Uncategorized
رواية صعيدي علمني الحب (صعيدي علمني الأدب 2) الفصل الخامس والثلاثون 35 والأخير بقلم حنين عادل
رواية صعيدي علمني الحب (صعيدي علمني الأدب 2) الفصل الخامس والثلاثون 35 بقلم حنين عادل
 |
| رواية صعيدي علمني الحب (صعيدي علمني الأدب 2) الفصل الخامس والثلاثون 35 بقلم حنين عادل |
رواية صعيدي علمني الحب (صعيدي علمني الأدب 2) الفصل الخامس والثلاثون 35 والأخير بقلم حنين عادل
بتبص روح ليه بإبتسامه وبتروح تقف جمبه .
روح: ايه الشياكه والأناقه والحلاوه دي يا معلم ماشاء الله اتنين قمرات واقفين مع بعض
بصلها يونس برفعه حاجب: هما مين الاتنين
روح: انا
ضحك بسخريه بصتله روح بعصبيه هو جرح غرور الانثي اللي جواها اللي تحب تسمع انها جميله ومافيش احلي منها
بصتله بتحدي وابتسامه وقالت: ماشي يا نمر اللي تشوفه انت اللي قمر بس .
اغاني شغاله …
كرم: عاملك مفاجأه
كريمه: هي ايه ؟!
كرم بضحك: هابهرك
ضحكت كريمه وكانوا بيرقصوا علي الأغاني ومبسوطين
روح كانت مراقبه النمر اللي سابها وراح وقف بعيد
ومصطفي كان كل تركيزه مع بسمه بالابتسامه اللي مش بتفارق وشه ..
بيطلع واحد علي المسرح: والأن مع نجم الأغنيه الشعبيه الكبير ….
كرم: شوفي جبتلك مين يا روح قلب كرم
كريمه ضحكت …
بيكمل الشخص كلامه : النجم سعد الصغييير ..
بيدخل الفرح وبيغني.
كرم: شوفتي ..
كريمه بضحك: لأ صارف ومكلف
كرم: اومال …كنت هاجيب الليثي بس مشغول مع صافينار
كريمه بضحك: لاه حلو قوي اكده
انا خلاص هاتجوز وهابطل ابص علي البنات وهابطل اقضيها اشتغالات رقصنا علي الطبله ولا عنتر ولا عبله
بيغني في الأغنيه وكل اللي حواليه بيرقصوا وكرم بيرقص بحماس كبير وكريمه.
وروح واقفه بتضحك وتسقف ..
بيخلص الاغنيه وبيغني اغاني وراها ..
بتطلع روح علي المسرح بعد ما سعد نزل ..
روح بتمسك المايك: الف مبروك يا كرم انت وكريمه فرحتلكم واللهي
بيبتسم كرم وكريمه
بيبص يونس بيلاقيها واقفه قدامه علي المسرح بيزغر لها بس بتبسم ليه بتحدي ..
روح بتبدأ تغني …
فضلت احايله مايرودش
اقوله حبيبي مايرودش
اقوله ياسيدي مايرودش
اعمله ايه ..ايه …وارجع احايله مايرودش
اقوله يا عم مايرودش….اقوله يا سيدي مايرودش
اعمله ايه ..ايه …
بتتمايل يمين وشمال وكرم بيقوم يرقص معاها …
وكريمه واقفه بتزغرلهم ويونس متعصب وهيا عارفه
مصطفي واقف فاتح بوقه وعارف ان ممكن يونس يطربق الفرح علي دماغ الكل و بسمه خايفه علي روح ..
بتكمل روح وهيا بترقص مع كرم ..
انا عارف زعلتك مني صدقني كان غصب عني
انا عارف زعتلك مني صدقني كان غصب عني
ولا انت بتتقل ياعني ولا انت ايه. .
يونس بيتحرك بيمسكوا مصطفي..
مصطفي: استهدي بالله ياخوي ..
بتكمل روح غني
ابعد وامشي واسيبه في ناره
كرم بيضحك وهو بيرقص وبيشاور لا لا لا لالا
كريمه في سرها: دا انا هاطلعه علي جتتك يا شيخ اصبر عليا بس
لا مايهونش عليا مراره لا لا لا لا لالا
ابعد وامشي واسيبه في ناره لا مايهونش عليا مراره
هافضل ادادي وادادي واحادي.
ويسوق فيها انا مش قااااااادر
بيكون مصطفي ماسك في يونس ومكلبش ويونس بيضرب فيه وهو مستحمل.
بتضحك روح وهيا عارفه انه نار وطالما مش نافع معاه الحسني يبقي نعصبه ..
بتكمل غني
مش قادر تاني كلام
وهانفضل كده في خصام
مش قادر تاني كلام وهانفضل كده في خصااااااام..
يونس بيزق مصطفي بعد ما اتضرب كتير منه مصطفي بيوقع علي الارض ويونس بيطلع علي المسرح ..
مصطفي: وانا مالي بقا تستاهلي اللي هيجرالك
بتشوفه روح بتنزل تجري من علي المسرح
ويونس بيجري وراها …
بسمه بتكون خايفه عليها ..
بتجري روح وهيا لابسه كعب مضايقها ..
بس يونس ظابط فا كده كده اسرع منها مهما كانت سريعه
بتغرز في الأرض ومش عارفه تجري بس بتحاول..
