Uncategorized

رواية قارئة الفنجان الفصل الثاني 2 بقلم نور شاهين

 رواية قارئة الفنجان الفصل الثاني 2 بقلم نور شاهين
رواية قارئة الفنجان الفصل الثاني 2 بقلم نور شاهين

رواية قارئة الفنجان الفصل الثاني 2 بقلم نور شاهين

بصيت على الفنجان لقيت أحرف بتتشكل بشكل سريع وغريب وكأن ذرات القهوة بتنجذب حبة حبة بسرعة رهيبة 
حسيت بخوف ورعشة بقلبي من منظرها
على قد ما منظرها جميل وهي بتجري ورا بعضها على قد ما هيا مخيفة بنفس الوقت 
مسكت نفسي وشديت ايديا على الفنجان وبدأت أقرأ الحرف الأول وكان م وبعدها و وبعدها ت 
م …. و … ت … موت 
رميت الفنجان من خوفي و بعدت عنه وكأنه وحش و حسيت في حاجة بتخنقني وبدأت أنفاسي تطلع وتنزل بشكل بطيء جداً 
و فلحظة حسيت إني حموت فعلاً 
ساعتها خرجت ماما من المطبخ على صوت الفنجان لي وقع على الأرض وشافتني في الحالة دي
جابت ميه و دلقتها عليا هديت بعدها و رجع نفسي طبيعي 
خدتني ماما بحضنها وقالتلي يمكن عندك حساسية من القهوة و نبهت عليا ما شربش قهوة تاني 
و قالتلي بل بكرا أخدت و اعملك تحاليل ونشوف سبب لي حصل
كانت بتكلمني وأنا ببص على الفنجان لي ظهر فيه خط صغير و نازل منه خط أحمر رفيع جدا 
جيت أقول لماما علي شايفاه بس مقدرتش حسيت إني لساني بقى تقيل أوي وكأن في حاجة منعاني من الكلام 
دخلتني ماما غرفتي وأنا عينيا عليه بحاول افسر حاجة من لي شفتها
بس ساعتها كنت صغيرة و يصعب على عقلي تفسير حجات زي دي
و فضلت إني أنام واتجاهل لي حصل 
غرقت في النوم بسرعة مع إن الدنيا لسا صبح وماليش وقت طويل صاحية 
و شفت في حلمي ثلاث أشخاص ماشيين و حاملين نعش على أكتافهم 
الأشخاص غريبين عني ومش عرفاهم بس البنت لي ظهرت وراهم وشكلها حزين شبهي بالظبط كانت الدموع مليا عينيها و الناس بتبعد عنها وهي واقفة مش قادرة تلحقهم 
صحيت من نومي و الدموع على خدي و طبعاً ما عرفش ليه نزلت من السرير وكانت الوقت داخل على أربعة العصر 
لقيت ماما قاعدة في الصالة و بتتفرج على برنامج الطبخ بتاع منال العالم 
بصت ناحيتي وقالتلي 
تعالي يا حبيبتي طمنيني ارتحتي ولا لسا تعبانة
رحت اقعدت جنبها وقلتها
الحمدلله أحسن بس شفت حلم غريب و عايزة اقولهولك
خير إن شاء الله قولي شفتي إيه 
حكيتلها الحلم و حسيت إن ملامحها اتغيرت و بان القلق عليها بس قالتلي
حتكلم مع الشيخ عبد العزيز جارنا و اسألوا عنه ما تخافيش يا حبيبتي كله خير بإذن الله
مر الوقت وأنا عقلي مشغول و تاني يوم خدتني أمي وعملتلي تحاليل عشان الحساسية وقالولنا
نرجع بكرا عشان ناخد النتيجة
خرجنا من المختبر و روحنا عند الشيخ عبد العزيز 
وحكتله ماما على حلمي بص ليا الشيخ و رجع بص على ماما وقلها لازم نتكلم على انفراد 
وطلبت مني ماما أخرج استناها
خرجت بس فضولي خلاني اتنصت عليهم وسمعته بيقولها
النعش يعني موت حد يقربلي والأشخاص الثلاثة يعني ثلاث إيام والبنت لي تشبهني هي روحي الضايعة
العلم عند الله 
قالتله ماما قصدك إن بنتي حتموت خلال ثلاث أيام و روحها حتوه 
قلها الشيخ العلم و الحياة والموت عند الله بس ده تفسير حلمها 
حسيت بوخز بقلبي و خفت من الموت وخاصة إن مر يوم والنهارده اليوم التاني يعني فاضلي يوم واحد و حموت 
خرجت ماما مسكت أيدي بقوة وخدتني على البيت
و فضلت كل الوقت وخداني بحضنها ولما تسيبني تروح تصلي و تقرأ قرأن و دموعها نازلة على خدودها زي الشلال
اليوم الثالث خدتني نجيب نتيجة التحاليل من المختبر و الحمد لله طلعت كلها سليمة وما عنديش أي حساسية 
وبعدها ودتني مدينة الملاهي و غدتني برا و جبتلي هدوم جديدة و كل شوية تسألني
نفسك في حاجة يا حلولا 
وأنا أقولها لأ لحد ما قرب النهار يخلص وقولتلها
ماما أنا تعبت وعايزة نرحع للبيت و أنام جنبك 
كنت عارفه إنها خايفة أني أموت وأنا نفسي بحاحة
و الحاجة الوحيدة لي كنت عايزاها إني أموت وأنا بحضنها
رجعنا البيت ودخلنا غرفتي واترمينا فوق السرير
ضمتني لصدرها بكل حب وحنية 
و انا كمان لفبت ايديا على رقبتها ونمت وأنا حاسة بحبها و حنانها عليا
مر الليل كأنه دقايق وحه النهار
صحيت وأنا لسه في حضنها بس حضنها بارد بارد قوي
يتبع…
لقراءة الفصل الثالث : اضغط هنا
لقراءة باقي فصول الرواية : اضغط هنا

اترك رد