رواية لعنة جمالك الفصل الثامن والأربعون 48 بقلم منة هشام

انطلق الجميع الي القاعة وتم عقد قران راكان و جُلنار واصبحت المجنونة زوجة الوسيم راكان.. اخذوا يرقصون سلو فرحين للغاية وفجأة نجد غياث ينادي علي سُديم 

غياث : سُديم 

سُديم : نعم 

نزل غياث علي ركبتة وأخرج خاتم غاية في الجمال : تتجوزيني 

سُديم : نعم 

غياث : بقولك تتجوزيني 

بكت سُديم من الفرحة ولم تعرف ماذا تقول 

غياث : بالله عليكِ تنجزي .. ركبتي وجعتني وكمان انا دراعي متشعلق زي ما انتِ شايفة 

سُديم : موافقة 

غياث : وافقت ي مولانا ابدأ الاجراءات بقا 

سُديم : اي دا انا وافقت علي خطوبة 

غياث : وانا قولت تتجوزيني مش تتخطبيلي 

سُديم : طب و جدو

عمر : انا هنا ي روحي .. الف مبروك ليكِ 

سُديم : دا انت مضبط كل حاجة بقا 

غياث : عيب عليكِ هو انا اي حد 

بدأ المأذون في إجراءات كتب كتاب غياث و سُديم 

المأذون : بارك الله لكما وبارك عليكما وجمع بينكما في خير 

جاء المأذون ليغادر و لكن اوقفة جاسم 

جاسم : استني ي عم الشيخ هو جت عليا انا 

المأذون : خير ي ابني 

جاسم : هتقدم للبت بتاعتي واكتب كتابنا احنا كمان 

المأذون : تمام ي ابني 

جاسم وهو ينزل علي ركبته أمام كايرا : تتجوزيني 

كايرا : افكر 

جاسم : لا مفيش وقت للتفكير 

كايرا : موافقة 

جاسم : موافقة نكتب الكتاب دلوقتي ي جاسمين 

جاسمين : يلا حبيبي 

لارا : يلا بقا خليني اكون خيت العروسة 

المأذون : مين وكيل العروس 

يامن : أنا … تسمحيلي اكون وكيلك 

كايرا : طبعاً بسمح هو انا اطول 

بدأ المأذون اجراءات كتب كتاب جاسم و كايرا 

المأذون : بارك الله لكما وبارك عليكما وجمع بينكما في خير 

غادر المأذون قبل ان ينادية أحد أخر ليكتب كتابة 

غياث : اديني ايدك بقا البسك الخاتم 

سُديم : انت واثق من قرارك دا 

غياث وهو يلبسها الخاتم : اول مرة اكون واثق من قراري 

سُديم : انا فرحانة اوي 

غياث : مش اكتر مني 

عند جاسم و كايرا 

جاسم : ايدك 

كايرا : ليه 

جاسم : مش هاكلها يعني … هلبسك الخاتم 

كايرا : خد 

عند بطلنا الوسيم و خاطفة فؤادة 

آصف : ممكن تديني ايدك لحظة 

أماندا : ممكن 

آصف وهو يلبسها خاتم غاية في الرقة يشبهه التاج : دا عشان انا مجبتش خاتم للخطوبة 

أماندا : جميل اوي ي آصف… بس مش غالي 

آصف : لو بكنوز الدنيا كلها ميغلاش عليك 

أماندا : شكرا 

آصف وهو يعطيها المحبس الخاص به لتلبسه اياه : مش هتلبسيني بتاعي ولا اي 

أماندا : حاضر … اي دا اسمي مكتوب عليه 

آصف  : ايوة… شوفي بقا مكتوب علي دبلتك اي 

خلعت أماندا دبلتها وقرأت ما عليها : لست أمام عيني ولكنكِ كل ما أري 

آصف  : دي حقيقة … هاتي البسهولك تاني بقا 

اخذ المصور لهم صور كثيرة وهم يتبادلون الدبل فقد كان شكلهم ملفت للغاية و رائع في نفس الوقت 