روح: اهدي يا نمر ابوس ايدك
يونس: بتترقصيلي قدام الشباب دا انتي ليله اهلك سوده ماعيطلهاش نهار واصل
روح: نهار اسود الصعيدي طلع انا اسفه يا نمر ..
يونس: للمره التانيه عاملالي غازيه وبتترقصيلي مع كرم
روح وهيا بتجري وبتصوت: اهدي يانمر مش حمل ضرب يا جدع
بتتعنقل روح بتقع علي الأرض بينزل يونس لمستواها
روح بترجع لورا بيقرب منها وبيمسك شعرها
بتغمض عينيها بخوف وهيا بتتألم من وجع شعرها ..
يونس بعصبيه : انتي طالق
بتفتح عينيها بصدمه ودموعها بتنزل مش مصدقه اللي حصل اللي سمعته ده بجد ..
بصت ليه نظره مليانه معاني العتاب والصدمه ازاي طاوعه قلبه ونطقها..
قام وقف …
روح وقفت وكانت عينيها في عينيه
روح بتبكي: قدرت تنطقها يا نمر قلبك طاوعك هاتسيبني هاتقدر تعيش من غيري لو قدرت انا مش هاقدر
النمر: انتي اللي دمرتي كل شئ بينا كسر الثقه مش هين ده بيكسر القلب بيفتته بيدمر معاه حاجات كتير
روح بعصبيه: انت ليه مش بتقدر انت اكتر واحد المفروض تكون عارف احساسي لأنك عيشت نفس ظروفي اما اعرف ان امي عايشه امي اللي عمري ما شوفتها امي اللي اتمني بس حضن شويه حنان اتمني نظره مشاعري ليه ماتحركنيش واروح حتي لو هاموت اه غلطت …
بتعلي صوتها: اه غلطت …غلطت يا نمر ..بس مايستاهلش كل ده مايستاهلش تسيبني وانا في المستشفي لوحدي وانت عارف ان ماليش حد ماحدش يقف جمبي سيبتني ومشيت وانا واخده رصاصه تفتكر لو كنت انا في نفس الموقف كنت سيبتك
انا يتيمه وانت بتزود عندي الاحساس ده وانا في المستشفي كنت بفتكر بابا لما كان بس صابعي بيتعور كان بيعمل ايه عرفت ان ماليش حد للاسف ..
جيت هنا عشان قلبي مشتريك مايقدرش يعيش من غيرك وانت عملت ايه قابلتني بكل برود حاولت كتير اصالحك وانت مصمم يا أخي يل*عن ابو الحب اللي يقل من صاحبه الظاهر ان بابا غلط …طب تصدق اول مره في حياته يغلط …بس غلط لما وثق فيك وكان فاكر انك هاتبقي سند وهاتفضل طول العمر جمبي ..
بتمشي روح وبتسيبه واقف بدون اي كلام وهيا ماسكه دموعها بتكون بسمه واقفه بعيد بتعيط بتطلع روح علي اوضتها جري وبتطلع بسمه وراها.
بيدخل يونس اوضته وبيرمي الحاجات فيها بعصبيه بيبص علي ايده وبيروح عالحيطه بيخبط ايده فيها بتوجعه وبيقعد عالسرير وهو ماسكها .
بيفتكر عياط روح وبيفتكرها ساعه ما مسك شعرها وهيا مغمضه عينيها وخايفه ..
بيفتكر كلامها :يل*عن ابو الحب اللي يقل من صاحبه الظاهر ان بابا غلط …طب تصدق اول مره في حياته يغلط …بس غلط لما وثق فيك وكان فاكر انك هاتبقي سند وهاتفضل طول العمر جمبي ..
________________________
بتقفل روح علي نفسها الأوضه وهيا بتعيط ..
بسمه بتطلع وراها بسرعه: افتحي يا روح
روح: معلش يا بسمه سيبيني دلوقتي ارجوكي
بسمه: عشان خاطري
روح: ارجوكي يا بسمه انا لما اهدا هاجيلك
بتمشي بسمه وهيا متضايقه ..
بتقعد روح تعيط علي الارض وهيا منكمشه في نفسها ..
______________________
بيخلص الفرح وبيدخل كرم وكريمه شقتهم بالزفه …
كرم بيسلم علي الناس وهما طالعين
كرم: عقبال عندكوا كلكم
صفاء بتكون جمب كريمه بتحضنها
وكرم مستنيها تمشي بفارغ الصبر
صفاء: يلا اسيبكم انا
كريمه: ليه يا خيتي خليكي شوي
كرم بص لكريمه وهو بيزغرلها
صفاء: لاه يلا ربنا يسعدكم ويرزقكم الذريه الصالحه ..
كرم: امين
بتمشي صفاء وبيقفل كرم الباب ..
بيقرب من كريمه وهو بيرقص: واخيرا اتجوزت وماعدش ناقصني حاجه ..
