رواية لقيط الفصل الاول 1 بقلم أمل رجب

نرمين : والعمل يا اسلام الدكتور قال إن مفيش امل للخلفه

اسلام بحزن : مفيش حاجه بعيده عن ربنا 

نرمين : احنا بقلنا 5 سنين متجوزين ومفيش فايدة وكل ما اروح لدكتور يكتبلى علاجات وحاجات وبس وكل دا مالوش لازمه انا حاسه ان عمرى ما هسمع كلمه ماما 

اسلام : خليكى متفائله شويه وهانت والله وهتخلفى 

نرمين بعياط اكتر : انت عامل كدا عشان العيب منى وانت ممكن تتجوز عليا عشان الاطفال صح

اسلام بضيق : انتى كل شويه هتعيدى نفس الجمله دى حاجة تزهق ( وسابها وخرج يتمشي بالعربيه فجأة شاف شاب بيتلفت حواليه وحط حاجه وركب العربية ومشي بسرعه )

اسلام بستغراب : ياترى اى اللفه دى ( ونزل من العربية وراح بتجاه اللفه وقرب منها لاقها طفل اسلام بصدمه واخده بسرعه وركب العربية وراح البيت بصوت عالى : نرمين نرمين

نرمين بسرعه : اى فى اى نعم

اسلام : شوفى لقيت اى 

نرمين بستغراب : اى دا

اسلام : بيبي

نرمين بصدمه : بيبي ولد ولا بنت

اسلام : مش عارف انا كنت سايق ولقيت شاب رماه وجرى بسرعه بالعربيه بس شكلو غنى اوى 

نرمين بزعل : غنى ويرمي طفل لى يعنى اى اللى يمنعو من تربيته 

اسلام : ممكن من ورا اهلو 

نرمين اخدت الطفل وكملت كلامها : اسلام دا ولد

اسلام بفرحه وقرب منه : تعرفي أنه شكلو حلو اوى

نرمين بحب واخدت الطفل فى حضنها : جدا ( وبصت ل اسلام ) تعالى ناخده ونربيه واكتبه باسمك 

اسلام بتردد : تعالى نوديه القسم وهما يتصرفوا

نرمين حضنته جامد وبعياط : لا عشان خاطرى سيبه انا حبيته اوى تعالى نربيه دا اللى هيدخلنا الجنه عشان خاطرى يا اسلام

اسلام بصلها بابتسامه : حاضر يا حبيبتي طالما هتبقى مبسوطه ( نرمين بصتله بفرحه وحضنت الطفل ( بعد مرور 18 سنه يظهر طفل متجه الى اسلام بعياط ) 

يوسف : بابا زين اخد القلم بتاعى 

اسلام بص ل زين : زين أدى القلم ل اخوك

زين : دا بتاعى يا بابا وهو بيكدب عليك

اسلام بعصبية : متقولش على اخوك كداب يلا اديله القلم

( زين بحزن وادا القلم ل يوسف )

كاميليا بزعل : براحه شويه عليه دا مهما كان طفل

نرمين بحزن : والله يا ماما هو على كدا وساعات كتير بيضربه

كاميليا بصدمه : تضربه زين كبر ومينفغش معاه معاملتك دى وايدك دى متتمدش عليه تانى 

اسلام : يا ماما زين على طول بيضرب يوسف وبياخد حاجته

كاميليا : ملكش دعوه دول اخوات وبعاميلك دى هتخلى الاخوات يكرهو بعض براحه شويه عشان نفسيته متتعبش 

( قطع كلامهم دخول كارمن يوسف جرى عليها : عمتو وحشتينى اوى 

كارمن وهى حضناه : وانت كمان يا روح عمتو ( وبصت ل زين ) مالك يا حبيبي اى موحشتكش 

زين بضحكه وحضنها : لا طبعا وحشتنى

كارمن : ياحبيبي ( وبصت لاخوها ومرات اخوها : انا اصلا ماليش غير زين

اسلام بضحكه : وأبو زين اى خلاص اتركن على الرف 

كارمن حضنته : لا طبعا يا حبيبي ربنا يخليك ليا يارب ( وسلمت على نرمين وامها وبصت لزين ) ها يا زين النتيجة طلعت