بارك لهم الجميع فقد تحول عقد قرآن راكان و جُلنار الي عقد قرآن مجمع 

زين : مبروك ي وحش 

غياث : الله يبارك في حضرتك 

لينا : مبروك ي حبيبي 

غياث : الله يبارك فيكِ ي لينو 

زين : كنت فاكرك بتهزر لما قولتلي 

غياث : اشمعنا 

زين : اصلك كنت مترهبن وكاره الجواز 

غياث : فجأة حبيته 

لينا : مبروك ي حبيبي 

امسك وسيم المايك وتحدث 

وسيم : كُنا جاين النهاردة عشان كتب كتاب راكان بس غياث و جاسم لعبوها صح قالو يوفروا تمن القاعة والمأذون ويستغلوا الغلبان دا… وبما ان العيلة كلها عمالة تتجوز علي نفسها كدا ف جوزوني معاكم واكسبوا فيا ثواب 

زين : خلص ثانوية عامة وبعدين هخطبلك 

وسيم : اشهدوا ي قوم .. قال بعد ما اخلص ثانوية عامة هيخطبلي … لولولولولولولي 

زين : بس يلا بلاش هبل بقا 

وسيم : حاب اهديكم اغنية بقا … وهغنيها كمان 

أجمل فرحة هي

يوم فرحكو ده شيء أكيد

ذكريات الليلة ديه

حاضرة مش ممكن تغيب 

إحساس اليوم ده

مين فيكم ينساه؟

على طول تجمعكو أحلى حياة 

أجمل فرحة في حياتكو الليلة

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

إنتو على سنة نبينا

جيتوا وكتبتوا الكتاب

واحنا طايرة الفرحة بينا

والليلة دي القلب داب 

إحساس اليوم ده

مين فيكم ينساه؟

على طول تجمعكو أحلى حياة 

أجمل فرحة في حياتكو الليلة

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

قولوا ما شاء الله

ويارب تعيشوا أحلى سنين (ما شاء الله)

قولوا ما شاء الله

ويا ما أحلى زوجين صالحين (ما شاء الله)

ربنا يجمعكوا ويا بعض فى الجنة

ربنا يجعلكوا طول العمر متفاهمين 

قولوا ما شاء الله

ويارب تعيشوا أحلى سنين (ما شاء الله)

قولوا ما شاء الله

ويا ما أحلى زوجين صالحين (ما شاء الله)

ربنا يجمعكوا ويا بعض فى الجنة

ربنا يجعلكوا طول العمر متفاهمين 

أجمل فرحة في حياتكو الليلة

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

أجمل فرحة في حياتكو الليلة

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله 

حلوين والله (الله الله)

ماشاء الله (ماشاء الله)

يا سلام يا سلام

متباركوا يا أهل الله

صفق له الجميع بعد انتهاءة ف وسيم صاحب صوت عذب جميل يجعل قلبك يتعلق به 

غياث : أماندا ممكن تغني اغنية لينا 

جاسم : يلا ي موندا 

سُديم : يلا موندا 

كايرا : يلا موندا 

نظرت أماندا الي وسيم فهز رأسه لها بالموافقة فمسكت المايك و بدأت الغناء وكل كابل يرقص علي غنائها و اقترب منها آصف و رقص معها 

أماندا : يا نقاوة عينيا–ياروح قلبي–يا أغلى الناس–معقولة حلاوتك دي–بدوب في إيديك–من الإحساس–يا نقاوة عينيا–ياروح قلبي–يا أغلى الناس–معقولة حلاوتك دي–بدوب في إيديك من الإحساس–لا بنام يا حبيبي ولا بهدى–ولا بقدر أعيش ليلة واحدة–من غير ما أشوفك فيها–هو انت هتيجي كام مرة–في العمر يا روحي غير مرة–وانا عايزة أتمتع بيها–ولينا رقصة–لينا رقصة–أنا وانت مفيش حاجه ناقصة–مزيكا وفرحة كبيرة–خلصانة يا حبيبي كدة خالصة–ولينا رقصة–لينا رقصة–أنا وانت مفيش حاجه ناقصة–مزيكا وفرحة كبيرة–خلصانة يا حبيبي كدة خالصة–ولينا رقصة–سبحان مين جمعنا–حبيبي صدفة بألف معاد–حياتي جنبك ليها معنى–ياريت عمري معاك يتعاش–كان فين حبك من بدري–قلبي من الفرحة بيجري–ع الحتة اللي تكون فيها–اتمنيتك من الدنيا–مش عايزة خلاص حاجة تانية–دي حياتي انت اللي مليها–ولينا رقصة–لينا رقصة–أنا وانت مفيش حاجه ناقصة–مزيكا وفرحة كبيرة–خلصانة يا حبيبي كدة خالصة–ولينا رقصة–لينا رقصة 