بيقعد جمبي وبيحط ايده علي كتفها
كريمه: بعد عني
كرم: لاه مافيش بعد عني النهارده في قرب مني كمان اكتر واكتر بوسني دلعني دي ليله العمر يا بت
كريمه: مش كانت عاجباك روح وعامل زي الغازيه وبتترقص معاها ونسيتني
كرم: وانا اقدر انساك يا جميل انا كنت برقص مش عشان روح عاجباني لاه عشان اني فرفوش ونعنوش وبعدين قلب كرم مادقش الا لكريمه وبس انتي عارفه النهارده اسعد يوم في حياتي ماتبوظيش الليله
كريمه بابتسامه: جد يا كرم قلبك مادقش لغيري
كرم: جد الجد يا قلب كرم
بيقرب منها …
كريمه بتقوم تقف من علي الكرسي بسرعه
كرم: ايه في ايه
كريمه: انت عاتعمل ايه
كرم بضحك: هاعمل اللي بيتعمل هابل السفنجه
كريمه: ماتقربش مني احسن لك
كرم: ليه يعني عاتعملي ايه يا قطه
بتطلع تجري علي جوه وبتجيب جهاز الكهربا وبتطلع
كريمه: ان قربت مني هاكهربك
كرم بيضحك وبيقرب منها: ما تقدري…….تيييييييييييييييييييييز
بيقع كرم علي الأرض بعد ما اتكهرب واغمي عليه ..
كريمة:خبرتك ماتقربش مني يلا تستاهل عشان انت مش محترم ..
________________________
في الصباح …
بيجهزوا الصباحيه لكريمه والكل بيكون جاهز ..
شاكر: اومال فين روح
يونس بيكون واقف وباين علي وشه الحزن
ومصطفي وبسمه وصفاء
بسمه: تعبانه شويه يا عمي مش هاتيجي
شاكر: تعبانه مالها ؟!
انا كويسه يا عمي ما تقلقش
بيبصوا علي مصدر الصوت بيلاقوها نازله علي السلم ..
شاكر: انتي كويسه يا بنتي
روح بتبص ليونس وبعدين بتبص لشاكر بابتسامه : عمري ما كنت كويسه زي النهارده ..
بيمشوا يركبوا العربيات ويونس بيبصلها وهيا مش بتبص ليه…
شاكر: اركبي مع يونس يا بتي
روح: بعد ازنك يا عمي هاركب مع مصطفي
شاكر: اللي تحبيه …
بيكون يونس واقف وفاتح الباب مستنيها بيرزعه وبيركب عربيته .
بيسوق مصطفي العربيه وبيبص علي بسمه في المرايه وبيبتسم.
مصطفي: ايه رأيك في الوحش الجديده الجامده دي انتم اول حد يركبها
روح: جميله يا مصطفي
بسمه: ربنا يباركلك فيها
مصطفي: في دعوه كمان عاوزها
بسمه: ايه ؟!
مصطفي: ادعولي ربنا ينولني اللي في بالي
بسمه : يارب
روح: ربنا يسعدك يا مصطفي.
بتوصل العربيات وبينزلوا وبيطلعوا لشقه كرم اللي فوق بيت ابوه..
في الشقه جوه…
كريمه: اصحي بقا يا حزين ..
بتحاول كريمه تصحيه مش بيصحي وهما بيخبطوا عالباب بتستلم للأمر الواقع وبتفتح الباب وهيا لابسه عبايه استقبال وطرحه
بيدخلوا بيتفاجئوا بكرم اللي نايم علي الارض بالبدله
بيضحك مصطفي علي منظره وشاكر بيرفع حاجبه
شاكر: اخص عليك كسفتنا
يونس بيكون واقف غير مهتم بيبص لروح اللي كانت بتضحك علي كرم وده كان مخليه مستغرب..
بيفوق مصطفي فيه مش بيفوق
بيلاقي مصطفي ازازه مايه بيجيبها وبيكبها علي كرم بيشهق شهقه طويله وبيفتح عينيه وهما كلهم حواليه من كل جمب بيضحكوا
بيقوم وهو بيعدل هدومه..
شاكر: صباحيه مباركه يا عريس
كرم بيبص في الارض بخجل: الله يبارك فيك يا عمي
روح: ايه الجمدان ده يا مان
كرم بيضحك وبيبصلها بإحراج
مصطفي بيضحك : مبروك يا عريس
كرم: الله يبارك فيك يا مصطفي
بيقعدوا وكريمه بتقدملهم فاكهه وعصير
صفاء بتاخد كريمه جوه …وكرم متابعهم وقاعد يدعي علي كريمه في سره..
جوه في اوضه كريمه ..
صفاء بصدمه: ولا اي حاجه
كريمه: ولا اي حاجه
صفاء: اخص علي الرجاله
بتطلع صفاء وعماله تجيب بوزها يمين وشمال شافها كرم حط وشه في الارض .
صفاء: نمشي…يمكن ربنا يكرم
كرم بيفضل يكح …
شاكر بيضحك: يلا…
مصطفي: شد حيلك يا عريس
كرم : الشده علي الله
يونس بيسلم وبسمه ..
روح بضحك: عايزينك ترفع راسنا يا كرم
كرم: ان شاء الله
بيمشوا وهما بيضحكوا عليه
بيقفل كرم الباب بعصبيه…
وبيدخل علي كريمه : منك لله يا شيخه جرستيني
كريمه: وه انا عملت ايه مش خبرتك ماتقربش مني ؟!
كرم بيقرب منها: لاه هاقرب
كريمه: ابعد يا كرم احسنلك
كرم: دقت ساعه العمل
كريمه : ابعد يا حزين …كرم
بتضحك : بس بقا يا كرم…كرم…هيييييي
كرم: ايوه بقا
اخيرا اتجوزت يا كرم كلنا كمتابعين للروايه مبسوطين ليك باركوا له ????