زين بتوتر : لسه

كارمن بابتسامة : أن شاء يا حبيبي هتعدى وهتنجح ( زين بص ل اسلام وبصلها بابتسامه وسكت )

بعد مرور أسبوع دخل اسلام وقرب من زين

اسلام : انت بتعمل اى

زين : بشوف النتيجه

اسلام مالوش لازمه انا جبتها ( زين بخوف وبص ل نرمين )

نرمين : وعمل اى 

اسلام بعصبية : زفت دى منظر درجات

زين بخوف : والله يا بابا انا كنت بزاكر كويس بس الامتحانات كانت صعبه اوى 

اسلام : انت كنت بتلعب بالزفت دا انا بشوفه فى ايدك ليل ونهار

نرمين : طب هو جاب كام

اسلام : 93%

نرمين : طب مهو كويس 

اسلام بعصبية : لا مش عاجبني ومش داخل دماغى ( ومسك أيده جامد : اسمع انت ملكش خروج ولا مصروف ولا اى حاجه انت سامع ( واخد الموبايل واللاب توب ودخل اوضته زين بص لنرمين بدموع ودخل اوضته نرمين دخلت وراه واخدته فى حضنها : خلاص يا حبيبي متزعلش يا عبيط دانت ناجح

زين بعياط : هو بابا مش بيحبنى لى يا ماما 

نرمين بصدمه من سؤاله : ازاى دا لا طبعا بيحبك دانت ابنه البكرى ومفيش اب بيكره ابنه 

زين : بس على طول بيفرق بينى وبين يوسف يعني لما يوسف بيعمل فيا حاجه بابا بيقولى متزعلش ولما اكون بهزر معاه أو عملت حاجه من غير قصد بيضربنى ويزعقلى هو بيحب يوسف اكتر منى

نرمين بحزن : اهدا يا حبيبي والله بابا بيحبك اكتر من اى حد ( زين سكت وفضل فى حضنها لحد ما نام نرمين باسته من خده ونيمته على السرير وخرجت راحت ل اسلام الاوضه وهى زعلانه )

اسلام بستغراب وراح عليها:مالك انتى تعبانه

نرمين بحزن : مفيش بس زين زعلان اوى

اسلام : هو حر

نرمين : حر اى دا عمال يعيط ويقول انك مش بتحبه اسلام هو انت بجد مبقش تحبه وعايز تمشيه من هنا

اسلام بصدمه : اى الكلام دا لا طبعا بحبه دا ابنى البكرى وبعدين مش عشان زعقتله يبقى خلاص مش بحبه اى الكلام دا يا نرمين

نرمين بحزن : دا مش كلامى دا كلام زين بيقول انك بتحب يوسف ومش بتحبه

اسلام بزعل : لازم اشيل الفكره دي من دماغه 

نرمين بزعل وبصتله : انا راحه عند ماما وهاخد يوسف معايا 

اسلام : وزين

نرمين بحزن : نام

اسلام : وهو زعلان انا مش منبه عليكى ميت مره أنه مينمش طالما هو زعلان 

نرمين : مانت عارفه من صغره لو زعل أو تعب بينام زى ما يكون بيهرب انا خارجه وزين لو صحى وعايز يجى ابعته

اسلام : حاضر هقوله ( نرمين اخدت يوسف ومشت ظهرت عند مامتها )

سالى : امال يوسف وزين فين

نرمين : يوسف برا بيلعب مع ولاد خاله وزين نايم فى البيت

وعد : نتيجة الثانوية العامة ظهرت انهارده زين عمل اى

نرمين بزعل : الحمدلله نجح

ولاء مرات اخوها : ومالك زعلانه لى هو مجابش مجموع حلو 

نرمين:لا دا جاب 93% 

سالى بستغراب : امال مالك زعلانه لى 

نرمين بدموع : اسلام زعقله جامد وهو فضل يعيط ويقولى هو بابا مش بيحبنى لى يا ماما 

مها بحزن : ولى يعمل كدا لى يكسر فرحته 

نرمين : مش عارفه والله يا ماما بيقولى مجموعه مش عاجبني 

سالى : اصلا أعلى مجموع السنادى 98% يعني التنسيق هيبقى فى صالح زين وهيدخل هندسه أن شاء الله