صفق لها الجميع و شالها آصف ودار بها عدة مرات .. كان اليوم سعيد للغاية علي الجميع .. انتهي اليوم واتصل غياث علي شركة الطيران وحجز تذكرتين واحدة لزوجتة والاخري لجدها كما اتصل جاسم هو الاخر وحجز ثلاث تذاكر آخري.. نام الجميع وهو متحمس للرحلة غداً .. فغداً يوم مميز سوف يقضونة علي شاطئ البحر في رحلة للإستجمام والهرب من ضغوطات الحياة .. نام الجميع سعيد بهذا اليوم الرائع الذي مر منتظرين الايام القادمة 

في صباح يوم جديد يبدأ كما اعتدنا .. نجد جميع ابطالنا مستيقظين و يحضرون اغراضهم لكي يذهبوا الي رحلتهم السعيدة 

في فيلا الزيني 

في جناح آصف 

آصف : أماندا خلصتي 

أماندا : ايوة 

آصف : هتنزلي البحر ازاي 

أماندا : ومين قالك اني بنزل البحر 

آصف : وسيم قال انك بتحبي البحر 

أماندا : ايوة بحب البحر بس وانا قاعدة ع الشط افضل ابصلة اقوم اتمشي ع الشط ورجلي تتبل انما انزله لا 

آصف : ليه مش بتحبي تنزلي 

أماندا : اصل البحر دا موجة غدار اوي ..وانا صغيرة كنت بحب السباحة اوي وكنت بحب انزل البحر و اعوم لحد ما كنت هغرق بسبب موجة غدارة .. كرهت نزولة بس مقدرتش اكرهه 

آصف : تنزليه معايا .. مش انت بتثقي فيا 

أماندا : بثق فيك … بس لا انا ولا انت لينا حكم علي الامواج .. انا اخري اتمشي ع الشط و رجلي تلمس المياه و كمان اركب المراجيح اللي بتبقي ع شط البحر دي 

آصف : بس كدا مش هتستمتعي 

أماندا : مين قال .. دي متعه بالنسبالي 

آصف : صدقيني هيفوتك كتير 

أماندا : صدقني انت .. انا عندي فوبيا من البحر 

آصف : متأكدة انك مش عايزة تجربي 

أماندا : اسال اي حد في العيلة كدا هيقولك اني استحالة انزل البحر 

آصف : ولو نزلتك البحر 

أماندا : يبقي حققت المستحيل ???????? 

خرج آصف من جناحة مع أماندا فوجد اخوتة ينتظرونهم 

مروج : يلا بقا هنتأخر 

مروان : كل دا تأخير ي آبيه 

أماندا : يلا بينا ع العربية عشان نحكي قصة جديدة قبل ما نوصل المطار 

مروج : طب ما تحكيها في الطيارة 

أماندا : هو انا مقولتلكمش 

آصف : مقولتيش اي 

أماندا : انا عندي رُهاب من الطيارة فببقي خايفة وبعد ما اطمن بنام 

آصف : عايز اعرف انتِ مش بتخافي من اي 

أماندا : مش بخاف منكم 

مروج : مش فاهمة 

أماندا : عندي فوبيا من التعامل مع البشر .. فلو فضلت في مكان في ناس معرفهاش لوحدي لمدة طويلة بخاف وممكن يغمي عليا 