________________________
بتبص روح لبسمه بحزن
روح: لسه مصممه تمشي
بسمه: لازم امشي ادعيلي واوعي تنسيني
روح: عمري ما انساكي..ربنا يسعدك ويبعد عنك كل شر ويعوضك عن كل الوحش اللي شوفتيه في حياتك
بتحضنها بسمه وتروح ناحيه شاكر وتسلم عليه وعلي صفاء
شاكر: البيت بيتك يا بتي اعتبريني ابوكي ان احتجتي اي حاجه انا موجود اوعديني
بسمه: اوعدك ياعمي ربنا يديك الصحه ويبارك في عمرك
بتطلع بسمه بره البيت وهي شايله شنطتها اللي شاكر جبلها كل حاجه فيها من هدوم وكتب الخ
بتلاقي مصطفي واقف جمب العربيه وباين عليه الحزن..
شاكر: مصطفي اصر انه هو اللي يوصلك بدل يونس
مصطفي اجي واخد منها الشنطه حطها في العربيه
روح حضنتها للمره التانيه
بسمه كانت بتبص عليهم والدموع في عينيهم مش شرط القرابه تبقي قرابه دم بيبقوا من دمنا وبيخونوا وبيجرحوا وبيكرهونا ويبقي اغراب مانعرفهمش ومافيش احسن منهم بيخافوا علينا وبيحبونا ..
بتركب العربيه مع مصطفي وبتمشي وهيا خايفه من اللي هاتقابله وقلبها في بيت النمر …
بتطلع روح تقعد في اوضتها وبتفكر هاتعمل ايه في حكايتها هيا والنمر هل انتهت علي كده ..
_________________________
بتنزل ميرا علي سلم الفيلا لابسه بنطلون جينز اسود فوقه قميص بينك وفوقه جاكت اسود وشعرها كاريه قصير وحاطه عليه شريطه بيضه زي الطوق وشكلها اتغير وزادت جمال علي جمالها..
خالد بيكون مستنيها ..
خالد: بسم الله تبارك الله ايه الجمال ده
ميرا: شكرا يا خالد …بس كده هاتتعب يا خالد وانت ماسك شركه عمي بدر هاتقدر تمسك الشركه دي
خالد: تعبك راحه وبعدين انا هاعرف اظبط وقتي يلا قدامي يا باشا نشوف اشغالنا
ميرا: استعنا علي الشقي بالله
بتركب معاه العربيه بيوصلوا المكان بتدخل الشركه اللي شكلها زي بناء هرمي ومتغلفه بالزجاج في قمه الفخامه
بتنبهر ميرا بجمالها…
بيدخلوا الشركه والكل بيقف باحترام بعد ماعرفوا انها صاحبه الشركه …
فسبحان مغير الاحوال من حال الي حال
_____________________
بيكون مصطفي ساكت طول السكه وبسمه ساكته
بسمه بتخرج عن صمتها: ليه ساكت
مصطفي: واقول ايه …عارفه ايه المشكله
بسمه: ايه ؟!
مصطفي: انك فاهمه كل حاجه وعامله عبي*طه
بتسكت بسمه وبيكمل مصطفي سواقه وهو ساكت لحد مابيوصلوا للمكان…
بتنزل بسمه بخوف ومصطفي بينزل الشنطه من العربيه
بيوقف جمب بسمه قدام بيت ثلاث ادوار
بتبلع بسمه ريقها بيمسك مصطفي ايديها
مصطفي: ماتخافيش !
بتبص ليه وبتبسم ..
بيدخل البيت وبيخبط علي اول شقه زي مايونس قاله …
بيتفتح الباب ودقات قلب بسمه بتكون مسموعه من التوتر اللي هيا فيه !
بتلاقي واحده فيها شبه كبير من بسمه والاكيد انها امها
بتبتسم بسمه والست بتحضنها وبتعيط وبيجي راجل اربعيني يحضنهم الاتنين ..
ومصطفي واقف مبتسم خلاص قلبه اتطمن اصل الحب مابيتمثلش ..
_____________________
بتجهز روح شنطها وبتنزل علي السلم
بيشوفها يونس وبيقرب منها : رايحه فين ؟!
بترد روح وهيا نازله علي السلم من غير ما تبص ليه: ماشيه
يونس: رايحه فين
روح: رايحه بيتي
يونس: وده مش بيتك
روح بتبص ليه: للأسف مش بيتي
بتمشي روح وبتسيبه وبتدخل لشاكر المكتب…
بيقف يونس بره المكتب بيخبط رجليه في السلم بعصبيه هو بيحبها بس اتعصب لما شافها كده ليه بتحاول تخليه علطول يخرج عن شعوره بس كبريائه هايمنعه يطلب منها تفضل هو النمر في الاخر
بتطلع من اوضه بدر وبتمشي بيقف وقلبه وعقله في صراع مع بعض قلبه اللي عاوزها ماتبعدش عنه وعقله اللي بيقنعه ان لأ غروره هايتغلب عليه ولا حبه
بتطلع من البيت وبتبص عليه بتبتسم وبتلبس نضارتها وبتركب عربيتها وبتمشي.
