Uncategorized

رواية قل لي ما سبيلي إلى قلبك الفصل السادس 6 بقلم سوزان سليمان

 رواية قل لي ما سبيلي إلى قلبك الفصل السادس 6 بقلم سوزان سليمان

رواية قل لي ما سبيلي إلى قلبك الفصل السادس 6 بقلم سوزان سليمان

رواية قل لي ما سبيلي إلى قلبك الفصل السادس 6 بقلم سوزان سليمان

.. كلنا عارفين ان آدم راافض موضوع الارتباط بس لسا مش عارفين السبب اي خلينا نبدأ أحداث الرواية ونشوف اي السبب
… هما وراجعين من الموقع كان في عربية بتلحقهم بس كان ظاهر أن العربية بتحاول تعديهم
حور بقلق… استاذ آدم في عربية بتلحقنا من لما طلعنا من الموقع
ادم بهدوء.. واخد بالي يا استاذه متقلقيش انا هتصرف
. وفجأه العربية تقطع عليهم الطريق نزل آدم بعصبيه وفجأه سكت وحور نزلت عشان تشوف في أي
ادم بعصبيه… انتي مجنونة مين اداكي الحق تلحقيني لحد هنا مين سمح ليكي
… بس انا ليا الحق فيك
ادم بعصبيه…. انتي عمرك ما كان ليكي حق عليا من يوم ما اخترتي إنك تمشي وتسيبيني
…. غصب عني صدقني غصب عني والله
حور هي وبتحاول تهدي آدم.. استاذ آدم أهدأ واسمعها للآخر
ادم وهو لسا متعصب… انتي ملكيش دعوة متدخليش في حاجه ملكيش فيها
حور والدموع متجمعه في عنيها.. اسفه ووقفت تكسي ومشيت
وأدم في موقف لا يحسد عليه وبكل عصبية.. امشي دلوقتي ومش عايز اشوف وشك
… صدقني انت ظلمني ومسيرك تعرف الحقيقة قلتها هي وبتعيط وركبت العربيه ومشيت
… ركب آدم العربية هو وبيسوق بجنون ووقف العربية على الرصيف قصاد البحر ونزل حط ايده على راسه وكل الأحداث بتمر وكأنها فلم في دماغه وفاق لما أفتكر أن أتكلم مع حور بعصبيه ومشيت هي وبتعيط هو مش عارف يعمل اي رن علي على
جه على بلهفه… خير يابني قلقتني عليك
قام آدم وحضنه وحكاله على اللي حصل
على… طيب ممكن تهدي يا صاحبي لزما تنسى لزما تتجاوز كل اللي حصلك صدقني مش هينفع تفضل طول عمرك لوحدك كدا وخايف من الكل مش الكل شبه بعض صدقني
ادم بحزن…صدقني انا مش قادر اخد قرار انا ضعيف واصعف من أني اتجاوز أو انسى كل اللي حصل
على بأسي. طيب وحور زنبها اي هي كانت بتحاول تهديك مش اكتر
ادم.. امال انا جايبك هنا ليه قولي اعتذر إزاي انا عمري ما اعتذرت لحد ومش هعرف اتعامل معاها
على هههههههههههه… انت هتفضل كدا أعلم فيك لحد امتى
ادم بديق… يا على انت شايف ان دا وقت ضحك ولا هزار خلاص امشي انا غلطان اني كلمتك اصلا
على وحس أن آدم مش مستحمل هزار… طيب متزعلش انا كنت بحاول اطلعك من الحاله دي
ادم.. انا اسف بس غصب عني
على بإبتسامه. انت عبيط إحنا اخوات المهم اعتذر لحور بكرا
ادم.. أن شاء الله
… تاني يوم في الشركة كانت حور بتحاول تتجنب انها تشوف آدم أو كانت كارهه شوفته لأن فكرها انهم كلهم طبع واحد ومفيش في قلوبهم رحمه بس الظروف بتيجى ساعات عكس الشخص وخصوصاً أن شغل حور بيخليها تنزل كتير مع آدم
