر واقف معاهم بره .
_ فقالت رانيا : يا بجاحتكم يعني مش كفايه اللي حصل وكمان جاي ليها لحد هنا اتفرج شوف يا عاصم بيه اهي الانسه المصون دة لو لسه انسه أصلاً .
_ رد أسر وقال : هتندموا على كل الكلام دة صدقوني .
_ رجعت هاجر لعمها وقالت : هترجع تترجاني اسامحك على الاهانه دي ووقتها مش هسامحك وانتو بقى هتندموا اوي على الكلام دة وسابتهم ومشيت ركبت عربيه أسر هي وندى ومشي أسر بيهم على الفيلا .
☆ ————- بقلم الكاتبة/ آية إنسان —————–☆
_ عمرو : هههههه ولسه اللي جاي يا ابن السمري هخليك تتمني الموت ومش هتلاقيه صدقني .
☆ ————– بقلم الكاتبة/ آية إنسان —————☆
_ وصل أسر الفيلا بتاعته وقال : انزلوا .
_ نزلت هاجر وقالت : انت جايبني هنا ليه انت عاوز تثبت الكلام عليا انت عاوز مني اي كل دة علشان كلام قولته ليك في المطعم تعمل فيا كده .
_ قرب منها أسر ومسكها من دراعها وقال : من باب أولي أسألك انا السؤال دة انتي اللي معاكي كاميرا على طول وكل الصور دي كانت انتي بتصوري منها صح ولا اي كده كده لو مكنش عمك عرف كنت هخدك من عنده .
_ دة ليه إن شاء الله بصفتك اي .
_ بصفتي جوزك .
_ نعم انت اكيد اتجننت خلاص ولفت تمشي .
_ مسكها من دراعها وقال : لا يا هاجر كل اللي فات كوم واللي هتشوفيه مني كوم تاني والفيلا دي مش هتخرجي منها انا مش هخسر ابويا اللي بيموت في المستشفى بسبب الصور اللي كانت معاكي دي انتي سامعه .
_ تدخلت ندى وقالتله : عيب كده يا ابني الناس بتتفرج علينا سيبنا نمشي يا ابني .
_ تمشوا مش هيحصل الكلام دة وشد هاجر من أيديها ودخلها الفيلا وهاجر بتحاول تفلت منه ولكن مفيش مفر .
_ انتي هتفضلي قاعده هنا لحد ما اشوف حل يا هاجر وصدقيني لو حاولتي تهربي أو تمشي هتشوفي وش عمرك ما تتخيلي انك تشوفيه ونزل أسر يروح المستشفى عند أبوه .
☆ ————— بقلم الكاتبة/ آية إنسان —————☆
_ دخل عم حسين الفيلا وشاف هاجر قاعده وجنبها ندى اللي واخداها في حضنها ولكن هاجر ساكته خالص ومفيش اي تعبير على وشها .
_حسين : انتي بتعملي اي هنا مش كفايه اللي حصل بسببك .
_ بصت هاجر لمصدر الصوت وقالت : خير عملت ليك اي انت كمان .
_ حرام عليكي اللي عملتيه دة بسببك اكمل بيه في المستشفى بين الحياه والموت .
_ اكمل بيه مين وحياه وموت ازاي انا مالي .
_ اكمل بيه والد الدكتور أسر اللي شاف صوركم ومتحملش وقع من طوله حرام عليكي .
_ اترمت هاجر على الكنبه بتعب ومسكت دماغها بوجع : انا مش فاهمه اي حاجه خلاص .
☆ ————– بقلم الكاتبة/ آية إنسان —————-☆
في المستشفى دخل أسر عند أبوه :
_ بابا قوم بقى انا اسف قوم واعمل كل اللي انت عاوزه .
_ اتكلم اكمل بضعف : ليه عملت كده على اخر الزمن انت تكسرني كده دي اخر تربيتي ليك .
_ لا لا بابا انت فاهم غلط دي مراتي هاجر .
_ كمان بتكذب .
_ صدقني مش بكذب عليك انا قابلت هاجر في ألمانيا وحبتها واتجوزتها قبل ما انزل مصر على طول وكنت هقولك بس انت كنت تعبان علشان كده أجلت الموضوع .
_ قلبي مش مصدقك يا أسر .
_ طب ارتاح انت بس وانا الصبح هجيبها ليك ونيجي سوى بس ارتاح انت .
☆ ————- بقلم الكاتبة/ آية إنسان —————☆
_ رجع أسر الفيلا وكانت هاجر قاعده على الكنبه زي ما هي ومعها ندى .
_ آسر : عم حسين .
_ نعم يا أسر .
_ طلع الشنط دي الاوضه فوق وخد الست دي فوق ترتاح .
_ ردت هاجر : ياخد مين وتطلع فين انا وداده ندى هنمشي من هنا وحالاً .
_ سحب أسر هاجر على اوضه المكتب .
_ هاجر : أسر أسر سيب أيدي وجعتني .
_ شششش بصي يا هاجر هقولك تاني انا معنديش غير ابويا ومش مستعد اخسره تحت اي ظرف من الظروف علشان خاطرك .
_ وانا مش عاوزاك تخسر حد علشان خاطري يا أسر قوله الحقيقه .
_ واللي هي اي الحقيقه بقى هااا .
_ أن الصور دي مش زي ما هو فاهم .
_ اسمعي انا ابويا مريض قلب ومش حمل ضغط من اي نوع وانا قولتله انك مراتي وأنك هتروحي تشوفيه بكره وانتي لازم تسمعي اللي قولتلك عليه يا هاجر .
_ أسر أسر انا عارفه انك خايف على والدك ودة حقك انا هروح معاك ونمثل اني مراتك ولما يسترد صحته نقوله اننا انفصلنا ولاي سبب .
_ لا يا شيخه وهو بالسذاجه دي وكمان علشان اثبت الصور عليا فوقي لنفسك الصور دي الصبح هتكون في الجرنال غير أنها دلوقتي بقت حديث السوشيال ميديا وانا مش هدمر مستقبلي وسمعتي وكياني علشان خاطرك يا هاجر .
_ انت عاوز تتجوزني علشان تنقذ مستقبلك وحياتك لكن أنا في داهيه يا اخي مش هينفع اتجوزك مش هقدر هو بالعافيه .
_ شدها من دراعها وقال : ليه ها خايفه من اي ولا فعلاً كلام مرات عمك صح وأنه أياد سابك علشان مش كويسه عرفيني طبعاً واحده من كل بلد لبلد محدش عارف بتعمل اي بس اطمني انا مش هتجوزك علشان بموت في هواكي مثلاً انا فتره وهسيبك علشان تعيشي حياتك وتعملي اللي انتي عاوزاه لكن دلوقتي يا هاجر هتعملي كل اللي بقولك عليه سمعتي يا هاجر وسابها وخرج من المكتب .
☆ ———— بقلم الكاتبة/ آية إنسان —————☆
_ عمرو : الو أهلاً أهلاً بالغالي بجد يا ليل انا مش عارف اشكرك ازاي على الصور ودلوقتي هستناك تنزل مصر كمان يومين لازم تقف جنب صاحبك ولا اي .
☆ ————–