غروره اتغلب علي حبه وكان اقوي هل حكايتهم خلصت علي كده ولا لسه ليها نهايه
_______________________
في بيت اهل بسمه
بسمه : وانتي اسمك ايه انا يكفيني كلمه ماما وبابا بس احكيلي عنكوا انا مبسوطه قوي انه اخيرا ربنا عوضني وشوفتكوا وهاحس بحنانكوا انا كنت فاكره نفسي يتيمه لكن ربنا بيعمل معجزات ..
بيبصلها مصطفي فرحان لفرحتها
بتبدأ امها تحكي ليها عن تفاصيل حياتهم وانها ليها اخ وانه برده توأم
_ ماتتخيليش الوجع اللي حسيناه لما روحتي مننا كنا رافضين فكره انه بعيد الشر حصل ليكي حاجه لكن ربنا عنده كل خير جيتي وانتي عروسه ماشاء الله اه زعلانه اني ماعيشتش معاكي طفولتك وربيتك بنفسي بس مبسوطه ان اخيرا شوفتك
بيبصلها ابوها بحنيه: واخيرا ربنا استجاب لدعائنا
بيقوم مصطفي : طيب استأذن بقا …خدوا بالكم منها
بيبتسموا ويبصوا له
مصطفي بيبص لبسمه : ان احتجتي اي حاجه كلميني
بسمه بتهز راسها
بيمشي مصطفي وهو حاسس انه ساب قلبه بتطلع بسمه وراه بيبصلها : خلي بالك من نفسك يا بسمه لا اله الا الله
بسمه: محمد رسول الله
بيركب مصطفي العربيه
بسمه: مع السلامه
مصطفي: الله يسلمك
بيمشي مصطفي وبتدخل بسمه البيت وبتقعد ما امها وبتستني تشوف اخوها علي احر من الجمر
_______________________
بيسند يونس علي السرير وبيرجع بذكرياته لورا بيفتكر مواقفهم سوا وجنانهم موقف الطياره موقف الظابط التخين موقف التيران …
بيقاطع تفكيره وابتسامته اللي علي وشه اتصال…
يونس: تمام يا باشا حالا
بيقوم وبيلبس هدومه وبيحط مسدسه في جيبه بينزل المكتب بيبوس ايد ابوه زي قبل كل عمليه
وبيمشي من البيت …
_______________________
كرم: بحبك يا كرمله
كريمه: انا اكتر
كرم: عجبك الموقف الز*باله اللي حطتيني فيه ده هاتعاير بيه العمر
كريمه: معلش
كرم: نسيت كل حاجه ياااه علي الراحه النفسيه اللي بقيت فيها
ضحكت كريمه عليه…
كرم: عارفه ايه اللي يظبط منظري
كريمه : ايه
كرم: نجيب عيال بأسرع وقت ممكن
بيشتالها ويدخل اوضه النوم وهيا بتضحك بدلع
مكتوبالك يا كرم تتجوز وتتدلع ????
______________________
علي طريق صحراوي…
بيقفل عربيتين علي عربيه يونس بينزل منها رجاله كتير وبيحصل ضرب نار بيجي واحد من ورا يونس بيضربه علي دماغه
بيصحي بعد وقت وعلي عينيه قماشه سوده
قعد يحاول يفك نفسه قدر يفك نفسه ولسه بيشيل القماشه اللي علي عينه حد ضربه بالبونيه
يونس قام وقعد يضرب فيه والتاني يضرب فيه
يونس: انتوا مين وعاوزين ايه
بيضربه في وشه …
بس كفايه …
بيبص يونس ناحيه الصوت بتكون الدنيا عتمه
بيسمع صوت كعب بيقرب منه بيفضل يبص لحد ما ظهرت قدامه
يونس بصدمه: روح….ازاي …والمأموريه
ضحكت روح : انا روح بدر النمر ولا ناسي علاقات بدر النمر
يونس بيمسح الدم من علي بوقه بتشاور روح للراجل يمشي
بتقرب روح منه…
يونس: عاجبك البهدله دي
روح: دي عشان كلمه طالق اللي قولتها
يونس: كل الضرب ده عشان طالق اومال لو خونتك كان حصل ايه
بتمسكه يونس من لياقته : كنت موتك يا نمر
بيمسكها من شعرها وبيقربها منه بزياده وبيخطف بوسه طويله …
روح: وحشتني يا نمر
يونس: وحشتيني ياروح النمر
روح: طب ابعد بقا عشان حرام انت طلقتني
يونس: رديتك بعدها علطول ..
روح: اه …ماشي بتبص علي اللي في وشه…
بتضحك روح : ما كان من الأول لازم العن*ف يعني
يونس: بعشق جنانك
روح: بعشق امك …ولا اقولك بلاش امك بعشق ابوك
بيضحك النمر عليها…
يونس: طب يلا نطلع من هنا
روح بضحك: نطلع منين احنا في الفيلا بس انا عامله ديكور خطف…
افتحوا النور..
بيفتحوا النور بيضحك يونس …
روح: لا انا جامده اوي
يونس: بمناسبه الجمدان انا تعبان
بيشتالها وبيطلع جري علي السلم
روح بضحك: بس بقا يا نمر الله
في علاقات مهما حصل فيها مش بتنكسر ولا تنتهي علاقات متغلفه ومحفوظه بالحب قويه الزمن مابيأثرش فيها…
______________________
بعد شهر…في الليل
صوت صريخ روح
يونس بيطلع يجري عليها وهو قلقان بيخبط علي باب الحمام بخوف …
يونس: روح في ايه افتحي. ..