ادم… استاذه حور حضرتك مش هتنزلي الموقع ولا اي
حور بحزن… أن شاء الله اتفضل حضرتك وانا هكون موجوده
ادم وهو حاسس إن جرحها بكلامه… إحنا هنروح مع بعض زي كل يوم
حور هي وبتحاول تكون هاديه.. قولت لحضرتك هكون على الوقت
… بعد جدال قدر آدم يقنعها انها تروح معا وهما في العربية وصل لنفس المكان اللي قلتله انا موجوده لو حابب تحكيلي
حور بتوتر.. حضرتك وقفت العربية ليه دا مش الموقع
ادم… عارف بس انا حابب اعتذرلك عن اللي حصل مني امبارح ممكن تقبلي اعتذاري
حور… مفيش داعي للأسف حصل خير حضرتك
ادم بحزن… كنت صغيره عندي عشر سنين لما سبتني ومشيت كنت متعلق بيها جداً كنت بحب اقعد معاها هي اكتر من ما كنت اقعد مع ابوي وفي يوم صحيت لقتها بتبوس دماغي وبتعيط انا لسا فاكر دموعها هي وبتقولي سمحني ومشيت وانا بعيط وبقولها متمشيش وبعدين كبرت وبابا كان يقولي انها سبتني عشان الفلوس وراحت اتجوزت واحد اغني منه عشان هو فلس ومكنش معا فلوس كتير كنت كل ما أكبر اكتر كل ما كنت بكرها اكتر واكتر بقى عندي مرض من أن أقرب من حد او ارتبط فكرة الجواز نفسها عندي كانت مرفوضه انا دخلت في صدمة قعد اتعالج منها سنه كامله ولا فكرة مره تشوفني أو تطمن عليا ابوي قلي انها سافرت وعاشت حياتها انا لو مديون ليها فأنا مديون ليها لأنها كانت السبب في إني ابقى آدم المهدي وتبقى شركة المهدي أكبر شركة ديكور في مصر كلها كرهي ليها خلاني اقسه ودوس على أي حد ممكن يجي عليا كنت كل ما اتعب أو افشل اقوم وحاول تاني لما أفتكر انها سبتني عشان الفلوس طظ في الفلوس اللي تخلي ام تبيع ابنها وراجعه دلوقتي بكل بساطة تقولي سمحني غصب عني هترجع عشان توجعني وتخليني ارجع لنقطة الصفر انا عشت يتيم بسببها انا كنت كل ماشوف صحابي امهم هي وبتوصلهم المدرسة كنت بفضل ابكي كنت بسمع كلمة امك هربت وسابتك اكتر ما كنت بسمع فيها خلي بالك من نفسك انا لوحدي وهفضل لوحدي ومستحيل اسمحها
حور وهي بتعيط مكنتش تعرف ان الحياة مظلمتهاش لوحدها وان في من الوجع أشكال وألوان مختلفه وكل واحد ووجعه بس مسحت دموعها وحاولت تساعد آدم…. بص يا آدم انت عمرك ما هتقدر تنسى الجرح اللي هنا وشاورت على قلبه بس من حكمة ربنا ان بيخلق الحزن والوجع كبير وبيتلاشي مع الوقت بس بيفضل ندبه صغيرة عشان تفكرنا ديما بالوجع اللي مينفعش ننسى بس صدقني انا واثقه إن مش دي الحقيقة الكاملة وزي ما بتقول ان مفيش ام بتبيع ضناها بالسهل وانك انت محولتش تعرف الحقيقة
ادم… الحقيقه واضحه مش محتاجه ادور عليها وانا لا يمكن اسمحها أو ارجعها على حياتي
