رواية أجبرتني على عشقها الفصل الثالث 3 بقلم ضحى خالد

خرجت وانى برتعش انا حامل ازاى باخذ المانع كل يوم ازاى بصيت لمرات اخويا وجولت

حبيبه: انى حامل 

لجيت مهره بتشهج وضرب علي صدرها بعنف: يادى المصيبه يادى المصيبه 

مجدرتش اتحمل وجعت على الارض وجعت الطم على وشى 

حبيبه: يالهوى حامل منو تانى مش هخلص منو هفضل فى الاهانه دى ليه يارب ليه 

جريت على مهره وكتمت  حنكى 

مهره: بس اهدى مش عيزين حد يعرف دلوجتى لما نتاكد هنروح نكشف يمكن فين غلط 

بصيت لفوق وأنا بقول برجاء: يارب يارب 

جريت مهره جابت شويه ميه وغسلت وشى ولبست عبيتى 

وطلعنا … جبلنا امى 

امينه: ريحين فين 

انا خوفت جوى مش عارفه أجول ايه سمعت مرات اخويا بتجول بثقه: فى محل الملابس حريمى كده هنروح نبص عليه يا مرات خال 

لجيت امى بتجول بسخرية غريبه: ابجى علمى الخايبه اللى جنبك دى ازاى تدلع جوزها 

وتفرفشو كده بدل متفكر فى الطلاج …

سكت ومش جادره ارد كل همى ان الحمل يطلع كاذب .. سحبتنى مهره وروحنا المصتوصف بتاع البلد …… ده حتى انها دفعت فلوس للست اللى هناك لانها تعرف امى 

لو جبلتها متجبش سيرة انها شافتنا …

ودخلنا عند اسماء الدكتوره وكشفت على وفعلا طلعت حامل … يا سوادك يا حبيبه هعمل ايه كده صعب على اسيب هشام بعيلين ..

مهره وهى بتواسينى: حصل خير يا حبيبه يمكن ربنا عمل كده علشان هشام يتعدل رب الخير مش بيجى غير بالخير يابنتى 

انا مكنتش معها مش حاسه بحاجه اصلا ..

لجيت مهره بتفوجنى وبتجول: حبيبه ركزى معى اهم حاجه انك تبعدى هشام عنك الفتره دى وجوليلو لحسن يضربك ضربه كده ولاكده فاكره لما كان هيموتك فى ملوك 

رديت وانا بجولها بسخريه وحزن على نفسى: ابويا رجعنى ليه تانى 

بصتلى بقول جسى وجالت: ربنا بصبرك يلا نرجع وحاولى تبجى طبيعه 

رديت وجولت: ماشى …

رجعت الدار عند بويا انا فعلا مكنتش معاهم كنت فى عالم تانى بفكر هعمل ايه فى المصيبه دى يا رب سمحنى بس مش هجدر احتفظ بيه ولا هينفع أجول لهشام .. جولت فى نفسى بتنهيده .. ولا هينفع اموته يارب خليك معى ماليش غيرك …..

فوجت على صوت ابويا وهو بيجولى

صالح: مالك يا حبيبه 

رديت وجولت: ماليش 

صالح: جوزك كيفه

حبيبه: كويس 

صالح: اسمعينى يابتى حافظى على بيتك ورجلك لان محدش في الزمن ده بجا يتحمل حد 

هزيت راسى بالموافجه هجولو ايه يعنى معدتش فى طاجه اجول حاجه 

هل لو ما اتولدت فى مكان غير الصعيد ولريف كان هيفرج معى فى موضوع طلاجى من هشام …ولا نفس المعناه …

خلص يومى عند بويا واخذت ملوك ورحت لجيت حماتى جاعده جدام التلفزيون 

رميت عليها السلام وجعت اخذ نفسى .. لجيتها بتجولى ..

حافظه: متخلصى يا ختى وتجيبى عيل تانى للواحد دى البت سماح بت عواطف متجوزها بجلها اربع سنين وجايبه عيلين ولتالت فى سكه .. وانت يا ختى بجالك سبع سنين مجبتيش غير عيله واحده وجبتيها بعد ايه 

رديت عليها ببرود: ربنا يسهل يا مرات عمى هشام فوج 

رديت على من تحت الضرس وجالت: لا ياختى مش فوج 

جولتلها: تصبحى على خير 

مستنيتش اسمع ردها وطلعت ….