آصف : ليه .. الخوف دا كله ليه 

أماندا : صدقني لما يجي الوقت المناسب هقولك 

آصف : طيب… يلا بينا ع العربية 

كان الحال في جميع المنازل لا يختلف عن حال فيلا الزيني فالكل يتجهز لكي يسافر 

تعالو نشوف هيسافروا ازاي .. راكان في سيارة ومعه جُلنار و والديها و غياث في سيارة اخري ومعه زوجتة وجدها و وسيم و في سيارة آصف كان معه زوجتة واخوته و في سيارة جاسم كان معه زوجتة و والدتها واختها و في سيارة زين كان معه زوجتة و والديها 

في سيارة آصف 

مروج : ممكن تحكيلنا قصة سيدنا موسي مع فرعون 

أماندا : في حكم فرعون زمان كانوا بيقتلوا الاطفال و يغتصبوا النساء فولد سيدنا موسي وكانت والدته خايفة عليه ليقتل فربنا اوحي لها ان ترضعة ومن ثم تضعة في تابوت من الخشب وترمية في اليم و تخلي اخته تمشي مع التابوت لحد ما يقف و وصل التابوت لقصر الفرعون والحرس اخدوا التابوت ودخلوا ل فرعون ففتح التابوت فوجد سيدنا موسي فيه فامر بذبحة ولكن امراتة قالتله ميقتلوش عسي انه ينفعهم او يتخذوا ولداً فظل يبكي لفترة كبيرة و جاؤا له بكل المرضعات وبردوا مسكتش فجت اخته وقالت لهم انهي هتدلهم علي مرضعة كويسة وجاءت والدتة وارضعته فسكت وبكدا يكون ربنا رد اليها ولدها وحماه من القتل 

مروان : عارفة طريقتك حلوة اوي في سرد القصص .. ما تعملي كتاب في حكايات من القرآن هيبقي حلو اوي ب اسلوبك 

أماندا : مش للدرجادي … بس صدقني فكرتك حلوة اوي لو في يوم بقي عندي الشجاعة والقدرة اني اعمل كدا عمري ما هتأخر لحظة واحدة 

آصف : انا عندي استعداد اطبعلك الكتاب وكمان يكون مدعم بالصور و في اسطوانة شرح بصوتك 

أماندا : كدا كتير عليا .. صدقوني هفكر واقولكم قراري 

آصف : منتظر قرارك بفارغ الصبر 

أماندا : شكراً 

في سيارة غياث 

وسيم : غياث 

غياث : عايز اي 

وسيم : شوفت اللي جدك عملوا 

غياث : عمل اي 

وسيم : لقيته امبارح الصبح طالب اوردر .. بسأله دا اي قالي دا iPhone 13 pro max 

غياث : احلف .. جدك جابة 

وسيم : عارفة لما اندهشت وسألته اي دا ي جدو انت جايب الايفون ابو 30 الف .. تفتكر قالي اي 

غياث : قالك اي 

وسيم وهو يقلد جده : اهو اي حاجة تقول الو ي وسيم ….جدك جايب ايفون ب 30 الف جنية عشان يقول الو 

غياث بضحك : يامن دا مشكلة 

سُديم : جدك دا عسل اوي 

وسيم : والله انتِ اللي عسل 

عمر : ولد عيب كدا 

وسيم : جرا اي ي جدو… مرات اخويا في اي 

عمر : احترم نفسك احنا صعايدة منحبش حد يعاكسوا حريمنا 

وسيم : متكملش .. طالما وصلت ل حريمنا يبقي متكملش … اقف ي ابني نزلني اركب مع ابويا وامي ولا اختي ولا اي حد 

غياث : اسكت بقي خليني اركز 

وسيم : طب اركن انت وهسوق انا عشان دراعك 

غياث : يا ريت والله عشان مش قادر 

ركن غياث و بدل مكانه مع مكان وسيم و ركب بالخلف بجوار زوجتة 

وسيم : كله يربط حزام الامان بقا … بسم الله .. استعنا ع الشقا بالله 

انطلق وسيم بالسيارة بسرعة متوسطة وكان يسوق بحرافية شديدة لا تتناسب مع سنة الصغير ( متدرب بقا علي ايد احسن ناس .. معاهم فلوس بقا .. واه عشان السؤال اللي هيجي في بالكم … معاه رخصة سواقة ) 