مش بترد…
بيكسر باب الحمام وبيدخل …
بيلاقيها واقفه وفي ايديها تيست للحمل
بتبصله بصدمه : انا حامل انا حامل
بيبصلها وبيضحك وبيقول بصوت عالي: انا هابقي باابا انا هابقي بابا
بيشتالها وبيطلع من الحمام وبيلف بيها وهيا بتضحك ..
يونس: بقيت بابا
روح كانت فرحانه جدا .
روح: في بطني جزء منك يا نمر
بيحضنها بفرحه : ياروح النمر وعمر النمر وقلب النمر وحياه النمر ..
______________________
في اوضه بسمه…
بسمه: هههههه كسبتك
_ ايه يا شيخه حرام عليكي دي تالت خمسين جنيه تاخديها
بسمه: جري ايه يا خوي مش قد اللعب ما تلعبش
_ خودي يا خيتي يلا مش خساره فيكي اذا كان كنتي مضيقاني جوه بطن امي مش هاتضيقيني هنا
بسمه: بقا اكده ماشي
_ اموت انا في اكده دي
بتدخل ام بسمه
بسمه: ايوه يا ماما
* اطلعي يا بسمه في ضيوف بره عاوزينك
بسمه: ضيوف مين
* اما تطلعي هاتعرفي
بيطلع اخوها وبتقوم تلبس دريس وبتلف الطرحه وتطلع
بسمه: السلام عليكم..
بترفع وشها من الارض بتلاقي مصطفي وشاكر وصفاء
بسمه بتفرح لما تشوفهم وبتسلم عليهم
بتقعد بسمه …
شاكر: احنا جايين نطلب يد بسمه لمصطفي ولدنا
بتفتح بسمه عينيها بصدمه
بيرد ابو بسمه : واحنا هنلاقي احسن من مصطفي فين بس لازم ناخد راي بسمه
بيستني مصطفي الرد وهو خايف .
بتبص بسمه في الارض باحراج: اللي تشوفه يا بوي
ابو بسمه: علي بركه الله
بيقوم مصطفي يبوس ابوه ويقوله الف مبروك وبيبوس ابو بسمه وبيبوس بسمه…
بيبصله الكل …لحظات من الصمت..
مصطفي: انا اسف من فرحتي واللهي ما تاخذونيش هاتوا المأذون نصلح غلطتي
بيضحك عليه الكل ….
بيدخل اخو بسمه …
بيضحك مصطفي : عارف ناقصلك الطرحه وتبقي شبه بسمه بالظبط واتلغبط فيكوا
بيرد عليه اخوها: يعني قصدك اني شكل الستات ولا بسمه اللي راجل
بيبص عليه مصطفي بابتسامه مصطنعه…
مصطفي: الفرح امتي لو سمحتوا
بيضحك اخو بسمه من شكل مصطفي
مصطفي: عقبالك يا حبيبي عقبال البكاري
__________________________
في القاهره….في الجامعه
بنت واقفه مع اسلام …
_ متأكد يا اسلام
اسلام: صدقيني ميرا مش اكتر من صديقه انا بحبك يا سها حتي هيا عارفه بس انتي ماكونتيش حاسه بوجودي بس قلبي كان متعلق بيكي
بتبتسم بخجل …
اسلام: اجيب بابا وماما بقي امتي ……….
تمت
#بارت_هدية
يونس بيكون واقف في المطبخ لابس المريله …
وروح قاعده قصاده..
روح : ابوس ايدك يانمر بلاش
النمر : دي أكله تغزي الحامل يا روح النمر ما تخافيش ثقي فيا
بصت ليه وهيا بتضحك: واثقه فيك وربنا يستر بقا ..
قرب منها وبقا قدامها …
يونس: انتي عارفه انا بحبك قد ايه ؟!
روح: تؤتؤ قولي …قد البحر وسمكاته
بيضحك يونس : قد البحر وسمكاته …والليل ونجماته والهوا ونسماته وجنون روح ونتايجه وتقلباته
بتضحك : بقا كده..
يونس: جنانك ده حببني فيكي بزياده
روح: بس للأسف مضطرة اعقل ..
يونس : ليه بقا
روح: عشان البيبي بقا ودي اول تضحيه من تضحياتي انها الأمومه يا جدع
يونس: ايه ده
روح: في ايه ؟!
يونس : عاوز احضنكم حالا
بيشتالها وبيرفعها لفوق وشعرها بيجي علي وشه بيلف بيها بتشم روح ريحه .
روح: يا نمر
يونس: ياروح النمر
روح: الخلطبيطه بالصلصه اللي عملتها
يونس: مالها….
روح: اتحرقت ..
يونس: يا نهار أبيض
بينزلها يونس بالراحه وبيقعدها عالرخامه
بيجري علي الاكله اللي عاملها ..