نرمين : أن شاء الله ( وبصت ل ولاء ) زياد عمل اى

ولاء بحزن : اخوكى قلب الدنيا علينا كلنا وعايزه يعيد تانى 

نرمين بستغراب : لى هو عمل اى

ولاء : فضل يلعب ومش حاطط الامتحانات فى دماغه وجاب 81% وانا مش عارفه اتكلم

نرمين بستغراب : الرجاله دول متفهميش دماغهم ربنا يهدى يارب

مها : طب انتى سبتى زين لوحده مع اسلام دا كدا ممكن يضربه يابنتى

نرمين بابتسامة : لا يا ماما اسلام مش هيضربه دا حتى زعل لما سألته أن كان بيحبه ولا لاء

وعد : طبعا مش ابنه وسنده ربنا يهديهم يارب ( عند زين صحى وكان جعان خرج وبصوت عالي : ماما ماما

اسلام بهدوء : تعالى يازين ( زين بصله بزعل وراح له )

اسلام : ماما عند تيتا 

زين بهدوء وحزن : ماشي عن ازنك ( وكان داخل اوضته تانى اسلام مسك أيده وشده قعده جنبه : تعالى هنا انت رايح فين

زين : مفيش بس داخل اوضتى عايز انام ( اسلام اخده فى حضنه وكمل كلامه : انا عارف انك زعلان منى بس انا كان نفسي تجيب أعلى من كدا انا عايز ابنى يكون احسن من الناس كلها ومش عايز حد يتفوق عليك فاهمنى ( زين هز رأسه بنعم )

اسلام بضحكه : اتكلم متبقاش رخم

زين بخنقه ودموع : انا مش بزعل منك أبدا انا بحبك اوى

اسلام وزين لسه فى حضنه : انا كمان بحبك اوى يا حبيبي ( وبصله ) ها قولى بقا عايز تدخل كليه اى 

زين بحزن : لما التنسيق ينزل اول وأشوف مجموعى يدخلنى كلية اى 

اسلام : تعالى نتكلم مش يمكن التنسيق السنادى يكون فى صفك ها قول بقا

زين بحزن : نفسي ادخل هندسه 

اسلام بابتسامة : هتدخل حتى لو مجموعك مجبهاش هدخلك خاص المهم متزعلش وميبقاش نفسك فى حاجه

زين : لا انا عايز ادخل بمجموعى ولو مجموعى مجبهاش هدخل اى كليه وخلاص

اسلام : هتعمل والله اللى انت عايزه المهم هتروح لماما

زين : تعالى معايا 

اسلام بابتسامة : حاضر بس تعالى اول نتغدى عشان انا جعان اوى ومش عايز اكل غير معاك انت مش جعان

زين بضحكه : جعان اوى بصراحه

اسلام : يلا يا حبيبي ( وقامو بعد مرور ساعة ظهر زين و اسلام عند مها )

مها حضنت زين : مبروك يا قلبي عقبال ما تتخرج يا حبيبي

زين بفرحه : الله يبارك فيكي يا تيتا 

نرمين : اكلت يا زين

اسلام : اه الحمدلله اتغدينا سوا 

نرمين : خلاص يعني

اسلام وحط ايده على رأسه زين : اكيد طبعا دا سندى وحبيبي

وعد خرجت بفرحه وحضنت زين : مبروك يا حبيبي

زين بابتسامة : الله يبارك فيكى يا خالتو 

وعد : ناوى بقا على اى اقولك روح فنون تطبيقيه

اسلام بضحكه : لا يا ستى انا ابنى هيبقى مهندس قد الدنيا

سالى : طب تربيه يا زين زى خالتك 

اسلام بضحك و هزار : بقولكو اى محدش ليه دعوه دا ابنى وانا اللى احدد هو يروح فين ( سالى و وعد بصوله بضحكه وسكتو )

بعد مرور أسبوع

نرمين بخضه وخارجه تجرى من اوضتها وبصوت عالي : اسلام اسلام الحقنى 

اسلام بخضه : فى اى يا نرمين مالك

نرمين بخوف وعياط : زين عمل حادثه

اسلام بصدمه : بتقولى اى