حافظه بغل: ماشى يابت امينه ان ماخيلت ولدى يجهرك ……..

نيمت ملوك وغيرت خلجاتى وجعد افكر هعمل ايه …..

رفعت عينى لفوج وجولت: الهم ان لا سؤالك رد البلاء لكن اسألك اللطف فيه …..

دخل هشام وحب على يد امو وجعد جاره 

حافظه: هى مرتك دى مش هجيب عيال تانى 

هشام: معرفش يما 

شهجت حافظه: لتكون باخد منع الحمل

هشام: شكيت فيها ودرت كويس بس ملجتش حاجه هى حملها عزيز بيحصل كل مده

حافظه: احنا بجا هنفضل مع اللى حملها كل سبع سنين انا عايزه افرح بيك واشوف معاك الصبى اللى هيسند ضهرك مش كفايه مجطوع يا حبة عين امك معندكش اخ يسندك 

هشام: اعمل ايه يعنى

حافظه بخبث: تتجوز 

هشام بدهشه: اتجوز اش يما 

حافظه: ايوه يا ولدى تتجوز واحده تجبلك الواد وبالمره تعدل مرتك المايله دى 

هشام: ازاى 

حافظه: ميجهرش المرا اللى مرا زيها لما تتجوز واحده حلوه وحسب ونصب ودلعك وتسمع كلام وكمان تجيب الواد يبجا جهره لحبيبه ولا مش جهره 

هشام: وياتره هتجوزينى متطلجه ولا ارمله 

حافظه: أخص عليك ياولدى مطلج مين دى اللى جوزهالك ده انا اجوزك ارمله ولا مطلجه بنت&&&& 

هشام: مين العروسه اللى حاطه عينك عليها

حافظه: رحاب بت ممدوح جمال اخلاج 

هشام: وحبيبة

حافظه بغل: ارميه اجده ولا هى مطلجه ولا متجوزه 

هشام: سبينى افكر ما انت عارفه انى بحب حبيبة 

حافظه بسخريه: بتحبها اللى يسمعك دلوجتى ميشوفكش وانت بطحنها كل ليله 

هشام:دى حاجه تخصنى اطحنها اموتها 

حافظه بغضب: اسمع يا هشام يا تتجوز على العجربه اللى فوج دى  يا اما ملكش ام 

هشام: ماشى ياما اعملى اللى تعمليه …..

حافظه بابتسامه: ماشى يا حبيب امك ……………

خلصت فرضى وقرأت الورد من القرآن 

حطيت ايدى على جلبى وجولت: لا اله الا انت سبحانك اني كنت من الظالمين …

لجيت هشام داخل على جومت ولميت سجادة صلاة وعديت من جنبه ….. 

 وجفنى صوته وهو بيجول بشماته: انا هتجوز 

حسيت وجتها بنغزه فى جلبى مش حب فى هشام ابجا غبيه لو بحبو بعد اللى شوفتو منو ده حزن على عمرى اللى ضاع مع شبه راجل … لفيت وجولتو ببرود: مبروك يا واد عمى …..

بصلى بدهشة: مش زعلانه 

جولت بسخريه: هزعل على ايه 

هشام: مش عايزه تعرفى مين العروسه

جولت بسخريه: مين تعيست الحزن

رفع حاجبه وجال: تعيست الحزن

جولت بسخريه: طبعا اللى هتتجوزك اكيد تعيست الحزن 

جز على اسنانه وجال: اتعدلى وخلى ليلتك تعدى 

جولت ببرود: مين العروسه 

هشام: رحاب بت ممدوح جمال اخلاج 

ضحكت وجولت: مبروك  بس اعمل حسابك يوم دخلتك هيكون طلاجى 

جرب منى ومسك دراعى بغل: سمعينى كده تانى 

سلكت دراعى منو وجولت: مش انت هتتجوز يعنى انا ماليش لزمه 

رد على وجال: هعيشك معى خدامه فلبينيه ليه ولستك رحاب اللى هتجبلى الواد اللى مش عارفه تجيبه واخد ملوك وهتبجى خدامه لينا يا حبيبه 

بصتلو وانا مكسوره ..