يونس : دي بقت فحمه …يلا مش مشكله اعمل واحده تانيه
روح: لأااااااااااا
يونس بيضحك: قولتلك ثقي فيا …ثقي في ايه
روح: فيا
يونس: شطورة …
صوت تيلفون بيرن…
بتنزل روح من علي الرخامه
يونس: استني رايحه فين مش قولتلك ماتتحركيش
روح: انا كده هانسي انا كنت بمشي ازاي يا نمر من يوم ما عرفت اني حامل وانا مش بتحرك والتليفون بيرن
يونس: طيب ..روحي هاتيه
بتمشي روح
يونس: امشي بالراحه وحاسبي تتنعقلي في حاجه
روح: حاضر ..
بتروح روح تجيب التليفون بتلاقي خالد بيرن ..
بترد وهيا ماشيه وبترجع ليونس: ايوه يا خالد
خالد : ايه يا بنتي فينك ؟!
روح: في المنزل ..عندي حظر تجول
خالد: عاوزين امضتك ضروري
روح : طيب حاضر هاجيلكم الشركة .
بتقفل روح مع خالد بتبص بتلاقي يونس رافع حاجبه ..
روح: ايه
يونس: مافيش خروج انتي هاترتاحي في البيت واظن سمعتي الدكتورة قالتلك ارتاحي لان الحمل في خطر واحنا لسه في اول تلات شهور
دبدت في الارض ..
يونس: يا مجنونه يا مجنونه
روح: انا زهقت بقا من قعده البيت انا عاوزة اشم هوا بقا
يونس: والأكسجين ده كله مش مكفيكي خلاص ماتبوزيش يامامي من التكشيرة دي
بتلف وشها وبتديه ضهرها وبتربع ايدها
يونس: خلاص…روحي البسي بس انا جاي معاكي
بصت روح ليه بفرحة..
وجت تمشي ..
يونس: بالراحه ..
روح: حااااااضر ..بص هامشيلك ويكأني عندي تسلخات ايه رايك
ضحك يونس عليها : يبقي أحسن
مشت روح كده فعلا ويونس قعد يضحك عليها قلع المريله وغسل ايده وراح عشان يلبس
طلع عالاوضه .
يونس: اجي اساعدك
ردت روح من الحمام: يابني انا حامل مش مشلوله
يونس: يا ساتر يا رب عليكي بعيد الشر
طلعت روح من الحمام ودخلت اوضه اللبس ..
ودخل يونس وراها …
شهقت روح من الخضه : يوووه مش تخبط عيب كده
يونس: هو ايه اللي عيب لا مؤاخذة
قرب منها لحد ما لزقها في الحيطه ..
يونس: مش عارف الحصار ده هايتفك امتي بقا بقالنا شهرين كتير جدا
ضحكت روح: طب ابعد احسن البيبي يشوفك وانت بتتحمرش بيا
ضحك يونس: هو انا كده بتحمرش
شال شعرها اللي نازل علي وشها ومشي ايده عليه وعلي شفايفها باسها بكل رقه ونزل علي رقبتها وايده نزلت علي جسمها..
بعد عنها مرة واحدة …
ضحكت روح : ليه كده
يونس بتذمر: خوفت اضعف اااااااه ….ابن الإيه ده اللي مقطع علي ابوه ..
ضحكت روح وكملت لبسها ويونس بدأ يغير لبسه
روح بدلع : واللهي ماحد تعبان اكتر مني استر نفسك يا نمر استر نفسك يا خويا لانك مغري بشكل لا يحتمل
جهزوا ونزلوا ويونس ماسكها ومش بيقول غير كلمه واحدة : براحة
ركب العربيه بعد ما ركبها وساق.
روح: انت بتهزر يا نمر صح ماشي علي 50
يونس: كده حلو اوي …
بيجي مطب بيبطأ السرعه ل 20 وبيعديها براحه خالص.
ضحكت روح علي تصرفاته …
روح: هاتبقي احن اب في الدنيا يا نمر بس قفلتك سواد
ضحك يونس : ربنا ما يجيب قفله احنا هانبقي مسؤولين عن طفل هايقلدنا في كل حاجه هاياخد طباعنا ربنا يجيبه بالسلامه ويتربي تربيه صالحه
بتبتسم روح وبتفكر ياتري هايبقي ايه شكله ونوعه ..
بيوصل يونس للشركه ..شركه النمر ..
بتنزل روح ويونس بيركن العربيه ..
يونس: براحه …يانهار اسود لابسه كعب
روح: ما انت عارف مش بعرف البس حاجه واطيه..
يونس: يبقي ماتمشيش خالص.
وفجاة بيشتالها يونس
روح بتضحك: يا نمر والناس
النمر: يجوا يحوشوا اللي جايبينه بلا ناس بلا بتاع
بتمسك رقبته بيدخل يونس من باب الشركه والكل بيبص عليهم ..
والبنات اللي في الشركه..
بس هو هوا مركز مع روح وروح مركزه معاه بيدخل لمكتب خالد ..
خالد بيضحك: ايه الدخله الجامدة دي يا عم.
يونس بيقعد روح : شوف اختك لابسالي كعب.
خالد: مايصحش يا روح ايه يا بني ماتحبكهاش للدرجه دي
يونس: لا احكبها طالما روح هات الورق يلا. .
خالد : حاضر ..
بيجيب خالد الورق لروح وبتوقعه.
روح : عارفه الحمل تقيل عليك يا خالد شركه ميرا وشركتي تعبينك معانا
خالد: سبحان الله ربنا مبارك في وقتي ومسهلي كل حاجه وقادر ادير الشركتين بدون تعب ..
