Uncategorized
رواية خدعة الحب الفصل الاول 1 بقلم ملك شعلان
رواية خدعة الحب الفصل الاول 1 بقلم ملك شعلان
 |
| رواية خدعة الحب الفصل الاول 1 بقلم ملك شعلان |
رواية خدعة الحب الفصل الاول 1 بقلم ملك شعلان
_بتحبى اتنين فى وقت واحد يا جاحده
=الست اللى بحق متقولش لراجل حلو لأ
_فركشتى مع واحد و ارتبطى بصاحبه..صاحبه!!
=اهوو أى حاجه من ريحه الحبايب يا شيماء
_امشى يا بت غورى من قدامى..دا انتِ هتدخلى جهنم VIP
=انتِ فى بيتى ياما
_يبقى أنا اللى هغور
=الباب وراكى وانتى طالعه يا شيماء هااا..البااب
………..
=الو ياض يا محمود.. ياللى منك لله
_ و أنا عملت حاجه؟
=ااه..تخيل صاحبتى مش طيقانى لأنها مفكرانا مرتبطين وكدا بوقع ما بينك أنت وصاحبك..بقولك إيه خلينا نبعد عن الحوار دا
اتكلم بعصبيه_طب والله العظيم لو قولتى كدا تانى لأكون دافنك مكانك فاهمه..انا عارف ان علياء مبتحبش أحمد..هى بتعمل كدا عشان تغيظنى يعنى يومين بالكتير وترجعلى تانى..وانتى كمان احمد هيرجعلك لو قهرتيه فااهمه
=تصدق بالله..انت طلعت كياد يا محمود..كياد والله العظيم
_بكره الساعه٦ الشله هتتجمع فى الكافيه بتاع كل مره..هنيجى سوا امين
=امين يا صاحبى
_صاحبى!!
=غور يا محمود من وشى عشان مش طيقاك اصلا
……..
منكرش ان قلبى واجعنى اوى .. أحمد سابنى بمنتهى السهوله و راح خطب العقربه خطيبه محمود الاولانيه علياء..محمود بيحبها اوى..وانا بحب أحمد اوى عشان كدا اتفقنا سوا نرجعهم لينا ندمانين ..
……..
دخلت الكافيه انا ومحمود سوا واحنا بنضحك..لقيت احمد وعلياء وقفوا وبصُلنا بصدمه..قعدنا كلنا والشله كانت متجمعه..ايوه ياجماعه احنا كلنا شله انا واحمد ومحمود وعلياء ومعانا هنا و لارا و مصطفى
علياء بغيره:غريبه يعنى أنكو جايين سوا..دا انتو دايماً لما بتشوفوا بعض بنسلكوا بالعافيه
اتكلمت بسهوكه=ما محبه إلا بعد عداوه.. بصيت لمحمود..مش كدا يا بودى
_ااه يا قلب بودى
كان احمد بيشرب فشرق
احمد:كح كح
جابوله مايه بسرعه و متحركتش من مكانى انا ومحمود وكنا بنبص لبعض وبنضحك من تحت لتحت
لارا:هاا بقا فرحكوا هيتحدد امته عشان الحق اجهز الفستان بتاعى
احمد بص لمحمود بخبث..بعدها بص لعلياء بحُب:هانت خلاص..الشهر الجاى الفرح
حاسه أن قلبى اتوجع جامد و بحبس الدموع بالعافيه..بصيت لمحمود ال مكنش وجعه بيقل عن وجعى ابداً..مسكت أيده وابتسمتله بحب..جت فى بالى فكره
ضحكت= باين كدا الفرحه هتبقى فرحتين
علياء بإستغراب:مفهمتش قصدك
بصيت لمحمود=أصل انا ومحمود خطوبتنا الخميس دا والفرح الشهر الجاى بردو
كلهم بصولنا بصدمه ومنهم محمود:إييييه