حور بأسي… مهما كان دي امك وليها الحق عليك مهما كان اللي حصل هتفضل امك ودي حقيقة لا يمكن إنكارها حاول تشوف الحقيقه كامله عشان متندمش
ادم وهو بيفكر في كلامها.. موعدكيش
حور.. وانا بتمنى انك تحاول ولو مرة
ادم وهو بيحاول يغير الموضوع.. نمشي
حور.. نمشي
يارا… هو ينفع اروح لحور الشغل ياامي
فاطمة… اكيد بس انتي هتعرفي العنوان إزاي وهتعرفي تروحي لوحدك اخاف عليكي وانتي متعرفيش حد هنا
يارا بشغف… لا متخفيش انا ذكيه وحور قلتلي على عنوان الشركة وبعدين اللي يسأل ميتهش وانا حابه اعمل مفاجأة لحور
فاطمه… ربنا يسعدك يابنتي خلاص روحي
يارا بسعادة… ربنا ميحرمنيش منك أبدا
فاطمة.. ولا منك
نزلت يارا وكان من الصعب انها توصل بسهولة وقفت قدام الشركة.. واخيررررا وصلت ياااه دخلت الشركة وكانت بالنسبة ليها غريبه
يارا لياسمين.. السلام عليكم ورحمة الله وبركاته
ياسمين.. وعليكم السلام ورحمة الله وبركاته اتفضلي يافندم اقدر اخدمك بي أي
يارا.. شكراً ليكي بس انا عايزه أقابل حور
ياسمين.. الأستاذة حور مش موجوده انتي تقربيلها
ياارا بتوتر.. اها هي تبقى اخوتي
ياسمين.. طيب اتفضلي استنيها في المكتب وهي زمانها جايه
يارا… شكرا
.. دخلت يارا المكتب وقعدت تتفرج وفجأه دخل على فلفت بخضه
على  واقف متنح من جمال يارا شابه في العشرين عيونها عسلي وواسعة بشرتها بيضاء وشها كله برأ لو شفتها تحسها أن لسا طفله مكبرتش فاق من شروده لما حس برتبكها. احم انا اسف انا كنت محتاج الاستاذه حور في حاجه
يارا بخجل.. انا اسفه بس انا اختها وكنت مستنيها لحد ما ترجع الأستاذة اللي برا قلتلي انها مش موجوده وطلبت مني استنها هنا
ابتسم على طريقه كلمها البسيطة الهادية.. ولا يهمك اتفضلي استريحي وانا هجبلك عصير
يارا… لا شكرا مش حابه اتعبك معايا
على بلهفه… لا طبعاً انتي نورتينا
يارا.. شكرا
حور دخلت في الحظه دي وتفاجات بوجود يارا .. يارا انتي جيتي امتى ماما بخير انتوا كويسين
يارا… اهدي كلنا بخير بس حبيت اجي وشوفك وكمان نطلع نغير جوا
على… طيب انا هستاذن
حور.. شكرا يا استاذ علي
.. على.. العفو
حور… طيب استنى الدوام قرب يخلص وننزل بس حقيقي مبسوطه انك عرفتي توصلي
يارا بضحكه … بصعوبة
حور بابتسامه .. حمدلله على سلامتك
ياسمين.. طيب مش كنتي تعرفيني أن عندك اخت قمر كدا
حور.. اهو عرفتي ياستي دي يارا.. يارا دي ياسمين زملتي في الشغل
يارا.. اها قبلتها وهي اللي خلتني استناكي هنا
ياسمين… حبيبتي نورتينا بالمناسبة عندي ليكي خبر حلو اوي
حور بمرح… خير قولي
ياسمين بسعادة… خطوبتي يوم الجمعة الجاية ولزما تيجى
حور بسعادة.. مبارك ياروحي المفروض يعني الشركة كلها تعرف
ياسمين.. الله يباركلي فيكي عقبالك
في الحظه دي  ويارا بصت لحور وحاولت تغير الموقف