وضحك وجال: بلاش تتحدى علشان هكسرك وهدوس عليك .. بلاش اعمل كده ده انت تنجاوت الكبير …..

سبتو ودخلت انام وانا فعلا مكسوره الخاطر انا خطرى مكسور يارب طبطب علي قلبى انا تعبانه جوى …..

نمت من غلبى …..

وصحيت على القرآن الفجر و وجع مسمعى على اية ..((لا تدرى لعل الله يحدث بعد ذلك امرا))

رفعت عينى لفوج وجولت: يارب خرجنى من اللى انا فيه ………….

اتوضيت وصليت ومسكت مصحفى ..

وفتحتو وجعت عينى على اية ((قال لا تخافا اننى معكما اسمع وارى)) 

ابتسمت وخلصت وردى ورجعت نمت شوية وصحيت لبست ونزلت اجيب طالبات للبيت ………

كنت متعصب اوى تهت فى ام البلد دى كمان لازم يعنى ينزلونى زفت دكتور مطوع هنا وفين الزفت المصتوصف ده …

وانا ماشى متعصب وبكلم نفسى خبط فى حد ببص لجيت قمر والله العظيم قمررر 

بصيتلها وقولت: احنا اسفين يا قمر انت 

بصيتلو بعصبيه:وه وه جمر فى عينك 

بصتلها ابتسامه غبيه: اه الهجه الجمر دى 

رديت بعصبيه: اباي عليك راجل جليل الحياء 

فوق من اللى انا فيه وقولتلها: انا اسف ومكنش قصدى بس فين مصوصف البلد 

جولت بعصبيه: امشى لحد اخر الشارع هتلاجه يا خويا 

قولتها بابتسامه: شكرا عن اذنك ….

مشيت وانا بقول: مكنتش اعرف ان البلد فى بنات قمر كده …

ومشيت وما بجول: راجل جليل الحياء … …  ….

احب اعرفكم بنفسي أنا ياسين حكيم ٢٨ سنه 

 دكتور اطفال من القاهره اعزب وابحث عن عروسه مش بهزر انا نفسى اتجوز والله بس مش لاقى بنت ناس او بنت حرام مش لاقى حد هى البنات راحت فين بهزر مالكم قفشتو ليه بصراحه كده مش لاقى اللى تستحملنى اصلى متعلق بامى اوى اوى اخر العنقود بقا ومش عايز ابعد عنها وكلهم عيزين يبعدونى عنها وكمان انا عندى عيب بفقد اعصابى بسرعه … الهم تخيلوا تفضل تدرس سبع سنين طب وهى الاخر تبقا دكتور متطوع فى ريف مصر ايه يا دنيا ومركيش غيرى ولا ايه …لقيت سكن قريب من المصتوصف دا يارب يعدى الشهرين على خير  لانى عصبى ومش عايز حد يزعل منى يلا مع السلامه داخل الخروب ده ……..

جبت الطلابة وجولت اعدى على امى اجولها على اللى حصل معى يمكن جلبها يحن …

امينه: تعالى يا حبييه خير 

جولتها بكسره مجدرتش اخبيها: هشام هيتجوز على 

رديت علي وجالت: حجو دخ الشرع محلل اربع 

بصتلها بصدمه وجولت: انت ازاى كده هو انا مش بتك ولا ايه

امينه: اما عيزانى اجول ايه اطلجى وتعالى بعينك تبجى مطلجه بعينك 

جومت وجفت وجولتلها: عايزه حاجه يامى انا همشى

ردت على: ربنا يصلح حالك ….

روحت البيت وانا جلبى وجعنى وحسه انى ماليش ضهر ولا سند وليه حج هشام يلطش فى …..روحت البيت حطيت حاجه لحماتى فى الارض وتطلعت فوج ..

اول مدخلت لجيت هشام مسكنى مت حجابى 

هشام:؟؟؟؟؟ 

ياترى يا حبييه هتضربى على ايه المرادى 

وايه رايكم فى اللى بيحصل معها ده ….

ولو انت مكان اهلها هتتصرفوا ازاى …