بيشتالها يونس …
يونس: يلا بقا نروح نتغدي
خالد ضحك: روح انت شكلك اللي غاوي وجع ضهر
روح : ولا انا زي الفراشه رشيقه
خالد: اومال فراشه وهايطلعلها زلومه قريب
روح : شايف يا نمر
يونس: بس يا خالد دي زادت جمال علي جمالها
خالد: طيب يا خويا
خرج يونس من المكتب وهو شايل روح
روح: هو انا تخنت يا يونس
يونس: انت زيدتي
بوزت روح وزعلت
يونس: زيدتي جمال واثارة عن الاول كمان يا ملبن انت وانا ماعتش قادر استحمل
روح: بجد يا نمر
يونس: بجد يا روح النمر انا عمري كدبت عليكي
بيركبها العربيه وبيسوق بنفس السرعه وبيقف عند مطعم بينزل وبيشتالها ..
وبيدخل المطعم بتلاحظ روح الكل بيبصلهم …
بيقعدها يونس وبيقعد قصادها ….
بتبص روح حواليها بتلاحظ بنت بتبتسم ليونس وبتحاول تكلمه وتلفت انتباهه بتبص روح علي يونس بتلاقيه بيبص في المنيو…
نفخت روح بعصبيه.
يونس: تحبي تاكلي ايه
كانت روح مركزة مع البنت وعاوزة تجيبها من شعرها ..
يونس : تاكلي ايه ؟!
بيبص يونس علي اللي روح بتبص عليه بيشوف البنت يونس بيمسك ايد روح وبيبتسم لها : خليكي معايا هنا
بتبص روح للبنت وكأنها بتغيظها البنت بتبصلها بقرف. .
بتقوم البنت وبتعدي من جمب ترابيزة يونس بتحط روح رجليها عشان تنعقلها بتقع البنت علي رجل يونس
بتقوم روح بعصبيه وبتمسكها من شعرها وبتنزل عض فيها وبتتكلم وهيا بتضرب : دا احنا لو في فيلم هندي ده مش هايحصل عملتيها ازاي دي ها عملتيها ازاي يا بت علميني
بيشتالها يونس من فوقها بالعافيه …
روح: جايبلنا الكلام كده .
يونس: اهدي
روح: طلعنا من هنا ..
يونس بيبص للبنت: معلش هرمونات الحمل
بتبص روح ليه: انت كلمتها
يونس: مين …فين …ما حصلش
روح : انت بتخوني
يونس: عليا الطلاق ما حصل
روح: طلقنييييييي
شالها يونس وطلع بره المطعم …
روح: طلقني يا خاين يا ندل
يونس: عشان اعتذرت اطلقك …طب مش مطلق
روح: هاخلعك وتمشي مخلوع
يونس بيضحك : اهدي بقا وقولي هديت بدل ما اروح للبنت اللي جوه اللي كانت بتعاكس
روح: اه وسامتك مقويه قلبك اوي.
يونس: بتتريقي …بالزمه انا وحش
روح: انت جامد جدا وجايبلي الكلام بحلاوتك هلحق اتشاكل مع مين ولا مين
بيضحك يونس وبيركبها العربيه وبيجيب ساندوتشات شاورما وبيروح البيت ..
_________________________
في الليل …بيبص يونس في الساعه
يونس: عدت 12 …يلا ..اما انشوف
بتقوم روح تعيط من جمبه علي السرير
يونس: ايه يا روح النمر
روح: جعانه
يونس: والجعان يعيط
روح: اصلي عاوزه حاجه مش هاتعرف تجيبها
يونس: ليه عاوزة ايه
روح: رنجه …وبصل اخضر
يونس بيضحك: ماتقلقيش انا مالي التلاجه دا عاشر يوم تقولي عاوزة رنجه انا هانزل اجبلك…
بينزل يونس علي السلم وبيجيب الرنجه والبصل وبيقطع طماطم وخيار وبيطلع…
يونس: اتفضلي الف هنا
روح بتبدأ تاكل باستمتاع ..
بتتكلم والاكل في بوقها: فين البيبسي يا نمر فين
يونس: حاضر معلش انا نسيت
روح : ودي حاجه تتنسي
بينزل يونس بيجيب البيبسي وبيطلع ..
روح: ماتاكل معايا يا نمر
يونس: ما انتي عارفه مش بحبها
روح: حبها يا نمر
يونس بيضحك : حاضر
بتخلص وبتغسل ايدها…
روح: عاوزة لبن يا نمر
يونس: لا كده يبقي تسمم عدل لبن ايه
روح : يووووه
يونس: يا قلبي خايف عليكي
روح: ابنك عاوز لبن يا نمر من اولها مش راضي تجيبله
يونس: لا ازاي ..
بينزل يونس يجيب اللبن وبيطلع
يونس بيديهولها: ربنا يستر ..
بتشربه وهيا مبتسمه …
يونس: مش يلا ننام ..
روح: يلا
__________________
بيكون يونس ماسك ايدها والدكتوره بتكشف عليها
روح: ها يا دكتورة بنت ولا ولد
الدكتورة: ولد ان شاء الله
بتبص روح ليونس وهيا بتضحك: بدر يا نمر
بيبتسم يونس: بدر يا روح النمر ……..
لقراءة باقي فصول الرواية : اضغط هنا