..مبارك يا ياسمين اكيد هنحضر أن شاء الله
ياسمين عقبالك
حور بتوهه… كنت حاسه ان في حاجة بينك وبين الأستاذ علي
ياسمين.. هههههههههههه على مين يابنتي انتي هبله على دا مجرد زميل في الشغل مش اكتر دماغك راحت لبعيد
حور بستغرب… بس كنت حاسه ان في حاجه بينكم من طريقه الكلام
ياسمين بضحكه… لا يابنتي عادي مفيش حاجة واصلا الشركه كلها كانت مفكره زيك كدا بس انا بحب واحد تاني خالص والحمدلله اتقدملي وهنتخطب
حور… مبارك ربنا يتمم فرحتك على خير
ياسمين.. عقبالك
حور بأسي… طيب همشي انا دلوقتى سلام يلا يا يارا 
ياسمين حاسه ان في حاجة حور بتخبيها بس غيرت تفكيرها اول ما الموبايل رن
. يارا… حور انتي لسا بتفكري في
حور بحزن…. في حاجات لزما نفضل نفكر فيها عشان منرجعش نغلط نفس الغلط مره تاني
يارا.. بس صدقيني مش كل الناس شبه بعضها أدى فرصه لنفسك من تاني
حور بابتسامة كدابه…. انا كل حلمي كان بيت هادي مع شخص بيحبني اربي أولادي وكبرهم وعلمهم اشوف الدفاء والعيله حواليا عمر حلمي ولا طموحي مكان شغل ولا مرمطه ووجع قلب بس انا دلوقتى بعيش عكس ما انا كنت بتمنى أو مانا عايزه
يارا بدموع… صدقيني جايز ربنا عمل كدا لسبب أو حكمه إحنا منعرفهاش
حور.. هنعرفها واثقه من عوض ربنا بس يلا نرجع البيت عشان ماما لوحدها
يارا.. ماشي
… عند آدم في البيت
على.. اي يا جدع مرجعتش على الشركة وتليفونك مغلق قلقت عليك
ادم… كنت محتاج ابقى لوحدي
على… مالك يابني حور مقبلتش اعتذارك
ادم وفتكر كل اللي حصل…. لا بالعكس انا حكيت مع حور وعرفت كل حاجه
على وهو في حالة زهول… لا احلف آدم المهدي حكه مع بنت وشركها وجعه لا مش مصدق
ادم وهو بيبيص بنص عين عليه… تصدق انك ديما بتقفلني منك يا جدع نفسي اكلمك مره وتكون جدي فيها ومتهزرش
على. هههههههههههه نصيبك كدا ولو مش عاجبك ممكن تطلقني
ادم.. هههههههههههه والله انت مشكله
على… كل دا عشان بحبك
ادم.. هههههههههههه بس ياعم انت
على بابتسامة… صدقني شكلك كدا احسن
ادم وهو بيشده عشان ياخده في حضنه… صدقني انا احسن بيك انت مش عارف انا من غيرك كنت هبقي عامل ازاي
على… انا عمري كله فداك يا صاحبي بس قولي بردوا مش غريب انك تحكي لحور
ادم بابتسامة… صدقني في كل مرة بشوف فيها حور بتكسر القيود والحواجز اللي انا حطتها لنفسي بحس ديما بشعور غريب مش عارف افسر الشعور دا
على بخبث….. والله وعرفت تحب يا قلبي ولسا هنشوف
ادم قام ضربه بالمخده…. قوم روح يا على قوم
خلينا نشوف بكرا دا حب فعلاً ولا إعجاب وهل حور هتبادله نفس الشعور أو لا وعلى هيقدر يخلي يارا تقع في حبه بكرا نشوف ????????
يتبع…
لقراءة الفصل السابع : اضغط هنا
لقراءة باقي فصول الرواية : اضغط هنا

اترك رد