في سيارة راكان 

جُلنار : ريكو 

راكان : اي ريكو دي انت بتدلعي كلب .. ما تظبطي كدا 

جُلنار : الحق عليا قولت احن عليك وادلعك 

راكان : كتر خيرك 

جُلنار : قولي بقا هنروح فين 

راكان : دهب 

جُلنار : قول والله 

راكان : والله 

جُلنار : تسلملي ي قرة عيني … ابقي كمل جميلك بقا وقعدني جمب الشباك 

راكان : حاضر .. حاجة تانية 

جُلنار : تسلم 

في سيارة جاسم 

جاسم : هو ازاي القمر ساب السما وقعد جمبي في العربية كدا 

كايرا : كيف القمر ساب السما يعني 

لارا : لا تتعب حالك .. هي ما راح تفهم اي معاكسة راح تقولها .. واوعي تلمح لإلها بشى لانها ما بتفهم الكلام العادي فما راتح تفهم تلميحك 

جاسم : انا شكلي اتغشيت .. ينفع ارجعها .. هي لسه في الضمان 

لارا : ممنوع نحنا عنا البضاعة المباعة لا ترد ولا تستبدل 

جاسم : والله دا غش … محدش قالي 

لارا : كان لازم تقرأ التعليمات و طريقة الاستعمال اللي موجودة ع الكاتالوج 

جاسم : هو في كاتالوج 

لارا : اي دا انت مأخدتوش 

جاسم بجدية : لا والله .. محدش قالي ان في كاتالوج لازم اخدة 

لارا : يلا بالشفي 

جاسم : لا انا اتغشيت في الجوازة دي 

كايرا بدلع : جسوم 

جاسم : عيون جسوم وقلب جسوم 

كايرا : هتقعدني جمب الشباك 

جاسم : طبعاً ي قلبي 

في سيارة زين 

يامن : ابقي فهمني ي ابني الايفون دا بيشتغل ازاي 

زين بضحك : خلي وسيم يعلمك بقا .. هو اكتر واحد خبير في الحاجات دي 

يامن : طيب اما نوصل بقا يبقي يعلمني 

زين : اكيد طبعاً 

وصل الجميع الي المطار و قاموا بركن سياراتهم في جراج المطار (واسطة بقا ي جماعة معاهم حضرة الرائد ورجل الاعمال زين الهلالي و رجل الأعمال آصف الزيني… ايوة انا بحب الوسايط بس في الرواية بس مش في الحقيقة ) 

انتظروا حتي معاد الرحلة ومن ثم ركبوا الطائرة وجاء وقت الاقلاع 

بدأت أماندا الارتجاف فهي تخاف ركوب الطائرة 

أحتضن آصف يد أماندا واخذ يطمإنها : اهدي … اهدي ي موندا الطيارة اقلعت خلاص 

هدأت أماندا و سندت رأسها علي كتفه و راحت في نوم عميق … عم الهدوء علي الطائرة فالجميع نائم 

وصلت الطائرة الي دهب ونزلوا وذهبوا الس الشالية الخاص بهم وصعد كل شخص الي غرفتة 

في غرفة آصف 

آصف : جاسم حجز لينا اوضة واحدة عندك مشكلة في كدا 

أماندا : لا مفيش مشكلة 

آصف : طب نامي ع السرير وانا هنام ع الفوتية 

أماندا : لا نام ع السرير وانا هنام ع الفوتية 

آصف : عندي فكرة … اي رأيك ننام احنا الاتنين ع السرير و كل واحد ع جمب 

أماندا : ماشي 

نام الجميع علي وعد ان يلتقوا في المساء لكي يخرجوا ويجلسوا علي البحر 

جاء المساء ونزل الجميع وجلسوا في حلقة حول البحر واشعلوا النيران واخذوا يلعبون .. 

أماندا : هقوم اتمشي شوية 

الجميع : متبعديش 

ذهبت أماندا تتمشي وفجأة سمعوا صوت صراخها يستنجد بهم 

تفتكروا اي حصل مع أماندا ….؟! تفتكروا الرحلة هتعدي بسلام ولا هيحصل فيها حاجة…..؟! تفتكروا أماندا بتخاف من الطيارة ليه …؟!

يتبع..